My Burger (東廣場)

營業中

休息中

本來好鍾意佢地D burger同薯條，今日揀咗雞翼，小妹自己一向煮開飯，所以個雞翼上台後一叉落去就知佢無煮熟，熟透嘅雞翼應該係slim D 同松軟D，咬開果然有血，而且幾多下。我好心唔想太揚細細聲同收銀個阿姐講（因為唔知點解其他職員唔見曬），阿姐攞去同後廚講，後來上咗個burger就黎食完個雞翼都未返歸，幫我落單個阿叔問廚房搞咩咁耐嘎。跟手突然有個阿姐喺我有後方出現，就黎貼住我咁勁有骨勁大聲咁講：”炸耐D啦，唔係有血絲有D人唔鍾意嘎！”🙄你估我黎食白切雞咩阿姨，雞唔熟會有寄生蟲嘎，無常識就唔好咁大大聲，你仲大聲過我好驚人地唔知你地自己煮野煮唔熟咩，黐線以後都唔會再幫襯

去觀塘掃完戰利品諗住去搵食，行到東廣場見到一間價錢又唔貴嘅小店，結果竟然喜出望外！我哋兩個人叫咗菠菜汁煙三文魚意粉🍝（$68）同經典牛肉漢堡🍔（$52），叫set連嘢飲，埋單只係$150。《菠菜汁煙三文魚意粉》佢真係用菠菜汁加上菠菜葉，絕對唔係hea我；加上蒜容同洋蔥碎，令到成個意粉嘅香氣非常突出，加上意粉有Al Dente嘅口感，比起一般西餐廳對意粉嘅處理更加一流。大前提係，只係68蚊！《經典牛肉漢堡》一般出去食漢堡都唔平，郁啲都成舊水，見佢呢個經典牛肉漢堡只係52蚊，就試一試佢。成個包好厚好軟，牛肉好juicy同好香嘅牛味，麵包嘅口感好好，唔會好似某大連鎖店嘅包既汁多到變咗一Pat嘢咁。有機會會再試其他嘅嘢食，雖然感覺係好家庭式嘅小店，但食物質素、味道上我覺得媲美一啲高級餐廳。結論係性價比高既小店，值得試！

喺觀塘俾我搵到間食burger嘅小店，款式非常多！龍蝦漢堡($128)菠蘿煙肉牛肉漢堡($65)漢堡都可以搭到咁高🤣 睇落都覺得足料！包身外脆內軟，好啱我口味😍龍蝦漢堡估唔到真係成條龍蝦尾放落去🤩 好大條好厚肉！而菠蘿煙肉牛肉漢堡就非常豐富，漢堡扒係手打，所以肉質都比較鬆軟好好味，配搭加埋菠蘿仲冇咁漏！香辣茄汁大蝦意粉($68)乾蕃茄黑醋雞肉意粉($65)蒜香蟹肉意粉($70)意粉款式都幾多，仲有唔同嘅配搭！茄汁大蝦大大隻非常爽口彈牙～😋黑醋雞肉估唔到有幾夾，食落多咗一點酸味，層次豐富咗！😍最後蒜香蟹肉都好都蟹肉，炒得幾惹味🥳煙三文魚沙律($48)估唔到仲有沙律，用煙三文魚切咗玫瑰花真係好靚😚 而且都幾多三文魚！食落都好新鮮，感覺清新😍泰式魚餅($24/3塊)番薯條($35)炸洋蔥圈($35)食漢堡點可以冇小食，泰式魚餅食落都幾辣！番薯條同洋蔥圈就好香脆，而且份量都幾多😋😋

相對上一次光顧, 已有一段時間, 是日路經見有下午茶餐, 當中更有漢堡包選擇, 便入座回味一番。1) 下午茶- 經典牛肉漢堡 $42- 奧利奧朱古力奶昔 $19 (原價$38, 跟set半價)2) 小食拼盤 (春卷 x 3, 泰式魚餅 x 2, 薯角) $38經典牛肉漢堡採用的包, 賣相並不討好, 但入口甚香, 又鬆軟, 一問之下, 原來這款包叫風車包。經典牛肉漢堡材料豐富, 有牛肉, 沙律菜, 番茄, 酸瓜, 芝士和洋蔥, 由於甚有厚度, 一口很難把所有材料吃下, 但依然美味, 既Juicy, 口感又豐富。小食拼盤有春卷3件, 泰式魚餅2件和薯角。春卷外表香脆, 餡料份量適中。泰式魚餅香辣, 即使喝一口奶昔, 辣感仍充滿口腔。薯角炸得脆口, 啖啖薯肉, 份外滋味。奧利奧朱古力奶昔味道濃郁, Oreo打碎混入其中, 質感幼滑但不會過稠密, 滿滿一杯, 十分滿足。

因為趕時間所以揀咗呢間小餐廳食lunch，揀咗個Burger同一個意粉，夾埋要149蚊。burger揀咗蘑菇洋蔥牛肉漢堡，如果轉做餐加薯條同汽水就要加多20蚊，夾埋要差唔多80蚊，以東廣場地下呢啲舖仔嚟講價錢略高，幸好味道係ok嘅，係因個薯條比較麻麻，可能唔係即叫即炸啦。可能就係見佢啲burger價錢貴，所以個意粉就比較化算，我哋揀咗菠菜汁煙三文魚意粉。個意粉份量都幾大碟，味道就畀想像之中濃，送汽水一罐，要68蚊。

今日下晝做完嘢肚餓，去咗東廣場搵食，上次經過見到呢間好似幾抵食，今日坐低試吓先，下午茶餐2:30開始，今日冇揀到下午茶餐（唔記得影餐牌），肚餓揀咗呢個乾蕃茄黑醋雞肉意粉，餐茶叫咗熱情果花茶（呢款另外咗$5）呢度點餐係先付款，佢會比個號碼牌你放响枱面，坐低佢就會送餐過嚟，快餐店形式，坐位唔係好多，大約10張枱左右。乾番茄黑醋雞肉意粉有驚喜，估唔到幾好食喎，個黑醋汁調味幾好我鐘意，所以成碟食晒，花茶冇乜特別，茶包一個冲出嚟，我下次會再嚟試吓其他嘢

行過觀塘忽然想食burger, 門口餐牌見到有好多選擇，就揀咗東廣場呢間店舖。一行四人嗌咗三個burger, 分別有beef classic, portobello cheese, 同埋菠蘿雞包。三個包都配咗套餐，分別配沙律、薯條同埋雞翼。可能係小店嘅關係預備時間都比較耐，等咗差唔多三四個字先有得食。嚟到個賣相有啲失望，好似全部都有啲乾柴烈火，但估唔到食落其實都幾美味。啲牛都全部有牛味，幾厚身足料。雞都仲係好滑，配埋菠蘿銅像都幾好食。薯條沙律都係普通嘢，雞翼就真係比較鹹咗少少。侍應嘅態度幾好，坐得幾舒服，應該會再返嚟食。

懶人包：服務差，食物差，無下次今日嚟觀塘搵嘢食，唔係好知食乜，揀了呢間My Burger，叫了個漢堡套餐+番薯條。揀了經典漢堡，唔好食- 汁唔夾- 肉無乜肉味，無肉汁- 洋葱好似無煎過咁，白雪雪，完全無味番薯條一拎岀嚟就淋嘅，同埋餐具都要自己拎，上菜唔順便比埋，仲要自己搵（唔係平時餐廳有安排自助區）講起自己要搵餐具，比錢又要自己行岀去，店員企定定釘實咗咁。然後，汽水又話要自己拎，即係食餐飯要嗰客行岀去幾次。總結服務差，食物差，無下次

德州煙燻牛肉漢堡 ($67) ●●●●○包厚實唔乾 漢堡扒聞落幾香如果叫德州呢隻味真係幾辣🥵唔係講笑 同埋蓋過肉味 但食得出塊扒都算juicy小心爆汁💥煙肉牛肉漢堡 ($59) ●●●○○第二次幫襯就試走辣版😂但點解會低分咗呢？今次塊扒比較韌、多筋😢有啲太鹹 上網睇其他人嘅評論都有呢種情況同埋煙肉都好難咬🥓德州漢堡叫有啲特色 今次食受肉質影響就麻麻地了薯條 + 飲品 套餐 (+$20) ●●●●◐薯條即叫即炸🍟🔥夠脆夠大條，仲要連皮💃🏻✍🏻 如果再嚟，應該唔會再食牛📍 MY BURGER💰：●●●◐○環境、服務：●●●●○

之前因為上堂曾經黎過食軟殼蟹漢堡覺得好好食，一路都好想同老公再黎食，今日終於有機會，今日老公叫咗軟殼蟹漢堡，我就叫咗炸魚柳漢堡，2款漢堡加薯條都係即叫即炸，真係好好食。

呢間係我食過最好食既漢堡包😍久不久就會諗起佢跟住黎食次次黎都好好食🤤🤤🤤🤤每次都唔肥唔食 仲要飲埋肥仔奶昔膽固醇多謝你🤣食得就咪諗啦～ 一餐半餐又唔係成日食菠蘿煙肉牛肉漢堡 $65即叫即整🤤🤤次次都熱辣辣上枱❤️份量都好足 一口咬唔哂😲牛肉幾厚 勁juicy😋菠蘿中和返油膩感粗著條即叫即炸所以係脆卜卜入面真係有薯心唔係空心薯條😋😋😋再配薯條 + 飲品 $20但我另外轉特飲：抹茶奶昔 $19/半價跟餐價加購奶味偏重，加埋抹茶係幾好飲既💚今次第一次試佢地既意粉菠菜汁煙三文魚意粉 $68都係即叫即做不過不失無咩特別但意粉都好掛汁私心推介✨✨✨✨我平時次次去都係食 大隻佬漢堡+士多啤梨奶昔🥰🥰大隻佬一次過滿足曬你所有願望👍呢間真係私心推介架性價比超高⭐️⭐️⭐️MY BURGER觀塘成業街7號東廣場地下G12-13號舖#Foodie_aki #yum_yum

都有一段時間冇食burger lu今次史努比去咗觀塘東廣場嘅一間小店試下佢好冇食先🤪-👍🏿炸軟殻蟹漢堡 $82見到menu上面寫住推介咁就嗌佢啦🤭嚟到見到個包賣相好似好乾身唔系好吸引點知食落又唔差喎搽咗少少牛油去烘 微微脆口系略嫌佢唔夠鬆軟姐🙌🏿但食落又唔會話好dry好plain喎😛平時嘅炸軟殼蟹通常都會用炸漿去炸呢間好特別 佢哋系生炸嘅雖然冇用炸漿嘅咁脆 但食落特別香😳而且佢用咗原隻嘅軟殼蟹Hold到好多汁喺蟹入面 食落juicy😚配搭生菜同蕃茄令成個burger口感更豐富醬料用咗他他醬 不過食落唔似他他醬似奇妙醬多啲😗同埋如果搽勻啲sauce會好過而家咁一大pat放喺度搞到食到嗰個位嘅時候就淨系得啲sauce嘅味但整體嚟講系唔錯嘅～😙味道: 8/10性價比: 7.5/10.👌🏿經典牛肉漢堡 $52相對史努比嘅軟殼蟹burger爸爸👨🏻嘅beef burger就冇咁出色牛肉幾厚而且有牛味👍🏿上面有半溶嘅芝士片同洋醬唔知系咪史努比唔好彩啦🤣咁啱咬正嗰啖嘅beef patty有筋😗同埋食落個包唔系好夠juicy整體嚟講爸爸👨🏻都話比較普通不過不失啦～味道: 6/10性價比: 8.5/10

嚟到東廣場地下food court兜咗一個圈，最後揀咗呢間食burger。叫咗一個牛一個雞漢堡，每個跟餐加$26有一個沙律加一個薯條。因為想食洋蔥圈，可以+$5薯條轉洋蔥圈。沙律都係正正常常嘅味道，份量都ok。薯條就一杯上，擺到勁滿，係粗薯條黎。洋蔥圈成碟上，加錢係值嘅，可能冇咩人叫洋蔥圈，所以真係即刻炸起，勁香口勁脆勁好食！好鍾意佢個包嘅口感，個形狀亦都好得意～厚實唔係太淋身果隻。經典牛堡味道就係想像中果種味🤣好食但唔會好有驚喜咁～至於雞堡就有驚喜！首先個雞扒好juicy同香口，塊菠蘿簡直係神來之筆！配埋一齊真係十分開胃至於隱藏食法，就係將個洋蔥圈擺埋落個漢堡一齊食有啲地方其實有洋蔥圈漢堡，不過呢度冇，所以自製左

今日lunch time 行過東廣場地下個層好似一個food court咁有勁多唔同嘅餐廳呢間Burger餐廳，價錢幾親民所以入咗去試吓叫咗一個經典牛肉漢堡🍔再加蛋🍳同煙肉🥓落單後大概10分鐘，個burger 就送到漢堡賣相好吸引😍齋睇個外表已經知道好足料牛肉漢堡幾厚，又juicy😋牛肉味非常濃郁額外加嘅雞蛋係半熟🍳煙肉🥓煎得好香，好惹味芝士份量都好足夠🧀️洋蔥加咗餐廳自家製嘅醬汁好味又特別👍🏻漢堡中生菜🥬好fresh漢堡麵包微暖，外脆內軟食得出成個漢堡都係用心製作☺️食完個漢堡已經好飽證明我冇加薯條係正確嘅選擇

記得之前星期六上完堂就會係東廣場食呢間burger，今日同朋友剛好行過又未食野就入左去食.之前食過牙買加辣雞漢堡同煙燻雞漢堡，今日決定試下其他味~有好幾隻都想食😂.牛油果軟芝士烤雞堡 $62 (+20跟薯條汽水)麵包軟熟，雞扒好大塊肉質juicy唔會乾，配埋牛油果同芝士其實可以唔洗落沙律醬，加埋沙律醬就有啲漏（可能係我本身唔鐘意沙律醬).炸魚漢堡$49 (+20 跟薯條汽水)麵包軟熟，魚柳幾大塊炸得幾脆.薯條炸到熱辣辣脆卜卜，唔錯~