Natural Chiffon

營業中

休息中

原先打算在小兒甥女十二月的兩歲生日時買些特色造型蛋糕為她慶祝，選定Natural Chiffon，家人一直對她所賣的可愛cupcake情有獨鍾，早早已想一試，幾天前還在討論之際，意想不到在筆者農曆生日這天，眼前出現了驚喜! 沒錯，店中總共提供21款cupcake口味，我們選著當中全由店員推薦的13款。盒子打開的一迅的確心醉死了，cupcake面層奶油繽紛嬌媚，唧花各具特色，形態各領風騷，放在面前的13個杯子蛋糕尤如一片溫馨花海，美得有點不真實、完美得像裝飾品或小擺設，試問漂亮的又有誰不感動容? 我的確被這些小可愛迷倒!雖注重外觀但也要擁有內涵，一般的cupcake賣相吸引但甜度驚人，亦吃不出真味，通常是令我卻步主因，家人看準Natural Chiffon標榜無添加任何人造色素、香精、乳化劑、防腐劑，更是低糖製作，擁有著所有人們渴求的飲食元素，似乎是內外兼備的小妮子呢。面頭忌廉唧花全是人手製作，除賣相精緻可人，心思誠意就滲入其中，以蛋白與忌廉作基底的奶油，質地輕柔軟滑，像吃軟雪糕般幼細口感，配入法國入口果蓉更多顯矜貴。底層牛油蛋糕分原味與朱古力味，採用傳統製法，質感紮實，未至如坊間說的口

呢間CUPCAKE店起銀城廣場地下, 行過好幾次, 又望過好多次都無買到~~~  (我初初擔心得個樣好難食, 一直唔敢試)最後, 都係忍唔住買左黎試喇~~~~ 外表實在太吸引女孩子了~~~ *V*顏色好靚, 吱花又好靚, 款式又好吸引~~~~~ $15/個 (呢到既CUPCAKE 賣點係不加香精, 色素同防腐劑, GOOD)試左兩隻味, 第一個係"朱古力榛子口味", 呢個外表唔算好精緻, 但好食, 忌廉下面個係朱古力味蛋糕, 再加埋朱古力榛子味既忌廉, 忌廉是比較挻身的, 不是軟軟的, 我覺得不錯不錯~~ (呢個口味係我心水推介^^)第二個係"綠茶口味", 呢個外表好精緻, 但唔好食, 忌廉下面係原味蛋糕, 加埋綠茶味既忌廉, 口感同口味不是太夾呢~ = = 對呢個GREEN TEA CUPCAKE有D失望... 食完有D失望

走進廣場地庫就被一個個可愛的cup cake吸引着每個cup cake都有其獨特的形狀有的像花,有的像箭豬而且有很多不同味道供選擇有選擇困難症的我真的難以决擇...花了一段時間(遭朋友白眼下)我最終選了 玫瑰紅桑子荔枝味奶油很滑但可能因為放在雪櫃有一段時間它已不是柔軟的狀態奶油帶有紅桑子微微的酸味及淡淡的玫瑰味 味道適中 不會太甜下面的蛋糕是一般的蛋糕沒什麼特別一口咬下去奶油的味道不會被蛋糕搶走唯獨是蛋糕太硬了...下次一定要嚐不同的味道!!!!!!!!!!!!!!!!!!!!!!!!

28-5-2013 (Tue)到女同事WF最後一日o係呢間公司返工,佢一早返o黎時已經拎著好多盒o野,估唔到開工冇耐佢就派餅喇.佢拎第一盒畀我時,已經有兩個同事攞o左,原來係cup cake,啲樣好靚呀!就算呢盒剩返7個我都影o左先.女同事ES問佢o係邊o度買,佢就答o係呢o度.我影完就揀,真係靚到” 揀唔落手”呢,我就貪心啲,揀一邊綠一邊白o既呢個,ES就揀正中間,粉紅色應該係玫瑰味o既o個個.影埋我o個個就食喇,可惜我冇帶相機,用電話影到out focus,真係o徙晒咁靚o既cup cake呀! 好,食喇,綠色o既cream好明顯係綠茶,呢個綠茶味淡淡的又唔太甜,質地係滑滑,而件cake就食到有蛋味,對比起質地係o鞋啲同膩啲.而我亦都有問ES o個件點?佢答佢o既真係玫瑰味,食到淡淡玫瑰味,不過都幾甜.題外話:最衰男友呢晚又要OT,否則我o地會同男友人LKH慶祝生日,咁我就會帶定相機,同放工後o係o度買cup cake幫佢慶祝.

食過幾次Cupcake，比我既印象係---甜, 好甜, 非常甜。但旺角呢間cupcake店，主打天然材料- 無人造色素無香精......令我心思思想試一試每件cupcake都好似一朵朵花咁，夠哂賞心悅目 選擇困難症即時發作，最後揀左平時少見既味道奶油打得很滑，帶有清甜既橙同熱情果味，唔會有種好假既甜味。蛋糕味道亦做得不錯呢~下次買個box set黎當生日蛋糕都唔錯丫~

有日經開旺角記得有間可愛的cup cake店就去買來試試, 其實都係貪得意, 一向對cup cake感覺得個樣, 有些裝飾重colourful到有點嚇人.這間的外表已非常可愛, 有隻非常cutie的小箭豬, 其他大多數是美觀的花形. 顏色比較正常, 唔會過份浮誇.味道無諗過咁好味, 小蛋糕是根據返挑選的味道, 而且不會太乾食到塞住喉嚨, 店員介紹雪過後最好等一陣先食, 不過我依d心急人又點會等, cream未溶, 雪到已不是cream的軟身狀態, 但又不至於過硬, 是我喜歡亦接受的質感.左上開始係, coffee, chocolate, green tea & peanut, 每款都十分香濃味, 不過另一半話朱古力味過濃, 但我又喜歡喎.花生是貪可愛才揀的, 平時都不會選擇這種味, 但出奇地食到很出的花生醬味, 感覺又很喜歡呢!下次一定再試其他味! @$15/

與友人行街時,見到途人手上拿著一個膠明蛋糕盒, 這時已被盒中既cup cake 所吸引~~忍唔住上前問下係邊度買, 咁就走左黎依個舖頭, 試一試佢既cup cake~~印象中既cup cake 上面舊cream會係勁甜勁"漏"~~但依間舖既cup cake 完全係另一回事~~我地買左兩隻味試, 一隻係朱古力榛子, 一隻係開心果~~朱古力榛子既cake 底係用朱古力CAKE , 味道感覺似brownie~~而開心果就用普通原味既cake 底~~先食朱古力榛子, 已被濃濃既朱古力味吸引, 上面既cream 硬度適中, 仲有朱古力粒係cake裡面, 兩樣野夾得好啱, 好好味~~食到一半, 發現唔妥喇, 食完個咁濃味既朱古力, 咁食左開心果未會感覺好淡味囉但一食開心果味時, 我知我估計錯誤了~~~原來簡簡單單既cake 底, 再加上個超香開心果味既cream, 真係另一種感受~~完全無因之前食朱古力cup cake 已蓋過~~~實在太好味了~~到而家我估回味緊, 諗緊下次買邊隻味試食好~~

在油麻地買過材料，折返旺角乘車歸家，突然想起去年同月初嚐的這家Cupcakes，於是便同家母來挑數件外賣歸家。價錢與去年同樣售，每件售$15，款式同樣目不暇給，這次同樣選了四款。這家店的Cupcakes特點在於「無添加的天然美味」和精緻的花藝賣相。四款的蛋榚底大同小異。都是原味，甜度不高。質感上，不特別鬆軟，亦欠濕潤。不是雪芳蛋榚亦不是美式鬆餅，只是普普通通的海綿蛋榚。蛋榚底不出色，決勝點就在面頭的奶油忌廉。蛋白奶油雖然賣相較平凡樸素，但是純白的奶油忌廉正正是吸引之處，是一朵可人的白玫瑰花。牛油味不重，未能突出蛋白味，不過蛋白本來就沒甚麼濃郁的味道，不可能與甜味和牛油味相比。口感相當的厚，油份不算多，吃多也不見膩。雲呢拿這款是去年嚐過的其中一款，個人口味偏好雲呢拿，所以每次來都必買的。有可見的點點雲呢拿籽，鮮明的雲呢拿味而不過份濃郁是我喜好的。若然蛋榚底能更鬆軟濕潤，再加點層次，美味程度定必提升百倍。玫瑰紅桑子真正的一朵玫瑰花，粉紅玫瑰奶油忌廉同樣細滑，淡淡的玫瑰香味，微微的桑莓酸味，的確頗為搭調的。這種玫瑰味令我想起當年買了樽揮發性香薰，家母說味道像印度人的味道。也對，印度人很喜歡玫

次次朋友生日都買蛋糕...食都食到厭哂....咁岩上網睇見有人介紹....價格相宜....決定一試...未食之前都已經值回票價....個個都搶住黎影...左影影右影影一輪終於食得喇....大家一致認同...睇得又食得....唔洗好似D大牌蛋糕咁甜咁HEAVY...簡單3-4口就完成....就算食唔哂要留番都好方便....希望NATURAL CHIFFON再出多D唔同花款喇....支持支持再支持!!!!!

組員s另謀高就，昨日就是最後一天工作了，她特意從旺角銀城賣cupcake的店訂了一大堆cupcake作散水餅Cupcake基本上就是靠賣相精緻而吸引我們的目光吧!很多同事不論男女都走到那幾盒cupcake旁拍照！因為那些花，箭豬等造型實在做得很可愛！我拿了一件是開心果口味的，一咬下去已不算是鬆軟，不過吃的時候也說了5-6個小時，有這個落差也很正常吧！開心果奶油打得軟滑，是令人滿意！唯一是口感奇怪,因為上面的奶油軟下面的蛋糕硬!據說一件定價要（$15），價格也屬合理,有機會也可以買點哄哄友人開心！

從來都唔知旺角銀城地庫有一間咁o既野 ,朋友見佢 d 蛋糕仔好特別好精緻 , 於是就買左一盒返黎請大家做飯後甜品, 味道有芝麻 , 藍莓 , 花生 , 開心果 , 芒果等我試左一個開心果味 , 幾驚喜喎 ... 雖然外型黎講佢仲係最唔靚唔特別o既一個但個開心果味好濃 , 唔會過甜 , 可惜唔夠滑 仲有 d 沙沙地咁o既 , 但又唔係開心果肉喎可能因為雪過落雪櫃o既關係 , 攪到整個口感都唔算好好 , 面o個層 cream 硬左 , 有少少似雪糕咁 ,個蛋糕仔實卜卜 , 同一般嘉頓孖寶蛋糕無乜分別唔夠柔軟之餘 , 亦無蛋香味 , 幸好同樣無過甜相信如果唔係雪過 , 成個 cup cake 都會好味好多但矛盾在唔雪o既話 d cream 又會好快溶 ,所以下次要試下買完盡快食 , 可能可以挽回笑臉一個 ## cup cake o既造型好精緻好靚 , 值得加分 =)如芝麻味 ~ 外表好似一朵黑玫瑰花生味 ~ 呢個好得意 , 好似隻箭豬仔咁

上網search 邊度有cup cake，跟住搵到呢間，因為好近公司，就買嚟試下全部都係以花為造型嘅cup cake我食嘅係榛子朱古力，其他3款唔記得名，3個同事都話幾好食，唔會太"漏"榛子朱古力，幾好食，蛋糕咬落去唔會散，不過朱古力較硬，可能要放喺室溫一陣會好食啲~

公司同事都辛苦了.....剛好喜歡做甜品的同事生日.....平時都食佢唔少....生日就買返D好野佢食啦.....呢個cake唯一缺點係.....你即日買要即日食......唔係的話入雪櫃上面D cream 會硬左就無咁好食佢有教我用保鮮紙包著成盒野入雪櫃的.....但成個盒咁大......要用幾多保鮮紙呢?.....當然都有照做的.....但都有硬左就係無之前一晚買返去咁幼滑講下D cupcake 先......左上的係開心果味 <<<<< 我最中意的一個味....而且賣相可愛....隔離灰色的係芝麻味 <<<<< 入口幾香/....有港式感覺.....最靚果個當係朱古力啦.....<<<<<< 唯獨佢用朱古力cake 度的....推薦一定要試....朱古力好食過普通蛋糕底朱古力下面果個就係熱血果血橙味<<<<< 應該算係易接受家口味特別D的一款.....最後一款係玫瑰花味 / 玫瑰花茶味 <<<

一向有留意開呢間野我男友好有興趣試所以諗住係我地2周年前訂番個送比男友當驚喜本來就諗住寫字既, 但就話要9個以上先OK, 同埋一定要用同一隻蛋糕咁我就改要半打算了, 主要都係訂門市廚窗SHOW出黎既各位可能話即日買就得啦對我黎講訂定, 到個日即刻去拎感覺唔同MA同埋有時見我想食個D得番1-2件, 怕個日冇晒, 所以咪訂定個SALES就同我講, 【個日(我拎蛋糕的日子)或之後時間黎拎都可以】因為我同我男友最近都忙, 唔一定可以即日拎聽到佢咁講, 我心都定D好啦, 我同我男友終於有時間黎拎啦第2個SALES就同我講話張單已經過左期唔拎得我遲左幾日拎, 其實我係打算佢地會預備廚窗個D比我地點知真係話唔得, 話只係幫我地留3日我同個SALES講當日個位SALES冇咁樣同我講, 只係話之後黎拎都可以我唔想難為個妹妹仔, 咪唯有打去同個老細講諗住老細會易話為D, 點知個男老闆態度差到仲話我冇COMMON SENSE (本人第一次以客人身份比商店老闆咁樣串, 我一直只相信呢D事只會發生在街市中)我鬼知你地真係幫我KEEP蛋糕KEEP到發毛, 仲要唔打電話通知我, 就算打唔通都唔該留個VOICE MA

在旺角銀城廣場的地庫裡，隱藏著這麼一間售賣健康杯子蛋糕的小店。之所以說它售賣的杯子蛋糕健康，是因為這兒的杯子蛋糕全是少甜，無色素，無香精的，這還不是十分健康嗎？這店子雖然地方小小，不過售賣的杯子蛋糕款式還真不少，就以這天所見，便已有十多款不同的味道可供客人選擇，包括咖啡、花生、咖啡朱古力、榛子朱古力、蛋白奶油忌廉、芒果、開心果、紅桑子、玫瑰荔枝紅桑子、血橙熱情果、綠茶等 ，款式多多，而且色彩繽紛。蛋糕造型雖不是太特別，主要都是以花朵為主，仍然頗為吸引。這兒的杯子蛋糕只供外賣，不設堂食，精美的外賣盒子有三款大小選擇，分別可裝兩件、四件或九件杯子蛋糕。外賣盒子其中一面透明的設計，可讓裡面的杯子蛋糕清楚給人看到，吸引途人的目光，這宣傳手法都算不錯。也欣賞這店子在外賣盒子的當眼處，寫下了 Cupcake 的食用小貼士：「放室溫下解凍30分鐘，口感更佳。」這提醒雖看似普通，卻是店子服務貼心的明證。這次幫襯，我只買了兩件蛋糕，味道分別是老婆仔喜歡的芒果味和我最愛的榛子朱古力味。老婆仔的芒果杯子蛋糕造型漂亮，彷如一朵盛開的嬌黃色鮮花模樣，所用的奶油忌廉味道清新，甜而不膩，讓人在吃到芒果味道的同時，不