Noc Noc

營業中

休息中

等朋友收工一齊黎呢間bar食個晚飯，門口上面一個大大招牌，有種簡潔既感覺店內燈光昏暗，每張枱上都會放置一個蠟燭，十分有情調，而且有一個開放式嘅酒吧，可以見到店員調配酒精飲品，感覺幾chill店內仲有兩部大電視，方便客人邊觀看球賽邊飲酒餐牌方面，食物種類都係非常多，主要係食西式嘅食物，價錢亦合理摩天輪拼盤，拼盤有薯角、沙律、炸魚手指、炸芝士條同埋炸魷魚圈，所有炸物都炸得幾鬆化，芝士條仲拉絲tim，而魚手指同魷魚圈都幾新鮮，炸物唔會覺得油膩。小食拼盤仲有三個醬俾我地去點黎食，個醬酸酸甜甜，配炸物都唔錯黑松露元貝軟殼蟹意大利飯，軟殼蟹炸得好脆，好大隻。而元貝爽口彈牙，配芝士幾爽。個人幾鍾意個意大利飯，好重黑松露味，意大利飯軟硬適中，蘑菇爽脆。德國炸豬手，豬手外皮好脆，肉質容易咬開，幾夠味，配埋酸菜食，可以去除油膩感。而且點豬手個汁甜甜地，同豬手幾夾。整體來講，食物質素唔錯，環境好適合一班朋友來飲杯野、傾下計，係一個聚會唔錯嘅選擇

今晚約埋男朋友仔嚟呢度Relax下☺️，因為呢度嘅氣氛很好，環境很舒服，令人好放鬆😊！新界人唔想出到中環蘭桂坊咁遠，就可以來呢間餐廳試吓😌😌💃🏻💃🏻今日試咗：美國安格斯肉眼扒＄218，我哋叫咗七成熟，煮出來剛剛好冇血水又無過熟！肉質鮮嫩，有牛味，推介！🤤🤤🤤意式農莊pizza$88，呢個pizza皮薄香脆餡多，呢個價錢抵食到爆！如果用嚟送啤酒就一流！😋😋南美燒豬仔骨$148，呢個rib 大大件，啖啖肉，肉質柔嫩，食落好juice! ☺️😌一d都唔鞋，加埋佢哋嘅秘製醬汁一流，實太配，原來呢個豬仔骨仲會配埋幾塊薄餅，講真兩個人真係食唔晒！🙈🙈🤦🏻‍♀️🤦🏻‍♀️飲品我哋叫咗： Banana milk shake 🍌 , 呢個香蕉味濃，仲好滑，好快就好容易飲完！唔錯！Cold chocolate drink 🍹, 呢個👌👌值得再嚟relax 下！💃🏻💃🏻😋😋😌😌

今晚傾下計食下飯談下心，去左呢間酒吧😊環境都不錯，有波睇，都有好多款飲品揀，有酒精，無酒精都有朋友叫左杯1664😍😍😍1664唔需要多介紹了😅我自己就叫左杯green apple mojito，杯飲品黎到好靚，飲落好清新，不過下次想試下荔枝既味道😋😋😋叫左呢碟龍蝦汁海鮮意大利麵，入面有青口兩隻，有鮮蝦，有墨魚，洋蔥，味道幾可口，鮮蝦彈牙，份量黎講兩個人已經剛剛好，唔會太多或太少🤗🤗🤗之後呢個係炸魚手指，外脆，入面熱辣辣，質感不錯，好香炸魚味，再加埋個蛋黃沙律醬就一流👍🏻👍🏻👍🏻👍🏻最後呢個豬手，超值👍🏻👍🏻👍🏻又平又好食，唔會太鹹又唔會煮得熟得濟，熱辣辣好味道😋😋整體食物質素幾好，有機會可以再黎過。😼

餐廳雖然位置遠離火車站，不過環境都實在唔錯，座位好多，而且舒服，好有氣氛。炸水牛芝士條一份有六條芝士條，夠哂同朋友分享。芝士條炸得香脆，外層的都衣混合左香草，味道小咸，覺得乾的話可以點一點沙律醬。入面既水牛芝士呈半溶既狀態，好好食。美國安格斯西冷扒一上台已經俾依塊大大既牛扒吸引左，份量十足，足夠兩個人食。配菜有炸薯角同大量蔬菜，蔬菜熱度足夠，同牛扒係好配搭。牛扒係剛好五成熟，肉質細嫩，外層煎得充滿油香，但又唔會過份油膩，保持到安格斯既牛味。荔枝mojito 賣相十分吸引，係時清新既薄荷味中，有陣陣荔枝既甜味，不錯！

凱撒沙律有Parmesan, 醬汁，小粒煙肉粒。碟上有餐廳名noc noc幾可愛。碟細圓形但深碟，都幾多既份量。美國安格斯肉眼扒 12oz，配菜有西蘭花椰菜花 瓜 蕃茄 薯仔。medium熟，有肉汁既！肉厚厚地，煮到內帶生，外肉無焦肉味嫁。近肥肉既位，香口d。南美燒豬仔骨，配菜有小薄餅 沙律菜。好大份，少少香味。食落有d似乳豬味？醬汁唔辣既，但重味。餅點住類似有紅酒嘅醬汁食，還味覺一個清肥味。忌廉烤雞蝴蝶粉，有d菇類在內。好多蝴蝶粉，cream cream地，咬落有口感，軟硬岩岩好呀。烤雞配落，清清地，不及紅肉咁濃。黑松露元貝軟殼蟹意大利飯，risotto愛好者。飯質多黑松露同菇在內既。軟殼蟹炸到脹脹，留左軟殼蟹汁在內，幾特別！元貝有芝士，香口都幾大粒。部分飲品晚上8點前有happy hour price~ 美國手工beer，8%酒精麥味重，不錯濃味。x2喝落比普通常見既啤酒香麥味d。嘉士伯都不錯，有5%，無咁重。依度次所好乾淨！店既設計bar，有一張枱見到係自成一角，帶私隱。

今日入左大埔搵舊朋友食飯，佢話今晚要帶我去chill一chill減下壓入到去，感覺係間氣氛都唔差既小酒吧...播住pop music又唔會太嘈，仲一啲都唔煙，坐得好自在野食都有唔少選擇，主菜、小食、意粉、薄餅、漢堡等等等等樣樣齊最後朋友發板要左個沙律同咸豬手話食完唔夠先再叫，因為呢度食物既份量都唔少話明今晚要chill一chill，咁就當然唔少得叫返杯酒精飲品啦當中都有好多選擇，我地八點前落單仲係happy hour所以會平啲添我地都每人要左杯比較夏日既cocktail朋友點左佢地既“Atlantic Ocean”HKd$58+10%朋友話飲落好重薄荷味，都幾清新，加上藍藍綠綠既顏色都真係幾有海洋feel而我就傳統啲，要返杯“Litchi Mojito”HKd$48+10%飲落酒味唔算太重，荔枝味清新唔假，加上有薄荷葉，所以飲落好fresh拎黎送一陣咸豬手....正朋友點左個“黑松露醬帶子沙律”HKd$88+10%份量都唔少，足夠二至三人分享沙律菜新鮮而且帶子煎得啱啱好~味道都唔錯而主菜就要左個“德國咸豬手”HKd$168+10%，朋友話呢到既豬手好有份量之餘仲燒得好有水準，話我一定要

原來呢度有間平靚正既酒吧餐廳。咁都俾我搵到。餐廳好有酒吧聚會既氣氛，音樂唔算大聲，可以chill下。叫左個德國鹹豬手。成個針板咁上菜。好大份量。豬手炸得超脆，仲好貼心起左骨。豬手肉質有水份，豬皮脆，食到我最鍾意既脆又軟多膠汁既豬皮，好好食。豬手點佢既醬汁，味道好夾。呢個醬汁甜應該係自製，甜得黎又好夾到豬肉。酸菜配豬手，絕呀！叫左個margarita。食豬手點可以唔飲酒。呢杯野酒精夠多，但又唔會苦，味道調得好。食完側邊啲鹽就啱啱好飲完杯野。搭配得超好。野食好食，酒精飲品都高質既酒吧餐廳。係有心思的，下次friday night，呢間走唔甩！

Noc Noc 氣氛唔錯，環境舒適，service好好。如果揸車，可以park車係餐廳見到既位置，唔洗怕抄牌。如果夜晚去最好book位, 今晚我係透過open rice個app 去 book位既，好方便。食物整體都幾好，材料豐富，份量適中。如果唔係份西冷牛扒就over cooked左少少就仲好。fish and chips 既炸魚d粉厚左DD，如果皮可以薄D就仲正。軟殼蟹risotto好香，海鮮天使麵都好正~ Overall幾好！

呢間餐廳冇記錯好似開左唔算好耐，門面都幾清吧feel，又有啲外國人係入面食野，所以我地兩個人都走人去試試 入面唔係好大，但裝修都幾靚，服務都唔錯 在場差不多枱枱都有個摩天輪拼盤，應該係招牌菜式，我地又嗌左一份。個賣相真係好吸引，忍唔住相機食先，哈哈 真係好靚！仲可以轉轉下，滿足邊食邊玩既慾望 第一格有沙律菜比你開開胃，同埋食食下炸物都可以解下膩呢個影得唔太清楚，係炸芝士條，可以拉絲，好煙韌同埋有香草調味 呢個係炸魷魚圈，好好味，咬落仲係好嫩個隻 炸魚手指，熱辣辣，我唔識分佢係用左邊隻魚，但口感並唔係平時我地食平炸魚薯條個啲一咬就散，呢個炸魚手指口感好好 薯角，好香口 呢個拼盤最正係有三隻醬，一定夠你點，三隻醬都好味 另外我地仲嗌左德國咸豬手脆皮，夠味，仲有圖中深啡色既隻醬係好好味，酸酸甜甜，仲有薯角同酸菜伴碟，份量好大 飲品方面我地嗌左兩杯signature cocktail Iceberg Nocturnal 環境同食物都唔錯，服務都好好，整體黎講我地都好滿意

今日相約好友, 一行4人到大埔覓食. 今次揀左西餐, 大家啤一啤, 聚一聚.之前見呢間餐廳不絕好評, 所以黎到一試.等齊腳之制...我已經忍唔住嗌左個小食摩天輪+麒麟生啤.不得不讚佢個小食, 溫度夠熱又唔會油膩. 反而身為酒吧, 但係生啤唔夠冰凍, 就略遜一籌.烤雞凱撒沙律同牛扒都用心製作, 一讚嗯…座位坐得唔係咁舒服，可能我籮柚尖啦

這間餐廳最吸引到我，是因為給人感覺很浪漫，駕車來到大埔，駛經過門口眼見餐廳好似酒吧，但原來內裡是間西餐廳，門外會有位置泊車，但不是錶位，所以都要留意返，附近都有屋苑停車場，但因為門口是開放式設計，都可以睇到泊車位置，所以不用太擔心，餐廳職員很好地說可幫忙留意一下，相當貼心。首先，點了一個很有特色的「摩天輪」小食拼盤，這樣的話一來有得玩二來有得食，很有趣。另外，朋友想吃Pasta，點了「忌廉烤雞蝴蝶粉」，忌廉汁很香濃，份量適中，味道略嫌有略咸，但是不錯的選擇。朋友亦點了一杯「招牌」，當日餐牌還未有的飲品，帶有酒精的咖啡，我沒有嘗試，但朋友說估不到咖啡同酒可以搭配得相當得宜。

終於等到Happy Friday 超興奮！之前聽朋友講大埔舊墟直街盡頭，開咗間唔錯嘅西餐廳，所以見今日星期五咁開心，就同朋友去試吓其實餐廳個位置真係幾唔起眼如果唔係朋友同我講，真係唔知呢到開咗間新嘢！不過正所謂禾稈蓋珍珠要食好嘢就係要捐窿捐罅㗎先搵到㗎啦！哈哈我地先叫咗個牛油果鮮蝦沙律$88！初頭以為會食到新鮮牛油果切片，點知嚟到先知原來係牛油果蓉，擺咗個烏龍雖然牛油果蓉都唔錯，不過如果有得㨂，我會想食牛油果切片多啲！另外佢一碟有3大隻蝦，食落爽甜，配埋新鮮嘅沙律菜，唔錯的。之後就到鮮蝦墨汁闊條麵$98，睇相都見到，每一條麵條都沾滿濃濃嘅墨汁！所以食嘅時候要小心啲，唔係就好易食到個咀烏卒卒㗎啦！ 哈哈！同埋佢除咗蝦之外，仲放咗啲魷魚同菇菇一齊炒，所以配料都幾豐富Happy Friday點可以唔啤啤佢! 但齋飲比較寡，飲飲吓就會牙痕想食嘢，除咗配花生外，我最常配嘅就係炸薯條$68！呢到嘅薯條係我至愛嘅連皮粗蘿有樣好，除咗茄汁外，仲有3個醬可以點，芝士醬、黑松露醬同蜜糖芥辣！咁啱呢3款醬都係我平時鍾意食嘅醬！所以一路食，側邊嘅朋友都忍唔住問我：你係食醬定食薯條？哈哈不過我最鍾意係佢個黑松露

在大埔太和的附近，說得上好吃的餐廳不算太多，今天在太和站附近走了一陣子，就找到Noc Noc 這間mini bar, 把酒聊天吃吃飯。作為閒日夜晚，餐廳人數都很多，十分熱鬧。二人前的選擇都很多，首先來一個前菜 -- Mozzarella Stick 炸水牛芝士條$48 芝士味十足，但又不會感到很 "漏" , 隱不隱世就不清楚，但拉絲是有的。Shrimp and Avocado Salad 牛油果切蝦沙律 $88一上菜，就見到三大隻大蝦在沙律上面，而沙律的底層就有大量牛油果，大蝦蝦膏味很足，所以十分好吃，而牛油果亦配搭很好。蝦身很厚肉最後 餐廳都有提供All day breakfast這個 The Big Boy Breakfast $78 價錢來說，十分相宜。而炒蛋、薯餅亦值得一讚，而食物搭配都很多，所以值得一讚

第二朝唔使返工，夜晚都鍾意出嚟飲吓嘢，好在最近多咗朋友仔搬入嚟大埔，咁我地就可以多啲同酒精 say Hello啦!Margarita $62，各處鄉村各處例，上次銅鑼灣飲係紅色嘅，今天大埔飲係 fresh green 味道一樣咁好。有酒當然又要有雞翼啦 雞翼三重奏 $78雞翼炸得外脆內鬆軟，最緊要就係有三款唔同嘅醬汁，變奏出三種不同的味道其實唔係太肚餓，不過飲酒真係好想食啲熱氣野摩天輪拼盤 $138又好睇又好玩又好食，最鍾意佢個芥末蛋黃醬同埋個摩天輪真係識轉架食晒好重嘅炸芝士條，摩天輪就緩緩向上升，好卡哇伊呢！跟住炸薯角就會墜落嚟，我哋就可以一格一格慢慢食，炸魚手指加沙律醬更加係我嘅最愛然後再見到一啲特色 dish, 忍唔住叫來試吓，墨西哥鐵板烤雞 $98鐵板上熱辣辣仲有墨西哥薄餅，烤雞好味之餘，配埋旁邊特色嘅芝士醬同埋牛油果醬，加埋香料味，真係好友異國風情去完墨西哥再過意大利意式農莊薄餅 $88。皮薄又多餡，熔岩芝士加上脆皮pizza, 好食過連鎖店的很多很多意大利跟住再落 Germany 🇩🇪 德國鹹豬手 $168豬手嘅鹹香，脆皮嘅骨膠原，仲有香口嘅薯角同埋特製嘅酸椰菜今晚真係完美

要食得飽又要近，呢間餐廳絕對係一個唔錯嘅選擇！雖然看似一間吧，但食物質素一啲都唔似係一間吧嘅水準，同去了出面餐廳吃得到嘅味道有得fight!個人最愛吃雞翼，這裡嘅單骨雞翼$58，絕對係佐酒佳品，外面香脆可口裡面雞肉嫩滑，一啖入口就將隻單骨雞翼完成！當然唔係咁就完，重有最愛嘅雜錦德國腸拼盤$118，一食佢嘅時候就回想起在德國吃到嘅感覺，有幾款唔同口味，有大有細，有啲皮脆肉質彈牙，有啲皮較薄，而腸身充滿香草香味，配埋個大利粗身嘅薯條，簡直就係最好嘅配搭！而較吃得嘅我就點多個龍蝦汁燴海鮮天使麵$98，就咁望都覺得材料十足，當然入口時更能體會到個龍蝦湯汁配埋彈牙嘅天使麵啦！而彈牙爽口嘅去彈牙爽口嘅大蝦、青口、帶子等都煮得夠晒味道！而吃得較清淡嘅朋友就點了個凱撒沙律$58加多$28就有煙三文魚吃，大大塊卷成朵花嘅形狀，入口啖啖肉，而個沙律菜爽口鮮味！確實係一個開餐好地方！