Mimosa Patisserie

營業中

休息中

今天剛去找了一輪才找到在天后站附近一座大厦內地下一層有兩旁小商舖的西餅店，因為聽說有拿破倫餅不錯，但一試之下卻絕對沒有聽聞咁好。$42一件甚為不值。服務員態度也欠佳，因為想先買一件試下，服務員就馬上就一臉不屑話”一件呀‘’。不會再買。

隔咗一排無食，今次買左芒果拿破崙，真係大失所望。芒果酸都算，酥皮口感好似餅乾，又乾又硬又無牛油香味，奶黃食唔到雲呢拿香，質地又唔夠滑，好似中式奶黃餡，依家仲賣到$47/件。以前無咁多連鎖餅店以外嘅選擇，所以佢哋態度差都照幫襯，點知今時今日都仲係咁，黑面依舊完全無變。依家無論味道、賣相、服務同價錢都唔掂。如果諗住食老本唔知可以再捱幾耐，拿破崙係佢哋嘅招牌都可以咁差，雖然前前後後都幫襯左10幾年，我估我應該唔會再試。

純粹路經，朋友話有間隱世餅店，又去試吓。叫咗佢個70度朱古力卷同埋拿破崙餅。老實，合格嘅，但未至於 wow 一聲，亦都唔會想買第二次。70度咖啡卷，我覺得味道可以，但係好似有少少放得耐咗。拿破崙比帝苑淘爭好遠，態度一般，有啲招積，唔知點解？難道真係佢覺得自己隱世所以好勁？ 😝

Mimosa Patisserie🌿餐廳位於天后街坊商場，如果唔係專程去買蛋糕，一定唔會留意到呢個半死商場😂 不過就非常近地鐵站🚉十幾年前，拿破崙係香港未係好普及嘅時候，呢間餅店已經做緊💾 主打3款口味嘅拿破崙，包括芒果、士多啤梨同朱古力；另有多款芝士蛋糕、慕絲同埋蝴蝶酥、曲奇餅🍪芒果拿破崙🥭草莓拿破崙🍓70%朱古力拿破崙🍫買左當日即食，酥皮好脆，吉士醬份量都充足，不過可能因為吉士醬偏甜，對比之下芒果就比較酸😖另外就係店員嘅態度就麻麻地，一推門入到餅店，已經俾店員一句「要乜？講啦！」嚇親，不過見到網上咁多人讚個拿破崙好食就俾次機會啦🧐 可能的確經營左一段長時間，蛋糕吸引左一班熟客，唔太憂做掛🙈雖然買滿$50可以扱一個印花，10個印花就可以當$20用，不過都未必有下次了🤧

屋企人生日，諗住去訂過以前幫襯過好多次嘅芒果拿破崙蛋糕。上個星期日，間舖頭只有我一個客，以下係我同嗰位我同個黑口黑面嘅年長的男職員的對話我：唔該我想訂一個芒果拿破崙蛋糕🍰職員木無表情問：件裝定一個？我：一個職員佢木口木面：幾時要？我：下個星期五（x月x日），唔好意思我想問吓可唔可以12:30過來取蛋糕？職員即刻不屑兼態度惡劣望住我答：唔可以，我哋開一點點可以12:30俾個蛋糕你呀⋯⋯我回答：我唔知你幾點開門，咁唔使啦，唔該我臨出門口嗰忍唔住講一句：得你一間咩…

老闆生日，訂咗個拿破侖，開出黎，見到個生日牌係完全不規則的形狀，始終送俾老闆，都想好睇啲，問佢可唔可以幫手搞搞佢佢cut 番好少少塊牌，佢有幫手cut 多下，但分別其實唔大，但我都知佢哋態度出名唔好，所以都收貨，然後臨走同我講： 「我哋做唔到，你之後唔好再幫襯.」自問算好禮貌，唔明白點解要咁對待我..就算幾好食，真係食都食得唔開心😫😫😫😫😫😫😫😫😫😫😫😫😫😫😫😫😫😫😫😫😫😫😫😫

朋友介紹去呢間甜品舖話啲拿破崙蛋糕好好味滿心期待去買拿破崙蛋糕但係職員態度10分惡劣只係唔優做嘅第一次幫襯完全唔知有啲乜嘢特別味道職員發晒脾氣好想講啲蛋糕幾好食都冇用，貼錢買難受

士多啤梨拿破崙 🍓 $40 這家的拿破崙以前已經吃過啦 應該是區內的甜品名店吧 每一層酥皮很鬆脆 刀口切得很整齊 咬開也不會馬上散掉 餡料也很豐富 每一口都吃得到滿滿的草莓 而且鋪滿厚厚的一層custard cream 口感香滑 吃到最後也不會覺得很膩 可能之前是草莓當做的季節吧 所以很香甜 不過小店的選擇不太多 每一天只提供幾款的拿破崙和起司蛋糕 另外小店也有賣原個拿破崙蛋糕 不過記得要先打電話去預訂喔 值得一說的是 這家其實我已經回訪了幾遍 但每一次店員的服務態度還是比較冷淡OVERALL: 大推薦🤩 (9/10)

有哂心理準備打電話去訂拿破崙，見仲有其他嘢都有興趣，順便訂埋！遭到極差對待！忍！我妹生日，算！夜晚再行去問清楚，究竟咩時間訂會比較好！比個女人喝到我一肚火！其實做到咁勞氣！為乜！

🐭 米奇老豬Vol. 189 🐷［Mimosa］講起老豬最愛嘅蛋糕 一定非拿破崙莫屬所以老豬真係差唔多試曬全港各酒店、小店、網店嘅拿破崙因為有朋友向老豬推薦呢間老豬做完research見到好多人話呢間係全港最好食wor🤩所以2021年3月老豬特登遠征天后（無錯 係上年😂）結果…最愛都係rosewood嘅單件三層波浪拿破崙同埋半島嘅原個拿破崙😎.🐖🐖《朱古力拿破崙》🐖🐖💰$44💰成個蛋糕嘅結構如下➡️ 拿破崙➡️ 朱古力吉士 ➡️ 拿破崙➡️ 朱古力吉士➡️ 拿破崙.🌟 拿破崙 🌟唔知大家有無食過「三層又比兩層鬆化」、「係三十三層啊」嘅方塊酥（個廣告雖然不符合商品說明條例😂但係童年回憶）呢個拿破崙exactly就係一塊方塊酥😅 幾乎無牛油香 完全無香酥嘅口感如果你鍾意食方塊酥嘅話我建議你用$44買4盒方塊酥🤭.🌟 吉士 🌟朱古力吉士嘅可可味係幾濃嘅 🍫唔會螞蟻甜～吉士嘅質地都幾挺身 甚至有d偏乾🥲.❣️🐭總評分🐷❣️味道：5.5/10服務：7/10 （雖然有見到好多人話佢地態度奇差，但老豬果日就覺得還可以，但店員講野的確係無尾音，係cool cool地嘅～）環境：N/A性價比：✴️ 低 ✴️ ENCORE

傳聞中香港其中一間最好嘅拿破崙，確實係用料新鮮，即日製造，唔需要太花巧嘅裝飾，都會令人一試難忘。地點如果係第一次去就有啲難搵，但其實就係響正地鐵站旁邊，好方便。店舖門面睇落好細，但應該後邊就係工場，保證食物品質。至於態度方面，絕對冇傳聞中咁差。雖然唔係五星級酒店嘅殷勤態度，唔會噓寒問暖，但老闆們好有交帶，而且睇得出好有心思去確保水準。早幾日落大雨去買，唔需要特別講，老闆娘都會好有心機咁諗辦法改善包裝。

每次說起天后，總會聽到有人提起Mimosa Patisserie的拿破崙蛋糕。這次趁著元旦前夕早下班的時間，特意去天后一探究竟！Mimosa Patisserie位於一家大廈的地下商場內，商場的裝潢是舊式的，蛋糕店看起來也像開了20-30年左右，就像是小時候會去買生日蛋糕的街坊鋪頭。蛋糕店門前已貼滿了各款蛋糕的售價，以下標示了每次只準2名客人進內。當天雖然只等了不到5分鐘，但是客人總是一個接一個前來光顧，讓我對這家的拿破崙更加期待！芒果拿破崙 $40雖然拿破崙基本上的造型都是一層搭一層，但是於酥皮上點綴的芒果與草莓，看起來不知怎的，就是有一種年代感。不過最重要的還是味道，夾在酥皮之間的芒果與吉士醬吃起來真的不錯，果肉新鮮鮮甜，吉士醬甜度剛剛好，可惜是最重要的酥皮真的讓人有夠失望。酥皮乾噌噌的似太平餅乾，在口感上層次不分明，實在是不明白人氣何在。朱古力拿破崙 $45這款的朱古力醬好像是用上了70%的可可製作，甜度適中，沒有特別好吃或難吃。總結：看之前的評論說N年前真的很好吃，不過$40多元吃的是這樣的質素真的非常失望！

店舖位於一個半荒廢嘅商場入面距離天后地鐵站都非常近 一出就係但基本上唔係特登去嘅話係唔會經過因為見唔到display櫃有拿破崙嘅蹤影所以就問店主仲有冇拿破崙店主一句話有 但講嘢完全冇尾音作為客人聽落都幾唔舒服好快脆就決定好買一件「芒果拿破崙」外賣🥭大概室溫保存咗一個鐘先食因為同朋友分享其實都有少少難切但食落又幾鬆脆喎～而且芒果都好甜味道整體真係唔錯嘅😆可惜店主態度令我唔太想再幫襯同樣level嘅拿破崙香港都有唔少選擇🤭

9 月 4 星期六訂左個芒果拿破崙，話星期一要我星期一下午行到入去，我話我訂左個芒果拿破崙，我講完電話 number，佢話我無留名，無留 size ，唔知係咪要，我話你地係咪應該主動問，佢問我點解唔主動講要咩，去訂枱食飯都會講留咩名，電話，幾多位你 what's app 答我「可以」，乜原來唔係架，我話我第一次黎幫襯，唔知你地有咩 size 揀，你地係咪應該主動同客人講，我尋日朝都覆左謝謝，你地都無 response ，仲好意思話返我轉頭，真係好笑，個女人仲要同我講，你話係就係啦，我臨走講，你無就算，我覺得你地服務有待改善囉估唔到第一次寫食評，唔係講好唔好食，係寫食左啖氣，仲要諗邊度買返個蛋糕俾老公今曰生日

鍾意食拿破崙嘅朋友應該對呢間舖頭都唔陌生，我記得之前都有唔少影片有介紹過🤣🤣店舖位於一個唔係好顯眼嘅商場入邊，但係超級近天后站！🥭🍰芒果拿破崙 $40拿破崙有三層，酥皮超級鬆脆😍😍夾層嘅芒果好甜，吉士醬都好幼滑，甜度對我嚟講OK！不過應該會中有啲人覺得偏甜咗少少🤭 我都聽人講過芒果有陣時好酸，可能要睇翻當唔當造🥺雖然成個感覺都幾輕盈，但都覺得啲吉士醬有少少膩🤭但整體都滿意，如果再想食拿破崙都會encore😋😋