Mimosa Patisserie

營業中

休息中

我已經吃過數次，好多年前已經有人推介。點解我話佢有態度， 因為天后mimosa 出名既除左拿破崙， 仲有個個好惡既女店員嘛， 今日幫襯， 我都係懷著戰戰兢兢既心情。好開心， 成功買到之餘仲無比佢罵。 女店員係咪老闆我就唔知，隔離有個男人， 都係職員佢都片。 好野。 講番拿破崙，今次叫左芒果拿破崙，芒果夠甜，價錢36$，份量十足，不過今次個皮好似無咁脆，可能放左幾個鐘先食。佢為拿破崙，36$ 算是合理價錢，坊間好多賣得唔平。至於佢為出色既拿破崙，佢未算係，要求唔高， 都係合格既拿破崙，可以一試。

話說男朋友今日約佐我睇戲😆因為佢早過我收工，所以我地直接就係戲院門口等啦😂其實平時佢會黎接我，不過今日唔知做咩鬼鬼鼠鼠話要係門口等🤔原來佢靜靜地去天后買呢款蛋糕😂😂佢話女同事超級推介喎!😍好啦!唔講咁多，一打開，嘩!!好大件!!好厚呀🤣🤣🤣首先食佐芒果拿破崙先!芒果超甜，個拿破崙好脆，吉士好好味唔太甜!👍👍👍十分滿足!!另外朱古力味真係好濃味，好甜呢🤣🤣如果鐘意食朱古力既朋友可以一試😂我就覺得太甜同大舊得滯，反而朱古力既拿破崙比較厚，好難咬開同用叉分黎食，食到周圍都係😂😂。但我地二個一人一半，都食得曬😂下次可以試下其他味😍😍

我覺得生日最重要一定是蛋糕，而且必定要對著完整的蛋糕許願和切蛋糕。前幾年生日，我試過某些大品牌的拿破侖，感覺不外如是，從此便對此蛋糕沒有太大好感。最近上網搜尋下找到這家餅店，得知其芒果拿破侖蛋糕十分出名，決定一試。蛋糕需要預訂，以件裝面積計算，如果想要完整的蛋糕亦可要求免切。生日牌需要加$10，它的生日牌不是膠片，而是手畫的白朱古力牌，為生日蛋糕增添美感。當日下午三點取蛋糕，直到晚餐後才吃，但拿破侖的酥皮仍保持酥脆口感，牛油味很重，很香口。內裡的吉士醬有蛋黃的香味，加上芒果很新鮮，酸甜度適中，滋味無窮。整個蛋糕配撘得很好，外型漂亮，味道更可說是我吃過最有水準的拿破侖，而且價錢不貴，值得推介。

網上話 全港賣最佳的芒果拿破崙店今日打算試試，約定係附近食晚餐，再去買，今晚終於可以試下，去店舖買的時候，店員沒有表情，沒有服務，還很冷漠，好似靈魂出左竅咁，有啲似機械人。 今時今日做生意都可以咁樣單向式你哋真係把炮，其實咁唔鍾意對客，不如萬頭蚊請個員工企舖，自己返後勤工作。員工對客好啲歡容啲，生意應該會再多。法式酥皮 不算脆， 芒果都算是選對香甜的，吉士最岩食。最後的評價 如果10分滿分 都只有5分而呢5分係給個d芒果同個 d 吉士最重要的法式酥皮都做不好 真的很失望劣評👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿

素聞此店的拿破侖非常好吃，故預訂了半打拿破侖與家人分享，試試其龍與鳳。在預訂和取餅的過程中，職員的態度不錯，並沒有發生任何不愉快的事情。芒果拿破侖的芒果鮮甜，餅底鬆脆，一口咬下，滿口充滿芒果的果香和餅底的鮮味，十分足料，令人回味無窮，有機會一定會encore！

It's Girl time~ 同好耐冇見既姐妹們聚聚舊,因工作關係，朋友前一晚係天后到買左個士多啤梨拿破崙, 完個蛋糕切做四件, 一人一件岩岩好成個蛋糕有三層既酥皮, 兩層既吉士醬, 醬入面有切片既士多啤梨. 呢間既酥皮做到好鬆化, 好香既牛油味, 中間有好滑既吉士醬. 成個配搭好好~ 就算隔左一晚食, 都係咁鬆化, 值得一讚既係呢間舖用既士多啤梨一d都唔酸~ 值得一試! 而佢有另外一款係芒果味既拿破崙, 下次有機會再買黎試下~

There is always a huge queue at the shop. I loved that the strawberries looked huge and lovely. The Napoleon was flaky. The custard not too sweet. Although it is not 100% authentic Europeon, I could understand the appeal to the Hong Kong locals.

友人難得放星期一仲要大架到鰂魚涌找我食飯，梗係要帶佢去鰂魚涌公園行下啦行行下友人突然在袋掏出一紙袋，上有mimosa 貼紙唔通就係傳說中嘅mimosa到4時冇嘢做，拎佢出嚟品味下人生芒果味拿破侖啱我口味，唔太甜沖杯咖啡先享受呢個mimosa拿破侖研究之後決定用分層食法，雖然我口大，但係為咗唔浪費同成地都係，我都係分層食一咬非常鬆脆，吉士唔係太甜啱啱好，芒果雖然碎但份量絕不欺場唔好睇佢餅仔細細，食完再加我杯自家製緬甸咖啡其實飽到8點先覺餓

最近依年有太多人走了，走嘅走，散嘅散，大家都係離開之前，準備散水餅，作為感謝大家一直照顧嘅一點點心意。文華東方，twelve，Lady M... ...等等都係熱門嘅選擇。早係七年前，我第一次派散水餅嘅時間已經係選擇左mimosa，印象中記得啲拿破崙餅好好食，但售餅果個就態度麻麻。講返今次，我一個人買3打餅，芒果拿破崙同士多啤梨拿破崙各18件。因為一直都冇時間，我早一日先打去訂餅。開頭打去兩次都冇人聽，諗住留個電話，順便諗埋後路，計劃一下plan b，點知佢過左十分鐘就覆返電話俾我，態度又唔係特別差。到左星期一，過去攞餅之前，已經本住一個沈重嘅心情入去，諗住同佢鬥黑面，點知一入到去，男的售餅員確定左我身份，另一個女售餅員就好快去準備，仲問駛唔駛幫我一盒入兩種口味。走嘅時候，可以見我一個人攞住三盒餅，仲幫我開門，講多謝，果一刻真係受寵若驚😱😱😱買到返公司，個個都好驚訝我竟然買mimosa，大家嘅第一個反應都係問我有冇俾人鬧😂😂依編食評其實主要講返個人經歷，因為mimosa 嘅拿破崙，唔駛我講個個都知好好食，佢嘅皮做得好鬆脆，啲芒果饀配埋甜甜地嘅吉士，食落去唔會太甜，又好香芒果味。

今次係我第二次買佢既拿破崙食，買左一芒果一草莓，俾錢過時重見到有蝴蝶酥買就買黎哄下女朋友仔，雖然兩個都係俾佢食無食咁耐，都重保持到咁既質素，真係好難得頭先見大家寫店長2人態度，我好好彩未撞到，佢倆個對我態度好好，完全無黑面既說法，但都信大家既經歷。我都係抱住禮貌同尊重行先，可能當時大家說話態度有出入先搞到不歡而散，但可能呢個都係佢地特色。但當你食到咁好味既野，少少苦都會忘記。今次食唔到新推出朱古力味，去到已經買曬。下次我一定要試下。

開開心心入到去, 見到這店職員的服務態度之惡劣真的前所未見! 人哋一個女人帶住兩個小孩好有禮貌, 點知給他們噴到一面屁. 這個女人真的有修養, 唔該一聲才離開. 當時還有其他客人，包括我. 客人走了, 他們還在沒禮貌地鬧, 見到這情況，我都唔想買，我都走了. 後來跟朋友講起, 好多朋友說都領教過這間店的態度. 有時間, 真的想再過去, 拍下它們對客人之"鄙視", 給大家欣賞下, 大家就明.飲食是服務行業, 除了產品質量, 還要注意服務態度. 不然，一天要關店, 又賴租金昂貴!

食評要點寫先可以被批核呢? 已經要改第三次疑似老板娘態度 ... 其實算係咁啦, 总之你吾好問野, 一入去只需要講几多件, 跟住比錢, 吾好望多佢两眼呀, 會即場晦氣架, 晦到你想打佢, 但其實都冇乜嘢, 因為我想板主批我篇食評囉!我當時以為係欠緊佢錢. 吾係比緊錢佢賺奉勸各位, D餅OK好食, 要幫襯多D, 比佢賺多D, 咁佢可能会開心D, 對客人又会好D

聽日講呢間拿破崙好食都聽左好多次, 但一來冇認真去搵, 二來聽講態度一般所以都冇特吃話好想去今日咁岩想買野去朋友到做甜品上網SEARCH 佢係附近, 咁就的起心肝行去.鋪頭係橫行, 而且都幾細, 係門外見佢個玻璃櫃冇拿破崙, 心諗, 真係好味到咁? 佢好似12點開始賣, 家下先兩點.... 咁我覺得都黎左, 入去問問啦~ "請問拿破倫係唔係賣哂?" 店員(疑似老板娘): "你要幾多?" 我要有少少轉唔切, 姐係幾多有? 限量? 真係一頭霧水.... 叫左2件芒果, 2件士多啤梨, 男店員 "$142"真係好似其他食評咁, 店員態度好似你阻住佢咁, 我都真係唔敢問多句件拿破崙點?好脆又真既, 碎到周圍都係1好, 份量都比一般既大~生果都新鮮。 食過N次拿破崙, 我又覺得佢OK既, 不過唔藉得咁大心理壓力咁去買野, 去唔去, 大家可自己均量. 我比較鍾意態度地d既餅店~

老公知我鐘意食千層酥，佢聽人講呢間整得好味，就買左一個芒果千層酥同一件布朗尼比我食…千層酥好鬆化，裏面有好多芒果粒，好甜，應該浸過糖水! 吉士甜度啱啱好，好味，但要一層層食，因為用叉好難分開，口又唔夠大，唔可以一次過食足3層…味道好味，不過今次好似切得冇咁靚!布朗尼有核桃係裏面，唔太甜，creamy, 但朱古力味唔太rich…

從來未寫過食評，今次唔寫對唔住自己！😡😡😡😡😡😡😡😡😡😡😡😡😡😡😡😡當時入到去有一男一女店員同埋只有一位顧客正在買緊野，狀似不是太忙碌。首先問店員仲有冇拿破崙，嗰一位中年長頭髮女店員(疑似店主)用極不客氣嘅語氣及超級黑口黑面答我＂有＂。之後再問多兩條簡單嘅問題，該女店員用極度極度極度惡劣嘅語氣回答亦都對我大聲咆哮！😡我當時非常憤怒問佢依家係咩態度，需唔需要咁嘅態度咁大聲！？佢仲要非常無禮貌好大聲咁咆哮回答＂我講嘢大聲啲啫📢📢📢＂。我即刻轉頭推門就走仲多謝佢令我領教到、明白到呢個就係佢做生意嘅態度！我想講，撇除顧客同店員之間嘅關係，呢位女店員/店主直情連基本做人都有問題。一啲都唔識得尊重人。我相信一個普通人都唔會用咁惡劣嘅態度，更何況你係打開門口做生意！我估你生意好，唔稀罕我呢啲生客。唔想賣唔想做生意咪落閘囉，但係點解顧客要好似乞食咁，點解要不明不白咁受你氣比你鬧比你兇呢？好彩我仲記得自己係行入咗一間餅店，如果唔係我直情覺得我好似啱啱殺咗你全家或者強x左你爸爸媽媽，所以你咁痛恨我！我自己冇禮貌在先就話啫，自問我好有禮貌。本身想買件甜品開心下，點知未買就已經一肚火🔥呢次真係我30幾年嚟覺得