Little Vegas

營業中

休息中

今日約左朋友食飯 好耐無食Pizza今日突然好想食 朋友介紹了這間餐廳佢話呢間有一般餐廳唔會有的特式口味仲話餐廳設計好正 一於就訂位！一出lift已經見到招牌大大個LITTLE VEGAS既招牌牆身設計彷效美國的賭城拉斯維加斯的賭場標誌好似老虎機咁 好適合打卡也可以製造話題 好搞笑！ //薯不簡單組合 $72//先來一客小食，事實上確實比個名吸引左，呢個薯不簡單組合份量足，有脆炸薯條，薯餅，黃金帶皮薯角，全部都是即炸，熱辣辣香噴噴，我自己就比較喜歡薯餅，外層炸至金黃，內裡薯粒大小一致，做到外脆內軟，十分香口，邪惡野永遠是最受歡迎的，很快吃光了。值得一提是醬料除左茄汁之外，仲可以每款加$5選擇另外三款特式醬汁，包括：黑松露蛋黃醬，芥末明太子，蜜糖芥末，但我覺得薯條配茄汁已經是完美，所以沒有額外加配了。//明太子忌廉天使麵 $116//天使麵份量夠多，而且係超級超級多明太子，讚！上枱後稍稍攪拌數下每條天使麵已經沾滿了忌廉同明太子，好Creamy，對於明太子控的我表示呢個麵做到滿分。 //Combo Pizza 128//(喇沙海鮮+蒜香辣肉腸沙茶風味)餐廳設計了多款款特別口味都好想試，更特

由大學食到畢咗業 都仲食緊佢個明太子忌廉天使麵真係食極都唔厭如果天氣好嘅話 個view更加正過咗聖誕節幾日 都仲有糖食Lunch Set: Soup + Main + Drink 最平$88就有 好抵食Soup: 今日係海鮮忌廉湯 都幾足料明太子忌廉天使麵 $116(轉lunch set +$25)依個真係每次嚟到都食好creamy 明太子好惹味天使麵好幼身 每條都被啲醬汁重重包圍住BBQ baby back rib $118肉質好淋 味道就正正常常啦~迷你隨機小食拼盤 +$58(洋蔥圈、魚柳、雞翼、薯條)全部都新鮮炸起 夠熱夠脆凍榛子朱古力我愛卡路里~~~好滿足服務好好

Little Vegas (銅鑼灣)今次同朋友嚟試一間玩味十足嘅西餐廳😆除左環境靚，野食都幾高質❤️孖寶比薩🍕$128好惹味避風塘魷魚圈比薩命運比薩pizza薄皮好脆，每塊都足料，命運Pizza係北京填鴨風味😝煙鴨胸啖啖肉，而魷魚圈就炸到金黃色好酥脆😆兩種Pizza都係好特別嘅味道！秘製醬汁焗豬肋骨（半份）$122秘製醬汁超正😝豬肋骨全部都入哂味都埋好淋好嫩，薯角好脆好好食😋超推薦！雞翼好多重奏$86水牛城、玫瑰、柚子味呢幾隻都係好特別新奇嘅味道🤤水牛城鹹鹹地，好惹味😆玫瑰味就偏甜，花香味重，意外地同雞翼夾，柚子味就夠哂清新😋夏威夷果仁朱古力、玫瑰朱古力（兩杯$84）凍凍地嘅天氣飲返杯熱朱古力真係好暖胃🥰夏威夷果仁味道唔錯，玫瑰味就好重，飲落層次豐富❤️環境好靚好啱打卡慶生☺️地址：銅鑼灣耀華街3號百樂中心25樓整體評分：4/5味道：4/5環境：5/5抵食：4/5

［#kwfoodie西餐］🍽Little Vegas餐廳🍴以拉斯維加斯賭場為概念🙈同時一旁亦放置了不少玩味十足的擺設🥰還有打卡位之一的Little Vegas霓虹燈💖除了提供不同的特飲以外，還有不少Cocktail飲品🥰#明太子忌廉意粉 $116頂部放上了很多的木魚碎，味道頗為突出💖整碟意大利粉🍝的忌廉汁程濃厚🤤而且明太子份量頗多，本來是天使麵，但小編轉了意大利粉🤣較有口感～味道小評分：😋😋😋😋/5#孖寶比薩 $128這次小編點了兩款不同味道的比薩🍕分別是喇沙海鮮🦞和避風塘魷魚圈🦑，喇沙的味道十分濃郁！海鮮的份量不算太多🫣而避風塘的蒜味不算太重，魷魚圈頗有嚼口～比薩的厚度偏薄味道小評分：😋😋😋😋/5#DreamofAlice $72小編因為它的名稱便點了這一杯Cocktail🍹以Rum酒作為主導，添加了橙汁和菠蘿🍍汁等，所以整杯飲品亦頗清新，頂部添加了椰子🥥Rum酒，椰子味突出味道小評分：😋😋😋😋😋/5#宇治抹茶沙冰 $39由於紅豆🫘缺貨，所以變成只有宇治抹茶的沙冰🍵抹茶味頗香，沙冰口感較幼細味道小評分：😋😋😋😋/5🌟喜歡可以Like&Follow, 有你的支持是小編的動力🌟整體味道指

What happens in Vegas, stays in Vegas️🃏. 嚟到Little Vegas，唔知係咪都可以忘記身份姓名，盡情狂歡呢😎？入到餐廳，整體唔算好大，但坐得都幾闊落，窗邊位景色都幾開揚，下午lunch time 12點去到，太陽正好晒入嚟🌞平日過嚟walk in 都唔使book～好鍾意佢色彩繽紛嘅佈置，特別係自己畫上去嘅壁畫😍Jenny揀咗東洋鬼怪嘅壁畫角落坐低，等朋友嘅同時，慢慢欣賞人手砌嘅方塊桌子，好eye catching！旁邊仲有boardgame同埋唔同嘅小玩意，將Vegas賭枱神還原 ♠️😌𝙁𝙤𝙤𝙙🐷半份醬烤豬肋骨 $118豬肋骨都腍，易咬、啖啖肉～一上枱就覺得好大碟，仲配埋薯條添🍟其實半份都有成10條骨，咁究竟一份會幾大呢唔知🤪🍕命運比薩 $102嚟到賭城梗係要賭一賭運氣，命運比薩就係有師父發辦，整咗乜就食乜，賭一舖🎲各位觀眾，五條煙🚬⋯居然係軟殼蟹炸蝦pizza！超開心隨機居然出咁正嘅pizza 😍，每一片pizza都有一大隻炸蝦，中間有原隻軟殼蟹，配埋紅椒絲同埋洋蔥，好好味好cheesy😋🍗雞翼好多重奏 $86四隻味道揀三隻，Jenny叫左水牛

近來好少去港島，今日難得出到嚟銅鑼灣，梗係要去食bookmark左好耐嘅呢間良心食店Little Vegas。佢喺美食雲集嘅百樂中心，樓下排一陣隊，就上到去啦。入到去已經感受到呢度風格好特別，佢嘅擺設都好有趣，好有玩味，佢份Menu都有好多meme，好有心思。好多嘢食都好吸引，我記得pasta係幾出色，於是我就叫咗個辣蕃茄鮮蝦長通粉。然後就叫咗個健康嘅牛油果烤雞沙律，再加兩杯嘢飲。佢哋嘢飲都好多好啱心水，揀到選擇困難，男朋友叫咗杯薄荷朱古力，我就叫咗杯黑牛。我記得以前d frd打咭呢度有富士山下，而家好似冇咗，可惜！首先嚟嘅係牛油果沙律，份量非常多，雞排亦都有好多塊，雞扒都好香，但係又唔會太重口味，感覺健康。牛油果係雞扒下面，份量都多，佢嘅牛油果非常香甜新鮮好味。有子醋呢啲沙律醬亦都感覺好清甜成件事好清新。辣蕃茄長通粉亦都好惹味，辣味對我嚟講有啲太勁，不過有嘢飲就唔怕，佢嘅鮮茄都做得幾香，意粉嘅質感啱啱好，蝦好高質，大大隻非常之有咬口。黑牛方面，佢嘅雪糕好硬，要放一陣先飲得，不過朱古力雪糕加可樂呢個配搭就冇得輸，薄荷朱古力亦都好飲。終於食到呢間book mark咗好耐嘅餐廳，冇失望，滿

Happy Halloween 🎃 👻 萬聖節正日，放工即刻落銅鑼灣， 享受呢個扮鬼扮馬嘅節日 氣氛。 book定枱嚟到little Vegas， 裝修佈置同樣充滿玩味， 每枱都擺咗好多萬聖節糖果充滿氣氛。好惹味避風塘魷魚圈pizza餅底脆卜卜 上面鋪滿餡料， 有我最鍾意嘅 炸魷魚圈 同埋蟹柳， 雙色芝士令到批底非常之香， 而且充滿拉絲效果。濃味嘢喇沙海鮮扁意粉喇沙醬汁勁濃味， 海鮮分量絕不吝嗇， 大蝦夠曬爽口， 豆腐卜吸收咗喇沙精華 扁意粉爽口彈牙， 每條麵都掛滿醬汁， 啱曬重口味嘅我。雞翼好多重奏玫瑰🌹柚子🍊水牛城🌶勁抵食推介就係呢個雞翼拼盤， 三款口味每隻款有三隻。 三款當中最鍾意就係玫瑰味， 玫瑰蜜糖好清新， 甜滋滋的感覺， 微微的花香味道。 水牛城雞翼夠曬辣， 柚子雞翼口味清新。玫瑰草莓沙冰雖然好多朋友都會鍾意，富士山造型特飲， 但係我就情有獨鍾玫瑰草莓沙冰， 玫瑰味道很清新不會太甜， 而且沙冰很幼滑。

成日經開耀華街都會睇到呢幢商廈樓下都會排左好多人😵‍💫之前一直都有朋友講開呢間餐廳裝潢都有點特式，加上係我愛既pop art feel 咁就決定試下今晚一行四人，Order 左以下菜式😁🔅法式龍蝦湯🔅蒜蓉包🔅小食拼盤🔅雞翼多重奏🔅孖寶Pizza (任選2款口味)🔅燒汁雞扒麻醬撈冷麵 🔅忌廉松露野菌飯 🔅比利時窩夫🔅香蕉賭船🔅黑牛🔅秘密花園水果茶真心想特別一讚個 燒汁雞扒麻醬撈冷麵，真係同平時的有分別，麵質係揀選左意大利粉，口感唔會好軟，反而彈口🍝另外Pizza 孖寶都好薄身，好岩我地呢啲愛食薄批既人😆仲要個邊脆卜卜，好香，又唔怕食得好飽，其實講完好矛盾，不過又真係好香口，仲要可選兩種味道，真係一個批滿足哂四人口味🤩雞翼多重奏，因為唔太食到辣就叫左柚子，玫瑰，水牛城味，都係個句 一款三味，又係岩哂貪心既我🤪 因為可以樣樣都試到，玫瑰味好特別，好少食得到其實整間餐廳裝潢都好新穎，好岩打卡同慶祝，不過因為幢大廈太多食肆，樓下架lift就比較多人少少，千其唔好嚇親🫣埋單食咁多野都係每人二百零，仲坐左兩小時吹水，靜靜地friend 聚下，算係咁啦

銅鑼灣玩味風格Cafe 食物款式、環境打卡一流孖寶pizza$128揀咗黑松露野菌同蒜香辣肉腸沙茶風味 松露嗰款好足料好香黑松露味😙辣肉腸唔係一般識到個款 呢隻切得好厚身有肉汁 又唔會過鹹 批底好薄好脆👍🏻又keep到好乾身唔會濕晒淋左濃味嘢喇沙扁意粉$118呢個口味幾特別 就諗住試試 冇諗過喇沙同意粉都可以夾埋一齊 喇沙味偏甜 微辣 意粉軟硬度適中夠彈牙 而且都好足了有好多魷魚剝左殼嘅蝦同蟹棒☺️薯不簡單組合$72 一上枱比個份量嚇親😮有齊薯餅、薯角、薯條 份量非常多 啱啱炸起熱辣辣🔥 外脆內軟 入面薯仔好綿密 黑松露蛋黃醬好香 同炸物好match😆

呢間我一早就想去試🤭今次終於俾我試到啦😉佢嘅食物質素真心唔錯，完全冇令我失望到，要分享下俾大家雞翼好多重奏($86)佢嘅雞翼真係幾好食㗎🤭首先佢嘅雞翼煎得好香口但又肉質依然都好嫩滑😍其次係佢嘅調味好豐富，可以一碟揀三款味試😊佢嘅水牛城偏酸酸甜甜咁幾開胃，柚子味就清新得黎甜甜哋幾惹味，玫瑰味就甜得黎帶點玫瑰嘅香味😝佢哋三款都同雞翼好夾，所以真係要叫濃味嘢喇沙扁意粉($118)佢嘅扁意粉係呢餐入面最推薦嘅😗淨係佢嘅材料都已經好豐富，有好多海鮮係入面😜但好味嘅地方係佢嘅喇沙汁同意粉，佢嘅喇沙汁食落少少辣得黎又帶又少少椰香味，加上佢嘅意粉好掛汁，所以食落又香又惹味孖寶比薩{瑪格麗特比薩+ 好惹味避風塘魷魚圈比薩}($128)因為佢可以揀雙拼，為食嘅我哋就梗係揀雙拼啦😌佢嘅瑪格麗特都幾有驚喜，餅底夠脆但上面又有勁多芝士同蕃茄，所以食落又juicy又香芝士味😝至於避風塘魷魚圈都好正，佢辣得黎，蒜香味好重，加上魷魚圈食落好香口，所以食落都好夾法式龍蝦湯($56)呢個都唔錯👍🏻雖然佢唔算太濃稠，但龍蝦味都好重😚飲落都幾香幾鮮😉加上朋友覺得個蒜蓉多士好好味😍所以都推薦大家試下佢

今日同朋友嚟銅鑼灣行街，之後喺時代廣場附近打算搵間好味嘅Cafe食晚餐，二知道百樂中心呢邊餐廳，所以揀咗呢間Little Vegas。餐廳玩味風味好重，裝修滿滿嘅幽默感，港式得來，又有藝術感，就連餐牌設計、菜式都好有創意同幽默。《維加斯小牛扒早餐》$128估唔到全日早餐都有三款選擇。呢份全日早餐份量好多，有好脆嘅薯餅，蔬菜新鮮爽口，牛扒亦都好林有口感入味，幾高質！《雞翼》$86有四款口味可以揀三款，我哋揀咗麻辣、玫瑰同埋水牛城，三款都好好味，最鍾意麻辣，可能比較少食，玫瑰都好香，又清甜，雞翼本身都好夠熱同埋多汁，好好味！《極黑墨魚餅竹炭漢堡》$118對黑蚊蚊嘅漢堡情有獨鍾，總係覺得吸引啲。呢個漢堡比較脆口，個面微微焦，值得一讚係個墨魚餅超彈牙，有咬口，而且食到粒粒嘅墨魚肉，好正！仲有買大量嘅脆薯角，好滿足！ 同埋我哋嗌咗杯海洋梳打，甜甜地有浸清香嘅水果味，幾好飲。呢餐真係食得開心又滿足，下次一定會再嚟。

(･` )(ω･`　)(･ω･` )(´･ω･`)( ´･ω･)(　´･ω)( 　 ´･)玩味感十足cafe，佈置色彩繽紛，牆身都係塗鴉，而窗邊都放滿酒樽、擺設，枱面係用一粒粒彩色磚仔砌成，超靚！ 食物種類多，其中最特別係香草蕃茄醬烤春雞，仍有分半隻同全隻，咁我地4個人就叫左全隻，肉質都嫩，唔會乾身，另外推介香草忌廉海鮮飯，因為佢個忌廉汁好濃厚，牛肉芝士burger亦大大個，牛肉好厚好大塊，但好多汁，所以食落好好味！ Pizza味道都多，所以要左孖寶，可以拼2個味，1個避風塘魷魚圈，1個辣肉腸沙茶味，批底係薄脆，所以唔會太飽，當小食咁一流！ 仲飲左杯宇治抹茶紅豆沙冰，抹茶好重，唔會係偏甜，係回甘咁，高質！

最近萬聖節，所以餐廳都佈置得格外精美！今次有4個人食，所以叫左好多個主食 👧🏻香草忌廉海鮮飯 $128超級creamy，奶香味好重，當中亦有帶子同蝦，正呀！ 👧🏻福juicy牛肉芝士burger $118牛肉好厚，唔會乾身，有配一大堆炸薯角。 👧🏻香草蕃茄醬烤春雞 - 全隻 $132本身諗住春雞會好細隻，所以叫左全隻，點知size 一d都唔細，又多肉，仲配左一籃炸薯角，雞肉都唔會鞋口~ 👧🏻孖寶pizza $128揀左好惹味避風塘魷魚圈+蒜香辣肉腸沙茶風味，咁岩2隻都係辣辣地， 👧🏻命運小食拼盤-大 $128有炸洋蔥、炸魚、雞翼等等~ 👧🏻濃味野喇沙扁意粉 $118係帶點甜既喇沙味~ 其實佢飲品款式都好多，下次會想試大大杯既水果茶。

🍕🍕Little Vegas🍝🍝今晚出走港島，同朋友去食去左銅鑼灣d內街上樓食西餐。地方唔難搵，不過上樓等lift等左10分鐘。餐廳暗暗，幾有氣氛，而且餐廳裝修都幾特別。🔸法式龍蝦湯🥣 - 湯唔算好creamy，不過飲入口好有龍蝦味，而且仲有成隻大蝦係個底，湯有配蒜蓉包，食落好脆口，好香蒜蓉味。🔸算吧啦，蒜蓉包喎 🍞- 佢個蒜蓉包份糧算幾多，而且焊得岩岩好，唔會太燶，真係好香蒜蓉味。🔸孖寶Pizza (任選2款口味) - 我地揀左蒜香辣肉腸沙茶Pizza同北京填鴨風味煙鴨胸Pizza，Pizza🍕🍕個皮係薄皮咬脆口，份量唔算大，我覺得幾好，因為唔會因為食Pizza搞到飽左，蒜香辣肉腸沙茶Pizza個辣肉有d辣，食得辣既人應該會好中意，北京填鴨風味煙鴨胸Pizza，幾制特別好少見有呢款味既Pizza🍕，比我想像好食，鴨胸算大塊，好味的。🔸燒汁雞扒麻醬撈冷麵 🍝 - 黎到先知，原來冷麵係意粉黎，幾特別，意粉口感幾好，唔會太淋，雞扒算幾多，麻醬味道唔會太燶，賣相都靚仔🔸忌廉松露野菌飯 🍛- 個飯份量算幾多，忌廉汁唔會蓋過松露香，飯質口感夠淋，因為意大米口感要煮熟透先好食，野菌算係幾多款，而且

呢間cafe真係好熱鬧，平日晚飯時段爆哂場💥💥想食真係要book位~北京填鴨風味煙鴨胸比薩 🍕$118一向都好鍾意填鴨味pizza~用上薄脆批底令人唔滯又食到多啲料，芝士鴨胸甜醬再加啲椒真係好夾👍🏻明太子忌廉天使麵 $116好大量明太子配索哂忌廉汁嘅天使麵～食到後面會好漏，2個人食唔哂🫡3個人會好啲法式龍蝦湯 $56配塊蒜蓉包幾好食，個湯就呢個價錢都唔期待有龍蝦，有隻蝦都算係咁🦐榛子朱古力 🌰 $48帶有榛子味再加好濃郁朱古力味嘅奶宇治抹茶鮮奶🍵 $48合格有餘嘅抹茶奶~幾濃抹茶味