LeeLaksa

營業中

休息中

香芒大蝦米紙卷～顏色色彩繽紛，蔬菜夠晒豐富，每一卷都有一隻大蝦，沾上提供嘅芒果醬汁，入口好清新，啱晒作為開胃菜。班蘭咖央多士～多士充滿麥味，散發出淡淡香氣，夾心有椰香和凍冰冰嘅牛油塊，外鬆脆，內軟滑，口感一流！李派海南雞飯拼白胡椒肉骨茶～雞件色澤鮮亮，無雪藏味，質地柔嫩，飯粒帶有雞湯香氣。細碗嘅白胡椒肉骨茶，湯頭甘甘地，仲有豬肉塊嫩嫩嘅肉骨，每一口都充滿了濃郁胡椒味道，呷一口，成身都暖哂😆新加坡喇沙～湯底濃郁而濃稠，充滿椰奶香，辣得黎帶有甜味，材料豐富，有蝦、魚片、魚蛋、芽菜、豆卜，好吸湯，啖啖完美吸收濃郁嘅湯汁，份量好充足，一碗夠哂二人分享！

帶媽媽來吃上環的新加坡菜，簡潔舒適的用餐環境，店內裝潢設計以木質為主，桌椅整潔舒適～壁報也很漂亮～首先是他們招牌的海南雞飯，上菜速度非常快！雞肉滑嫩，搭配著香氣四溢的飯及冬瓜湯食，每一口都帶來濃郁的口感和美味的風味。醬料的配搭恰到好處～另一道推薦的菜品是新加坡喇沙。湯底濃郁而香醇。蝦和魚蛋魚片的加入帶來了鮮美的口感，配合湯底的風味，喇沙的辣度適中，不吃辣的人也可以吃得到。另外點了一道小食，香芒大蝦米紙卷，用蝦肉和大量蔬菜，搭配香甜的芒果，卷裹在米紙中。口感清爽而多汁，給人一種輕盈感覺。飲料點了一杯凍的馬來拉茶，口感順滑，香氣四溢

呢間餐廳好近公司，所以如果想食東南亞食物都會諗起呢間餐廳，價錢唔算太貴，而且上菜快，座位寬坐得&食得舒服。⭐️烤馬來蔥餅配咖哩烤馬來蔥餅有兩大塊，蔥餅超級脆，好香口，好香蔥味，點埋濃郁嘅咖喱醬汁，好正😊。咖哩汁都幾大碗，好香椰香🥥味，唔會好辣。⭐️新加坡鹹蛋黄雞翼有4隻雞翼，雞翼炸得香脆金黃，鹹蛋黃醬汁好濃郁而滑順，包裹在每一塊雞翼上。鹹蛋黃愛好❤️者會鍾意呢個邪惡食物。推薦👍🏻。旁邊仲有青瓜🥒沙律可以解一解油膩。

以前返工返上環成日都過嚟食,轉左返其他區就食唔返咁好食嘅喇沙了😭😭今次放假特登返嚟食🥹呢間餐廳除左喇沙,其他主食小食飲品都好高汁‼️個人特別推咖央多士、星洲香辣炒飯(少辣但炒得好入味)~午餐同下午茶都包餐飲,餐飲有得揀馬來拉茶(唔洗加錢架!).新加坡喇沙米線 $82 (午餐包餐飲,有加一)係我食過湯底最濃最好食,但又唔會因為太辣而蓋過湯底嘅味。材料都好足,幾隻大蝦,豆腐卜,魚片,魚蛋,通菜,半隻糖心蛋。真心食完絕對會覺得好滿足！唔係連鎖店嘅味道😤餐飲我每次都會揀馬來拉茶(凍熱都不用額外收費),唔甜之外仲好仲拉茶味🤤

位卡上環主打新加坡菜式嘅餐廳，招牌係海南雞飯同喇沙。李派海南雞飯 $88招牌菜之一嘅海南雞飯，跟餐有齊黃油飯同冬瓜湯，雞肉肉質夠嫩滑，食落油香十足同黃油飯十分之夾，冬瓜湯味道清甜.新加坡喇沙 $82招牌菜之二，配料有蝦、豆卜、魚蛋、魚片同芽菜，喇沙湯香甜之餘帶微辣，質感濃郁，麵身彈牙有口感。香芒大蝦米紙卷由米紙卷起青瓜絲、甘筍絲、芒果同大蝦，清新又開胃嘅小食，食落酸酸甜甜又夠清涼。美綠恐龍新加坡特飲，用冰凍美綠加上美綠粉製成，甜上加甜非常好飲。LeeLaksa (上環)上環皇后大道中302號地舖

🇲🇾🥢🇸🇬不便宜的星馬下午茶▫️以下為下午茶套餐價，設加一🆗馬來炒貴刁 -$78下午茶呢個價嚟講都算幾貴，但見呢碟午市要百幾蚊，所以都專登嚟試吓。份量都算大份。呢碟炒貴刁幾特別，除咗河粉之外另外都仲有幼麵，炒得幾有鑊氣，醬料都好均勻，調味還好，有三隻蝦，但吾好食，霉霉地好靭，一啲都唔爽口，另外仲會有啲八爪魚絲及臘腸片，而配料有大量蔥、芽菜、洋蔥、而伴碟較清新嘅有青瓜粒，旁邊都有辣椒同埋花生碎，辣椒粉都幾辣，食唔到辣嘅要小心。🆗馬來拉茶（凍）熱飲凍飲都唔使加錢，但個味道比較淡，一般

上環呢間新加坡菜價錢幾親民，所有菜式都唔會好貴，最近食開新加坡菜食上癮，對海南雞同喇沙情有獨鍾😂呢度同樣有個套餐係有晒海南雞同喇沙食！一次過滿足晒～ 之後我地見有米卷，都叫左份！呢個係牛油蔬菜米紙卷，味道好清新，由好多唔同既蔬菜絲組成，米紙好軟滑，咬落好煙靭！ 之後仲有個我好鐘意食既咖央多士！ 好脆～咖央醬份量岩岩好！ 最後仲叫左個咸蛋黃炸雞翼～ 好香咸蛋味🤤不過呢個太邪惡，食一兩隻就夠了～ 整體覺得價錢合理！唔錯👍🏻

今次我哋嚟到中上環搵嘢食🥢，想喺呢頭搵個抵食嘅異國菜午餐☀️，就可以嚟呢度試下😆。呢度午市套餐份量超級多😍，而且包埋飲品🍹，就算要啤酒🍺、東南亞特飲都唔使加錢💰。.🐣李派海南雞飯拼白胡椒肉骨茶($118)海南雞好有東南亞嘅感覺💕，用嘅雞款好重雞味🐔，雞皮都好有膠質，點埋海南雞醬好好食😋。椰汁飯嘅味道好香🌴，配埋雞油香好特別🍚。肉骨茶味道好濃郁🐷，肉香味、白胡椒味💥好惹味。.🐮巴東牛肉配米飯($85)牛肉嘅肉質好好🐄，軟腍而且好入味🤤，配埋香口嘅花生、魚乾🐟，好送飯。一啖可以食到牛肉味、甜香嘅牛腩醬汁味👅。.🦐香辣大蝦串燒($65)大蝦全部已經剝咗殼，好貼心🥰。而且肉質都好厚，咬落去好有口感🫦。本身嘅燒烤辣醬已經夠晒刺激💥，如果鍾意食辣嘅朋友🌶️，仲可以點埋額外辣椒醬㖭。

同朋友🙆🏼‍♀️一齊諗住食個early dinner，路過呢度，見到大大隻字寫住 Laksa，朋友🙆🏼‍♀️話有興趣試吓，咁就決定入去開餐🤣入到餐廳仲未夠 6pm，原來仲有 Tea Set，咁叫咗 $62「新加坡🇸🇬喇沙 Singapore Laksa」，有幾款飲品可以選擇，揀咗「馬來拉茶 Teh Tarik」🤣「新加坡🇸🇬喇沙」：喇沙湯底幾濃郁，有啲椰汁香味😋；材料有 開邊蝦仁🍤、魚蛋、魚片頭、豆卜、芽菜 等，都算幾豐富😂；喇沙麵條似乎係米線，夠晒滑😁「馬來拉茶」幾滑，仲甜甜哋😁$150「李派海南雞（半隻）Hainanese Chicken Lee Style (Half)」：海南雞 皮黃肉白肉質幾滑，仲有星洲黑醬油，辣醬、薑蓉可以沾雞食😋$72「炒通菜（蝦頭膏/馬拉盞/參醬）Stir Fried Water Spinach (Shrimp Paste / Belacan Sauce / Sambal)」：揀咗參醬，辣辣哋幾惹味🤣；通菜新鮮幾爽脆，份量都相當多😁

【$108雙拼雞飯+濃味喇沙🍜1個午餐夠2人飽】推薦指數： 🌕🌕🌕🌖🌑*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #上環 - 𝗟𝗲𝗲𝗟𝗮𝗸𝘀𝗮近排天氣凍，特別想食啲湯麵類嘅嘢🍜暖吓身！位於上環呢間星馬菜專門店，主打惹味喇沙麵& 海南雞飯🥢 午餐時段仲可以雙拼（Laksa +雞飯）配嘢飲，啱晒咩都想試吓嘅人～【𝗥𝗲𝘃𝗶𝗲𝘄 食評 💬】◐ 海南雞飯 拼 星加坡喇沙米線 $108｜8/10 🌟一次過滿足晒兩個願望嘅午餐套餐 ✌🏻海南雞好白嫩，唔會太多肥膏，配上三色醬汁（蒜蓉、甜豉油、辣椒醬）份量多到一個人食都有啲挑戰性🌝竟然仲有多個「迷你喇沙米線」‼️認真覺得朋友好醒，一次過就可以試晒兩個招牌菜式💥◐ 星加坡喇沙米線 $82｜8/10 🌟喇沙湯底非常之濃郁，個人覺得椰奶味偏重，對比起正宗星馬喇沙，辣到偏低，好適合BB班嘅我😂但食開馬來西亞喇沙嘅人，可能會覺得唔夠風味🥵🔥裏面有豆卜、蝦、魚片🥢 豆卜索晒湯汁非常之好食，米線煮得正常偏軟 ◐ 香茅青檸荔枝梳打（跟餐）午市跟餐，飲品可以揀啤酒、南洋咖啡、香茅橙茶、馬來拉茶、青檸紅茶、桔仔話梅水🥤選擇都幾多！

上環最好味的喇沙是LeeLaksa無疑，下午茶尤其抵食。今日和先生在德輔道海味街買完嘢，諗住行上大道中食茶餐。坐下才知假日下午茶要3點才開始（平日是兩點）。唔緊要啦，午市套餐一樣有好嘢食。點了兩個餐，把新加坡三寶（喇沙、海南雞、肉骨茶）都吃勻了。🏅星加坡喇沙米線（$82）喇沙一如以往的濃郁惹味，蝦仁新鮮、豆卜索汁、魚蛋彈牙、糖芯蛋好食，米線軟滑。🏅海南雞飯拼白胡椒肉骨茶（$118）海南雞嫩滑無雪味，油飯飯質稍硬，卻是我喜歡的硬度。肉骨茶正宗，充滿濃濃的白胡椒香味，一字骨和豬肚好食。🏅怡寶芽菜（$38）它的怡寶芽菜是眾多東南亞餐廳中最好味最大碟的。蔥花、炸蔥特別多，加上鮮甜豉油，我一個人可以吃完一碟。🏅馬來拉茶（$0）~ 香甜滑順🏅桔仔話梅水（$0）~ 濃郁夠味

餐廳主打新加坡菜式。就喺文武廟條樓梯落，近樂古道既轉角位。門面都幾sharp，幾吸引。晚餐只有散叫選擇，唔見有套餐。呢間算區內一間幾不錯既新加坡菜，平時下午實滿座，晚餐人客都多。🍏🌿牛油果青蘋果沙律$75 牛油果,青蘋果,合桃,提子乾,花生,蕃茄仔有少少蜜糖，帶甜既沙律汁，勁清新鮮鮮甜！🐤🍚➕️🍜李派海南雞飯拼喇沙$108幾鐘意佢有呢個雙拼既配搭👍除咗拼喇沙，仲有拼肉骨茶既選擇。咁就可以2樣都試晒😋海南雞不錯，雞肉係去曬骨既黃油雞 ，嫩滑新鮮。好大碗雞油飯，帶好香嘅香茅、香料味 。正宗新加坡式跟三色醬。喇沙就係純米線底，配好大隻蝦，仲有好多豆卜、魚蛋、魚片、溏心蛋。湯底亦惹味十足👍班蘭咖央多士$28烘得好香，厚厚班蘭醬同薄薄牛油，呢個配搭比例好好味

LeeLaksa 上環 新加坡菜店內環境給人一種椰林樹影的感覺，老闆本身是經營茶葉生意，因工作關係經常到新加坡出差，被當地美味吸引決心聘請當地廚師將美味帶來香港。 李派海南雞飯拉白胡椒肉骨茶：雞肉滑嫩有雞味，肉骨點醬油食也幾好，肉骨茶湯汁微辣。雙拼可以食到肉骨茶之餘又食到海南雞，一次過滿足兩種口味，價錢亦親民。 檳城和牛蝦麵摻摻：湯汁微辣，和牛味道唔突出可有可無，直接叫檳城蝦麵摻摻可能味道差唔多，價格會便宜將近3分之1。 新加坡鹹蛋黃雞翼：鹹蛋醬脆皮非常出色，咬落去皮脆仲有流沙醬流出，本身有點警訝以為會好高分，但係雞翼可能熟左再炸，雞肉太老及乾身無肉汁，完全扣晒分。 班蘭咖吔多士：味道略淡。

隔個段時間無食喇沙啦，放工決定食新加坡野。餐廳在地鐵站A2出來行兩條街，在皇后大道中馬路旁邊。餐廳燈光明亮，座位夠闊落。🌟 新加坡喇沙米線喇沙有蛋、魚蛋，豆卜、蝦仁，一般配料都齊晒。湯底夠濃又惹味椰汁味又出，如果想更辣可以加埋另上的喇沙醬。🌟 李派海南雞飯雞肉算嫩滑，切件大小合適，皮下脂肪亦唔多，配一碗油飯真係絕配，雞味香濃！🌟班蘭咖吔多士烘多士香脆，裏面有牛油和咖吔醬，香口又夠晒邪惡。🌟蝦醬通菜餐廳選用的通菜幼身，入口脆嫩，用蝦醬炒夠晒鹹香味。

上環新加坡菜🇸🇬每次都keep到水準🙌🏻而且性價比高 環境亦都坐得舒服🌟李派海南雞飯海南雞肉夠嫩滑 雞味濃雞皮無過多脂肪再配上香氣十足且粒粒分明既油飯蘸埋醬汁更滋味🙌🏻🌟半熟蛋配咖央多士多士烘得夠脆 半溶牛油加帶斑蘭香同椰香味既咖央醬跟埋半熟蛋更正🥚🌟鹹蛋黃雞翼雞翼炸得香脆沾滿鹹蛋黃醬鹹香十足🥢🌟白胡椒肉骨茶富濃濃既胡椒味豬肋骨肉質較滑夠哂暖胃😋🌟桔仔話梅水酸酸甜甜好開胃👍🏻