Natural Chiffon

營業中

休息中

旺角不嬲都好多杯子蛋糕專門店，今日去開銀城廣場地庫行街街，見到呢一間蛋糕好吸引又唔係太貴嘅cup cakes 專門店，專登買咗一堆拎返屋企同屋企人開心share 😍呢一度嘅杯子蛋糕標榜無添加色素、冇防腐劑全天然㗎，同佢個名一樣夠晒natural 🌿，用忌廉整出來嘅杯子蛋糕五顏六色、味道五花八門，真係超級吸睛，用嚟打卡唔錯呀咁多個一齊影出嚟真係好靚，味道方面忌廉都夠香滑，而下面底層嘅蛋糕又夠鬆軟，大概$20一個真係可以媲美其他貴價杯子蛋糕專門店嘅水準👍🏻，推薦呀

最近辭去工作，懊惱去哪買散水餅。看到Natural Chiffon的廣告，再比較了幾間店鋪後，決定在Natural Chiffon買。因為哪裡價廉物美，標榜色素天然，賣相亦好可愛。 我於網上預訂，前一天到旺角鋪位拿。店鋪在銀座廣場，一落電梯就見到。因為鋪位不大，可能不小心就錯過了。 Set C有開心果、血橙熱情果、榛子朱古力。 玫瑰荔枝紅桑子和藍莓。因為選了mini size ，所以一口就食完。 整體好蛋糕不會太甜。每款味道的外觀都不同。比較可惜因為一口就食完，食不出cream的味道，所以我建議買大款好d。

網上描述落鋪選款，但落到舖頭訂舖頭開着燈打開咗但冇人，所以直接WhatsApp落訂，款式及味道不能選擇，店員亦沒有詳述，只叫我上番網址訂購，下款後沒回應，過兩日要催促給訂單，唔好意思都無講，無禮貌。取貨先告訴$5 size cake易散，極度無奈，不會有下一次。

有時候好野真係要快手買，食完晚餐經過銀城買返cake嘆下啦，果然真係好快賣曬。好彩我都臨尾買到心頭好。杯子蛋糕很吸引，今次食紅桑子，藍莓，芒果味。紅桑子是似玫瑰造型的蛋糕，微微酸，少甜，cream一層一層，很香很美味。藍莓味的是立體蛋糕，見到cream有藍莓皮，的確取自真藍莓，不是色素，咬開口罩頭反而是微酸的檸檬酸。芒果味是太陽花，少甜，很清新的果香。蛋糕造型好精緻可愛，而且很香牛油味，真係色香味都高分。蛋糕少甜很健康，望落去色澤明麗，原來採用天然材料，無添加色素。選擇口味甚多，今期最新造型就係太陽花，以及口罩主題，仲好立體添。

岩岩又收到同事既散水餅😣又代表住又有一個好同事要走啦...送散水餅都係一個好大既學問🍩budget💰..送貨🚛..外觀🎭..味道👅..揀都有排揀雖然cupcake係一個common既散水餅🧁但係如果送餅乾係一個更方便既選擇🍪唔使雪住佢啦同埋擰出街冇咁大個盒🥢Natural Chiffon 三種味散水餅乾 $15一共有4隻味道 紫薯 綠茶 朱古力 牛油🍠🍫🧈個味道全部都好濃好正而且食落去唔係好甜👍🏻食tea少少地唔驚食到好飽一包有3塊 隨機抽3隻味放一包3️⃣每塊餅乾約一隻手掌心咁大✋🏻

雜錦輕量裝mini cupcakes $98可能夜晚先嚟幫襯嘅關係，唔少嘅cupcake都已經賣晒，得返好少款式揀。然後見到一盒有齊咁多款式，賣相又咁可愛，即刻買來試吓。賣相真係好靚 一盒有10件Mini cupcakes，分別有綠茶、紅桑子、熱情果、玫瑰荔枝紅桑子、藍莓，咖啡朱古力等味道。蛋糕嘅部份全部係同一種味道，店舖標榜用少甜配方，不過食落都幾香，口感好鬆軟。Cream 方面，整體水平都不錯，個人比較鍾意玫瑰荔枝紅桑子，每一啖都充滿玫瑰既香氣，層次幾豐富。除番開約10蚊一件mini cupcake，對比大商場既cupcake專門店，呢度既價錢都唔算好貴，經開旺角會再試下其他味😋

I went to a cakeshop called "Natural Chiffon" located in Shop B66, Ginza Plaza, 2A Sai Yeung Choi Street South, Mong Kok旺角西洋菜南街2A號銀城廣場地庫B66號舖All the cupcakes they made using natural colouring only!!"Chocolate cupcake"朱古力杯裝蛋糕HKD$20/pc件lovely rosy icing piping🌹Sooooooo rich,moist and intense chocolat flavour!Sumptuous！！My favorite flavour!"Matcha cupcake"綠茶杯裝蛋糕HKD$20/pc件..Very light with a hint of bitterness from thr Matcha and strong milk flavour."Blood orange passion fruit cupcake"血橙熱情果杯裝蛋糕HKD$2

今日放假，順價買外賣甜品返屋企比家中小朋友一齊食下。之前朋友說過這店賣的cupcake 是小甜及無添加人造色素，所以買來食下。櫃子里有很多款式，但有現貨的剩下幾款，咁就平平地買幾個食下啦。　我偏愛朱固力，所以選左朱固力做主打。三款cupcakes 賣相都好靚，個包裝盒又夠硬身，cupcakes 都靚靚咁返到屋企。食完晚飯就黎cupcake 夜。　朱固力味道都幾重朱固力味，cream 甜道還好，不會太甜，而且好滑，下面既蛋糕仲分怖了有咬口的粒粒朱固力，唔錯。小朋友搶住食添。　接著咖啡朱固力，大人專享，小朋友無分。咖啡味都算重，它是一半朱固力一半咖啡cream，混合來吃比單吃朱固力味的更豐富。最後是花生味，外相最清新，花生味很濃郁，下層蛋糕是傳統牛油蛋糕，更顯特出它的花生味道。整體來說性價比頗高，下次經過可以再試下其它味更顯特出。

平時食完飯之後都好鍾意食一啲甜品係滿足下自己，喺旺角行完街就去買番幾個Cupcake俾我啲姪仔食下。知道位於銀城廣場的一間少甜配方、無添加人造色素及香精的蛋糕專門店，朋友說健康之餘，仲天然美味，就買幾個Cupcake返屋企試吓。當中有21 REGULAR CUPCAKES 🧁 款式揀，抹茶控的我當然要選一個綠茶、一個芒果🥭及立體玫瑰花的紅桑子味道。三種顏色的Cupcake好colourful好靚，當然係相機食先，不過估唔到佢嘅味道一樣都好濃郁，甜美啱啱好，底下嘅蛋糕仲好鬆軟添，味道其實都唔錯！除此之外，店舖亦提供婚禮、百日宴、生日會等特別日子特製的蛋糕，仲有唔同口味款式選擇，性價比仲好高添，下次訂返個少甜配方嘅蛋糕慶祝我姪仔生日先。

下午在旺角逛完街後，途經銀城廣場地庫的Natural Chiffon，順道買了三個杯子蛋糕與家人作晚飯後的甜品。這店的杯子蛋糕🧁款式很多，七彩繽紛、非常吸睛，標榜著天然色彩、天然美味來吸引食客，令人難抗拒。我選了芝麻味給自己、芒果味給老公和開心果味給兒子。大家吃完後都喜歡上這無添加人造色素及香精的杯子蛋糕。這店的蛋糕除了有吸引的外貌外，原來還有內涵。雪芳蛋糕是鬆鬆的，面上的忌廉少甜幼滑，兩者配合得宜，吃起來感覺健康。我吃的芝麻味濃，令我想起中式的芝麻糊，既滑且香。芒果味較開心果味突出，但兩者都令人感覺清香，一點也不會膩。

為咗提早慶祝父親節，放工特登去買咗幾件精緻嘅蛋糕，早前喺社交平台見到呢間餅店嘅蛋糕圖片已經覺得好吸引，今日終於有機會食，餅店位置方便，好近地鐵站。今次揀咗三款蛋糕，有選擇困難症嘅我，真係實在太難揀啦，因為餅店有成幾十款咁多，最後揀咗綠茶,荔枝紅桑子，檸檬。三款蛋糕都唔太甜，綠茶食落有香濃嘅茶味，用料十足。外型精緻，睇得出師傅用咗好多心機去整。荔枝紅桑子係時令嘅款式，味道好特別，隱約嘅荔枝味好適合夏天食。檸檬味一啲都唔酸，反而有陣陣嘅檸檬香味，令人越食越想食。其中一樣最緊要嘅係，蛋糕用料天然，食多幾件都唔驚。最後值得一讚嘅係蛋糕個外賣盒，非常穩陣又好拎，我拎咗兩個鐘 返到屋企個蛋糕都完全冇移位。

行下行下，行到銀座廣場，發覺地庫有間賣可愛造型蛋糕仔的地方。鋪面唔大，行快2步都可能會錯過左。原來賣少甜，冇人造色素的蛋糕仔。感覺健康，啱曬正在減肥的我們。 一於買番幾個返屋企慢慢歎。餐牌上面有好多選擇店員話食之前放室溫30分鐘，回溫後再食，味道更好。試了開心果，藍莓，紅桑子外形固然出色，回溫後，cream也沒有倒塌 。蛋糕仔有淡淡的牛油香味， 密度適中，不會太蓬鬆或過硬。 蛋糕上的cream也不會過甜， 有淡淡原材料的味道。 屬於健康的cupcake。 偏愛藍莓口味，微酸帶少少甜，同時又有果香味。

呢日黎到旺角行街，竟然無意中發現左呢間好細既鋪，入而有超級多款蛋糕，每件$20！而且係健康天然食材，好難得！我揀左3款！分別係開心果、血橙熱情果、咖啡朱古力。開心果既蛋糕係原味，食落清淡唔油，上面既開心果唧花有少少甜，中和返唔會冇味！血橙熱情果個蛋糕都係原味，唧花係有血橙同熱情果兩隻味，呢個我好中意，血橙同熱情果都係比較清新，甜度再低d，食完好想再食呀！咖啡朱古力就係朱古力蛋糕，朱古力存在感好高，仲有朱古力粒，但咖啡味都唔輸蝕，一樣食得出！

初初上網search，見到Natural Chiffon標榜天然無色素，吸引左我，結果快.靚.正又好味，絕對無揀錯。經WhatsApp 訂購，勁快有回覆，態度亦好好，好幫手。21款cupcakes 口味，21個唔同款式，仲要款款都好靚，今次揀左其中7款味道(藍莓，榛子朱古力，綠茶，榛子，開心果，咖啡朱古力，同埋熱情果)，仲可以要求獨立包裝，貼埋memo，岩曬疫症期間，一人派一個，超級方便，又夠曬衛生。不得不提係當店舖幫手整好左memo既template, 仲會WhatsApp 俾我睇下個版有無野要改，岩唔岩心水。另外，店舖仲可以安排埋送貨送到公司樓下，唔駛我大熱天時周圍走，勁方便，仲好貼心咁pack 好曬每個cupcakes 入箱，通知埋我total 有5箱，共重幾多kg，細心地提醒番可能要搵多2個人幫手一齊拎，唔駛我到時自己o拿手唔成勢，最後拎貨時發現，原來店舖已經用繩幫我紮好曬，分別分左3箱and 2箱，預我即使可能到時無人幫到手一齊拎，都可以自己手抽咁拎番上樓，絕對值得讚👍👍👍。運送時間亦好準時，會同我夾好曬時間。好多同事都走埋黎話好味，同埋好靚，仲要甜度岩岩好，唔會太甜，贊不絕

這小店的賣點是小甜無香精無人造色素的cupcake，我當然要試一試。他每個cupcake也不會很貴，味道款式也很多，今天去的比較晚一點，很多味道也賣光了。除咗現場睇，有咩味道嘅選擇可以去佢嘅社交平台睇。很方便。還好有好幾款我喜歡的味道還有貨，買了3款味道和朋友分享。外賣包裝盒硬身，cupcake 固定很安全，行快一點cupcake也不會撞的變形。買不到咖啡朱古力，所以買了蜂蜜朱古力試一試。果然它的味道不會很甜，朱古力是跟黑朱古力的味道，蜂蜜是很輕微的那個蜜糖味。賣相靚，那個花花款式，和那個輕盈的味道，很好啊。另一款是芝麻味，share食了一點，這款一樣不會很甜，而且芝麻味很香，吃著也很重芝芝麻味。它的裝飾用了一點綠茶味，一樣是很濃綠茶味，看來綠茶味cupcake也可以啊。最後是荔枝味，一样食了朋友的一點，味道很特別，淡淡的荔枝味，感覺很輕盈，花式也很漂亮，不錯啊。喺店內見到這個，10件細版$98，完全可以用來做散水餅。這個味道比連鎖店那些甜到漏的蛋糕抵很多！