Mister Donut

營業中

休息中

排隊既時候問個女職員大概要排幾耐？佢答我1個鐘左右，但係我睇條龍點都唔會係1個鐘啦(最後排左15分鐘左右就買到)，其實係咪唔想做生意諗住呃走哂d人？又或者怕俾人鬧講多好過，之後去到買既時候，另一個女職員態度勁差，同你講係得返櫥窗呢d架啦，無哂架啦，唔會再整架……但係我明明見到入面仲製作緊…….果時係下午5點18分，唔通賣完就唔再出？？咁入面整緊既係準備聽日賣架？無辦法，最後好夾硬買左幾款黎試，分左3小包，問佢哋有冇紙袋，cheap到連紙袋都無…最大問題黎啦，唔好食…個黃金蜜糖波堤 口感好似糯米飯咁😵‍💫再試埋個經典朱古力冬甩…嘩 真係唔掂，完全冇冬甩嘅口感 成個7仔買到嘅瑞士卷咁……..真係唔會再買了

冬甩先生香港初上陸眼紅左台灣、泰國、新加坡N年千呼萬喚香港 1 號店10月26日終於開幕喇🎉之前次次都係旅行Hand Carry返嚟✈️今次終於可以喺香港食到新鮮熱辣嘅冬甩～ 感動🥹唔想落單時淨係識得This This This 咁手指指👆🏻不仿先認吓啲名同樣先 20款分為5個系列🍩包括有：（🔸：每個系列推介款式）🍩波堤系列 🔸黃金蜜糖波堤「仿間冬甩何其多、最愛只有你一個」💕Q彈口感還原度非常高👍🏻(開幕期間每人限買4個）🍩法式扭紋系列（日本最早發售嘅系列）🔸法式粉紅吉士扭紋冬甩、吉士打忌廉、士多啤梨朱古力比例非常平衡🍓🍩酵母冬甩系列🔸天使奶油冬甩👼🏻爆餡忌廉、適合追求視覺效果嘅你🍩鬆脆冬甩系列 （日本人2023年票選No.1系列)🔸 朱古力鬆脆冬甩 🍫🍩朱古力冬甩系列🔸雙重朱古力冬甩🍫🍫🎉開幕優惠26/10 香港店限定紙扇 （隨機、共3款）買10個冬甩有日本直送靚靚文件夾送（26/10 & 27/10每日200個名額）❣️八達通🆗信用卡機開幕日暫時❌❣️購買6個/ 10個Set附紙盒❣️apm 2號店已經圍緊板喇～期待嚟緊越開越多💕

香港嘅日本人終於等到期待已久嘅Mister Donut開店啦！呢間日本人氣甜品店，對我嚟講真係魂牽夢縈嘅滋味呀。雖然要排長龍，但呢啲時間絕對係值得嘅！味道？可以話係100%重現日本味道，完美無瑕，真係日本靈魂級別嘅甜品！食咗一啖，已經可以感受到滿滿嘅回憶同親切感。作為呢個排隊隊伍一員，我覺得自己好幸福，呢種滋味真係要嚟親身體驗一下，唔排唔得！

重新寫一篇新的食評， 其實應該講係店評。 第一天的安排極差， 事緣我地係好遠過嚟， 想話試下呢間日本過江龍冬甩。 去到先發現已經截龍， 但實際唔多人排隊， 而且仲有好多冬甩剩。 咁既然人地咁講， 我地都唯有作罷。 半個鐘頭再經過， 發現排隊既人又唔同左， 再問一次都係話已經截龍。 結果問佢咁係咪等一等會有機會可以買， 佢先話係。 咁點解唔一開始就同啲客講可以等呢？ 如果一早講， 我半個鐘前就埋去等啦。 銷售流程簡直極度亂嚟， 本身半個鐘前仲有其他味， 變左最後排到過去得返兩三隻味。 唔該你地好好反省下你地啲一塌糊塗既安排啦