影片
更多
2020-02-28
60 瀏覽
「我承認，我是愛情裡的廢柴。」如果要解釋情為何物，我諗讀左咁多年書既博士或者學者都答唔出。愛呢個字講出黎好易，又係咪真係領悟到箇中意思呢？離離合合，散散聚聚，想要自由唔要一切束縛。所以唔係咁易架，葉師父！不如去整返個梳乎厘班戟，自己甜下好過啦！終於試左由日本大阪人氣熱爆既過江龍「Micasadeco & Cafe」，一試出哂名既梳乎厘班戟。呢到環境主要以粉紅色主調，天花頂既雲燈將成個浪漫氣氛包圍哂，特別舒服！👇📌焦糖梳乎厘班戟 - $138👉首當其衝必要試既新年限定既特別之選，以三層厚厚既Ricotta Cheese Pancake做Base。等既時間就同一般Pancake店差唔多，都係三至四個字左右。賣相就夠哂IGable啦，表面灑上糖粉，咬落食到啖啖既鹹香芝士味。而佢地用既蛋都係黎自日本產地，所以蛋味香濃，口感特別鬆軟。配上海鹽、伯爵茶做既忌廉，再淋上焦糖，成件事變得相當豐富，甜而不膩。📌抹茶梳乎厘班戟 - $138👉呢個Pancake特別之處係加左日本抹茶粉，味道苦中帶甜，後勁慢慢有陣陣回甘。而旁邊配搭返栗子粒、紅豆蓉、忌廉做返個層次，Pancake既質感有口感夠彈性，整體感覺唔
愛呢個字講出黎好易，又係咪真係領悟到箇中意思呢？離離合合，散散聚聚，想要自由唔要一切束縛。
所以唔係咁易架，葉師父！不如去整返個梳乎厘班戟，自己甜下好過啦！終於試左由日本大阪人氣熱爆既
過江龍「Micasadeco & Cafe」，一試出哂名既梳乎厘班戟。呢到環境主要以粉紅色主調，
天花頂既雲燈將成個浪漫氣氛包圍哂，特別舒服！👇
📌焦糖梳乎厘班戟 - $138
👉首當其衝必要試既新年限定既特別之選，以三層厚厚既Ricotta Cheese Pancake做Base。
等既時間就同一般Pancake店差唔多，都係三至四個字左右。賣相就夠哂IGable啦，表面灑上糖粉，
咬落食到啖啖既鹹香芝士味。而佢地用既蛋都係黎自日本產地，所以蛋味香濃，口感特別鬆軟。
配上海鹽、伯爵茶做既忌廉，再淋上焦糖，成件事變得相當豐富，甜而不膩。
📌抹茶梳乎厘班戟 - $138
👉呢個Pancake特別之處係加左日本抹茶粉，味道苦中帶甜，後勁慢慢有陣陣回甘。而旁邊配搭返栗子粒、
紅豆蓉、忌廉做返個層次，Pancake既質感有口感夠彈性，整體感覺唔會話太單調，打卡一流。
📌煙三文魚菠菜班尼迪蛋 - $88
👉經典組合的確無令我失望，煙三文魚同埋下面多士被原隻流心蛋覆蓋住，一切開蛋黃已經流哂出黎，
一啖過食哂唔同口感，果然係絕配呀！
📌特製咖哩雞肉三文治 - $98
👉簡潔工整既多士切成兩大塊，裡面覆蓋住青瓜、蕃茄同埋咖哩汁煎既雞肉，
青瓜中和返咖喱既濃味，清新得黎又夠特別，唔錯。
📌二人の世界 - $108
👉用左草莓、Ginger ale特製既一杯Mocktail，份量夠哂兩個人飲。面頭再加埋兩大塊心型士多啤梨，
就算過左情人節一樣夠Sweet，打卡一流。
📌抹茶鮮奶 - $44
👉呢杯特飲帶甘澀既口味，茶味出眾，入口唔會太甜。Staff仲額外附上包糖漿比你，
我就覺得岩岩好，唔洗再加。
張貼
