MG Cafe

營業中

休息中

有朋自遠方來所以同佢地去個靜D 既地方,可以食吓野，傾吓計較早去到,得我地一枱,所以非常寧靜~水牛城珍寶雞中翼 好好食!~燒德國鹹豬手烚蛋酸種包 份量好足！ 鹹豬手好香😋 有好多蔬菜夾係中間 食落完全唔油膩~北海道鮮帶子勝瓜雲耳香辣意粉 健康之選！~墨魚汁海鮮意大利飯 好好食！~經典全日早餐 牛角包好香好鬆脆 炒蛋好滑 腸好juicy 蘑菇同車厘茄都好好食

最近老是過觀塘，多了機會在那邊吃好西。今天就和朋友來到海旁這家MG Cafe，試試這裏新推出的set dinner。可能這個晚市套餐餐牌新推出，所以知道的人不多，晚市來到，基本上包了場！加上Cafe本身裝修雅致，所以坐得很舒服。法式浪漫二人餐6道菜$368，8道菜$468，我們先試6道菜，看看性價比如何。先飲住杯honey lime等上菜。法式餐前小點5選2青瓜螢光魷魚撻、青椒皮蛋撻蛋撻很脆口，皮蛋切成一粒粒，感覺似啫喱，呢個配搭很新穎！螢光魷魚很肥美，上面有粒粒蟹籽，食落脆卜卜。黑松露花膠北海道鮮帶子墊底的是清爽的啫喱，上面的帶子和花膠都肥美彈牙，再鋪上香甜的蘋果泡沫，有果香又有咸香。奧斯迦尋魚子醬牛肉他他芝士泡沫魚子上有金箔！！牛肉經過調味，所以食落一點不感到生肉感，反而多了份滑溜口感。芝士泡沫多份奶香，多重配搭食出了多重味道。很難想像這是Cafe出品，質素比得上高級西餐！榛子烤花菜濃湯口感濃稠但不厚重，滿滿的花菜就似在吃蔬菜。鮮蜆車厘茄珍珠麵比較少吃這種珍珠麵，吃起來有點像熟的薏米，一粒粒帶點彈牙，帶點咬口，頗有趣！大蜆肥美鮮甜，和番茄煮食的湯亦如是，吃着吃着，有點略嫌不夠！豬肉

假期輕輕鬆鬆瞓到自然醒， 真係超幸福的感覺。 來到觀塘海濱公園近牛頭角段， 望住個海散步， 欣賞年青人的busking， 真係 賞心樂事。 旁邊的MG Cafe, 都是我們經常會來的地方。這裏的餐湯好足料份量多，濃濃的香味，質地厚身creamy， 大量的洋蔥碎和 紅蘿蔔粒， 肥尾鮮甜的蜆肉， 再加埋脆脆麵包粒，很完美的配搭。阿根廷草飼黑安格斯肉眼牛扒 乾蔥紅酒汁安格斯肉眼扒的份量不少， 煎至五成熟剛剛好。 牛扒當然要配搭焗蒜， 軟糯香甜的味道， 配搭牛扒真是一絕。 好在底層的薯條吸收了牛扒的肉汁精華， 像炆薯仔般的好吃 ，配搭大量新鮮沙律菜非常豐盛。牛油果醬 大啡菇鹿兒島和牛漢堡薯條很有驚喜的漢堡， 和牛漢堡扒很鬆軟， 重點是有大量 牛油果醬， 配搭香甜的蕃茄 和多汁的大啡菇， 多重口感 十分美味。最後點了這裏的潤喉餐飲 熱青檸蜜， 跟餐附送 不用額外收費。 清新的 青檸味道配搭甜甜的蜜糖真的很滋潤。

MG Cafe位處觀塘海濱道，入夜後環境舒適寧靜，晚市提供六道菜或八道菜創意料理，由港元338起，價錢相宜。法式餐前小點螢光魷魚撻及青椒皮蛋撻玩味十足，令人眼前一亮，螢光魷魚鮮味十足，口感爽脆，猶如剛從海上釣上來一樣鮮甜。青椒與皮蛋味道是意想不到的夾，皮蛋溫和氨味中帶少少辣味。漬北海道帶子刺身 海膽 三文魚子 蘋果泡沫蘋果泡沫底下佈有帶子刺身、海膽及三文魚籽，每啖入口均鮮味十足。黑胡椒法式焗藍蟹肉黑胡椒粒化身成黑胡椒醬，蓋在芝士蟹肉絲上，免除拆蟹殼過程，方便品嚐，啖啖鮮味。榛子 烤花菜濃湯椰菜花湯濃郁香甜，中間混有榛子碎，增加堅果香氣。傳統豬肉醬手造撒丁小麵疙瘩手造傳統薩丁小麵疙瘩，表面粗糙不一，吸滿豬肉醬汁，香氣與口感十足。鮮蜆車厘茄撒丁尼亞珍珠麵鮮蜆及湯汁鮮甜滿分，可以嚐得出是由海鮮熬製而成，配上撒丁珍珠麵入口煙煙韌韌。美國安格斯牛柳 羊肚菌汁安格斯牛柳鮮嫩多汁，配上中式羊肚菌汁，並沒有違和感。招牌燒三黃雞 金華火腿原汁三黃雞外脆內嫩，配上創意金華火腿原汁，倍增鮮味。芝士慕斯蛋糕軟綿芝士慕斯蛋糕 配上濃香的朱古力醬，令人回味。青檸蜂蜜青檸的酸度比黃檸檬還要高，混上蜂蜜令飲品更加健康

今日係星期六休息日, 同朋友一同到觀塘海濱公園附近的一間休閒海景Cafe食lunch, 我哋12:30去到, 已經差唔多坐滿. 我哋坐低咗分別叫咗午餐. 🥢阿根廷草飼黑安格斯肉眼牛扒，乾蔥紅酒汁牛味濃，而且熟度剛剛，咬落口還有一少少牛肉汁，都幾鮮味， 好食👍🥢招牌燒三黃雞•三文魚子 •日本珍珠米飯另外朋友就叫咗呢個三黃雞比飯，配日本珍珠米， 雞髀份量都OK ，啲皮仲有啲脆口，還有配埋呢個醬汁，味道都幾夾，唔錯唔錯. 整體來說，這間Cafe環境不錯，都幾幾休閒，可以靜靜地傾吓偈星期六嚟講都是一個不錯的選擇！

MG Cafe 位於觀塘海濱公園附近，遠離鬧市之餘食物水準都好高‼️店內英倫復古裝潢好別緻，環境舒服，好適合慢慢品嚐美食，同朋友暢談一番👫ᨎᨎᨎᨎᨎᨎ🌟龍躉魚肉辣肉腸貝殼粉 $178個碟好似貝殼咁，好精緻！龍躉魚肉味鮮，肉質結實，咬落仲有微彈感覺🤤意粉汁帶有微微嘅辣味，食落都幾醒神，香口惹味，貝殼粉好掛汁🥰🌟招牌燒三黃雞、三文魚籽、日本珍珠米飯 $178招牌不愧係招牌💯，一切果陣油香味已經滲出嚟🥰，三黃雞皮脆肉嫩，燒得夠晒火喉，恰到好處，而且仲係雞脾肉，口感嫩滑。三文魚籽新鮮味美，雞配埋三文魚籽飯口感豐富，仲增加左咸香😌🌟Latte (+$18)咖啡滲出微微果香，奶泡幼滑，飲完即刻叉滿電🫶ᨎᨎᨎᨎᨎᨎ

呢一間環境舒適闊落，餐牌仲有好多特色嘢揀。$98 Slow Cook Chicken Sandwich** Croissant原本係三文治，但係可以選擇牛角包。配料超豐富，有蕃茄，青瓜，牛油果，沙律菜，慢煮雞胸肉。呢個價錢其實真係唔貴，因為雞胸肉好嫩滑，而且成個賣相都好靚，牛角包外邊脆卜卜，千島醬汁有好好食。$188 Mushroom Salted Egg Yolk Pizza鹹蛋黃pizza你又食過未？鹹蛋黃配芝士，真係好正，好邪惡。底層仲有蕃茄醬，焗到脆卜卜，忍唔住食晒。$62 Chocolate Banana Snow朋友好鍾意呢一杯蕉嘅朱古力，上層有棉花糖，香蕉配上焦糖喺面，底層嘅朱古力同奶泡好分明，最底下仲有香蕉醬，成杯都勁蕉呀😳。$48 RoseLatte呢度嘅咖啡都好出色，另外再加玫瑰糖漿，冬天飲，成個人暖笠笠，又好香玫瑰味。見到晚市仲有套餐，都好吸引，下次再嚟。

隱世觀塘親民精緻西餐廳✨6 Course $368（餐前小點＋前菜1款＋意粉1款＋湯 +主菜1款＋甜點）✨Amuse Bouche 法式餐前小點-青椒皮蛋撻-櫻花青瓜撻精緻美味，撻皮酥脆，整體層次豐富✨Appetizer 前菜Hokkaido Scallop Ceviche, Uni, Ikura, Sommen Jelly. Apple Foam清北海道帶子刺身•海膽•三文魚子•蘋果泡沫面層是清新既蘋果泡沫，搭配鮮甜帶子、海膽和三文魚子，倍添鮮味✨Black Pepper Blue Crab Au Gratin黑胡椒法式焗藍蟹肉蟹肉配上黑胡椒、香蒜及葱粒，每口充滿著藍蟹的濃郁鮮味✨Cauliflower Veloute, Hazelnut 榛子，烤花菜濃湯椰菜花味濃郁，濃湯入口順滑無比，滿載著淡淡榛子的清香，非常特別✨Pasta 意粉Fregola Sarda with Clams, Cherry Tomatoes鮮蜆車厘茄撒丁尼亞珍珠麵珍珠麵口感別具特色，滿滿嚼勁，口感十足，圓圓的表面完美地沾上醬汁，加上車厘茄，酸甜開胃Hand-made Gnocchetti with Itali

政府最近推行夜繽紛，我都嚟觀塘海濱拍下拖，經過 MG Cafe，趁機會嘆返個浪漫晚餐，皆因網上見到 MG Cafe 推出全新 晚市 6 Course ，精緻又美味，確實好吸引！全新推出晚市6 Course $368 Amuse Bouche 法式餐前小點螢光魷魚、青椒皮蛋用餐體驗很有 Fusion finger food 的感覺，中西日合璧，用手拎起嚟食特別滋味。Appetizer 前菜奧斯迦鱘魚子醬，牛肉韃韃，芝士泡沫鱘魚子醬高貴而且鹹香，牛肉韃韃，牛肉好淋好有牛味，配上芝士泡沫滿滿的空氣感。黑胡椒法式焗藍蟹肉之後上菜黑胡椒法式焗藍蟹肉，蟹肉大大啖，口感仲夠晒爽彈。榛子，烤花菜濃湯餐湯是榛子，烤花菜濃湯，香濃榛子再加了烤花菜，濃湯香氣樸鼻。Pasta 意粉鮮蜆車厘茄撒丁尼亞珍珠麵鮮蜆非常鮮甜，車厘茄清新健康，撒丁尼亞珍珠麵一粒粒非常飽滿，口感有點像薏米，掛滿了醬汁，彈牙美味。傳統豬肉醬手造撤丁小麵疙瘩吃得出微微個種芝士味，傳統豬肉醬質地偏杰身，一定要趁熱撈勻手造撤丁小麵疙瘩同食，味道濃好食。食到豬肉味本身都煮得幾香夠味，就咁食小麵疙瘩，想要的口感啱啱好。Main 主菜杜洛克豬鞍，黑椒

位於觀塘海濱道嘅MG Cafe，晚市6道菜餐單只需$368，餐點優質精美！Dinner Menu $368/位法式餐前小點帶fusion元素嘅法式撻，一款係日系螢光魷魚配青瓜，螢光魷魚仲有火炙過，特別香口！另一款係川式青椒皮蛋，少少嘅麻辣都幾開胃！漬北海道帶子刺身．海膽．三文魚子．蘋果泡沫奧斯迦鱘魚子醬．牛肉韃韃．芝士泡沫前菜以泡沫覆蓋食材，充滿神秘感！新鮮海產配上蘋果泡沫，鮮甜中帶微酸！口味稍濃嘅牛肉他他芝士泡沫，以鱘魚子醬增加鮮味！榛子．烤花菜濃湯烤椰菜花加榛子果仁勁香口！鮮蜆車厘茄撒丁尼亞珍珠麵傳統豬肉醬手造撒丁小麵疙瘩新鮮嘅蜆肉配珍珠粉，鮮味滿滿！豬肉醬內含芝士，濃郁美味！招牌燒三黃雞．金華火腿雞原汁美國安格斯牛柳．羊肚菌汁 ＋$80三黃雞嘅雞腿位置燒至僅熟，係皮香肉嫩嘅極致！雞肉入口油香滿滿，帶一點點金華火腿嘅鹹香，不愧為招牌菜！牛柳好軟腍，牛味香郁，羊肚菌汁將牛味大幅提升！精選甜品是日甜品為朱古力慕絲蛋糕配芒果，濃厚嘅朱古力蛋糕好綿滑！蜂蜜青檸餐飲可選蜂蜜青檸或美式咖啡！

🍗招牌燒三黃雞、三文魚籽、日本珍珠米飯💰$178🍝龍躉魚肉辣肉腸貝殼粉💰$178🥣跟餐加湯💰$20.⚡觀塘打工仔表示連續幾日天氣爆差，濕度又100%，個人頹mode都1000%😶‍🌫️頂唔緊要食啲好西充下電🔋好彩海濱附近有間骨緻嘅cafe，樓底高+落地大玻璃採光超好，入咗去個人都精神咗一大半！✨.⚡️同同事嗌咗2個lunch set，加咗💰$20要埋是日餐湯（意大利菜湯），材料好豐富爆多蔬菜😳；🍝龍躉魚肉辣肉腸貝殼粉個碟好靚🤣貝殼粉造型特別，食落微辣所以好香口.⚡️🍗招牌燒三黃雞有驚喜，皮脆肉嫩，一路切一路喪流雞油，超juicy🤤三文魚籽飯高質！份量啱啱好唔會膩，跟餐嘅Honey Lime Tea嘅杯都好靚呢🥹下次想試下佢哋嘅咖啡同特飲！🙌

今日約咗朋友去觀塘海濱旁的MG Cafe食晏。我哋沿着海濱一路行過嚟，好易就搵到餐廳喇。餐廳座位舒適，係西式風格，中間放住一台咖啡機，開着吊扇，播着優雅嘅音樂。整體氛圍俾人一個舒適放鬆嘅感覺。我哋叫咗兩個lunch set再加一個小食。牛油梨醬大啡菇鹿兒島和牛漢堡薯條：大啡菇水份滿滿，菇味好香。鹿兒島和牛漢堡經過香煎後，把油脂嘅香氣釋出。牛油果醬都好多。薯條薯味重，炸得脆口。沙律菜同車厘茄新鮮爽脆。招牌燒三黃雞，三文魚子，珍珠米飯：非常推薦大家點的一個菜式。雞全髀肉質非常滑，肉質豐富。雞皮經過燒製除咗減少食用脂肪，更令表皮帶點脆口。因為三黃雞雞味濃郁，廚師並不需要用太多嘅調味已經可以帶出雞嘅鮮味。三文魚子新鮮，每一夥在口腔爆開時，鮮味溢出，令人回味。水牛城珍寶雞中翼：一客六隻，全部都好大隻。調味醬惹味。配上新鮮爽脆嘅沙律菜，令菜式唔會感覺油膩。Hot honey lime: 青檸味咁濃，加上蜜糖，健康首選Hot Americano: Cafe店嘅咖啡有一定質素保證。佢唔係酸度重既嗰種，啱我口味。不經不覺就過咗三個鐘頭。好開心同好友一齊享受到個咁高質嘅下午。

🚩MG Cafe好耐都冇黎觀塘海濱依一邊，估唔到沿路都開左幾多靚餐廳～因為海濱附近都係工廠區，所以星期六日過嚟都冇乜人，望住個海好chill🌊餐廳用左微微昏暗嘅橙黃色燈光，工業風得來又好有情調，約會必黎啊🤭〰️〰️〰️〰️〰️〰️〰️〰️〰️〰️〰️〰️〰️〰️🌈6 Course Dinner $368🍽️法式餐前小點✨螢光魷魚撻&芒果蝦他他小點已經完完全全驚艷到我同男朋友‼️兩款撻外皮都脆，唔會濕濕淋淋芒果嘅果甜配搭蝦嘅鮮甜🥭🦐入口先外脆，內裡充滿蝦嘅膠質瑩光魷魚調味都恰到好處唔會過鹹🦑另外仲有青瓜增加爽脆度🍽️前菜✨三文魚子，馬賽克三文魚•墨西哥辣椒汁✨奥斯迦鱘魚子醬，牛肉韃韃，芝士泡沫感覺已經係分子料理嘅Level😶‍🌫️三文魚唔係一件件，而係咬落有啲魚蓉嘅質感辣椒汁椒味好出，但又唔會好辣牛肉他他個芝士泡沫輕盈得來真係好重芝士味🧀🍽️榛子，烤花菜濃湯奶香奶香嘅感覺湯入面仲有原粒椰菜花🤭🍽️意粉✨鮮蜆車厘茄撒丁尼亞珍珠麵✨傅統豬肉醬手造撒丁小麵疙瘩佢哋用嘅意粉種類好特別🍝出面唔會好易食到珍珠麵就好似加細版嘅小丸子，入口Q彈小麵疙瘩就係加厚版嘅貝殼粉🤭個人更加喜歡肉醬嗰一款💕🍽️主菜✨招牌燒三黃雞，金華火腿雞原汁✨美國安格斯

🍗招牌燒三黃雞、三文魚籽、日本珍珠米飯💰$178🍝龍躉魚肉辣肉腸貝殼粉💰$178🥣跟餐加湯💰$20.⚡觀塘打工仔表示連續幾日天氣爆差，濕度又100%，個人頹mode都1000%😶‍🌫️頂唔緊要食啲好西充下電🔋好彩海濱附近有間骨緻嘅cafe，樓底高+落地大玻璃採光超好，入咗去個人都精神咗一大半！✨.⚡️同同事嗌咗2個lunch set，加咗💰$20要埋是日餐湯（意大利菜湯），材料好豐富爆多蔬菜😳；🍝龍躉魚肉辣肉腸貝殼粉個碟好靚🤣貝殼粉造型特別，食落微辣所以好香口.⚡️🍗招牌燒三黃雞有驚喜，皮脆肉嫩，一路切一路喪流雞油，超juicy🤤三文魚籽飯高質！份量啱啱好唔會膩，跟餐嘅Honey Lime Tea嘅杯都好靚呢🥹下次想試下佢哋嘅咖啡同特飲！🙌