Luigi’s

餐廳嘅裝修係好經典美式風格，紅色加深色木嘅主調，座位頗舒適。👌🏼凱撒沙律：醬汁味道溫和，唔會太酸，符合預期嘅味道。:)蘑菇湯因為想飲湯，但係餐牌冇湯，就問餐廳有冇湯，佢又居然有。就得一款蘑菇湯。蘑菇湯好Creamy，符合預期嘅好味道。餐湯送上嘅麵包，外表香脆，內裏鬆軟，好味。👌🏼Penne Alla Volka： Creamy嘅蕃茄醬，微微酸甜又帶有忌廉嘅香滑感，茄醬味唔會太overpower。芝士好充足，食落有拉絲嘅口感。不過就食唔到酒味。🤔House Smoke BBQ Ribs: 一般美式燒汁豬肋骨味道，好多醬頗重口味，冇咩特別。🤔Buffalo Chicken Wing一般美式水牛雞翼嘅味道，頗重口味都幾辣下。🤔Spaghetti Carbonara較多忌廉味，仲有d 豬油渣嘅味道。:)Linguini Aglio Olio 超級蒜味嘅意粉，滿足鍾意蒜味嘅朋友。👌🏼New York Pizza頗重茄醬味嘅pizza。…查看更多

餐廳：Luigi’s (尖沙咀)地址：尖沙咀柯士甸道西1號ELEMENTS圓方金區演薈廣場頂樓R001號舖作為一個打工仔，相信每個禮拜連續返咗幾日工，最期待除咗放大假之外，就喺星期五或者星期六放工之後去Happy Hour飲返杯輕鬆吓😌。今次就去咗ELEMENTS圓方呢間Luigi’s ，佢哋主打美國同意大利菜，適逢星期五晚上，唔少人放工之後都過嚟享受happy hour嘅優惠，盡情咁用平少少嘅價錢飲多兩杯🍻原來餐廳6-7個月前改咗名，以全新形象去招待附近嘅打工仔同食客，加上推出多個優惠吸引一家大細、親朋好友過去幫襯，包括逢星期一同四嘅買一送一牛扒優惠🥩，仲有8歲以下小童全日免費食嘢優惠(詳情要問返餐廳，公眾假期除外㗎）等👦🏻✝️Luigi’s Beef Sliders $158餐廳signature嘅迷你漢堡🍔，一共有兩件，用咗烘香微脆嘅漢堡包夾住羶香多汁牛肉漢堡、焦糖洋蔥、車打芝士同新鮮蕃茄🍅，一大啖咬落去簡直無得輸，喺最傳統同滋味嘅漢堡💯✝️The New York $208呢個Pizza 12吋大🍕，喺經典嘅美式口味，厚薄適中嘅餅底上面放咗意大利辣肉腸、意式香腸粒、豬肉丸粒、Luigi嘅自家製蕃茄醬、羅勒同Mozarella cheese🧀，上枱後店員再幫我哋磨上巴馬臣芝士，仲有無限量調味料比你任加，Pizza邊邊香脆，加上熱辣辣嘅溫度同拉絲效果，完全抵擋唔到🤤✝️Skillet Cookie $110呢款美國特色甜品幾有驚喜🇺🇸，喺鐵pan上面放上一大塊軟心微脆嘅朱古力曲奇🍪，當中有啲朱古力碎粒，食落帶有煙韌口感，面頭仲有兩球雲呢拿雪糕🍨，連埋曲奇一齊食就有冰火冷熱嘅雙重口感同溫度❄️🔥，不過食晒成個都幾膩🤪，2-3個人share食就最啱飲品方面叫咗杯Passion Sparkle($79)同Chocolate Milkshake($79)，前者用咗熱情果、青檸同梳打調製而成，清香鮮甜🍹；後者朱古力味唔算太出，不過夏天飲依然解渴💦…查看更多

Luigi’s位於圓方頂樓，環境舒適低光線柔和充滿意大利風味，有室外室內位，感覺商務，朋友聚會或者家庭輕鬆用餐都適合。這次食左幾款菜式，有驚喜亦有平穩之處。首先是Cheetos Crusted Mozzarella Sticks（$145），炸芝士條，外層酥脆微辣，與香滑的芝士內餡形成對比，辣味重，配啤酒超一流。Pizza：12‘’ The New York（$208）是主菜而相信亦是餐廳招牌，因我見每枱客人都必叫pizza~The New York餅底薄脆，芝士與番茄醬比例恰到好處，配料選擇經典，完全突出紐約風味。我地特地叫待應哥哥即場狂加芝士, 口味更濃。甜點Tiramisu（$85）則是一大亮點，外接漂亮，口感濕潤，咖啡與可可香氣層次豐富，甜度適中，非常值得食。飲品方面，Passion Sparkler清新酸甜，適合搭配較重口味的菜式。而Asahi Draught啤酒則是一個穩妥的選擇，酒香淡雅，襯托主菜的鹹香。整體而言，Luigi’s性價比不錯，而且岩追求環境夠chill既食客。…查看更多

週末約朋友食飯，想搵間坐得舒服而又適合小朋友嘅餐廳，上網見到呢間餐廳環境唔錯，仲有免費兒童餐，一於黎試下。Portobello Truffle Tagliatelle :上枱時已經聞到好濃黑松露香味，入口好creamy，闊條麵火候啱啱好，口感彈牙，沾滿醬汁好好味，值得一讚嘅係Parmesan芝士會於上菜時店員隨你喜好落，鍾意食幾多就落幾多。Luigi's Beef Sliders :賣相相當精緻嘅迷你漢堡包，微烘過嘅麵包，加牛肉漢堡、焦糖洋蔥、車打芝士及蕃茄，食落肉汁四溢，非常juicy。Kids Chicken Fingers :餐廳做緊Promotion，凡惠顧主菜，就會免費提供兒童餐俾8歲以下小朋友，仲有好多款揀，啱晒一家大細嘅家庭。雖則係兒童餐，但份量都相當多，有兩件雞柳及大量薯條，小朋友都好滿足。Skillet Brownie :即叫即焗，所以等候需時。Brownie濃厚嘅朱古力味，配上幼滑嘅雲呢拿雪糕，甜而不膩，作為甜品一流。Virgin Colada :椰奶加上新鮮菠蘿及菠蘿汁，酸酸甜甜相當開胃。Fruit Punch :水果味濃郁，朋友嘅小朋友最喜愛。…查看更多

Luigi 餐廳環境好有格調，裝修好友意式風情。燈光昏暗，氣氛好浪漫又放鬆。另外都見好多帶埋小朋友黎食， 原來餐廳做緊推廣， 8歲以下小朋友可以提供免費食物。岩哂家座聚會🎈叫左個水牛城雞翼，一上枱就被它誘人嘅外表吸引住。雞翼外皮炸得酥脆，咬落去喀嚓作響，裡面嘅肉質卻嫩滑多汁，火候控制得相當好。水牛城醬汁味道濃郁，辣度適中，帶有微微嘅酸味，刺激味蕾之餘又唔會太嗆口 。搭配嘅酸奶醬清新解膩，同濃味嘅雞翼形成完美嘅搭配，一啖雞翼一啖酸奶醬，真係停唔到口。主菜嘅蜆肉扁意粉（Linguine Clam），用料好足。意粉係手工制，煮得剛剛好，口感彈牙。蜆肉新鮮肥美，每粒都大大隻，完整嘅蜆帶嚟豐富嘅口感。香辣番茄濃湯味道層次豐富，番茄嘅酸甜同微辣味融合得恰到好處，滲透到每條意粉之中，食落去十分開胃，海鮮同番茄嘅味道交織，令人回味無窮。甜品方面，焗朱古力布朗尼加雪糕簡直係絕配。焗朱古力布朗尼一上枱就聞到濃郁嘅朱古力香氣，表面微微焦脆，裡面卻濕潤軟糯，中間嘅朱古力粒咬落去會爆漿，朱古力味超級濃郁。搭配嘅雪糕口感綿密，味道香甜，一冷一熱嘅搭配，在口腔中碰撞出奇妙嘅口感，每一口都充滿幸福嘅味道。至於飲品，左邊呢杯以青瓜為主嘅飲品，味道清新爽口，飲落去好解膩，尤其啱搭配油膩嘅菜式。右邊呢杯帶有橙片嘅紅色飲品，味道酸甜適中，入口有淡淡嘅果香，好清爽，無論搭配主菜定甜品都好啱。總嘅嚟講，Luigi 餐廳無論喺菜式嘅味道、食材嘅新鮮度，定飲品嘅搭配上都做得好出色，值得再次光顧！…查看更多