Neko Puff (已結業)

屯門朋友話屯門除咗牛外，近來多了個名物— Neko Puff 既拿破崙，佢試過覺得好好味所以買咗個送比我🥰網上一搵，原來Neko Puff 既拿破崙系列剛獲得由瑞士著名甜品品牌La Rose Noire舉辦的 LRN Worldwide Instagram Contest 30th Competition 世界賽冠軍。一共有12款口味，朋友就送咗荔枝香檳果凍芒果拿破崙比我，一拎上手時就知真材實料，因為真係好重手。因為係一小時即叫即焗，好新鮮，所以一打開個盒就聞到好香，佢個cream 好滑身，仲加入咗芒果肉，可以減低肥膩感，而且啲芒果好甜好好味，面頭既啫喱有淡淡既荔枝香檳味，幾fresh，而個酥皮即使拎到返屋企都好酥脆，無影響個質素。屋企人好鍾意，仲指示我有機會再去買返黎,作為孝順女既我當然照做，搵機會再去買啦😂

雖然佢哋建議食用方法係即日食 但係我擺咗晚落雪櫃 第二日食 酥皮依然係好酥脆 牛油味仲非常之濃郁🧈夾層嘅忌廉 牛奶味超出 而且好軟滑🥛揀左焦糖燉蛋味 真係有舊焦糖燉蛋喺入面🍮口感好豐富 又唔會太甜膩 好食😋

呢間喺屯門嘅拿破崙蛋糕店🍰係攞過獎🏆真係好勁 果然係高質～酥皮牛油味濃🧈而且仲非常之酥脆💓揀咗焦糖燉蛋味 內餡除咗夾住軟滑清甜嘅忌廉 仲有焦糖燉蛋🍮口感真係好豐富🥰

屯門開咗呢間得獎拿破崙店就成日都見到好多人介紹～ 呢到嘅拿破崙有好多口味，除咗常見嘅生果口味，仲有紫薯、伯爵茶無花果、荔枝香檳果凍、牛乳燉蛋白同焦糖燉蛋！不過Neko Puff重視一小時即叫即製，如果想即買要留意返🤔 建議預留時間買/提早訂定😎•🥢 焦糖燉蛋拿破崙 $308 (1磅)蛋糕唔算大，夠分到4件～ Cream好香滑，輕盈唔膩，中間有燉蛋味嘅吉士醬同埋焦糖醬，但焦糖醬份量唔多，所以都唔會太甜👍🏼 整體都係燉蛋味+cream味比較出，貪心啲就想要焦糖味再濃多少少😜 酥皮比平時食開嘅唔同，鹹香味比較重，但酥皮有啲厚，可能拎返屋企後雪咗一陣嘅關係，有少少韌咗，同有啲難切開，一切就「咇」晒啲cream出嚟🫣

今日去左屯門市中心閒逛，行行下見到間蛋糕店既蛋糕款式幾特別，就俾佢吸引左，之後仲發現原來有拿破崙蛋糕，仲可以即叫即焗，只需要1小時前預訂，真係好吸引呀！於是我就決定買個返屋企開心share，但有成13款咁多，要決定買邊款都好頭痛，最後我就簡左韓國草莓麻薯拿破崙，店員仲話佢地既拿破崙蛋糕拎左世界賽冠軍添，真係好期待呀！返到屋企就急不及待拎出黎試食，酥皮層層分明，一刀切落去可以聽到「卡察」既聲音，食落酥皮入口即碎，非常鬆化，牛油味香濃，忌廉入口軟滑，奶味濃郁，麻薯包住豆蓉，煙煙韌韌，可以增加口感增次。原來佢地仲有送貨服務，真係好貼心，下次再想買就吾洗長山水遠入屯門喇！

📍地點： 屯門🐷店名： Neko Puff🍰 伯爵茶無花果拿破崙 $308小編最近愛上拿破崙蛋糕，見網上標榜依間曾經得獎同即訂即焗，所以就買黎試下。側面睇就睇到蛋糕既酥皮非常薄，層次分明，入口亦相當鬆脆，鍾意食酥皮既朋友仔必試！中間加左伯爵茶忌廉，茶味突出，夾雜住清甜既無花果肉，口感豐富，估唔到伯爵茶同無花果可以咁夾，甜而不膩。==============================🐷❤️🐷店名： Neko Puff地址： 屯門屯順街1號屯門市廣場1期1樓Kiosk 7號舖交通： 屯門站B出口，步行10分鐘

今日為了慶祝老公生日🎂，落左屯門 Neko Puff 買拿破崙蛋糕。Neko Puff 對我地訂生日蛋糕黎講，簡直係恩物。因為佢地有一小時訂蛋糕服務。😌👍🏻唔記得訂蛋糕都唔怕俾人話。我落到去訂完行陣就可以攞到餅返屋企交差，方便😌👍🏻👍🏻買了個鮮芒果拿破崙蛋糕送俾老公大人，老公一收到馬上打卡。📸📸成個拿破崙好簡單：酥皮、忌廉、芒果，仲有小小藍莓同埋白朱古力陪襯。每層既忌廉都夾有大量芒果，而且仲好甜。食蛋糕經常好怕食到酸既芒果。酥皮好夠厚身，又唔會好油膩。又過一關，求生意慾 MAX

屯門拿破崙衝出香港🏆成日見到大家都推呢間既拿破崙，搞到我心思思好有興趣，我家姐身為新界人所以叫佢帶我黎買個食，不過由於佢遲到得我一個係屯市迷失左方向，係咁問人終於搵到啦！身為選擇困難症既我，見到menu真係打左個特，冇諗過拿破崙會有咁多口味🤡口味有伯爵茶無花果、玉桂蘋果、沖繩紫薯、香蕉麻糬朱古力等等拿破崙大部分食材均由法國直送🇫🇷專門店推出12款唔同口味既拿破崙，由於即叫即焗最快1個鐘就有得攞，屯市咁大1個鐘好快過啦！然後係附近行左GU、MUJI、Donki行行下已經夠鐘😂😂😂本身諗住堂食，但係疫情下都係攞返家姐屋企一齊食穩陣d😌尤其夏天，如果大家冇咁快翻到屋企，記得比HKD20購買冰袋，個冰袋Tiffany Blue色好靚，不過大得濟我超驚撞爛個拿破崙.Give Me Two HKD348拿破崙有分1磅、2磅同3.5磅，啱曬一家人或者一大班朋友開party一齊食，今次1磅3個人分都食唔曬，建議可以4個人食！咁多款口味之下選擇困難症又發作，而佢第13款就可以滿足心大心細既人，可以揀2款口味🥰我就揀左法式栗子拿破崙同鮮芒果拿破崙🌰🥭由於有兩款口味，以為會一邊一隻味，點知佢中間既夾心係調轉

為咗可以食到咁新鮮既拿破崙，係要預訂🙌🏽🙌🏽因為佢地會跟返個時間一小時前先焗好😙💕有勁多味揀～最後聽媽媽話，㨂咗個特別既味道。。。。焦糖燉蛋拿破崙 $308個餅好脆，都未切好我已經偷食咗舊Cream😳😳😳被驚豔到！真係焦糖燉蛋既味～🤩🤩好綿滑，呢個係四人份量既關係可以全家都食到，媽媽一路食一路「嗯～好味～嗯～好正」😂😂😂笑死我😆除咗生日食蛋糕之外，都可以用拿破崙去取代，好新穎🤩又靚個樣🤩🥰佢地都可以加生日牌🎂🎂📍 Neko Puff (屯門)屯門屯順街1號屯門市廣場1期1樓Kiosk 7號舖

Neko Puff 首創的一小時即叫即焗拿破崙，啱啱榮獲由瑞士著名的甜品品牌La Rose Noire舉辦的 LRN Worldwide Instagram Contest 30th Competition 世界賽冠軍🏆仲有好多款式揀，13款拿破崙嘅造型都好精緻，加上大部分食材都係由法國直送，用料優質之餘，更保證新鮮鬆脆，包括：1️⃣ 伯爵茶無花果拿破崙2️⃣荔枝香檳果凍芒果拿破崙3️⃣ 法式栗子拿破崙4️⃣ 沖繩紫薯拿破崙5️⃣ 黑朱古力咖啡拿破崙 6️⃣ 紅豆麻薯鮮果拿破崙7️⃣ 香蕉麻薯朱古力拿破崙8️⃣ 鮮芒果拿破崙9️⃣ 韓國草莓麻薯拿破崙1️⃣0️⃣焦糖燉蛋拿破崙1️⃣1️⃣ 3.6牛乳燉蛋白拿破崙 1️⃣2️⃣ 玉桂蘋果拿破崙1️⃣3️⃣ Give Me 2 【自選兩款口味拿破崙】如果係貪心嘅你，可以揀Give Me 2，自選兩款心水口味，啱哂心大心細有選擇困難嘅你😄👱🏼‍♀️選揀左荔枝香檳果凍芒果拿破崙$3581磅裝嘅拿破崙都已經係3-4人份，酥皮較一般嘅厚身，帶來更多嘅層次感，三層酥皮中間夾住厚厚軟滑嘅忌廉，餡料甜度適中，有啲芒果肉，頂層仲有唔少荔枝味嘅果凍，豐富左整個蛋糕🎂唔知係唔係拎左返去之後放左喺雪櫃幾個鐘，所以個酥皮冇我想像中咁

住喺大西北點會唔試吓呢間剛榮由瑞士著名甜品品牌La Rose Noire 舉辦的世界比賽仲拎到冠軍🏆❤️‍🔥Neko Puff 首創即叫即焗拿破崙，只需要1小時預訂就有得拎，保證新鮮鬆脆😋訂單近乎日日爆滿，瘋魔一眾拿破崙控。12款拿破崙造型精緻高雅，加上大部分食材均由法國直送，用料優質，有經典傳統口味也有自家創意新口味～💛Give Me 2【自選兩款口味拿破崙】$348 1lb （2-4人）太多口味選擇就會三心兩意，呢個可以一次過品嚐兩種味道，揀咗焦糖燉蛋同鮮芒果味道，一打開盒「嘩！」咗一聲，好靚呀！三層烤到金黃色的酥皮，中間夾住兩層厚厚既cream。拿破崙即使拎到返屋企依然是香脆☺️酥皮層次分明，鬆化香脆，牛油味香，如果細心觀看拿破崙蛋糕，可以看到酥皮層層分明，像蜂巢狀，配搭軟滑香甜芒果吉士奶香同焦糖蛋香Cream，滋味醉人🤤太好食關係本身2-4人份量，我一次過可以食咗半個蛋糕😝鍾意拿破崙嘅朋友一定唔可以錯過😍

聽聞呢間店喺世界賽入面拎過冠軍而且又見網上好多人食完大讚被驚艷到好似好犀利咁啵 一於試下佢咩料先🤪邊個話一定要生日先可以買蛋糕食？😏******************************食物：🍰伯爵茶無花果拿破崙 ($308)雖然有12 種口味揀 但茶控好快就揀定咗口味😎佢地嘅拿破崙主打全部都係即日新鮮製造特登提早預訂咗 去到時蛋糕仲喺廚房整緊大約等多5分鐘 就新鮮出爐喇❣️見到佢咁靚真係忍唔住即刻影相打下卡 準備嚐鮮😋呢個3層嘅拿破崙蛋糕層次分明只見金黃色嘅蛋糕面層 已經鋪咗伯爵茶圈圈cream上面仲有好多無花果同藍莓作點綴🫐令賣相睇落更加吸引💕而拿破崙每層中間都夾滿咗濃厚嘅伯爵茶cream 視覺上真係好澎湃❣️切開時 啲cream一路必出嚟要一路切一路偷步食🤪伯爵茶cream茶味香濃 甜度亦啱啱好☕茶控食完表示覺得好滿足👅而佢個酥皮真係好香脆好鬆軟💕入口有好重嘅牛油香味 少少咸多多脆咁夾埋無花果一齊食 清清哋可以中和返啲cream同牛油嘅膩今次真係有少少被驚艷到❣️忍唔住想食多幾啖😋 本身唸住食少少帶返去share 比其他人點知最後2個人KO晒成個蛋糕🤣食完都覺得自己好誇張好癲好痴

我地兩姐妹都好鐘意食拿破崙嫁 ❤️前排見到人介紹Neko puff -佢地首創一小時即叫即焗拿破崙 岩岩仲拎左世界賽冠軍🏆拿破崙大部分食材均由法國直送 用料靚之餘仲新鮮鬆脆🤤咁吸引😍我地梗係要買返一個黎試下啦❤有12 款唔同口味🥰隻隻味都好想試最後揀咗Give Me 2 $348 1lb可以自選兩款口味岩哂我地依d心大心細既人可以試多款口味😜今次我地揀左韓國草莓🍓麻薯拿破崙拼伯爵茶無花果拿破崙 外型精緻仲好足料有三層酥皮 切開酥皮 層次分明 口感好鬆脆 牛油味香濃 頂層有韓國草莓🍓同忌廉重有無花果作點綴中層夾住伯爵茶忌廉同無花果果肉低層夾住忌廉同韓國草莓🍓果肉仲有麻薯忌廉幼滑 帶陣陣伯爵茶茶香 另一款就香濃奶味 重點味道唔會太甜 加上新鮮香甜草莓🍓同清甜無花果口感豐富 食完唔會覺得好膩😚

我好少入屯門，朋友仔話我知屯門巿廣場有一間可以一小時即製既拿破崙專門店，仲係有拎過獎𠺢🏅所以都想買黎試下，口味選擇都多，見佢有個Give me 2可以同時選擇二款口味，我選要左無花果配黑朱力咖啡🤭落完單我選擇喺附近食嘢，食完時間岩岩好可以拎😬熱辣辣入盒就拎走，返到屋企都無等就食喇😂拿破崙個皮做得好鬆脆，唔會好容易散開，上面既生果好新鮮，第一層係原味cream ，打得好輕入口唔會好膩，第二層係黒朱古力咖啡，中間有二粒大既黑朱古力，咖啡味都好出，如果喜歡帶甜咖啡口味既，不妨一試！

人氣拿破崙蛋糕，Neko Puff 剛榮獲La Rose Noire舉辦的 LRN Worldwide Instagram Contest 30th Competition 世界賽冠軍今日終於買到嚟試，作為飯後甜品，氹得家中兩老非常開心😂 突然覺得自己好孝順😂有13種口味，每樣都好靚好想試最後訂咗 - 焦糖燉蛋拿破崙（$328 一磅）拿破崙中間用夾左雲呢拿忌廉同焦糖燉蛋，味道唔會太甜，蕉糖燉蛋好香滑，夾埋忌廉口感更香滑順喉，脆皮就算放左陣都好酥脆，好有牛油香。Taste : 7.5/10 Service : 7.5/10 Environment : 7.5/10Revisit : 7.5/10📍 Neko Puff屯門屯順街1號屯門市廣場1期1樓