My Burger (東廣場)

營業中

休息中

今晚第一次係東廣場試下呢間Myburger呢到有牛/雞/豬/魚 既漢堡甚至有蝦堡，炸軟殼蟹 ，連龍蝦既Burger 都有有不同口味選擇，一間細細既鋪有咁多款都幾厲害😋仲有d 小食添我地揀左食Classic Burger 經典牛肉漢堡跟餐+20 要薯條 飲熱柑桔蜜柑桔蜜幾香濃，係港式果隻黎薯條都算新鮮 ，算係粗薯條🍟，點茄汁幾好味，不過份量真係唔多 食多幾啖就食完了🥺Burger 來了 個burger真係好大個 Mark 到最大個口都咬唔曬haha塊包烘過脆脆地 仲有陣陣牛油香塊牛肉幾厚幾juicy ,洋蔥亦有佢自己既醬汁同夠甜，係嫌塊蕃茄細塊左d同太薄整體黎講 成個包都好Juicy重點係價錢ok 唔算太貴下次會想再黎試下其他的

9月3日（FRI)今晚Dinner 唔想食飯/麵係東廣場試豆呢間Myburger見隔離個個攞住大大個burger知道一定份量夠飽了比大家睇下Menu 先主要有牛/雞/豬/魚 既漢堡甚至蝦堡，炸軟殼蟹 連龍蝦既Burger 都有認真多口味選擇一間細細既鋪有咁多款都幾勁Menu後面仲有d 小食不過無影到， 記得仲有fish n chips我地揀左食Classic Burger 跟餐+20 要薯條 飲熱柑桔蜜熱柑桔蜜同炸薯條率先到柑桔蜜幾香濃，係港式果隻黎薯條係粗薯 都算新鮮炸起點既茄汁好味 不過份量真係唔多食多幾啖就食完了主角Burger 來了 幫佢影張靚相先個burger真係好大個 Mark 到最大個口都咬唔曬要細細啖咁慢慢逐層食 haha塊包都好厚個面仲有紋又有層白色麵包粉 好高級咁烘過底脆脆地但又夠鬆軟仲有陣陣牛油香塊牛肉夠厚好juicy ,洋蔥亦有佢自己既醬汁同夠甜係略嫌蕃茄細塊左d同太薄有半邊包係無蕃茄食整體黎講成個包都好Juicy係好滋味既一餐重點係價錢ok 丫唔算太貴因見過出面有d burger 未係set 都接近一百蚊下次會想再黎呢到呀再試多d另外口味既Burger

🌈 觀塘系列🌈🔸️ 喺觀塘放工想食漢堡包，朋友就自動波帶咗我嚟食呢一間🤣👫 佢話已經幫襯多十幾次，回頭率好高👅✌－－－－－－－－－－－－－－－－－⭐ 大啡菇芝士牛肉漢堡 ＄65＋20🔸️ 我哋加咗＄20蚊轉套餐（包薯條／雞翼、飲品）🔸️ 大啡菇好多汁 蔬菜新鮮爽脆牛肉唔會好乾 食落每一啖都好juicy🥰🧸推薦指數：⭐⭐⭐⭐⭐－－－－－－－－－－－－－－－－－⭐ 大隻佬漢堡＄68＋20🔸️ 跟餐我哋嗌咗雞翼 雞翼白辣辣地好開胃🔸️漢堡包加蛋真心正令到整個包嘅味道層次提升咗💕牛肉同樣都唔會好乾，食落都一樣咁juicy👍🧸推薦指數：⭐⭐⭐⭐⭐㊙️總括而言，漢堡包嘅性價比高，有機會都想試埋唔同款嘅漢堡包呀 🥰❗

觀塘區小店美食林立，要喺呢度突圍而出，都唔係一件易事，今次食呢間小店專做漢堡包，而且做出更是高水準的漢堡包，搞到每次過黎都心郁郁會去食呢間漢堡！呢度嘅包都係用心製作，落單即造，包用上其他嘅皮，食落比較煙韌，包底更用牛油煎過，變得香脆，用料方面都相當多，大大塊漢堡扒！軟殼蟹漢堡更誇張，大到包都遮唔到！食落口，啖啖香味！呢個軟殼蟹漢堡唔係度度有，行過大家都可以去試試，絕對無介紹錯！ 相對出面食個似樣嘅漢堡包都百零蚊左右，呢度絕對係性價比高之選！

第一次入呢個商場 原來咁多野食點都諗唔到呢間burger鋪主要由中年男人同女人烹調 因為成個氛圍都好年輕化本人大推牙買加辣漢堡！超juicy好惹味 重點唔貴 想再encore 包都好軟熟好好食 唯一缺點就衛生麻麻

高質burger！完勝好多貴價burger店！佢既漢堡款式選擇好多，而且配搭得好好，好多既burger食完都會好漏好油，好似five guys咁，係好食，但食完你會覺得好漏好油，但呢間既burger做得岩岩好，食完夠飽又吾會有一種好漏既感覺另外，佢每一份既薯條都係新鮮炸起，吾會炸定，所以你食到既每一條都一定係熱辣辣！不過環境就真係逼左少少啦！牙買加辣雞漢堡，真係會有啲辣，雖然都好好食，但都會有少少咸，師傅重手左少少🤣🤣大隻老漢堡就吾洗講，好夾好好食，一啖都咬吾哂，加埋蕃茄又會fresh d，牛肉又吾會太油！👍🏻

繼續喺東廣場發掘美食，今日行過呢間burger，聞到好香決定試吓。打開餐牌，見到好多唔同款式，有傳統嘅牛肉漢堡，又有特色啲嘅咕嚕雞肉漢堡。我就叫咗牙買加辣雞漢堡。嚟到見到大大份，裏面有烤雞扒、生菜、蕃茄、沙律醬，幾惹味，不過我覺得雞扒乾咗啲。價錢都算幾實惠，單買$49如果加埋湯同埋沙律，就+大約$20。間鋪呢唔算好寬敞，不過裝修都算有特色，有美國風味，如果通風做得好啲就好lu，因為食完成個身都有浸味。

大啡菇芝士漢堡，牛肉有小小根，不過充滿肉汁，大啡菇用黑松露醬我個人唔係咁鐘意；牙買加雞肉漢堡辣辣地幾好食，雞肉好滑，薯條要等，新鮮炸的，粗薯片好食，下次會再幫襯。飲品方面，士多啤梨奶昔勁甜，似糖漿味，一杯兩個人飲都飲唔曬，真係太甜頂唔順。餐廳坐得迫，食完快手走人。

呢間喺東廣場入面嘅漢堡店每逢晚市時段都係座無虛席 我之前都喺晚市時段幫襯過覺得佢啲嘢食真係平靚正 只係環境好逼吓人同人之間嘅距離爆場時感覺好唔安全呢日我趕時間 又咁啱路過見佢冇乜人就立即坐低叫咗個經典牛肉漢堡加汽水雖然當時係下午茶時段但並未因此有下午茶優惠 價錢同晚市時段一樣 怪不得座上客少咗咁多呢度係先畀錢後上食物個漢堡包大概等咗十分鐘就有得食一咬落去 不得了 個包又熱又脆呢啲真係大型連鎖店畀唔到嘅快感然後齋睇個樣 你都知個包有幾咁足料如果你要一啖咬到晒所有材料除咗要擘到個口勁大仲要將個包壓扁嚟食先得 （男仔可能冇我哋女仔咁尷）然後個漢堡除咗啖啖肉 仲好JUICY啲芝士又好CHEWY生菜又好FRESH塊酸瓜又俾得夠晒大塊感覺店家好大方講真 一個女仔普遍嚟講都應該好難食得晒個包大食如我食剩少少都已經飽到呆呆地49蚊嘅包有咁嘅質素同份量真係好離譜吓所以話 好生意絕對有佢嘅道理

Burger小店🍔———————————————————-✅ 經典牛肉漢堡（$49）免加一➡️加set (薯條+汽水) ($20)漢堡包好大個，如果以依個價錢黎講係幾抵，同塊牛幾juicy，好足料。全部都係即叫即整！整體來講係唔錯。但係如果塊包個皮換下軟lumlum既皮就應該會好食多，依家塊包個皮有d似豬柳蛋漢堡塊皮有點硬🤣————————————————————抵食指數💴:🏅🏅🏅🏅回頭指數🤤:🏅🏅🏅味道指數😋:🏅🏅🏅環境指數📷:🏅🏅🏅🏅服務指數👨🏽‍🍳:🏅🏅🏅💈 My Burger (東廣場) (觀塘)📍觀塘成業街7號東廣場地下G12-13號舖

漢堡包我一向麻麻地，原因係以往食開平價嘅漢包，而往往都係冇牛味，或者乾過肉干。好食通常都好貴。今次黎my burger推翻我對漢堡包嘅一切認知。1.大啡菇芝士牛肉漢堡相片影得唔好，實物比相片震撼幾倍。如餐牌一樣，有牛肉，啡菇，洋蔥，芝士，蕃茄，沙律菜。個包大到個口咬唔到隻大啡菇菇味勁香濃又大隻，勁爆多汁！牛肉幾厚，有黑椒好惹味，牛味亦幾好，重點又係爆汁！沙律菜切到一絲絲，質感更爽脆有層次咁多樣配料超夾，惹味得黎少少酸好開胃。成個包勁熱，d汁又多又熱真係前所未有，拿上手好夠晒熱，即整即上枱超好食。個包好軟熟，唔會死實實。咁嘅價錢超抵，可媲美出面成百蚊嘅漢堡。2.經典牛肉漢堡配料同剛才啡菇牛堡差唔多，除左係冇左啡蘑，變左酸瓜。酸瓜令味道更開胃！勝價比一樣高！可以加$20叫左薯條同熱檸茶。薯條細細兜但都脆，檸檬亦都新鮮，茶包就用普通茶包但都唔錯。食物冇得彈，惟座位較逼，更多人係買外賣

📍🇭🇰 My Burger (東廣場) (觀塘).我食過咁多間漢堡店，相比類近大型連鎖快餐店價錢，這間是更抵食更好味😋👍🏻👍🏻👍🏻👍🏻👍🏻！係我食過咁多間，最經常encore 的漢堡飽店！支持本地小店！多款提供，多種類選擇！全部都係即叫即整，夠哂新鮮！.今次點左：🔖 經典牛肉漢堡 {HK$49/個}配薯條 + 沙律套餐 {HK$26}配薯條 + 飲品套餐 {HK$20}轉特飲：Oreo朱古力奶昔{HK$19/半價跟餐價加購｝.🖌 漢堡飽大大個，牛肉好juicy，十分足料，啖啖都是材料，張開口都咬唔哂🖌 薯條熱辣辣，厚切薯條🖌 沙律最緊要係配醬，配合芝麻醬加青菜蕃茄粟米粒🖌 特飲夠大杯，好香Oreo味.P.S. 自助醬料添加，不收加一服務費，抵食！

按圖索驥見佢有龍蝦同軟殼蟹漢堡所以試吓, 點知出哂事, 龍蝦肉好靭、軟殼蟹唔脆; 至於經典牛肉漢堡？我去老麥食個安格斯好過乜而家寫個食評都咁鬼麻煩？係都要有 80 個字？而家係寫食評定作文？

東廣場嘅homemade burger小店, 座位唔多同埋比較逼, 午飯時間通常都要排隊等一等. 餐牌有好多款漢堡選擇, 揀左得洲煙燻烤雞漢堡同經典牛肉漢堡, 新鮮熱辣大大份見到已經夠吸引, 用意大利軟包呢個我覺得幾特別又好味, 炸雞大大件夠juicy, 配埋微辣燒烤醬配搭好惹味經典牛肉漢堡扒亦都夠厚同juicy, 有芝士同烤洋蔥都好好味, 每個包再加多廿蚊就有野飲同薯條/薯角/水牛雞翼等等, 我比較鍾意食佢嘅薯條, 除左熱辣辣剛炸好, 厚度同大小都岩哂我, 而且勝在價錢親民, 值得推薦.

🍍菠蘿烤雞漢堡 $52😋：8.5/10菠蘿夾burger真係好fresh而烤雞就好juicy一啲都唔會乾仲勁大塊 凸晒出黎仲大過塊包！啲個包都好正 係有烘過個底～所以底塊包皮係脆脆地而且成個包都好大夾埋沙律醬同埋生菜成個包超豐富不過佢咁厚食到我好呢hea🤣但真心高汁！🐥牙買加辣雞漢堡 $49😋：8/10呢個包食落比較重口味係會咸辣味重啲同埋食落塊雞會乾身啲就冇烤雞咁juicy塊雞都幾入味下不過佢都有沙津醬襯番個包所以整體食都唔會乾～辣得幾惹味😚加唔同價錢會有唔同既set分別叫左薯條+飲品set (+$20)同埋雞翼+飲品set (+$22)👉🏻薯條係好粗身 而且食得出係好鮮炸薯仔味都好重☺️👉🏻雞翼係水牛城雞翼 雞翼成隻都勁入味🥴都很不錯特飲就係跟餐就半價既～🥤熱情果梳打 $34（跟餐+$17）食burger就係會想飲有汽既！佢會將用淨既果罐梳打汽水比埋你～本身未加就好夠味Fill埋果一半汽水就唔太夠味不過咁就唔會咁甜不過食炸嘢飲汽水真心爽🥴🥤Oreo朱古力奶昔 $38（跟餐+$19）佢既奶昔都幾就色！好濃味😚落足料飲落仲有粒粒oreo碎增添口感👅：大大個burger仲要加錢轉set真係