Micasadeco & Cafe Hong Kong (已結業)

放工同男朋友想食小小野，佢又記得我想食依間好耐，就去試下！準備入坐時，店員會提我地甜品需時20-30分鐘，我地都ok，就被店員帶入坐。同時店員都告知係要自行出去點餐。本來想食梳乎厘pancake，但見到賣緊二人の世界草莓甜品🍓，兩個草莓控當然二話不說有同一目標。不過好可惜士多啤梨既唔係梳乎厘pancake，只係普通pancake。咁等我地就點左「草莓玫瑰乳酪芭菲」，同樣要等20-30分鐘。等既時間，店員都一直密密幫大家既水杯加水～所以一直閒聊都無問題！！👌🏻終於等到我地既芭菲！！草莓大片大片咁係杯頂整成玫瑰型，中間一層厚厚既鮮忌廉乳酪又夾住草莓。隨便影左張相就急不及待要吃！草莓酸酸甜甜，鮮忌廉一d都唔會膩！食到再中間有紅豆泥同雜莓果醬，非常驚喜！！！食到最低有曲奇，不過我預想既芭菲係有粟米片😂最後同男朋友都食得好滿足，咁就完結我地收工後既短短約會～

「我承認，我是愛情裡的廢柴。」如果要解釋情為何物，我諗讀左咁多年書既博士或者學者都答唔出。愛呢個字講出黎好易，又係咪真係領悟到箇中意思呢？離離合合，散散聚聚，想要自由唔要一切束縛。所以唔係咁易架，葉師父！不如去整返個梳乎厘班戟，自己甜下好過啦！終於試左由日本大阪人氣熱爆既過江龍「Micasadeco & Cafe」，一試出哂名既梳乎厘班戟。呢到環境主要以粉紅色主調，天花頂既雲燈將成個浪漫氣氛包圍哂，特別舒服！👇📌焦糖梳乎厘班戟 - $138👉首當其衝必要試既新年限定既特別之選，以三層厚厚既Ricotta Cheese Pancake做Base。等既時間就同一般Pancake店差唔多，都係三至四個字左右。賣相就夠哂IGable啦，表面灑上糖粉，咬落食到啖啖既鹹香芝士味。而佢地用既蛋都係黎自日本產地，所以蛋味香濃，口感特別鬆軟。配上海鹽、伯爵茶做既忌廉，再淋上焦糖，成件事變得相當豐富，甜而不膩。📌抹茶梳乎厘班戟 - $138👉呢個Pancake特別之處係加左日本抹茶粉，味道苦中帶甜，後勁慢慢有陣陣回甘。而旁邊配搭返栗子粒、紅豆蓉、忌廉做返個層次，Pancake既質感有口感夠彈性，整體感覺唔

已很耐沒有逛商場，趁今日出開旺角，就乘機跟友人去朗豪坊shopping，但不知是否疫情影響， 大家一點都不雀躍，決意走去最底一層的連鎖咖啡店飲杯咖啡傾下計，不過......不知是否太耐沒有來，原來已經變咗一間更吸引更美的cafe。正好！順便吃埋晚飯吧！開放式的門面，地方很寬落，樓底又高，感覺開揚。以粉色為主調，加埋頭頂上的雲朵，令人覺得好寫意，好輕鬆。內裏設有多張二至四人枱、有靠牆的沙發座、有圓枱，亦有長枱，座位都幾多，而枱與枱之間有一定距離，坐得舒適。翻閱兩份menu，清晰簡易，全是單點，分有三文治、沙律、班尼廸蛋、奄列、奄列飯、意粉、意大利燉飯、梳乎厘班戟、班戟，仲有期間限定食品和飲品，而飲品就有咖啡、茶類、日本茶、抹茶類、汽水類和特飲。***********************海膽和黑松露都是我倆所愛，所以必選這道海膽汁黑松露意粉 Uni Sauce Black Truffle Spaghetti ($118)。熱辣辣上枱，意粉有嚼勁，口感一流，而海膽汁的稀稠度亦剛好，緊緊掛在每條意粉上，每吃一口都滿有海膽的甘香，而黑松露的份量亦合宜，兩者味道恰到好處，沒有蓋過對方，不會太濃

人在香港想念日本pancake, 而家喺香港都食到喇。 除了甜品班戟，仲可以食埋動人晚餐。先到櫃位落單安坐座位等送餐，職員不停加添清水，呢個動作係天氣乾燥的確幾窩心嘅。前菜煙三文魚沙律，新鮮度滿分，唔需要多講爽脆可口就無敵。煙肉焗薯連皮放心食，撈入煙肉片，最喜愛脆口煙肉粒都幾多，令軟中口感帶出層次。主食限定口味意粉，微辣味道，加分位置一隻隻嘅爽口彈牙大蝦。每道菜式滴滴骰骰份量確唔少。職員推薦抹茶產品，飲品當然揀抹茶鮮奶，滿滿奶泡仲有拉花，味道香濃帶小小甘，泡量極多。凍mocha睇得又飲得。最後是期待的甜品抹茶梳乎厘pancake，飽覽搖晃的視覺效果，濃郁茶味淡淡蛋味配合伴碟豐富抹茶、日本紅荳蓉， 海鹽奶泡， 韓國黑豆，味覺更佳。提一提趁熱食口感佳。環境以少女系粉紅色裝修，雲朵吊燈氣氛下完成滿足晚餐。另外最喜歡有限定供應保持新鮮感。

▾#Serena食食食最近不斷喺旺區尋找較少人嘅食肆，居然比我發現喺朗豪坊地庫開咗一間餐廳Cafe！好方便就係喺market place隔離，仲可以順便行埋馬莎添～雖然係要自助買飛叫餐，但門口會有位店員嗰個帶位～睇得出餐廳係有心思佈置嘅，影相應該都幾靚。多數係一台枱嘅枱，卡位就偏少，但睇落每一張凳都幾舒服，所以都冇咩所謂。【鮮奶咖啡】由於疫情關係就算我係堂食都可以要求外賣杯入住，你知啦少啲接觸空氣，安心啲，依方面抵讚！【和風明太子忌廉汁意粉 🍝】▸ 推薦指數：⭐️⭐️⭐️（滿分為5星）係估唔到咁好食，本身啲意粉煮得都唔錯算係咁，唔會太林或硬，忌廉汁煮得好好味，係日西嘅口味，有啲蘑菇配料。最重要係個明太子份量好夠撈勻成碟意粉，加埋少少紫菜碎，成碟都好正啊！絕對係會再食嘅！【角煮豚肉奄列飯】▸ 推薦指數：⭐️（滿分為5星）尚算可以，個蛋唔錯，濕濕地。但係個飯咸咗啲，唔係好識得出佢用咩汁煮，啲豬肉就OK嘅。【水牛芝士煙肉焗薯】▸ 推薦指數：⭐️⭐️（滿分為5星）呢個係個lunch set+$38追加嘅小食，普普通通冇咩特別，兩個女仔都食唔晒，可以考慮清楚先。整體感覺唔錯，無論係裝修嘢食員工態度方面都係。

呢間好新， 經過幾次都冇入去。 終於約到個舊同學想試 就一齊去。 雖然係食晚飯， 佢都有好多西餐野， 但我地竟然一人叫一份pancake, 個侍應以為我地叫一份一齊食， 我地仲覺得唔駛啦食晚飯呀麻， 食多少少， 點知真係好飽原味既pancake , 奶味好濃， 當然好鬆軟。 加牛油食 有啲似高級版西多士， 但軟好多， 好好食。 初初以為內裡只有空氣， 唔會好飽， 點知....我同學叫左綠茶味， 但綠茶味唔算濃， 紅豆又好甜， 仲要比原味貴$20。 真係強烈建議叫原味便可。Lemon soda 正常。Ice cappuccino 奶泡好結實， 冰飲但咖啡味冇沖淡， 抵讚！客人唔多， 侍應相對多， 服務唔錯， 樣樣都問清楚， 年輕人算係咁。

This cafe was great for lunch and if not for the current virus outbreak, it would definitely have a long queue.The latte here was really good and I was so surprised that they even have latte art here.The Uni Sauce was very creamy and the spaghetti was cooked just right. The black truffle made the whole dish more fragrant.The cream was decorated cutely making the whole dish even more photogenic. The fluffy pancake was soft and airy. It was not sweet and you can added the cream or caramel or both

Cheese pancake 想試吓呢間日本soffule pancake點知大失所望🤦🏻‍♀️食唔出有cheese，經過一輪搜索搵到小小cheese係pancake中間，但都係食唔到cheese味....當佢係soffule pancake嚟食都還可以嘅😂

🥞情人節限定草莓班戟$148草莓班戟少女心洋溢，表面灑滿糖霜，碟邊的心型草莓十分夢幻，要相機先食！班戟熱辣鬆軟，士多啤梨香甜，加上草莓牛油和細膩吉士醬，🍓味蕾充滿士多啤梨的甜美。🥞焦糖梳乎厘班戟 $138厚Pancake暖笠笠、震騰騰，忍不住用叉子輕敲表面。表面充滿氣孔，😍口感濕潤、綿密，把綿彈梳乎厘，在糖醬中翻滾，入口蓬鬆，蜜糖甜香慢慢沁出。再跟配伯爵茶忌廉，和海鹽忌廉，令香甜蛋香中帶微咸，味道富層次感。💋情人節特飲——兩人世界 $108淡粉紅的色調，是玫瑰薑汁汽水特飲，在杯中飄散心型草莓，非常浪漫。入口濃甜，舌尖感受到玫瑰的幽香，不錯的配搭。🍝明太子忌廉意粉$108每條掛滿香濃忌廉汁，夾合爽口雜菇，啖啖都散發滑溜奶油，加上惹味的明太子，鮮味加倍提升，令人食指大動。 🥗燒三文魚沙律 （主食+$38）砌成花型的煙三文魚，份量不少，清新沙律菜淋上蜜糖黑醋，十分醒胃，還有清新的牛油果作點綴，是滋味之選。

就到情人節，周圍餐廳都已經有情人節菜單本身我就係大愛士多啤梨🍓所以不嬲情人節都會吸引我出去食飯今日經過朗豪坊，超級市場出嚟就見到有間餐廳🍴佢有粉紅色裝修，感覺好少女風餐廳空間感十足，枱與枱之間有足夠的距離本身我哋唔係好肚餓，所以我哋就揀咗一個意粉#海膽汁黑松露意粉$118我本身就係好鍾意食意粉🍝呢度嘅意粉掛汁力好強，而且意粉彈牙十足，海膽汁令到意粉鮮味提升，又香又滑。#蘑菇忌廉湯🥣 +$38蘑菇味幾重，而且帶黑松露味，幾Creamy。#焗薯 +$38分量幾大，如果調味再重啲就更加好。#煙三文魚牛油果沙律🥗 +$38煙三文魚🐠及牛油果🥑絕不吝嗇，沙律菜幾新鮮，但檸檬醋份量比較多，食到尾有少少過酸嘅感覺。#熱情果朱古力🍫朱古力面層其實仲有少少橙皮，酸酸甜甜咁樣好開胃。情人節特飲 $108其實係巨峰提子🍇加Ginger Ale，大約有四杯份量，飲落幾清新，仲有一片片🍓士多啤梨後來我哋先知原來餐廳喺日本🇯🇵過嚟所以我哋就一口氣點咗三個甜品🧁-#鮮草莓北海道忌廉班㦸 $148店家主打時令士多啤梨🍓而且大部份食材都來自日本，賣相超精美細緻，其實佢令我都幾驚喜，因為Pancake入邊都有士多啤梨味道

日本人氣大熱soufflé pancake店! 睇戲之前落黎見到呢度難得地有人排隊，終於可以黎朝聖🥰 叫一個main course 可以無限量+ $38揀湯，沙律同小食，性價比夠哂高！太貪心揀咗煙三文魚牛油果雜錦檸檬油碎沙律，野菌蘑菇湯同焗薯☺️ 全部都好大份，沙律好新鮮，有3塊煙三文魚，加埋好多牛油果同菜，好fresh。湯同焗薯都好好味，食哂其實都飽咗一半🙈 介紹番個主菜先～ 揀咗和風明太子忌廉汁意粉 ($108) 呢度既意粉真係好正，好吸汁好有咬口。加埋帶點微辣既明太子，同紫菜加埋好惹味，愈食愈想食其實黎呢度主要係為咗食甜品，太多選擇揀唔到，試咗3款🥰 首先有招牌香軟瑞可塔芝士疏乎厘班戟 ($118) 旁邊有海鹽忌廉，而soufflé pancake上面仲有塊牛油，溶化咗令pancake 更加香，食落鬆軟有口感，入面仲有ricotta cheese，隱約食到少少芝士味☺️之後叫咗鮮草莓北海道忌廉班戟 ($148)pancake 上面有士多啤梨牛油，幾有心思～ 鬆餅係士多啤梨底，味道比原味pancake 更加濃，入邊加入左士多啤梨同埋custard，有口感得黎又唔會乾身，食哂超級飽肚😛士

上個星期六同男朋友係朗豪坊睇”Joker”, (嗚~~~)睇完心情難免有Ｄ傷感，由其係男朋友。好! 等我發揮港女本色哄返男朋友先。左諗右諗，決定同男朋友去試下地庫果間Micasadeco＆Cafe，食返Ｄ甜野開心返！呢間野次次去日本都食，既然係香港而家開左，就合晒我河車。環境：裝修以粉紅色同白色為主，有和系少女風既感覺，空間感都算闊落，係我地坐果張枱上面仲掛住左一排雲燈，我同男朋友都忍唔住篤下佢，個texture軟淋淋，好似綿花糖咁～好得意呀！服務：D staff都幾nice，幾友善，好有耐性咁介紹佢地既招牌菜比我地。不得不一提係佢地既水，裡面唔單止有檸檬，仲加埋薄荷葉，第一次見有餐廳咁做，飲出黎既感覺真係幾清新，特別岩食完甜野之後中和返。（等我係屋企自己又整先～keke）食物：我地一共嗌左兩個主菜:意大利香腸意瓜檸檬忌廉汁意粉- 口感一流，咬落去唔會太淋唔會太硬真正做到（Al dente）既感覺，估唔到主打Pancake 但係Main Course，一樣keep 到水準~ 抵讚!- 意大利香腸亦唔會太咸，個汁食得出有檸檬味，加埋意瓜同忌廉汁，唔會太膩之餘仲好match，有驚喜～和風西

#Micasadeco & Cafe Hong Kong (旺角)日本大板人氣cafe，開到黎香港啦。去旅行時因為唔想排隊而錯過左佢🥺。無啦啦行行下朗豪坊，比我發現左佢開到黎香港🇭🇰仲要唔使排隊🤩。點可以放過試佢既機會。出乎意料之外，佢嘅正餐比甜品更有驚喜更令人留下深刻印象。#海膽汁黑松露意粉 $118 本身係聖誕節嘅Menu，😻但係因為太受歡迎關係所以延長左。店員咁樣介紹即刻想試吓。🙋🏻‍♀️意粉做到好小有既al dente，😼口感好好。醬汁杰身岩岩好包住意粉🍝，好creamy。配料有好多菇加埋黑松露醬，整體好香好好食。份量啱啱好一個人食，如果同人分享應該會嬲🤣好食到我唔想同人分享。#香辣大蝦意粉好有泰國風情，酸酸辣辣，黑椒味同香草味都幾香，🌶辣味唔係Hea辣，辣得黎係有後勁，味道有啲似tabasco既強化版。 意粉🍝同樣地有咬口。🦐蝦大隻彈牙。應該係與你食埋甜品，所以份量都係偏少。#焦糖疏乎厘班戟極鬆軟。😍呢種似蛋糕又非蛋糕，充滿空氣感既口感實在令人無法抗拒。班戟好香蛋味😋焦糖唔太甜，食晒都唔覺膩。配伯爵茶同海鹽忌廉，又夾喎！佢篤cream好cute，俘虜少女心。#鮮草莓北海道忌廉班

心思思想食好耐, 終於湊夠腳去食之前去大阪都食過佢地既招牌 - 瑞可塔芝士梳乎厘班戟 一試難忘。今次係香港開業，一定要黎回味一下。環境方面，坐位都好舒服， 偏粉紅又有似雲既燈點綴， 好有日系少女風我地三個女人今次點了三個鹹食三個甜食< 特製咖喱雞肉三文治>呢個係大推薦👍🏻雞肉鮮嫩多汁，一D都唔乾身，味道好似Tandoori Chicken 配埋個香脆麵包同蕃茄生菜，完全係喜出望外 好味！<煙三文魚忌廉汁意粉>呢個係穩陣之選份量剛剛好, 差不多每啖意粉都有煙三文魚，都幾足料， 意粉個質感係我鍾意既有𡁻頭，唔會太軟身<明太子特製和丼定食>日式健康定食定食 除左有明太子，還有熱熱的日式高湯，層層的玉子燒，口感綿密細膩，再有傳統日式蔬食牛蒡，南瓜，蓮藕，手打雞肉丸 以及糙米飯，相信係健康之選 <招牌 - 瑞可塔芝士梳乎厘班戟>充滿幸福的感覺三層既梳乎厘Pancake 空氣感十足(食得出將蛋白打至豐盈）帶有濃濃的蛋香，加埋牛油和糖漿，食指大動， 果然不負我所望，拍得住大阪原店。食完之後，會有滿滿的幸福的感覺<

當日同朋友行行下街，發現朗豪坊地下原來開咗間新嘅Pancake店，仲要係我最愛嘅Fluffy Pancake！身為Pancake控嘅我又點可以唔試下呢？・明太子特製和丼定食上菜個陣成個感覺好豐富，定食配有日式高湯，有少少似茶漬飯；明太子燒灸過，撈飯一流，加埋其他配菜，好似牛蒡、蓮藕、南瓜，好清新，仲有個玉子燒，即叫即整，甜甜地又好嫩滑，整體成個口感清淡又唔會好寡～・招牌香軟瑞可塔芝士梳乎厘班戟未上枱已經聞到好香蛋味，成個Pancake好Fluffy，配埋Cream同糖漿一啖食落去，冷熱交織，感覺好幸福～同埋佢個Cream唔會太甜膩，連平時麻麻地鍾意食cream嘅我都覺得好滑好香奶油味～・抹茶梳乎厘班戟抹茶同紅豆可以話係「Perfect Match」～呢個抹茶Pancake帶有好香茶味之餘，又唔會太甜，夾埋紅豆同抹茶醬食，真係好濃郁好正，如果你都係抹茶控，一定唔可以錯過～・咖啡拿鐵即叫即沖，口感好綿滑香濃，配埋Pancake食好夾～