影片
港鐵九龍站 C1 出口, 港鐵九龍站 D1 出口, 港鐵柯士甸站 B5 出口
繼續閱讀
電話號碼
27364887
開飯介紹
供應意大利美式美食，餐牌提供眾多適合任何年齡群的選擇，其招牌薄餅、手工意粉均可自由選擇分量， 無容置疑是適合全家人共享的親子友善餐廳。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
Luigi 餐廳環境好有格調，裝修好友意式風情。燈光昏暗，氣氛好浪漫又放鬆。另外都見好多帶埋小朋友黎食， 原來餐廳做緊推廣， 8歲以下小朋友可以提供免費食物。岩哂家座聚會🎈叫左個水牛城雞翼，一上枱就被它誘人嘅外表吸引住。雞翼外皮炸得酥脆，咬落去喀嚓作響，裡面嘅肉質卻嫩滑多汁，火候控制得相當好。水牛城醬汁味道濃郁，辣度適中，帶有微微嘅酸味，刺激味蕾之餘又唔會太嗆口 。搭配嘅酸奶醬清新解膩，同濃味嘅雞翼形成完美嘅搭配，一啖雞翼一啖酸奶醬，真係停唔到口。主菜嘅蜆肉扁意粉（Linguine Clam），用料好足。意粉係手工制，煮得剛剛好，口感彈牙。蜆肉新鮮肥美，每粒都大大隻，完整嘅蜆帶嚟豐富嘅口感。香辣番茄濃湯味道層次豐富，番茄嘅酸甜同微辣味融合得恰到好處，滲透到每條意粉之中，食落去十分開胃，海鮮同番茄嘅味道交織，令人回味無窮。甜品方面，焗朱古力布朗尼加雪糕簡直係絕配。焗朱古力布朗尼一上枱就聞到濃郁嘅朱古力香氣，表面微微焦脆，裡面卻濕潤軟糯，中間嘅朱古力粒咬落去會爆漿，朱古力味超級濃郁。搭配嘅雪糕口感綿密，味道香甜，一冷一熱嘅搭配，在口腔中碰撞出奇妙嘅口感，每一口都充滿幸福嘅味道。至於飲品，左邊呢杯以青瓜為主嘅飲品，味道清新爽口，飲落去好解膩，尤其啱搭配油膩嘅菜式。右邊呢杯帶有橙片嘅紅色飲品，味道酸甜適中，入口有淡淡嘅果香，好清爽，無論搭配主菜定甜品都好啱。總嘅嚟講，Luigi 餐廳無論喺菜式嘅味道、食材嘅新鮮度，定飲品嘅搭配上都做得好出色，值得再次光顧！
繼續閱讀
今次我地放假帶埋BB去西九文化區行下，玩夠之後就去圓方hea陣，金區有個演薈廣場未上過去，原來上面有幾間餐廳，我地去左其中一間叫Luigi's入面食👶🏻佢地係一間意大利美式餐廳，餐廳環境都好美式風格，外面有個醬料區，比客人自助攞醬，佢地仲好歡迎有小朋友既家庭，只要大人有叫一份主食，就會送一份kids menu比8歲以下小朋友食，仲有顏色筆比小朋友玩，我就覺得好窩心☺️Beef Slider（$158）呢份迷你牛肉漢堡睇落好精緻，味道一流，同平時大既漢堡一樣咁正，有洋蔥，多汁既漢堡扒，2個人share一人一件就最適合🍔New York Pizza（12寸）（$208）呢度食pizza除左本身已經有芝士之外，仲可以即場刨芝士碎上pizza，我都鐘意食芝士，梗係要加啦，呢個New York風味係餐牌上有廚師推介，有好多肉，辣肉腸，肉碎都有齊，都好岩香港人口味🍕Kids Chicken Fingers（原價$85）呢份炸雞柳薯條係餐廳送比小朋友既餐，有兩件炸雞柳，都幾大份，雞柳好嫩，記得出外面攞醬點雞同薯條食，BB見到都搶住食，我地只係比佢左少少，淨低爸爸食就左佢大半份餐啦😆🍟Tiramisu（$85）我地叫左個甜品Tiramisu，味道幾香濃，值得一試🍰Fruit Punch（$79）Iced Lemon Tea（$59）飲品都好多野揀，唔少得酒類，仲有夏天岩曬既凍飲，我地就叫左雜果賓治同凍檸茶，夠曬消暑解渴🍹呢間餐廳我好鐘意，因為佢對小朋友好好，一般小朋友都係唔會食得多野，消費力低仲要霸一個位，但佢地就偏偏提供最好既服務比小朋友，又畫筆，又免費餐，家長見到小朋友開心，就自然食得開心，而最重要既食物同環境都唔失禮，得閒要再黎食過🥰
繼續閱讀
Luigi’s 係位於圓方金區演薈廣場頂樓其中一間餐廳，係一間意大利菜餐廳！餐廳仲有戶外露天座位，天氣如果較涼，坐在露天座位，吹下風食吓嘢，係好chill的！🍔Small Plates - Luigi’s Beef Sliders (2 pc) ($158) - 好欣賞今晚嘅小Burger，無論麵包或是漢堡都煎得很香脆，漢堡更能保持肉汁，非常Juicy！🍕Pizza - The New York (12”) ($208) - 店員會即場刨芝士喺Pizza面，批邊脆脆哋，因為有辣肉腸的關係，所以又有少少辣，整體非常惹味。🍫🧁🍦Dessert - Skillet Brownie ($110) - Brownie 同雲呢拿雪糕好夾，仲要新鮮滾熱辣，一個不錯的甜品。🍹Mocktails - Virgin Colada ($79) - 椰子汁味較濃🍹Mocktails - Passion Sparkle ($79) - 味道偏甜值得一提是餐廳有個promotion 8歲以下小朋友，餐廳會提供免費食物，真係啱曬一家大細黎呢度開餐！✌️✌️
繼續閱讀
圓方嘅 Luigi’s 係以🇮🇹意式美式文化做主題 🇺🇸，裝修融合咗現代同傳統🍕意大利元素，營造出一個好溫馨又舒服嘅用餐氛圍 🏡。佢哋仲有露天位置🌝，天氣好嘅時候坐喺出面吹吓風 💨，真係好 chill 㗎✨！Lychee Mint Soda 🥤 感覺清新 💚，荔枝嘅清甜配上薄荷嘅涼意 🌿，再加埋梳打嘅氣泡感 🫧，飲落去好 refreshing 💦。Oreo Milkshake 🍪 真係邪惡得嚟又好飲 🥛，Oreo 碎同牛奶完美融合，甜度啱啱好 👍，口感好 creamy ，每一啖都☺️充滿住 Oreo 嘅香甜味 😋，好似飲緊溶化咗嘅 Oreo 曲奇咁 🍫，超滿足！前菜我哋點咗 Nonna's Meatballs 🧆，自家製豬肉丸好大粒 🐖，肉質好 juicy 💦，一啲都唔會散開 ✨，再配埋 Luigi's 自家製嘅番茄醬🥫同埋即場刨嘅 Parmesan 芝士 🧀，個味道真係好濃郁鮮味 🤤。蟹肉扁意粉 🍝 真係幾有驚喜 😲，佢哋用咗新鮮嘅藍蟹肉去製作 🦀，蟹肉好鮮甜細膩 👌，配埋香烤蒜油 🧄、醃辣椒 🌶️、大量嘅蔥花 🌱 同埋即場刨嘅 Parmesan 芝士 🧀，個味道好有層次感，微辣帶香 🔥，好食到停唔到口！😋 佢哋自家製嘅扁意粉煮得啱啱好，掛汁力一流 💯，每一條都沾滿咗蟹肉嘅鮮味 ✨，超正！甜品係熱辣辣嘅 Skillet Brownie 🍫 配雲呢拿雪糕 🍨，真係冰火交融嘅享受！🔥Brownie 外層脆脆地，入面好軟綿，😍 朱古力味好濃郁 🤎，加入雪糕令佢慢慢溶化 💧，口感同味道都好豐富 🥰，為呢餐畫上完美句號 ✨。
繼續閱讀
週末去完期間限定愉快動物餅圓方Pop up店，就來到頂層演薈廣場的美式意大利餐廳 Luigi’s 吃午餐，佔地廣闊，面積寬敞，店內分成室內和戶外兩層，裝潢以意式小酒館為概念，牆身掛滿與意大利有關的掛畫，散發懷舊歐陸風情，戶外座位空間更開揚，猶如鬧市隱世綠洲，餐廳主打美國風意大利菜，成人只需惠顧一份主菜，8歲或以下小朋友提供免費食物，自助吧提供多款Pizza醬料，款式多達8種，可以混出最適合自己的口味，無需額外收費。New York Pizza 12” $208 即點即焗，製作需時，份量足夠2-3人分享，薄餅批邊微微隆起，手工紐約風格薄餅比傳統意大利拿波里Pizza更為挺身而香脆，麵糰吃起來富有麵粉香氣，即席刨出芝士碎屑，視覺效果猶如漫天飄雪，Pizza熱力令芝士溶化，水牛芝士可以造出拉絲效果，配上茴香香腸、手打肉丸和意大利辣肉腸微辣惹味。Luigi’s Beef Sliders $158最傳統的基本款迷你漢堡，夾著車打芝士、新鮮番茄片、焦糖洋蔥及牛肉漢堡扒，包身鬆軟有彈性，漢堡扒口感扎實爽彈，牛味濃郁，保留著飽滿肉汁。Skillet Cookie $110巨型美式朱古力曲奇以鑄鐵平底鍋焗製，結合兩球雲呢拿雪糕，一冷一熱形成強烈對比，外層烘得鬆化焦脆，內裏則是濕潤並柔韌的口感，焗熱後還有流心朱古力。兩杯Mocktails Virgin Colada $79和Luigi’s Fresh Lemonade $79冰爽透心涼，炎炎夏日下確實是消暑良伴，將悶熱一掃而空。
繼續閱讀