Mexican House (已結業)

今次試咗"Mexican House by Seoul Bros"嘅燒烤醬手撕雞肉沙律（蜜糖香醋汁加芫荽菜），整體外賣經驗相當滿意。首先，沙律嘅內容非常豐富。燒烤醬手撕雞肉味道極佳，燒烤醬香甜適中，雞肉嫩滑多汁，食落非常滿足。蜜糖香醋汁更係提升咗整個沙律嘅層次，酸甜恰到好處。配料方面，芫荽菜對我呢個芫荽愛好者嚟講真係啱晒，增加咗沙律嘅清新感。沙律，特別係Tomato Salsa，非常清爽同開胃。總括嚟講，如果你鐘意食沙律，"Mexican House by Seoul Bros"嘅燒烤醬手撕雞肉沙律絕對值得一試，味道豐富而又有層次感，係一個理想嘅Lunch選擇。

叫咗個墨西哥卷餅套餐,幾好食😻粟米餅入面包住牛油果醬、莎莎醬、巴馬臣芝士等,超豐富!卷餅包得好實唔會食食吓漏晒出嚟!我哋叫咗手撕雞卷雞肉份量都幾多😍粟米片加埋芝士醬食脆卜卜超好食!仲包埋可樂好抵!

外賣平台見有折嗌完去拎先知地址係另一間餐廳seoul bros?! 上個禮拜咁啱食完seoul bros中左伏，無諗過原來mexican house都係seoul bros黎?!😓 嗌左個beef salad，原價$108折完$84，分量大係大，但係好難食😓 粟米蕃茄蓉等全部都係罐頭味，牛油果醬完全無牛油果味，一pat綠色無味嘅野，啲牛肉咸到癡線，成碗唔知咩黎，完全唔係墨西哥野，一定唔會再食呢間餐廳，浪費金錢。

又係無意中發現嘅一間店，老實講呢間店離我公司有啲遠，如果唔係同事食過話我知都應該唔會諗到要去呢間店🤣但我為咗佢個牛扒沙律，已經好幾次不惜“爬山”上去荷里活道，講真都咪話唔辛苦🥴呢間店嘅野食種類唔少，雖然每次都好想試新野，但每次都係忍唔住翻啅牛扒沙律🤭曾經嚐試過佢個燒烤醬手撕雞沙律，唔係唔好食，只係個燒烤醬有啲蓋過咗牛油果醬、番茄莎莎醬同其他配料嘅味道，所以我個人都係偏愛味道冇咁濃嘅牛扒。話就話係牛扒，但佢已經切到比較細塊，材料好豐富，將全部野撈埋一齊真係好好味😋😋😋佢仲有另外附白沙律醬，但唔落味道已經好OK！食哂成個飽到上心口，就算係男人食份量應該都夠。

今晚我想來點墨西哥美食，這間餐廳在OpenRice 的評價少少的，看到餐廳實拍的美食照，就讓人食指大動，想點，加上最近剛好看了一部墨西哥電影「I carry you with me」，就讓今晚充滿滿滿的異國感吧！首先，要非常讚揚這間餐廳，他們所使用的外帶外盒及餐具是用環保可在重複使用的。開胃小食粟米🌽片配上Mexican Salsa，喜歡正統Nacho Chips很純粹食材口味配上莎莎醬，就是一個很輕鬆、生活方式的享受。原先只是想要小食的晚餐，嘩！BBQ雞肉夾餅點份量好驚人，兩人食都沒有問題，雞肉烤的非常美味，BBQ的香氣四溢，肉質易非常爽口，搭配的佐料非常加分，真的好好味，一定會再幫襯的好地方！

里間野叫Mexican House平時行過都唔係好覺眼 個日開網上外賣平台個app見到佢做緊80$ 9折就諗住叫黎試下啦冇諗過勁大盒兩個人先食得哂我叫左beef steak burrito bowl佢多汁多飯多牛肉 好香個飯 又有菜 唔洗驚太dry價錢因為係中環區 所以都貴小小 80幾蚊但真係抵食 好好味 係中環區黎講算係咁送到黎個飯仲係熱辣辣 香噴噴 如果大家諗唔到食咩 其實真係可以試下間野都送得快 我點左餐之後大約20分鐘就送到