Mr.W 即烘蛋糕

營業中

休息中

❥❥👧🏻🍽🍰無花果蛋糕🌸每一啖都食到無花果籽，亦有無花果乾係蛋糕中間作點綴，成個唔會過甜，蛋香味香濃，口感好鬆軟同夠濕潤👍🏿⭐️但要食到無花果乾先夠無花果味，無花果控私心想要多d無花果乾🙋🏿‍♀️❥ 🍰棗蓉蛋糕🌸成個彈糕棗味好出好香，見到蛋糕入面都好多棗蓉，佢比無花果甜，但係佢嗰種甜係棗嘅香甜味，唔會係死甜，蛋味又係好香😋⭐️推薦棗蓉蛋糕比大家，我比較鐘意棗蓉多d，味道比較出，又夠特別😊❥⭐️呢兩款蛋糕個濕潤度好好，食完係水都唔洗飲，唔會痴住個喉嚨仔，睇下d氣孔就知夠鬆軟，回彈都好好，去片度聽下個聲😻

經過見店面明亮舒服，決定買一底蛋糕同屋企人分。有紅棗、無花果同原味，三款都有試食，前兩者都係啲市面少見嘅口味。（意外嘅係原味都幾好食，好有蛋香同好鬆軟🥰據講係用鮮奶整。）揀完店員妹妹仲細心問想點切、幾多人食，態度耐心有禮。蛋糕全部當日即焗，仲有牌仔寫住每款蛋糕出爐時間👍我就揀咗啱啱焗起嘅棗蓉蛋糕。其實叫個下比想像中大舊，都驚食唔哂，結果比我哋極速清哂🌚棗味清香，蛋糕體濕潤而輕盈，深得怕甜嘅雙親歡心。可能因為試食切得比較少同入面切唔中棗蓉粒，買嗰時真係冇諗過棗味咁出😂頗有驚喜！

成日去天后條食街「搵食」，今日經過比陣陣蛋糕香氣吸引住~ 原來係呢間新開冇耐既蛋糕店！！一開始以為係古早味蛋糕店，但店員就話佢哋唔係一般台灣古早味，而係賣香港特色蛋糕。店員話蛋糕係用上等既日本麵粉整，推介棗蓉同無花果蛋糕，話有得試食。試左兩款，無花果蛋糕食到粒粒果籽，從來冇食過口感咁獨特既蛋糕，而且仲食到無花果肉，絕對真材實料！棗蓉味就食到好濃郁既棗香，本身我唔係幾鍾意食紅棗，但係都覺得好食，因為好香甜，一d都唔會澀！重點係呢兩款食材都好有益，而且我從來冇係出面食過，真係唔知揀邊款好！咁岩蛋糕師傅搬咗一盤新鮮出爐既無花果蛋糕，最後我決定買一件試下，攞上手仲熱辣辣。帶咗返去比屋企人分享，個個大讚好食，連對食物好有要求既婆婆都話好鬆軟，好香，好好食！！ 雖然我唔係專家，但食得出個蛋糕係用上等既麵粉，感覺好新鮮又健康。個人認為絕對值得回購！

行過見到新鋪，好鬼多人圍住，於是跟機入去，聞到好甜潤嘅紅棗味！唔怪之得咁多人圍住啦！勁好聞🤣👍雖然件蛋糕睇落呢，就唔係話非常特別嘅，之但係！食落去就唔同講法～件糕十分鬆軟！紅棗味好出，但又唔會太濃太堆砌，食得出係真材實料去整～因為即場係有得試食嘅～不過我去到都已經食得7788，好彩都仲有得拎😂😂😂不過每底糕一出都好快賣曬，而且每款糕都係輪流出，好似我咁，就冇得試牛奶蛋糕啦😢想試就真係要問準時間過去啦～