影片
更多
2024-04-10
20 瀏覽
餐廳：MG Cafe (觀塘)地址：觀塘海濱道133號萬兆豐中心地下2號舖前幾日喺觀塘海濱散步經過MG Cafe 🏃🏻♂️，諗返起對上一次食已經喺年幾前嘅事👀，咁啱又想飲返杯啡，就入咗去順便食埋個Lunch，晏晝黎有午市套餐供應👍🏽，仲主打三文治、披薩、意粉、扒類等多國菜式店內裝潢走復古英倫風，天花弧形嘅設計配上優雅嘅吊燈望落簡潔而不脫俗✨，自然光透過落地玻璃映照入餐廳，開揚嘅環境配上輕快嘅音樂令人彷彿置身於外國嘅咖啡店🇬🇧，唔怪得咁多人都特登過嚟忙裡偷閒，仲見到熟悉嘅傳道人同藝人咁啱同一時間喺餐廳度食嘢🤣午市套餐包一份主菜同餐飲，加$20可以要埋是日餐湯🍲，用咗鮮蘑菇打成嘅蘑菇忌廉湯都算濃香，加埋忌廉更綿滑👅，仲有粒粒蘑菇肉提升口感👏🏽，不過啲麵包粒就似放咗一段時間🙈✝️西班牙海鮮飯 $178用鐵鑊裝住嘅西班牙飯用大量香料燉煮出鮮明嘅香氣，口感偏扎實帶有濕潤度，鑊底仲有啲焦脆嘅飯焦🤌🏽，上面舖滿青口、鮮蝦🦐、蜆同魷魚圈，海鮮精華滲入飯中令味道更有層次同深度🌊 ，當中仲有酸酸甜甜嘅番茄同蛋黃醬，加埋檸檬汁仲減低油膩感😙✝️烤西班牙杜洛克豬鞍 · 黑椒汁 $168呢款喺草原放牧嘅西班牙名種豬
地址：觀塘海濱道133號萬兆豐中心地下2號舖
前幾日喺觀塘海濱散步經過MG Cafe 🏃🏻♂️，諗返起對上一次食已經喺年幾前嘅事👀，咁啱又想飲返杯啡，就入咗去順便食埋個Lunch，晏晝黎有午市套餐供應👍🏽，仲主打三文治、披薩、意粉、扒類等多國菜式
店內裝潢走復古英倫風，天花弧形嘅設計配上優雅嘅吊燈望落簡潔而不脫俗✨，自然光透過落地玻璃映照入餐廳，開揚嘅環境配上輕快嘅音樂令人彷彿置身於外國嘅咖啡店🇬🇧，唔怪得咁多人都特登過嚟忙裡偷閒，仲見到熟悉嘅傳道人同藝人咁啱同一時間喺餐廳度食嘢🤣
午市套餐包一份主菜同餐飲，
加$20可以要埋是日餐湯🍲，用咗鮮蘑菇打成嘅蘑菇忌廉湯都算濃香，加埋忌廉更綿滑👅，仲有粒粒蘑菇肉提升口感👏🏽，不過啲麵包粒就似放咗一段時間🙈
✝️西班牙海鮮飯 $178
用鐵鑊裝住嘅西班牙飯用大量香料燉煮出鮮明嘅香氣，口感偏扎實帶有濕潤度，鑊底仲有啲焦脆嘅飯焦🤌🏽，
上面舖滿青口、鮮蝦🦐、蜆同魷魚圈，海鮮精華滲入飯中令味道更有層次同深度🌊 ，當中仲有酸酸甜甜嘅番茄同蛋黃醬，加埋檸檬汁仲減低油膩感😙
✝️烤西班牙杜洛克豬鞍 · 黑椒汁 $168
呢款喺草原放牧嘅西班牙名種豬以栗子同橡果為主要飼料🐖，
所以肉質柔嫩帶爽口，油花細緻均勻，
淡淡嘅橡果味令豐富嘅肉汁帶多份甘香🤤，
配埋特製嘅黑椒汁吊出鮮甜肉香🥩，伴碟有烤香咗嘅蔬菜同炸薯條，外脆內軟令人食唔停口🍟 
餐廳嚴選世界各地嘅咖啡豆，由專業咖啡師自己烘焙同沖調💁🏻♂️，叫咗杯Latte同Cappuccino(+$18)，
濃縮咖啡嘅甘苦同綿密嘅奶泡配合成醇厚絲滑嘅層次質感，甜苦兼具嘅風味令回甘嘅後韻更凸出☕️
張貼
