MoMo Café

營業中

休息中

未裝修之前嚟過一次非常之惡劣，我話過唔會再嚟，因為我朋友話今次新裝修之後環境好似唔錯，想同我去一次，我勉為其難地應承咗同佢去食！但因為怕又中伏，所以我哋揀8:30優惠時段5折去食，費時又哂錢！今日平日8:30去到差不多坐滿人，首先我地同佢要左4隻蠔（每人送2隻）味道非常有驚喜creamy同鮮味，佢係即開既！然後去左拎龍蝦同螺，味道都唔差食左1.5隻龍蝦🦞，螺都Ok!因為我地上網見話有海膽先黎，但今日得豆腐海膽，啲海膽又勁少，呢個位覺得有啲伏既！三文魚刺身質素好一般，建議唔使食喇！到蟹腳方面有驚喜，味道唔錯，食左兩大盤😂😂😀😀！凍櫃啲甜品又係好難食嘅！不過雞蛋仔同埋朱古力麵包布甸好食！熱食無食太多淨係飲咗盅燉湯、蟹肉番茄意粉就完左！但呢2樣都幾好食！整體呢個價錢來講其實好抵食！！總算令我改觀左少少！

其實不是太差 亦不是太好..睇傳媒介紹 見到有生蠔同海膽 非是吸晴但冇想過 所謂既海膽比我想像中要少，生蠔還可以.好彩有7折優惠算係甘..唔算太貴 還可接受但講到環境都非常舒服 ..服務亦可以..食物方面 可以出多不同野食配合主題 要求唔高 只求舒舒服服 都係一個好選擇

朋友生日總要同佢慶祝一番，今次就揀了沙田萬怡酒店的MOMO CAFE。呢間餐廳可以話係性價比之選，環境舒適唔會怕好嘈之外，價錢亦相當抵，如果係萬怡酒店會員更享有7折限定優惠。走進餐廳內裝潢都相當時尚，同時座位亦相當闊落。自助餐分別有不同食物區域，甜品蛋糕、凍盤海鮮、前菜沙律、壽司、熱葷等應有盡有。凍盤海鮮食物相當豐富，包括有：龍蝦、長腳蟹、麵包蟹、凍蝦、蜆、青口，旁邊更有不同的沙律前菜。刺身區都有齊大路嘅魚生，包括：三文魚、吞拿魚、油甘魚、魷魚等，而且必試當然係三文魚海膽魚生飯，魚生新鮮之餘，海膽亦很鮮甜。而且每晚食自助餐的客人都有2隻日本真蠔，蠔肉相當肥大，肉質爽口鮮甜，好正。熱葷區就有好多名貴菜式，竹笙、花膠、鮑魚等亦同時出場，而且同時亦有好多不同熱葷選擇，東南亞雞肉咖喱、中式燒味、日本關東煮等，基本上每款食一啖已經會好飽。而且佢自選拉麵區亦值得去食，因為今次食到的是拉麵或烏冬，同平時自助餐真係有好大分別，而且最重要係加埋師傅秘製湯底真係相當出色。而且呢個自助餐真係好有心思，因為師傅每晚都有不同精選食物，今晚就係師傅即劏三文魚，事前更有職員打鼓作宣傳，可能即劏的關係，三文魚真係相當

香港人對於「石門」可能會覺得好陌生，但其實現今的港鐵來往各地都非常方便。幾年間石門由一個工商廈為主，現在有很多住宅進駐此地。石門的京瑞商場都有一、二期，有過百間餐廳進駐此地。特別萬怡酒店我亦都光顧過好幾次，全因頂層的餐廳能夠遠眺香港的夜景，以及沙田馬場相當舒適。生日月總是有很多飯局，今晚與友一同到訪沙田萬怡酒店的MOMO CAFE。裝修後的MOMO CAFE的確與從前截然不同。現在凡有恆生、匯豐、中銀信用卡均一律有85折，而萬怡酒店會員更享有7折限定優惠。自助餐總是會有不同的主題，今次是海膽之誘惑自助晚餐，星期一至四成人每位 港幣 $490，而小童則每位 港幣 $280。星期五至日及公眾假期每位 港幣 $580，而小童則每位 港幣 $320。場內的坐位間格相當特別，除了有卡位、長檯、包房等，你會意想不到為何吃自助餐都有會有房呢？我深信是酒店希望客人能夠有更多歡聚又有私隱的空間。自助餐分別有海鮮、沙律、刺身、壽司、冷盤、熱葷、日式主題美食、甜品、飲品等區域。每位客人到訪都會有2隻日本的生蠔相當肥美又鮮味。有別於其他酒店的自助餐，海鮮類以一個凍櫃保持其新鮮度，而且有龍蝦、長腳蟹、青口、麵包

話說今個月係海膽主題同埋momo cafe 新裝修完所以就黎食下。去到入座非常之快，一入到去見到甜品區既蛋糕全部轉曬係雪櫃入面，擺放得很靚仔，而且款式係比之前多左既。之後去左冷盤個邊，海鮮應該係比裝修前擺多左，有凍蝦，蟹腳，龍蝦，龍蝦鉗，蜆，青口。而生果就擺左係？ 側邊個雪櫃到，同d 凍肉係附近，不過西瓜切很太細，要夾很多先夠食另外明明話海膽主題，入到去除左有個魚生飯有少少海膽外就真係完全見唔到，好在有人間開先知原來話意粉到原來係有海膽，不過唔講由是可，首先個意粉既牌明明係話燴魚長通粉，魚又無，海膽又無，呢個時候就掛住之前個意粉檔多d了。另外之前個粉麵檔宜家就得返拉麵同烏冬，配料選擇也少左，因為得日式配料而熱盤都轉左款式，雖然無左個陳皮骨，但多左花膠同牛肋骨，呢兩樣好好食而意粉檔變左天婦羅檔，可惜師傅炸定很多，有d係凍，有d就暖，唔太吸引。最正就係尋日有生蠔食，每人有兩隻會送到你枱上，係開蠔既位置會見到d魚生，不過賣相一般甜品方面，雪糕轉左movenpick 仲有6種味，可惜個雪櫃唔夠凍，雪糕有少少溶，另外雪糕配料都多左。而蛋糕個d就改左由職員幫你攞所以賣相同温度都維持到，另外個朱古力

裝修期間，成個setting 轉唒，成個平民夜總會。枱凳、食物擺放完全低咗幾檔，食物水準又差，款式又少，收費很貴。雪到死死實實龍蝦、麵檔衹有魚蛋、冇其他選擇，冇壽司檔、雪櫃不夠凍，雪糕係溶嘅。咖啡也自己serve, 完全失望。

從來未食過咁少種類，咁少食物的午餐buffet, 價錢$310, 完全不值。坐响一个大廳，只得數枱客，無壽司、無魚生，虽然有零星凍蝦和蟹腳，其他食物質素一般，燒牛肉生都食唔到，雪糕亦只得兩隻味道，每樣食物都只是一小盤，好似家庭式咁。同小朋友去，佢地好失望，煮了碗無乜餸可揀嘅麪，吃了杯雪糕就收工。真係未試過1小時唔驶就吃完buffet. 虽然餐廳因裝修而有影響，但開得門做生意，無理由俾咁嘅質素食物俾客人，完全唔似係Marriot 嘅餐廳。😡

之前去過呢間食buffet, 覺得唔錯，又有折，咪再試。OpenRice book位由唔知7折定8折變咗65折，滿心歡喜地卜位。點知去到，呆x咗，原本嘅餐廳裝修中，要去前小小嘅宴會廳。個擺位⋯完全係公司開會咁款，啲野食圍邊⋯ 格局差不特止，仲要野食款式整少，無咗魚生，連沙律菜都只係得三款，cold cut得返兩款火腿⋯ 熱食仲慘，計埋點心先得十樣，連加熱個盤嘅蓋都好似就甩就甩⋯ 全場最好食係片皮鴨。就連愛好甜品嘅我都揀唔落手⋯最不濟嘅係連餐飲都自助埋！伏味是特濃！食完今次，就算佢本身餐廳裝修完都好啦，都唔想再去。

從未食過這樣差的自助餐， 所謂環球海鮮美食 只是一般的蝦 、青口 、小龍蝦 和螺， 其他食物款式少之又少， 食物質素只是一般， 唯一比較好的只有片皮鴨 ，壽司魚生欠奉， 令人非常失望！

食物選擇非常少。如果不愛好長腳蟹，龍蝦的話，基本上無嘢食。以580元的自助餐來說，實在令人非常失望。沙律只得兩種菜，水果只得西瓜，哈蜜瓜同菠蘿。因餐廳裝修，沒有壽司刺身。食物選擇是史無前例的少。

網上訂午餐自助餐7拆，雖然臨時加了兩位，訂滿仍check 有冇no show 可以轉枱，態度友善。凍蟹腳有驚喜，好甜好新鮮，宜且不停refill, 非常滿足。此外有青口，硯，螺等。青口好吃。其他食物到水準但沒有驚喜，本人覺得缺少了平時應有的牛扒、蒸魚、即康麵包，沙律款式不多。熟食方面有炸魚柳，小炒，南瓜炆魚等，尚可。即製粉麵好好食，有不同菜類，麵類，肉類和其他配料，可配不同湯底，本人叫了叻沙湯好好味，不會好辣甜品一般價錢非常合理，環境非常舒服寬敝，會想再去下一次

屋企人生日去Momo食lunch buffet😆最吸引嘅緊係龍蝦同長腳蟹啦！頭一個鐘每次refill完都好快俾人清哂冷盤區甜品區賣相吸引，葡撻好味😆但非全部都好味，例如waffle其實已經淋哂！以酒店來說，好似有啲過份啊蛋糕水準合格熟食大概十多款，水準也不錯👍🏼會繼續支持

放工后,在沙田這邊看到一家自助餐廳，四周環境清靜, 員工還比較熱情，服務不錯,食物就沒有那麼符合期待啦。牛排,5分熟,味道很一般。飲品,茶和咖啡免費, 飲料只限一杯,需要自己去吧台點。甜品跟宣傳圖片上差距好大,有點失望額。座位很舒服,不用排隊,整體感覺一般吧!

晚餐，基本上可以食嘅，係蟹腳，中湯，雪糕同生果飲品，只得奶茶咖啡。梳孚里，一枱六人係無邊個可以食得晒，個質感真係前所未見，彷彿出於甜品學徒嘅失敗作一般個冬蔭公湯，又酸又咸，其實係邊度風味黎?甜品又未見吸引，有兩件 cake都捱唔完。成餐野都R晒頭，我究竟食緊咩?我都懶得諗夠二百字去比評分

老闆生日，同事們安排了到石門萬豪吃自助午餐。之前也曾到過這裡吃自助晚餐，當時覺得不是太出色特別，但這次真的有點喜出望外，因午餐的食物和晚餐居然差不了多少，但價錢卻便宜了近半。我們中午12時半到達，大堂座位已半滿，同事則預訂了房間。食品方面有沙律吧、海鮮冷盆(有翡翠螺、青口、基圍蝦和蟹腳，是的 ! 午餐居然也有蟹腳 !)、刺身吧 (三文魚、希靈魚和赤身吞拿魚等)、即煮意粉、燒烤、中式點心、燒味、熱盆和即煮粉麵等等，當然也有冷熱甜品和H雪糕。當日的蟹腳雖然較鹹，但也飽滿。刺身新鮮 ; 即做雞蛋仔外脆內軟，出奇美味。以午餐而言，算是很不錯。就是收碟較慢，甜品方面選擇較少(甜品杯和蛋糕只有3,4款，其他都是餅乾類較多)，可以加強。