放工想同朋友食個西餐傾吓偈🥰 就一早揀咗喺荃灣西嘅Cafe🥳 去到門口已經見到間Cafe裝修好靚 入面有好多乾花 平日收工就即刻去6:30到餐廳都仲有空位 建議大家一定要book定位先 因為去到七點幾已經幾乎full晒🤣 今次點咗個Pizza二人餐 有超多野食😋 首先係 廚師精選濃湯配蒜蓉包 其中一個加多$18轉左鮮打法式龍蝦湯配蒜蓉包 龍蝦湯超好味😋 鍾意用蒜蓉包點埋啲湯一齊食 口感好正 慢煮雞胸日式胡麻沙律 呢個雞胸做法一啲都唔韌同諧🤣 撈埋胡麻醬超夾 而且好開胃 做前菜真係好適合🥳 超creamy 卡邦尼意粉💖 卡邦尼意粉真係超多汁😋 一啲都唔乾 而且入面仲有啲蘑菇煙肉嘅配料 增加口感 推薦點呢個意粉🥰 招牌明太子海鮮薄餅 終於到主菜Pizza啦 呢個係Homeland嘅招牌pizza💖 海鮮pizza入面係有夾埋芝士 口感多層次 同埋海鮮都係鋪滿晒成個pizza 超足料✨✨ 滋味小食拼盤 入邊有四款小食 雞翼係柚子蜜糖✨ 仲有炸蠔、炸魚手指同芝士薯條 樣樣都炸到脆卜卜😎 飲品海鹽抹茶芝士奶蓋 朋友就叫咗香芋芝士奶蓋 不得不讚個芝士奶蓋超級厚😍 甜度正常唔會太甜👍🏻 推薦俾鍾意飲芝士奶蓋嘅人！ 最後再可以加$48 要咗個手工朱古力卡邦尼蛋糕😋 上面有棉花糖 增加咗成個蛋糕嘅口感 而且擺碟都超靚😝 如果想同朋友慶祝生日，都係一個好好嘅選擇！ 兩個人食咗咁多嘢，都係$300左右 真係食得超級飽 Cafe仲可以慢慢傾偈慢慢食 抵食！😋

成日食任食邊爐但係因為限時次次都食得好急 所以平日放工想搵一間可以任坐任食嘅邊爐 可以慢慢同朋友傾偈chill下 今次就揀咗位於旺角嘅肉浦團火鍋放題👍🏻 肉蒲團嘅地理位置都算方便喺市中心旺角入面～ 入面嘅座位都算闊落 而且餐廳嘅裝修都幾有特色 一入座就可以用QR code去落單叫牛同海鮮 今次叫咗$298嘅餐 叫咗沙嗲湯底✨ 有好多牛可以選擇 餐廳有兩款肉係限定一份 A4和牛肩胛肉眼 A4和牛後腿肉💖 兩款肉汁都好出色 另外其他牛肉可以任叫 比較推薦牛背峰 肉質比較係嫩😍👍🏻 另外推介嘅係越南虎蝦 好大隻 而且每一支已經有竹籤穿起 食起上嚟好方便！👍🏻 另外亦都有多款蔬菜同丸類可以自己拎取😎 超多選擇～ 亦都有熱嘅炸物 例如炸燒賣、炸薯格 全部都熱辣辣勁惹味🥰 飲品方面都有唔少選擇有甜又唔甜 鍾意飲唔甜嘅嘢建議可以揀返茶 食到最後 員工仲會送上甜品🍮 今日嘅甜品係蛋糕有朱古力同埋綠茶口味🥰 食完鹹嘢再食甜嘢 真係更加好食🤣 最後坐咗三個鐘先離開 呢個價錢可以任坐任食真係超抵🤣 如果想任食牛 又唔想食得咁趕咁急慢慢同朋友傾偈💬 推薦可以食呢一間無限時火鍋👍🏻

呢間粥底火鍋一直都想試好耐 今日終於同朋友一齊去試吓佢嘅海鮮粥底火鍋😍 餐廳座位唔算好多 但係坐落都好闊落👍🏻 因為平日比較早去六點仲會有位 去到差唔多七點已經全部full晒啦 所以如果想食嘅話可以先提早book位‼️ 餐廳提供自助調味區🔆 可以自己拎鍾意嘅調味料😋 餐廳會提供計時器 而且寫明海鮮需要烹飪嘅時間 咁就可以食到最新鮮最好味嘅海鮮😋 一嚟上咗個鍋 就上海鮮啦😍 今次揀咗個肉蟹餐 超級抵食😍‼️‼️‼️‼️‼️ 入邊包括咗六款海鮮 有肉蟹、基圍蝦、沙白、鮑魚、聖子、魚🎉 每一款都係超級新鮮🎉 上菜嘅時候 仲見到啲蝦係仲識跳！係即撈起即食 不得不讚 啲蝦全部都已經用竹籤穿好晒食起上嚟真係超方便😍😍 個蝦好大隻 而且好甜又多膏😝 沙白係粒粒都咁大粒 完全冇沙👍🏻 肉蟹啲肉超厚實 啲膏都超香 係超級新鮮🥰 鮑魚一早已經幫手清理好 起埋塊肉 真係好貼心😍 之後仲可以叫六款餸 分別叫咗肥牛、響鈴、牛丸、魚皮餃、油麥菜同金菇 肥牛好味 一啲都唔韌👍🏻 油麥菜同金菇份量都好足 食完啲配菜 就會落埋南瓜芋頭同埋菜譜入去煮粥😋 啲汁水本身已經有海鮮嘅精華 所以個粥特別鮮甜特別好味🥰 呢間鋪真係性價比超高！ 就算叫龍蝦餐都係 超級推薦比想食海鮮粥底火鍋嘅人😍😍 海鮮新鮮、配菜好味、個粥仲要好鮮🥳 呢一間舖係一定會再幫襯～～

今日收工想食小菜 就同朋友過嚟金龍酒家試吓啲海鮮同小菜😍 入口都好易搵 地鐵站一出直行轉左就見到 門口好光猛 入面嘅座位都算闊落 入邊有個大海鮮缸見到啲海鮮都好生猛！🦞 冰火辣魷魚🦑 呢個係冷盤 調味辣辣地 超級開胃🤤 而且份量都好多 超級適合做前菜! 龍躉兩味 清蒸班頭腩 鍾意食龍躉真係唔好錯過！ 啲魚煮得超滑 一啲都唔嚡🥳🥳 而且唔會太重口味餸飯一流 第二度係翡翠炒球 有啲蔬菜撈埋一齊炒超香😎 金沙蝦球🍤 呢一度真係超級推薦！😍 餐廳炸得外皮超脆 入面嘅蝦肉亦都好厚實 食得出係超新鮮嘅蝦 入邊隻蝦都係好大隻嘅蝦！ 本身鍾意食蝦真係更加覺得好味😝 黑椒牛仔骨 啲肉完全唔韌 撈埋黑椒超好餸飯 黑椒味好香～ 最後加咗個通菜 通菜個汁超級好食😋 而且炒得好香口 食呢啲海鮮點都要加個菜中和下 呢個菜係我哋秒清！ 我哋一行四人叫咗四碗飯好快清晒，因為實在太好餸飯啦🥰 如果同朋友或家人聚會 或者想食小菜呢一間真係推薦👍🏻 之後有機會會再幫襯

放假好想食刺身 就同朋友嚟咗呢一間銅鑼灣嘅瀛豐放題料理專門店🎉 一入到嚟見到店內嘅裝修好光猛 感覺相當整潔乾淨👍🏻 而家所有日式嘅放題，都主要係用QR code落單叫嘢食🥰 我哋今次除咗食放題，一開始仲叫咗個極品海鮮拼盤送魚子醬💖 講明極品海鮮真係全部都係好新鮮嘅海鮮🥰 有鮑魚、青口、長腳蟹蟹腳、螺肉等等 仲要超貼心啲鮑魚、螺肉、青口都幫我哋起咗個肉出嚟～ 再點埋Wasabi 鮮味更加重👍🏻👍🏻 重點係長腳蟹蟹腳係超級甜好多汁～ 仲要送埋魚子醬真係可以一試😝 另外再叫咗帶子海膽 海膽真係超級鮮甜 撈埋帶子食真係勁滿足😍 之後就梗係叫返刺身 刺身嘅款式都唔少 刺身都切得比較厚身，所以都好有口感🥰 另外蝦都好大隻好甜😍 之後就叫咗啲熱食試吓 首先先叫咗湯飲 呢個湯真係超級甜超好飲 唔會係好重藥材味嘅湯 亦都冇味精味 好值得推薦 之後呢個係泰式生蠔同平時嘅燒生蠔有啲唔同 會有少少泰式酸味 口感都幾新鮮 另外雞腎串口感都好好～ 超級推薦大家食芝士年糕 呢個真係超級煙韌 熱辣辣又炸到好香真係好吸引 叫完一次又一次🤣🤣 同埋呢個係其他放題店比較少見 壽司款式都好多，而且唔會太大嚿可以一次過試晒唔同口味🥳 最後就係甜品～ 甜品係自助式 自己係出面拎 自己覺得最推薦係泡芙 有兩種口味 另外香芋杯都好香～ 估唔到呢間放題有咁多款式可以試 有機會會再同朋友過嚟食～

終於有時間試呢一間荃灣新開Fusion泰國菜😍😍 一去到門口已經見到裝修好靚～保持有泰國風之餘又有啲Modern嘅感覺😝 打卡都好適合💖 用QR code落單 見到餐牌有好多唔同嘅泰國菜 基本上出名嘅都會有🥳👍🏻👍🏻 首先叫咗個椰子香茅奶油蜆湯 $88 一嚟到已經見到滿滿嘅蜆🥳 對於鍾意食蜆嘅人 真係無法抗拒🤣 個湯係有少少酸酸地 再加上有奶油嘅感覺 成個味道意外地好夾 以後食泰國菜 除咗叫冬陰功都可以試吓呢一款💖 之後叫咗個海南雞（例）🥳 $78 因為驚太多食唔晒 所以叫咗個例牌試吓 比想像中啲雞仲要滑😍 餐廳仲會俾三個醬你點 加多個油飯一齊食啱啱好😝 軟殼蟹咖喱鍋都係超級惹味🥰 $188 鍋入面有兩隻好大隻嘅軟殼蟹 咖喱汁超濃郁而且好多！ 餐廳仲會準備埋個熱鍋可以保持溫度 避免變凍 超貼心嘅準備🥰 呢一個超推薦大家加點印度烤餅❗️❗️ 印度烤餅點咖喱食係超正😍😍 仲叫咗三串雞肉串 $45🥳 雞肉串係三串起跳 絕對唔係薄切切係超有肉💖 每一串都啖啖肉 沙嗲味係好香好濃嗰種 仲有牛肉豬肉等等可以簡！ 最後再加咗兩個甜品 一個係芒果糯米飯雪糕 另一個係芋泥芋圓雪糕 雖然配料唔多 但係個雪糕味道係超濃郁💖 食完勁想叫多杯🤣 最後埋單五百幾蚊 兩個人食 係會超級飽🤣🤣 個人覺得超級值得 餐廳環境好 食物味道好味 份量亦都好大 呢個價錢絕對係超抵😍 之後一定會再幫襯！

聽朋友成日推介金鳳大餐廳嘅港式扒餐 終於嚟荃灣試呢一間😆 金寶大餐廳嘅室內裝修都幾有舊年代嘅港式風味 用紅色皮整嘅梳化特別有感覺🤣 餐廳都採用原有嘅員工落單 同朋友嚟食 見到今日嘅每月晚餐套餐好抵 就決定嗌呢一個以帶子西冷牛扒為主食嘅套餐😆 $178 包晒餐包沙律甜品同飲品真係超抵🤣 另外朋友就叫咗$202嘅美國肉眼扒套餐 另外再加錢配個超多人推介嘅雪糕紅豆冰 首先係餐包同餐湯一齊上 餐包同餐湯上嘅時候仲係熱辣辣 重點係牛油完全冇溶到👍🏻 夾落麵包食外熱內冷超正😍 白湯係正常水準 入面有紅蘿蔔同粟米粒～ 飲品方面 雪糕紅豆冰真係超正！ 紅豆一粒粒分明 甜度啱啱好😝 個沙律入面有薯仔青瓜等等嘅蔬果都幾fresh！ 終於上正餐～ 職員會問你想要啲咩汁我哋就揀咗黑椒汁！ 另外本身加咗兩蚊加蒜蓉 個人覺得加蒜蓉味道更好😍 一淋汁個鐵板即刻熱辣辣 本身套餐除咗有塊牛扒之外，仲有少少薯菜～ 兩款牛扒都叫咗五成熟 西冷牛扒肉質好軟熟 帶子都燒得好香😍 肉眼扒就相對肉汁較多😎 切開仲係得返少少紅 如果鍾意食生啲嘅建議可以食三成熟～ 同朋友share就係可以兩種扒都試到👍🏻👍🏻 最後個西冷套餐仲包咗個雪糕😆 個雪糕都幾滑身～ 啱啱好中和返鹹食嘅油膩 一個套餐絕對係超夠飽😍 個人覺得$200預算左右可以食到高質扒餐係物超所值😝 加上餐廳上菜好快 環境唔錯 同朋友chill下傾偈都係一個好地方😎

近排好想食烤魚同串燒 見到荃灣大鴻輝新開咗一間 決定放醒約埋朋友一齊嚟試下🥳🥳 一出lift就見到啲裝修勁有誠意😍😍 超級靚 好有有80年代vintage 風嘅感覺🥳 入到去餐廳內部更加有驚喜 每一個細節裝修位都做得好好💪🏻💪🏻 仲會有啲打燈 超有feel😍 Book左6:30平日 一開始都仲未好多人 到七點左右已經開始爆場 所以真係要提早book定！ 坐低之後就QR code落單 食物款式都算多 即刻試吓推薦嘅香辣烤魚🌶️今次揀咗江團魚🥳 一上菜已經feel到好香！ 魚都算好大條 份量都好足 兩個人食真係好夠💖 因為想嗌其他串燒 所以就冇加到其他餸 本身配料包咗少少菇同蓮藕 如果其他配料就要另外再叫啦～ 串燒就揀咗 黑椒豬頸肉 $28/2串 雞腎 $28/2串 同埋孜然口味嘅濕辣牛肉🌶️$48/5串 啲串燒都好香好夠味！！ 建議大家一上菜要即刻食 熱辣辣食喺最好味，而且仲有少少脆口 最推薦係雞腎😍😍 好有口感👍🏻 黑椒豬頸肉就燒得好平均！ 完全冇燒到燶咗～ 另外再加咗個本身好鍾意食嘅燒茄子$36😍 $36嚟講都算抵食 份量唔少，而且燒得好香 蒜味同埋辣椒味都落得啱啱好😝 鍾意食茄子嘅一定要點！ 最後再加咗個花甲年華$48 花甲數量唔算多 不過味道都好唔錯蒜同埋辣椒都好多 好啱鍾意食重口味嘅人！ 飲品方面叫咗一杯Maisel’s Weisse Original+手打鴨屎香檸檬茶 啤酒好大支 同串燒完全係最佳配搭🥰 手打鴨屎香檸檬茶就叫咗少甜 覺得啱啱好味道唔會太甜又太酸！ 而且個造型好靚 好似一杯Mocktail!💖🤣 最後食到中途7:30 因為星期三仲有歌唱比賽 可以聽到人哋現場唱live 氣氛都好好 而且啲職員仲會派啲應援棒比食客🥰🥰 真係好似去咗睇演唱會🎶 鍾意聽歌嘅又想同朋友chill 真係一個好好嘅聚會地方😍 最後埋單$700左右 但係由6:30就坐到9點幾 每人$350 感覺性價比高👍🏻因為仲可以聽吓歌 傾吓偈啲時間真係過得好快！ 推薦俾鍾意食串燒烤魚又鍾意聽歌嘅朋友😍😍 有機會一定會再去

放工諗住一班人一齊食晚飯～ 今次就揀咗喺旺角嘅morokok👍🏻 呢間餐廳喺商廈入面 裝修好新好靚 呢間餐廳空間好足 有好多張枱 無論係單獨食飯定係一班人食飯都超級適合✔️ ——————————————————————— 不過出現左小插曲 今日本身喺OpenRice book咗8:00 7位 去到話冇位 因為我哋想坐室內 所以就叫我哋再等多陣 最後要等到8:30先有位 係等得有少少耐 不過嗰個期間都有追問過員工 佢地都好有禮貌咁解答嘅 所以服務方面其實都算OK！ 入到去之後都係用QR code 自助落單 因為多人所以叫咗好多唔同食物 比較推薦嘅係串燒 有雞有豬 兩款都唔錯👍🏻👍🏻 另外冬陰功都好夠香味 而且都放得足料 有青口有蝦🦐 蠔餅炸得夠香夠脆！ 鍾意香酥餅可以錯過 煎得夠脆 配咖喱都好好食🥳 最後就係食泰國野必叫嘅泰式炒通菜 味道不過不失～ 因為多人所以叫咗好多野食 每一款味道都唔錯👍🏻 總結係如果想食泰國野 絕對可以試吓呢間👍🏻 款式多味道唔錯！ 重點係環境乾淨 裝修靚 絕對可以再打返個靚卡🥰 因為喺OpenRice book 星期五晚都有九折優惠 好抵!! 最後每位大概$200 價錢都算合理 有機會會再食呢間泰國菜🫶🏻

之前喺荃灣嗰間食過一次 記得佢啲意粉都唔錯 見到新都會新開咗 所以就同朋友一齊過嚟慶祝朋友生日😋 新都會呢一間嘅店舖好大 而且裝修都好靚 平日嚟都仲需要排隊 而且都唔少人 生意真係好好 所以想食嘅朋友真係要預足時間等位 見到隔籬位食蟹殼黑松露意粉好吸引 所以就跟隔籬位叫咗呢一個🤣 黑松露味好出 而且夠多汁每一啖都有 本身鍾意食黑松露嘅人應該都會鍾意食🤪🤪 另外再嗌咗個芝士pizza 芝士好夠 而且同啲蕃茄味都好夾 最後再嗌咗個Homemade甜品 心太軟同朋友慶祝生日🎂 因為係即整嘅關係，所以都要等一陣 建議大家可以預好時間提早嗌定 最後都食得幾飽 Cafe價錢嚟講都算正常合理 有機會會再去