Morokok (家樂坊)

營業中

休息中

主打泰式fusion菜式, 門口走廊佈置得好靚, 周圍都有綠色植物做裝飾🪴, 環境充滿東南亞園林風情🏝️ 𓌈⸝⸝ 泰式小食拼盤有泰式蝦餅、豬頸肉、香茅雞翼、泰式鳳爪沙律, 適合3-4人分享～ 豬頸肉燒至焦香; 雞翼炸至香脆; 蝦餅外層香脆, 咬落有彈牙嘅口感𓌈⸝⸝ 泰式生蝦刺身肉質爽口彈牙, 以泰式酸辣汁調味, 為生蝦刺身增添鮮味！每隻生蝦都有蒜片同辣椒伴食🌶️, 刺激又開胃！𓌈⸝⸝ 蝦醬炒椰菜苗用蝦醬炒, 食落鹹香惹味！

Morokok 📍香港🇭🇰 泰國菜.之前都黎過一次 成個店面由入門口開始都好靚3人 叫左1個2人餐 再單點 食物 飲品點餐既 泰國(經理?) 有推介款式比我地.整體食物都非常好 款款都好岩我口味個人較喜歡 柚子虎蝦沙律 冬陰功海鮮.✨Set Dinner for Two10%off皇家葉包柚子 冬陰功海鮮 柚子虎蝦沙律 蟹肉咖哩 和牛炒飯 椰子肉雪糕 豬肉生菜包 蛋餅街頭梳打特飲Palm & Coconut Latte雪糕都幾吸引 系成餐飯既精粹

位置真係要麻麻地…6點幾就要開始喺樓下排隊等𨋢…環境ok…但係張凳真係麻麻地好坐…凹落去食品ok…不過不失生蝦幾好味…幾爽…個汁整得唔錯小食拼盤…有豬頸肉…一字骨雞翼…蝦餅…泰式鳳爪；蝦餅最抵讚…豬頸肉都好味咖哩牛腩拌麵…睇落份量好似得少少…撈起之後又夠2人份飯後甜品…香蕉朱古力酥餅…份量好足…兩個人食就漏左少少

近排真係食好多泰國菜，而令我想寫食評嘅呢個係其中一間。餐廳係養狗人士推介，環境靚地方大，狗可以落地自由活動；由於我哋有九位成人，點餐都絕不手軟： 泰式冬陰功湯、炒菜2碟、菠蘿海鮮炒飯、蒙古包、泰式炸蠔餅、泰式蝦餅2份、串燒2碟、青/黃咖喱配薄餅 、泰式炒河等等狂點，基本上都食得晒。飲品方面冇酒精飲品，竟然比House wine貴🙄, 叫杯凍檸茶要$38，反而叫紅/白酒買一送一仲低！食物味道正常啦，因為醉翁之意不在食，開餐期間仲要照顧自己嘅寵物，已經非常狼狽。但侍應嘅服務態度反而係亮點！1）客人已經入座，枱面嘅水杯遲遲未有人斟水☹️2）點咗個湯，只有4隻碗跟湯上，問侍應攞碗，遲遲冇人回應，要客人親自追☹️3）侍應工作期間吸煙☹️可能同樣也在露台位置，亦在遠處水吧位吸食，但客人見到嘅觀感亦不太妥😩4）服務員態度散漫，笑容欠奉，當晚周末餐廳未有爆場，室內位置只有4成客人，以服務員對客人嘅人數比例應該不至於忙到黑口黑面，個人認為「今時今日咁嘅服務態度係唔夠嘅」。題外話，當日餐廳3點零通知通往露台嘅玻璃趟門要緊急維修，未知能否晚上順利開放露台位，一道十分擔心要臨急轉場地（因為寵物只能坐戶外位置），好在

好耐之前已經聽聞過呢間裝修好靚兼有outdoor area嘅泰國菜，今日就黎一試究竟🧐入到嚟環境係唔錯，仲好闊落🌿⭐️泰式虎蝦金邊粉蛋網包住，賣相吸引👍虎蝦好重甜酸味，係我杯茶🫢 肉質算彈牙金邊粉炒得唔錯唔會黐埋一齊，如果酸啲更加好😀雖然佢都有其他配料，不過咁大碟粉得一隻蝦，食到最後有啲寡😂環境唔錯，食物質素普通，價錢偏貴啲啲，一試無妨既#旺角美食 #家樂坊 #旺角泰國菜 #泰國菜推介 #morokok

'泰式小食拼盤 - 因為大家都選擇困難，揀唔到食咩，就索性揀咗拼盤😂*泰式蟹肉炒飯 - 蟹肉都夠多，炒飯好有鑊氣。📍Morokok (家樂坊) (旺角)旺角登打士街56號家樂坊8樓801號舖

臨出發去睇show諗住喺旺角食多少少嘢先 諗住快快脆食啲嘢田吓肚 一開始喺門口見到間餐廳入邊咁多位 實冇死啦 同佢講左3位 佢仲要左睇右睇 咁我都明嘅可能有book枱唔緊要要慢慢check check完之後應該冇問題啦，跟住佢仲擰轉面問人 人哋ok佢都唔俾我哋入 仲要再等多10分鐘 但係明明就勁吉 都算 坐低叫嘢食 叫左個蟹肉炒飯 虎蝦金邊粉同小食拼盤 三個椰青等咗唔算太耐 但係個侍應手捧三個椰青過嚟淨係比一個我哋 跟住另外兩個攞走咗 少少呆咗 下次可以3個一齊上可能好少少？野食正常尚可 食過幾次

非常之唔鍾意呢間餐廳，絕對唔會介紹人入嚟，入枱時間90分鐘，但係半個鐘頭前已經叫你埋單，同埋唔算有禮貌，啲嘢食係做定先，炒飯2分鐘已經上枱，比沙律仲要快！所以呢間餐廳唔會再嚟！唔會介紹俾人！

百多元一份咖喱牛腩竟然只有四件一口份量牛腩，飲品價格亦偏高，$78一杯沙冰令人印象深刻。反而蠔餅大份量出人意料。味道中規中距，而餐廳非常嘈吵，要傾談需要好大聲。

慶祝母親節中午walk in, 很多坐位。食品味道可以接受，但服務態度極差。 翻查賬單，add on 加配食品優惠變了正價，查詢3個職員也沒有回覆，只我埋單再問！行出去收銀處再查問時，待應生收銀時沒有回應突然走咗叫左另－個待應前來，當我再詢問時佢指住張單＂扣左啦＂，我心諗你可以禮貌D我的點知你唔係改價係張單尾部先減番！再者叫左甜品冇再比另一份餐具，個場夠大，搵個人服務就難，掉下bar code 冇講嘢就走左！如果我係遊客都唔知你想點！我已經配合你地唔識中文講英文！唉！第一次再冇再有下次！

好味，而且好好朋務仲好熱情，仲有waiter主動話可以幫手刮椰青d椰肉，我同我個friend都嚇咗一跳，真是未試過，好似係泰國人來，真是好熱情，推介生菜包肉碎，上面有d脆脆好好食，係其他餐廳好少見，

樓上舖環境幾靚，坐落幾舒服☺️員工服務都唔錯👍🏻 好似當中有泰國人? 感覺親切！叫左個「泰式拼盤」 （*＾3＾） 蝦餅炸得好香脆！「泰式豬肉碎生菜包」 少辣辣度岩岩好🥰 「肉碎酸菜湯明爐烏頭」🐟呢個係食泰國菜必點嘅，條魚幾大條，都好多肉。最後叫咗個甜品「雙色芒果糯米飯」，雙色 : 蝶豆花+斑蘭 味🩷 芒果🥭夠甜😌 📍 Morokok (家樂坊) 📍地址: 旺角登打士街56號家樂坊8樓801號舖

食品精緻，環境清潔簡約！服務態度一流，格局清新可以一試！老闆熱情招呼令人賓至如歸，相約潑水節再來光顧！唯一缺點係用openrice訂位應該有九折優惠但竟然沒有提供！令人失望！價錢不是問題但有被欺騙的感覺

放工諗住一班人一齊食晚飯～今次就揀咗喺旺角嘅morokok👍🏻呢間餐廳喺商廈入面 裝修好新好靚呢間餐廳空間好足 有好多張枱無論係單獨食飯定係一班人食飯都超級適合✔️———————————————————————不過出現左小插曲今日本身喺OpenRice book咗8:00 7位去到話冇位 因為我哋想坐室內 所以就叫我哋再等多陣最後要等到8:30先有位 係等得有少少耐 不過嗰個期間都有追問過員工 佢地都好有禮貌咁解答嘅 所以服務方面其實都算OK！入到去之後都係用QR code 自助落單因為多人所以叫咗好多唔同食物比較推薦嘅係串燒 有雞有豬兩款都唔錯👍🏻👍🏻另外冬陰功都好夠香味 而且都放得足料 有青口有蝦🦐蠔餅炸得夠香夠脆！鍾意香酥餅可以錯過 煎得夠脆 配咖喱都好好食🥳最後就係食泰國野必叫嘅泰式炒通菜 味道不過不失～因為多人所以叫咗好多野食每一款味道都唔錯👍🏻總結係如果想食泰國野 絕對可以試吓呢間👍🏻 款式多味道唔錯！ 重點係環境乾淨 裝修靚 絕對可以再打返個靚卡🥰因為喺OpenRice book 星期五晚都有九折優惠 好抵!!最後每位大概$200 價錢都算合理 有機會會再食呢間泰國菜🫶🏻

嚟過呢間泰式餐廳都好幾次，以前成日要等位，不過好似近年顧客人數少咗，都唔係成日需要等位，位置就幾方便。呢間既然係泰式餐廳，食物就以泰國菜為主，例如有唔同嘅泰式蔬菜例如好似馬拉盞通菜，肉類就有豬頸肉、串燒等等，當然少不了傳統嘅冬陰功湯，粉麵就有金邊粉，菠蘿炒飯等等。食物嚟講味道不錯，唔會算太油膩，或者用太多味精。以泰式餐廳嚟講服務算唔錯，上菜速度正常，環境都幾乾淨。價錢我覺得屬於正常水平，性價比偏高。