MoMo Café

營業中

休息中

📍MoMo Café沙田安平街1號香港沙田萬怡酒店🟠餐廳都算大同闊落，座位亦算舒適，特別欣賞呢三個半圓餐桌，點綴了餐廳。食物多元化，但味道同質量都較一般。☕️🥛🍵🍹咖啡機提供的無論是Espresso同普通Coffee都有點令人失望呢，唔夠味道同唔夠熱，有望改善。🍳🥚🥓早餐都提供一般的煙肉、薯餅、烚蛋、腸仔、茄汁豆等，亦有煎蛋提供。中式點心選擇唔多，今次有曼頭、珍珠雞同牛肉，雖然款式不多，但點心味道不錯。🍜🍥🥬還有一個section提供粉麵類，即時煮，可選魚蛋鳴門卷同菜。另外有個section提供麥片，種類算多。🍞🥐🥖麵包亦有白麵包麥包，最好食有款芝麻奇亞籽法包，烘一烘更香脆美味。另外香蕉🍌蛋糕亦做得好乾身，唔會太甜亦唔太油，味道剛剛好😋。

🍄奢華黑鑽松露下午茶☕️喺沙田萬怡酒店呢間下午茶，雖然位置比較難到達，但見到呢個下午茶幾抵食，所以一試✨我覺得食物質素其實唔錯，鹹甜點都整得幾精緻，有黑松露作為主題，雖然有黑松露嘅部份唔算好多，但係味道都整得幾好食嘅👍🏻而且呢個下午茶仲包埋兩杯香檳🍾️都幾抵食，無咩伏位👍🏻平價就嘆到一個酒店下午茶☕️我覺得性價比都算高🌟

唔明點解咁多人踩，折完5百幾食佛跳牆，鵝肝toast，刺身，龍蝦，其實都真係幾抵。啲刺身重要係新鮮，waffle外脆內軟。真心有heart重點係空間咁大，坐得舒服🌟🌟🌟非常適合一家大細同樣價錢，正過「朗豪坊隔離嗰間酒店」、「將軍澳站上面嗰間酒店」多多聲其實好少打食評，係book錯時間，就黎去先知，嗰日好full，經理都即使幫我搵位調位，俾返嗰open rice折我，我真心感動！而且本身無期待啲野食，但啲野食又真係超高性價比，所以寫歌食評比佢

2大2細$16086點半到，食咗1round已經冇乜嘢食, 說好的佛跳牆就好似例湯一樣！仲要7：30先送嚟！千幾蚊都唔知食咗啲乜！最經典係佢個牛腩！蘇過蘇東坡，食完返屋企嘔咗3次！簡直係咁大個仔食過最難食嘅自助餐

是日窗外下著雨，但室內卻是有種安寧謐靜的感覺。MoMo Cafe 本身以 Buffet 作主打，下午時段，卻有 Afternoon Tea 提供。餐廳的座位間寬敞闊落，更有卡座、方桌、高身圓枱、大方枱及廂房等不同組合，適合不同場合的需要。近月餐廳推出了「奢華黑鑽松露」下午茶 （Sumptuous Black Truffle Afternoon Tea）供應期由2021年9月17日至2021年12月12日， 每日下午2時30分至五時正， 每份兩位用港幣$398連兩杯咖啡或茶（期間限定可免費升級至兩杯精選氣泡酒），價錢看來相當親民，連加一都不到$450，每位都是$225左右，已經包埋 Sparkling Wine，連食物、環境、服務，舒舒服服放下電，思考人生，又真係幾悠閒。仲有喎，家陣只要閣下係萬豪旅享家（Marriott Bonvoy）會員，可以專享高至七折優惠（加一服務費以原價計算），的確抵上加抵。講返個下午茶先。同樣是以英式三層架上，當然是同時送上兩杯 Sparkling Wine。鹹點鵝肝醬法式多士軟綿豐腴的鵝肝醬，與置底的脆多士結合，看似簡單，但我喜歡，尤其是放上一小片橘子，品嚐

酒店食自助餐，排隊輪得三隻生蠔，真係衰過輪米。昨日想食buffet,好難即book即有。揾到呢間。仲可以free parking。安排咗枱之後，即刻取生蠔。開蠔個師傅好nice ，仲開得好快。可能地點唔就腳。客人唔多。唔洗排隊。熱食有即叫即批片皮鴨。甜品推介焦糖燉蛋。

踏入秋冬即係黑松露的季節，我當然立即把握時間開始食，今年就先吃沙田萬怡酒店 Mo Mo Cafe 的「奢華黑鑽松露」下午茶，兩個人竟然HK$400有找，仲免費升級氣泡酒，會唔會太抵食呀？不過食素的朋友想 High tea 就要約個食肉的一齊去啦。沙田萬怡酒店在石門站附近，隔離又有巴士站，交通非常方便，但成個氣氛就旺中帶靜，餐廳環境坐得好舒服，同閨蜜來傾偈一流。食英式下午茶一定要有 scones，Mo Mo Cafe 都定番一定有提供，簡單口味不花巧，最重要係一定有 Clotted cream 和果醬，非常正宗風味。英式鬆餅水準中規中矩，唔算超級好食但亦不過不失。下面兩層都係甜點，整體來說口味都唔會太甜，例如果杯香檸慕絲伴青提果凍，底層酸酸檸檬醬就夠晒清新。下層這三層賣相都一流，中間果個你以為係莓果口味，其實係紫薯，超級有驚喜！「奢華黑鑽松露」下午茶鹹點鵝肝醬法式多士黑松露忌廉芝士三文治煙三文魚薄脆松露牛油烤帶子甜點黑松露威士忌朱古力慕絲紫薯芝士蛋糕香檸慕絲伴青提果凍秋栗芙蓉子撻柚子甘栗卷野莓牛油蛋糕價格：HK$398*/每份 2 位用 (連 2 杯咖啡或茶)季節期間限定：免費升級至 2

沙田區一家大細食自助餐選擇真係好有限，上個星期試過麗豪酒店，感覺都係一般。今次試吓沙田萬怡酒店，食物雖然唔可以同金鐘萬豪酒店嘅一半媲美，但係性價比絕對係沙田當中比較好。（我係用左Eatigo 嘅五折優惠，所以大家都諗到個性價比係站在呢一個角度出發嘅）用膳嘅日子係星期一，係一周食自助餐嘅最好時機，場內只不過坐咗10枱人，所以亦都係性價比高嘅原因。首先每一位客人都會有一份鮑魚加和牛，呢一份食物係全場最好味嘅。除此之外任食嘅冷盤有龍蝦、凍蝦，翡翠螺，同埋最重點嘅泰國生蝦。刺身都有師傅即切嘅三文魚、八爪魚、鯛魚。熱盤方面，都有五至六款嘅主菜，其中有師傅常餐嘅包括有片皮鴨、燒牛肉、大蝦意粉。食物嘅味道係中上。甜品方面選擇比較多（都係講緊以$300嘅標準去睇），有葡撻、窩夫、豆腐花及大量雪糕(係Movenpick，味道選擇亦都多）。總括而言，以$300來講，呢一間已經做到金鐘萬豪嘅水準。

見到佢海鮮主題，諗住會好多選擇同好味D，但令人好失望，海鮮款式好少，而且唔新鮮，好難食。又無生蠔，又無蟹腳，其他食物都好普通，最好食就係個片皮鴨同蒲撻。。。甜品款式都好少，靚少少都要加錢買，飲品又係，得咖啡同紅茶，橙汁汽水都要額外比$48蚊。。538蚊7折加1，埋單都424蚊一個，一D都唔值呢個價，海鮮真係好難食！我未試過食龍蝦鉗咬一啖就唔想食，泰式生蝦都唔係好新鮮，D醬又唔好味。仲有D燈光好暗，不過坐得幾舒服既。

雖然地點好近屋企，但疫情前重未來過，主因見評價差。但在疫情下，近近地，個埸並不多人，便來食下，發現没有傳聞咁差，有蟹腳，蝦餃燒賣等唔數款點心，亦有燒鸭乳鴿等，縱然熱盤冇乜好食，折後只二百多元一位，不算太差，故也吃了幾次。 怎知今次去到，只見蟹腳，蝦餃，燒鴨和乳鴿没有了，點心類只轉成尤魚牛柏葉，其它熱盤味道真的好一般，真的没有什麼好吃，相信以後不會再來! 其實個場本已不多客，咁冇心機做，不如不做，好過趕客!

經OpenRice訂座有75折，即是三百二十元左右再加一。去之前大概有參考過其他食評，本著各人口味不同，不應盡信食評的心態去訂位。到達後，去了食物那邊走了一圈，心中已知出事。選擇非常非常少，味道一般。海鮮有沙、刺身不太新鮮。以原價428、75折後321加一的價錢來說，真的很不值。唯一可取之處是服務員的態度不錯，沒有令食客感覺不舒服兩年前已多次吃過，兩年後的今日，質素下降得令人心淡相信今次也是最後一次在這裡吃自助餐了。

睇過最近三个月的食評，好多負評，但因为有買一送一，故不惜以身试食。今日係平日，去到門口冇人排隊，有多少不安，但只係$200一個人，只要勝過連鎖快餐店已经算勝！入到裹面，有卡位，有多人枱，佈局清優，距離寬敞，已感觉良好。一開始試食魚生區，有5款，雖然不是頂级，但勝過同尖沙咀区KOWLOON HOTEL, ROYAL PACFIC, HUNGHOM HYATT, KWUNTONG 如心。再去食龙虾🦞，嘩，鲜甜到冇朋友，斐翠螺，大虾，青口都OK,新鲜可接受。之后再享用中式熱菜，同一般中式酒楼差不多。推介咖哩牛肉，非常香濃。最后試甜品，雖然只有數款，但食得出系出厨房不久，非常有近厨得食之感。Last but not the least,M 字頭ice cream绝對可以補償各位甜品控！今年試左6間$300左右的lunch buffet，呢間平日价只系260一位，best of the same class

平日去食冇乜人，係沙田嘅酒店，冇得同出面五星的酒店比較，服務可以再好D，不是沒有禮貌，但冇乜親切咁，食物方面，串燒牛有D乾，炸物不是即刻整唔熱的，飯團，壽司，似夾夾壽司質素，甜品方面還可以，唔難食，又未至於好好食。小插曲，tea set 到左一段時間，再攞左兩件小甜品來話係漏左的，都唔知覺好（補番比我），還是唔好（咁都漏得），我諗三百幾蚊係咁嘅質素

食物選擇少，魚生或者壽司欠奉，啲廚師好似見你唔到咁，啲蜆居然有沙，熱食都唔多，我未試過去食buffet啲甜品係收埋喺櫃入邊，但係又冇人serve幫你攞，得個睇， 後尾同朋友講開，佢話原來要叫人攞嘅，但係佢同我講好難食，唔食並冇損失，我入嚟睇食評，見到有位女士話好好食仲影埋相，啲相又好靚，大家千祈唔好信，我好懷疑佢係廣告嚟㗎。我係用Apps book嘅有折，加埋一都要五百幾蚊，咁嘅質素一啲都唔值$300都比多咗佢。座位就OK，都唔滿，我依家知道點解。

星期日中午，自助餐竟然有吉檯，受歡迎程度比另一間石門酒店低。我今年第三次到訪，食物種類退步，沒有蟹腳，網上資料顯示可能因為貨源緊張。凍海鮮有龍蝦鉗和翡翠螺比較出色，熱食平凡沒有驚喜，沒有蒸魚，中湯還好。燒牛肉變了燒蜜汁火腿，味道偏甜，還有金華火腿，但我沒有吃。眾多項目之中，甜品好過預期，有多款蛋糕選擇，也有蛋撻椰撻等，M牌雪糕是回本之選。咖啡茶是任飲的。我認為這間餐廳可以轉型做高級西餐，沙田區酒店沒有同類選擇，如果繼續做自助餐只會挨打。