MOS Burger (大埔超級城C區)

營業中

休息中

Mos Burger從16年6月進駐大埔超級城都一年了，梗係有幫襯我嘅至愛mos burger，但講到佢嘅早餐， 今日都係第一次 。店舖 用了白色同淺木色牆配搭， 仲有啲小盆栽點綴，感覺幾雅緻。 我點咗個吞拿魚蕃茄漢堡 ，加熱奶茶。 今日唔想食蕃茄，問佢哋可唔可以走番茄， 係可以嘅。 厚厚吞拿魚加上西生菜， 麵包軟熟， 佢哋係用Twinings茶包， 奶分開自己落。呢度環境靜靜地 ，喺度舒舒服服嘆個早餐， 然後開始新嘅一日 ，唔錯㗎😄

今晚同同事黎到超級城附近做野，又唔想食太多野，就黎左mos burger食野見到poster有個新burger叫鮭魚漢堡，貪新鮮就點左呢個餐，有厚砌薯條、粟米湯原來呢個burger既包皮係用飯做，中間再夾左一塊鮭魚食落口有d怪，可能係d醬汁既問題，令舊鮭魚同飯唔係好夾而且中間重夾左一大堆菜，個人覺得咁菜量真係太多了，咬唔曬之餘味道都怪怪的反而厚砌薯條就非常好味，份量和厚度都剛剛好，食落口唔會太salty打反個和比個中評，希望下次試其他漢堡可以激發到我比個好評

在屋企附近，一個禮拜總會食番次。最常吃的是金平牛蒡珍珠堡，因為佢最低卡，又系素食。冇咁低卡，又係素食既仲有南瓜堡，炸既，香口D。配埋沙律，都幾健康。肉既比較少食，不過，期間限定既和牛堡又唔錯，的確比普通既好得多，呢個系友人買的加大版，超飽肚！近排既期間限定，泰式碎豬肉堡，幾有趣，味道都唔錯。香港人，難免要食下快餐，到這裡，還OK吧😄點菜後，坐下，有要事人送上。員工有禮，感覺良好。乾淨企理，簡簡單單又一餐，最啱😄

近年愈來愈多大型連勝餐廳進駐大埔超級城一律都係中價餐廳我等待熱潮結同人流減退後才來光顧中午來到這裡人不算多 未見有人龍排隊相信可以享受長一點的悠閒時光我選了吉列蝦漢堡加點了細薯條餐飲選了咖啡吉列蝦剛剛炸起熱騰騰 內些裏有不少蝦生菜絲放得滿滿的與沙律醬混在一起非常配合 咬的時候食得爽脆食得很過癮炸薯條不用多說一直都是它們家的皇牌薯味夠 夠粗口感十足～一定要加埋蕃茄醬是我的最愛熱飲咖啡就不用有什麼期待一來不熱只是暖暖二來日式咖啡不是我杯茶咖啡味不足 只是過過癮頭而已～

Mos burger 對於小妹黎講，或者對好多人黎講都吾係陌生既食市，説話入開大埔探完朋友就一齊去食個lunch ，大埔呢間睇得岀新裝修所以樣樣野都好乾淨，我至like，點餐喇，完來已經貴左吾少，一個set都五六十蚊嫁喇，不過吾緊要，最緊要係好味道姐，我地叫左beef burger and mos burger，都吾錯，包軟綿綿，兩款都好夠汁，點知吾夠飽又再叫多個炸蝦burger，不過無之前兩個咁好味，可能係個蝦餅無咩蝦味，不過係新鮮炸。P.s 抹茶飲品味道好好，唯獨睇到人地叫我又跟住叫果個芒果奶咩咩特飲就岀事,sorry真係難飲，因為距用芒果醬去沖野飲，要知道同類朱古力飲品都係用粉開，點會用醬開.......浪費左金錢而且無再飲落去😌同朋友半個鐘食完三個set已經好飽了，眼見開始多人(星期六日1,2點)，我地都好識趣讓位既，希望下次會有d好味既特飲，無計，鐘意試新野~~