MoMo Café

營業中

休息中

聖誕大餐，生蠔每人得兩隻，海鮮類少，龍蝦得冷盤，無熟食嘅龍蝦選擇，青口好細隻，食物選擇唔多，刺身壽司更加係少，中式食物最多，因為之前太忙唔記得訂位嘅關係，如果唔係聖誕得尼間仲有位book，都唔會揀😑所以應該無下次，兩位消費1408，有停車優惠，服務就睇人啦，有啲都好態度嘅，有啲就差小小。總體ok啦唔算惡劣。

明明打黎問佢話有下午茶buffet, 黎到原來係甜品buffet. 一樣熱食都無，感覺已經伏伏地。跟住呢個所謂甜品buffet乜都冇得食，只有雞蛋仔，雷湯湯丸同幾件蛋糕可以揀，有部分蛋糕仲要額外收費，選擇少得可憐。仲要全部甜品都係抹茶味，加杯比茶記仲要差嘅紅茶或檸水，就收$150一位。味道亦非常之一般，完全貨不對辦。隔離幾張枱已經呻哂笨要加錢叫野食，一家人黎食既話絕對唔抵. 如果唔加以改善，有得揀真係唔會再黎.

甜品的款式少得可憐，有完全中伏的感覺. 俾成舊幾水剩係食雞蛋仔同幾舊濕雞蛋糕. 荼水又普通到不得了. 非常之失望. 結果要自己加錢叫個Pizza 俾自己食.睇黎唔會再黎.

原來下午茶只有甜品吃...非常失望...甜品選擇非常少沒有新意：（連基本既蛋撻果撻也沒有沒有誠意沒有下次！沒有最差差差差差差差差只有更差中晒伏為什麼只有甜品....預訂時也沒有說明非常失望沒有選擇沒有服務

因為本身係Marriott Bonvoy 會員，自酒店開張都會來食飯，尤其是自助下午茶。基本食物合理價格環境唔錯又可免費泊車！之前夏天冇做下午茶，無得食，最近重開，都係叫「下午茶自助餐」，但原來改咗係「只有甜品」自助餐，一眼睇曬半張枱的食品！！！好多時食Dessert Buffet都有一兩款鹹點熱食提供，但佢今次真係一眼睇晒👀全部甜品，多啲都冇。 訂枱時職員並沒有講下午茶自助餐已改變，沒有鹹點熱食！也沒有標明「甜品自助餐」！訂枱時話會員有七折優惠，買單時話下午茶冇優惠，結果係要求佢聽返訂枱的電話錄音，佢先肯做返特價。仲有負責甜品枱的那位職員沒有禮貌！恭喜你，已成功趕走一位會員，唔會再去你間酒店！以下係是日提供的全部，係全部，食品！熱甜品凍甜品（生果唔包）自助飲品

Calling 沙田友🤣🤣🤣有幾多位朋友仔住沙田㗎！身為抹茶控嘅我，一定要介紹你地去沙田萬怡嘆吓佢地既抹茶下午茶自助餐呀！皆因我食完🍵極回味嗰件抹茶窩夫，窩夫外層焦香內層鬆軟夾帶著淡淡抹茶清香，紅豆粒煮得軟綿，仍保留了點點咬口，絕對合格。仲有抹茶雞蛋仔都係脆到無朋友，就算凍咗都好脆好香㗎🤤抹茶美點仲有抹茶大福、抹茶拿破崙、抹茶泡芙、抹茶紅豆擂沙湯丸、抹茶焦糖布丁、抹茶豆腐花⋯⋯等多款配搭😋難忘！

MoMo Café裝修後重新開幕，推出海膽の誘惑自助晚餐，作為海膽fans嘅我，勁興奮，當然要第一時間飛身去試下先。😋🥰🤩海膽菜式每晚推出三至四款，今晚就有冷盤海膽吞拿魚、三文魚海膽魚生飯，海膽味道甘甜，口感較豐腴，入口即溶。熱盤則是海膽香草螺絲粉。冷凍海鮮就有波士頓龍蝦（超多膏肉質彈牙）、鱈場蟹腳（鮮甜）、黃金螺（爽口）、麵包蟹、凍蝦、藍青口、大蜆⋯⋯每位客人仲會有2隻日本刺身蠔（非常鮮味、肥美）。單單這個海鮮陣容，就已經值回票價啦！至於其他食物選舉也很多，六色刺身（八爪魚肉爽彈牙、三文魚滑嫩多脂）、多款壽司飯卷、清蒸大海班、燜花膠（大大塊稔滑爽囗）、燒美國肉眼（稔滑有牛味）、香草焗三文魚扒、足料燉湯（海底椰川貝椰子煲赤肉👍）、現場烹調關東煮及天婦羅（漿薄乾身脆口不油）、日本麵檔（辣味噌湯味噌香且順口細緻）、醬油燴牛肋骨肉（稔滑味美）、咖哩雞、明爐燒味⋯⋯⋯多不勝數。5款Mövenpick雪糕任食，多款蛋糕（班蘭蛋糕，班蘭葉味道清香蛋糕鬆軟）、特式甜品（窩夫、雞蛋仔外面香脆內軟）、滋潤糖水、數款芝士、冷熱飲品⋯⋯⋯⋯數之不盡👍👍👍👍👍👍起碼要去多兩次，先可以逐一食均曬所有🤤🤤🤤🤤🤤

睇返自己眾多食評，起碼有90%都係好評。開始都有點懷疑自己🥴 但係‼️唔係好食、值得既話，我又點會留相曬時間呢～Momo cafe 繼續派正評‼️因為佢CP高呀！2030半價，早左少少入～驚冇我最鍾意食嘅海鮮🦞嗱嗱臨去攞左先（連埋男朋友一人半隻的喔！一陣話我搶掠哂）凍龍蝦🦞 質素算係咁有膏有味彈牙麵包蟹放棄哂無味凍蝦：正正常常送嘅生蠔產地不詳😂 試咗一粒太大陣蠔味頂唔順 但唔難食既鴨舌：好大陣酒味總結：食物質素：非常之一般，填飽肚子是可以的。（雪糕另計）自製檸檬茶任飲服務：經理級都好客氣環境：地方好大坐梳化🛋️——我就完全覺得自己回左本‼️二百多有海鮮🦞多款甜品🍮有牛食、瘋狂食雪糕，足矣～

屋企人生日，見上位有折就試下佢個Lunch buffet有啲Cold cut，cheese platter都唔錯沙律🥗菜都新鮮，配料幾多選擇煙三文魚唔錯幾香👍🏻黎食自助餐重點都係啲海鮮冷盤有凍蝦、蟹腳、龍蝦鉗🦞、青口、蜆、虎蝦佢會換下款，好似虎蝦係第二round拎出黎既呢點幾好，會換下食物既款式Overall都新鮮既，但食落口鮮味唔算好重，海水咸味出啲同埋醬汁幾多，呢點唔錯龍蝦鉗係幾大隻，啖啖肉食落係幾滿足既惟咸味蓋過左鮮味壽司得對加洲卷、一兩款 甜蝦壽司 赤背壽司選擇偏少刺身都係得5款倒，不過都新鮮既今次黎食有魚生飯見三佢有三文魚籽即刻拎左碗自己加左啲螺肉同埋紫菜，味道唔錯有encore👍🏻熱食選擇唔算非常多今日有湯麵檔、燒味、點心、5-6盤熱食、關東煮、天婦羅🍤味道正常，但無邊樣特別出色天婦羅勝在新鮮即炸，炸蝦火喉控制得幾好岩岩熟，熱辣辣好鮮嫩蜜糖燒火腿偏乾 食落鞋鞋地味道調味就okay既甜品時間佢有成個櫃 好多選擇但係食過5-6款都覺得普通綠茶既無綠茶味芒果既無芒果味白桃既得超淡既白桃味食落基本得個甜字😣熱既甜食反而好啲葡撻幾好食，好酥香，蛋汁香甜滑嫩牛油麵包布甸好香檸檬味，唔酸

呢間酒店地點比較偏，唯一知道可以由大圍站轉車，我哋原本諗住喺新城巿廣場乘搭接駁車，但班次實在太少，最後選擇搭的士，地點偏唔重要，食物味道先係重點。首先酒店嘅設計簡單大方，座位非常闊落，空間感足，客人亦唔算多，而服務方面樓面職員亦好有禮貌，好勤力收碟，有笑容，廚部職員有啲都好好禮貌，有啲就一般。至於食物方面除咗海鮮吧同雪糕，真係無咩好食，特別熱暈味道真係好一般，無心思，食材方面大多數都係平價食物，雖然有七折，但都接近四百一位，唔貴但係比呢間好嘅有太多。每位送兩隻生蠔，蠔肉幾好，大隻多肉又夠Creamy。海鮮吧海鮮都幾新鮮：龍蝦有膏，龍蝦肉同鉗肉質幾彈牙，蟹腳肉有啲碎，仲有灼蝦，青口以上嘅都唔錯。麵包蟹無鮮味，蟹蓋無膏，翡翠螺肉仲結緊冰。煙三文魚好乾，刺身都係一般。熱盤嘅燒牛肉，三文魚扒，燒味可以，由其蒸魚比較多人拎。日式叉燒，燒牛肉粒非常鞋。天婦羅正常，其中一款唔明點解蝦仁都唔出，要用素蝦。麵檔有烏冬或拉麵選擇，上面嘅配菜自己選擇放喺碗度。大概8點響叮叮，食客都紛紛出嚟排隊，其中一個廚部師傅不斷搖頭，個樣好無奈，排隊拎嘅就係下面嗰件，類似焗蘋果酥皮。上面嘅湯好似係麵豉湯，下面係燉湯，都幾

最近得知沙田萬怡酒店的 MoMo Café 換上新裝，立即找來好友一起試試。新裝修的 MoMo Café 感覺煥然一新。餐廳環境闊落，更有空間感。提供的食物選擇更多元化，而且新增冷凍櫃，令冷凍食物及甜品有更佳的存放，確保新鮮程度，所以這裡的海鮮唔會有雪味，而且大路的選擇(龍蝦，麵包蟹，長蝦蟹，蜆和青口等)都有。Momo Cafe 最新以海膽作主打，推出一系列海膽菜式。冷烏冬配海膽及三文魚籽、三文魚海膽魚生飯、日式三文魚粉卷配蟹肉海膽汁、香醋醃製帶子配海膽等，海膽迷絕對不能錯過。除了海膽，其他日式菜式例如關東煮、天婦羅現場烹調檔及日式炸豬排等也具質素。更會在每晚有不同驚喜，今晚就有師傅即切巨型三文魚。不論是師傅手起刀落的純熟手勢，或是嫩滑的三文魚刺身都十分吸引。今晚的另一個驚喜。巨型的燉湯陣夠份量，川貝海底椰燉赤肉，鮮甜又滋潤。甜品一定要試豆腐花，香滑口感一試難忘。還有任食 Mövenpick 雪糕，雞蛋仔，葡撻及多款蛋糕，任君選擇。以食物款式和質素，新的 MoMo Café 絕對性價比十足。仲有生蠔送，十分滿足。

有朋友生日，咁上網見到呢度有任食龍蝦自助餐，所以就算地點唔係咁就腳，都照揀咗呢間餐廳！但呢餐真心覺得麻麻地啦~咁呢餐嘅重點當然就係龍蝦啦！但你唔好以為真係有好多龍蝦俾你食啊！佢一輪出得好少龍蝦，好快就會俾人夾晒！長期係得返龍蝦鉗！所以計我話係任食龍蝦鉗至真🙃下一輪又起碼等成20分鐘先有！我都係食得3隻😖而其他嘢食都唔算話好特別，生果都係最普通嗰啲！而串燒又係燒好晒，凍哂唔好食😵最難食嘅竟然係芒果糯米飯，個糯米飯好硬又無味,芒果好酸！呢度最好食嘅竟然係個意粉呀！呢度意粉係即叫即炒，醬汁非常好食，又熱辣辣！但係我嚟食自助餐竟然係食晒成個意粉！🤦🏻‍♀️

好耐之前同朋友食過同一個自助茶..好食好多...今次再食..就好差了....啲甜品好硬...好似雪左好耐無人食...味道更加唔掂 .....睇第二張圖就知道好唔好食...食到屋企人嘴臉都好差 無晒mood.........以後唔黎了..............................(夠200字先可以評分）

萬怡酒店嘅食肆都有光顧過。今次就光顧MoMo Cafe, 不少同事都有幫襯過，口碑不錯的。6點放工，行過來都係2分鐘的路程很方便。就算石門站行過來都係5-8分鐘。聽聞最近剛裝修完，入到來感覺好新淨，環境新淨光線柔和，空間感充足。食物選擇方面亦豐富，冷盤方面，餐廳有巨型雪櫃每層都放滿海鮮，由上而下分別有螺、青口、長腳蟹、蝦、蜆、麵包蟹及最受歡迎的龍蝦。除了海鮮，還有專門放沙律、水果、火腿的雪櫃。拿了幾款芝士配餅乾做頭盤，之後就開始吃海鮮。麵包蟹蟹肉飽滿，螺肉味濃彈牙。龍蝦多膏，肉質鮮甜冇雪味。呢排仲做緊每位客人幫襯都會送2隻日本生蠔嘅推廣。是日推介的生蠔來自日本。生蠔看上去隻隻新鮮肥美，肉質呈奶白色，較為水潤，蠔味超濃郁！餐廳今期以海膽做主題，所以不難發現它的蹤影。海膽雜錦壽司飯細細碗有齊多種食材，海膽、三文魚子烏冬跟醬汁同吃，清新可口。現場還有即場表演原條三文魚起肉切成魚生刺身除了三文魚生刺身外也有其他的刺身, 拉麵可自選食材、即炸天婦羅、關東煮、甜番薯等中式熱食選擇亦不少，其中竹笙爽脆、花菇入味，海參配上翠玉瓜等蔬菜一起炒，爽脆非常！通常吃自助餐都會吃魚，龍躉肉質細嫩，味道鮮味而且營

一大班朋友gathering ，buffet絕對是首選，唔使就住就住，每個人都可以挑選自己鍾意食嘅嘢，最緊要係唔限時！可以一邊食慢慢講～我們浩浩蕩蕩到大學站附近一間酒店嘆buffet，今次主題是海膽，夠晒吸引～星期一至五 每位$490，六、日每位$580，恆生、匯豐、中銀信用卡有85折。餐廳環境十分闊落，裝修以白色簡潔為主，大量玻璃吸收自然光線環保又舒服。場內有大量梳化位，每枱空間感十足，不會枱貼枱，私隱度高！值得一提這裏完全不用爭食，食物refill很快！由一開始到尾聲，回本食物如龍蝦、海鮮、刺身、鮑魚、雪糕等等 一直長期有貨，抵讚！坐下後放低隨身物品，立即跟幾位朋友齊齊出發搵食！繞場一周，食物種類蠻多。冷盤海鮮有開邊龍蝦、海蝦、青口、長腳蟹、螺等另外亦有沙律吧、各款芝士、火煺、水果。飲品方面有奶茶、檸茶，自行調配。快快手自製個千島醬沙律就狂食海鮮回本！龍蝦大大隻，肉甜彈牙，大推！青口鮮嫩飽滿，長腳蟹冇雪味亦不會過鹹。此外，推廣期內每人可獲兩隻生蠔，今晚的廚師精選是來自日本的生蠔。海水味較為濃烈，沒有金屬味，肉質較為豐厚軟滑。日式代表有壽司、刺身、拉麵、關東煮、即炸天婦羅、海膽烏冬等