影片
以上資料只供參考, 請與餐廳確認詳情
相關文章
16700 瀏覽
又貴又要排，傻的嗎？買咗。🔶️🔷️🔶️🔷️🔶️🔷️🔶️🔷️🔶️🔷️🔶️🔷️🔶️🔷️🔶️早就收到Mister Donut 終於終於要來香港的消息，作為品牌的骨灰粉當然是十分期待吧！ 在香港只曾見過Krispy Kreme、J.Co Donuts，卻遲遲未見波提獅的蹤影， 就只有旅日台泰的時候， 才能食到Mister Donut。只是Mister Donut 落戶前夕， 就有些對品牌不太友好的報導， 說到作價$20 的冬甩比台灣和日本貴兩三倍之多。在文迪而言「貴」是可接受的， 對於不少粉絲來說這家有著不可撼動的地位，曾網購過台灣的還更貴，重點是冷凍過不好吃。經過個多小時的等待後，終於輪候到店前可選冬甩了！當看到店面時，感覺苦候是有點誇張的，這明明就是K11Art Mall B1，芸芸眾多的甜點外帶店中的一間吧。比起外地的Mister Donut規模有點小，故此能承受得起排隊的考驗，就要看它能為客人帶來多少「情緒價值」。溫馨提示，買10個可收穫日版File夾一個，是不錯的福利呀！🔷️波堤系列🔶️(每人限購四個)黃金蜜糖波堤($19) 呢款係四款波提當中文的最終愛的口味，黃金蜜糖的外層其實是糖霜脆面， 印象中日本版的糖霜面層是很平滑的， 但港版的糖霜有點醜醜的， 雖然如此但吃起來口感完全沒差， 純粹的白糖甜香， 加上吃起來脆脆的口感， 而波堤獨有的外層煙韌，內裏軟綿口感， 令波堤收穫了萬千的粉絲， 品牌的吉祥物「波提獅」， 就是原型來自於Mister Donut 的招牌產品波堤了。經典原味波堤($19) 就是走糖霜脆面的版本， 當然沒有蜜糖波堤般甜蜜， 但對於怕甜的人來說， 原味波堤保留了煙韌口感， 而且若然想存放更久，原味波堤是最佳選擇， 但個人始終最鍾情黃金蜜糖波堤。🔶️法式扭紋系列🔷️粉紅吉士扭紋($20)是今次發現的新大陸！ 無論口感或造型都非常特別， 法式扭紋冬甩蛋味更為香濃，像吃奶油雞蛋糕的感覺， 有點不太像在吃冬甩， 扭紋的中央有一抹薄薄的吉士奶油， 再加上面層的白色粉紅可可， 草莓味十分香濃再加上脆脆的凍乾草莓口感， 味道竟然跟日本pocky草莓可可百力滋如出一轍， 最初還以為是較差一等的「 假朱古力」， 看來我對Mr冬甩的草莓可可系列 誤會太大了。 法式可可忌廉扭紋($20)，換成朱古力脆皮面層， 朱古力味濃厚香濃， 也是相當美味。 去旅行每次只能買一兩個嚐嚐， 藉著今次的落戶香港， 便能藉此發掘其他口味的冬甩。🔷️鬆脆冬甩系列🔶️朱古力鬆脆冬甩($20)，鬆脆冬甩同樣是個意外驚喜！ 看賣相最初還以為入口十分乾澀， 但先是嚐到濃濃的蛋香和曲奇的甜香， 口感就如其名十分鬆脆，蘸上苦甜苦甜的巧克力醬， 瞬間有發現新大陸的感覺。🔶️酵母冬甩系列🔷️雙重朱古力冬甩($20)是最經典的冬甩口味， 冬甩本身口感鬆軟不會太油膩， 配濃厚的朱古力因此長期受到熱賣， 文迪到手時已是當天的最後一個了。天使奶油冬甩($20)味道就跟平時食到砂糖冬甩一樣，甜脆的砂糖粒香軟的炸麵包，內餡注滿了奶油忌廉，口感是幸福的難怪唤作「天使奶油」了。吉士忌廉冬甩($20)這款是妹妹的最愛特地買給她回味一下， 吉士做得細滑比天使奶油甜度高些， 就是各有所好吧！$20上下的價格，就本地的物價而言，不貴，在Mister Donut周邊的甜點，是兩三倍的定價，烘焙店的飽點也沒便宜多少，而内地的物價，不少已超越了這水平，所以「貴」就看消費者個人感覺而已。撇除了價格問題， 其實更應考量是排隊方面， 只因文迪當天實測過， 排隊成本 畀冬甩定價更貴更貴！ 尤其是首天排隊 等候時間透明度不足， 店方安排在K11 外圍開始排隊，最初PR說約是兩小時輪候時間，排到三分一員工才說可能會售罄，最後是花了足足個多少時排隊， 更有動軏排上兩三小時的， 故此要做好花上時間的心理準備， 又話建議稍後才來朝聖更好。Mister Donut香港開店的好處是，平日旅遊大抵只會吃一兩個便足， 無論是多吃 或是帶回香港都不適宜。如今可以整盒買入，試盡整個系列， 興之所至又可跟親友一起分享， 然後發現法式扭紋同鬆脆冬甩好吃，必買的波堤垂手可得時，沒有人能拒絕這充滿回憶的甜吧！#文迪漫遊慢生活#misterdonuthk
繼續閱讀
行開k11忍唔住又幫襯Mister Donut！廿蚊個圈抵唔抵就見仁見智，但比起啲網紅店平一大截。最正都係蜜糖味波提，外層糖衣脆脆哋，咬落去煙煙靭靭好似食緊麻糬咁，彈牙得嚟又唔癡牙，雖然同日本比爭少少空氣感，但香港嚟講已經交足功課！其他口味試過朱古力同草莓都OK，不過都係蜜糖最夾個口感。前兩日見買夠5個仲有優惠價，下午茶同同事share就最啱。經過手痕想食甜嘢嘅話，絕對係窮人恩物，至少唔會畀完錢覺得中伏先啦！
繼續閱讀
最近見到網上有人介紹呢一間日本冬甩，都心思思想試吓，咁啱要去尖沙咀同K11都好近，就行去買嚟試吓。我三個人原本諗住買三個，佢話買多啲平啲最終買咗六個。佢話可以留返聽日食都得。諗住如果好食都冇所謂，點知冇一個好味😭等我仲滿心歡喜買俾個女食，阿女同老公都食到扁晒咀。士多啤梨波堤，一啲都唔好食士多啤梨味難食質感仲係咁要嚼嚼。我今次去呢就唔使點排隊前邊得10個人到好快就到我。最開心都係排緊隊揀咩口味嘅時候。😝
繼續閱讀
早前聽到媒體宣傳依間黎自日本既人氣冬甩店， 趁經過就買左黎試。 大概中午12點暫時未見人龍。 款式方面比想像中單一， 除左有波堤仲有冬甩， 不過口味主打都係朱古力草莓為主， 冇乜特別款式。 價錢大概$19至$20多一件不等。可能因為剛開剔不久吧。糾結左好耐，最後簡左望落比較特別既「黃金脆粒朱古力冬甩」（$20） 價錢比較實惠。 味道方面， 外表脆粒令食落去有啲脆既口感，內裡朱古力多糕味道唔算太濃也不算太甜， 比想像中一般。 希望店家可以準備多啲唔同口味既波堤或者冬甩， 下次試下晏啲到睇下會唔會有多少少口味。
繼續閱讀
您可能會有興趣的...