LeeLaksa (裝修中)

真係好喜歡這間餐廳的下午茶套餐，假日要三點後才有，所以待到三點才來吃。每款套餐都有飲品，加$20有椰青。另外，他們的怡保芽菜非常大碟爽脆，也是我的最愛。我們分別點了三個下午茶套餐：巴東牛肉配米飯柔嫩的牛肉在香料濃郁的椰奶醬汁中慢燉，香氣四溢，每一口都充滿東南亞特有的辛香與溫潤。伴碟的花生、小魚乾和青瓜爽脆。新加坡喇沙 濃郁的椰奶咖哩湯底完美平衡辛辣與鮮甜，搭配滑嫩米粉與彈牙蝦仁，還有新加坡魚丸魚條、豆卜和雞蛋，非常滋味。大蝦青木瓜沙律 爽脆的青木瓜絲與鮮甜大蝦碰撞，佐以酸辣甜的醬汁，口感層次豐富，清新又開胃。

好友約我去位於上環皇后大道中302號地舖的 LeeLaksa 食下午茶餐，環境舒適，坐得舒服。我和好友都點左個 海南雞飯 $68，另外點左個 大蝦青木瓜沙津 $68，牛油果五色米紙卷（素） $56，飲品係椰青 $20（跟餐），凍桔仔話梅水（跟餐）。海南雞飯賣相吸引，雞肉嫩滑好味；大蝦青木瓜沙津份量不少，兩隻開邊大蝦的蝦肉結實彈牙，沙律醬有少少辣，幾惹味；牛油果五色米紙卷共有6卷，配芒果醬，好好味；桔仔話梅水好清爽好飲；新鮮椰青好鮮甜。

之前上環返工時已經成日食呢間午餐，每次最難忘其實係佢杯馬來拉茶，但其實佢既食物都係好食同時高性價比，而今次第一次試晚飯味道依然都很不錯值得推薦比大家。———————————————🌟 燒牛柳柚子沙律 ($118)呢個沙律非常出色，先講燒牛柳燒得非常香而且熟成度岩岩好，牛柳本身味道都好味肉身仲好腍，完全唔會食到有筋。面頭仲淋左d酸酸辣辣既醬汁，非常好味。至於柚子份量都多，柚子亦都好新鮮同夠多汁，作為開胃菜一流。🌟 馬拉盞炒通菜 ($72)炒通菜炒得夠鑊氣，啲馬拉盞味道香濃之餘，又唔會過鹹，份量仲超足。🌟 馬來炒貴刁 ($128)呢碟貴刁簡直係馬來風味既代表作！炒得香口乾身，材料十足，包括蝦、魷魚、臘腸、蛋等等，每一啖都滿足感爆棚。🌟 馬來拉茶 ($28)如題拉茶真係必試，茶奶比例勁好，入口滑得黎唔會太甜，而且個馬拉茶果種獨有香味非常出。我個人係有叫少甜的，少甜味道岩岩好推薦大家都叫少甜。🌟 熱情果芒果沙冰 ($36)水果控必試～酸酸甜甜既口感，芒果同熱情果味都夠曬濃，值得推薦👍🏻

心思思又想食海南雞飯😚朋友介紹我黎上環嘅LeeLaksa🤓李派海南雞飯拼白胡椒肉骨茶雞皮位爽，中間有少少啫喱😋特別係啲雞髀都幾滑❣️油飯香噴噴，好味到食晒成碗😆配埋一碗白胡椒湯底嘅肉骨😇裏邊仲有啲大蒜，天氣凍凍地，飲落夠晒暖胃😌裏面嘅排骨軟骨位勁軟腍，可以成嚿吞🤩李派海南雞飯拼喇沙另外朋友叫嘅雞飯配咗喇沙😛呢度嘅喇沙偏奶白色，所以聞到好香椰奶味💓裏便仲有隻蝦仁🍤好索湯嘅豆卜同雞蛋🍳半熟蛋配咖央多士呢個咖央多士超好味🤤多士薄脆，中間夾住牛油同埋咖央😍點上半熟蛋加醬油，成件事夠晒邪惡😈

地道東南亞風情🇸🇬國民海南雞飯🫶🏻每當心思思想食星馬料理時，我都會嚟到上環區的「LeeLaksa」，店內環境舒適闊落，有多款正宗地道且性價比高嘅食物選擇😋🍞半熟蛋配咖央多士多士烘到脆脆地，中間夾上一塊厚厚的牛油，然後塗上滿滿的咖央醬，咖央醬濃香幼滑，整體上口味甜甜地👍🏻半熟蛋配上甜豉油，可以用黎點多士或撈飯食都得！🍜檳城和牛蝦麵摻摻以粗身的黃麵與幼身的米粉一齊做麵底，口感豐富，加上蝦、和牛片、牛丸、豆卜和糖心蛋等豐富食材，湯底有紅蔥頭碎和洋蔥絲，微辣又惹味，食完超級滿足🤩🐥海南雞飯拼新加坡喇沙米線一個餐滿足到選擇困難嘅我，同時試到兩款口味👍🏻雞肉無骨嫩滑爽口，配上鮮香粒粒分明的油飯，仲有香港人鍾情的再三色醬（黑豉油、薑蓉及辣醬），簡直係完美嘅配搭！喇沙米線帶出另一種風味🎖️湯底是濃郁的椰香味，米線吸收了湯底的精華，吃起來好順滑；配料加入左蝦肉、魚丸、魚片、豆卜等，面層放了炸蒜、洋蔥和香草，大大提升了香味和口感🍹飲品套餐配埋飲品：南洋咖啡、青檸紅茶

今晚過到黎上環搵野食，行過見到呢個新加坡菜話過黎試試，因為我本身好鍾意食海南雞飯😳新加坡喇沙🥢：份量係超大，個大碗係裝滿曬配料同麵，入面有魚旦、蝦、豆卜、魚片頭、糖心蛋等材料😝喇沙湯係超濃郁，啖啖都食到椰香味，必食之選🤩海南雞飯 🐓配白胡椒肉骨茶：海南雞肉質滑嫩，有雞味🤩油飯粒粒分明，好香！白胡椒肉骨茶胡椒味都好重，冬天飲落去好暖胃！斑斕咖吔多士：呢個超有驚喜，好脆，而且係熱辣辣即整🤩咖吔加埋牛油香味十足🤩

位於上環皇後大道中嘅LeeLaksa出名食新加坡菜， 今日就同朋友過嚟試下。李派海南雞飯拼白胡椒肉骨茶 $118你個套餐可以一次過試曬兩種新加坡出名嘅美食。 海南雞處理得好好每嚿雞都好嫩滑，即使係雞胸肉都完全唔鞋， 配上雞油飯香而不油膩。 另外仲配上新加坡白胡椒肉骨茶，冬天飲暖笠笠好暖胃，必點之選。新加坡喇沙 $82喇沙湯底充氣濃香椰奶味，不過麵條對於我口味出就有啲過淋，不過每條麵條給滿湯汁每一啖都好滿足。馬拉盞炒通菜 $72炒菜份量好足， 馬拉盞好惹味， 建議一上枱即撈勻， 因為好多足料嘅汁會喺菜下面，撈勻食每一條都可以更入味。🥢LeeLaksa 🌏上環皇后大道中302號地舖

LeeLaksa上環皇后大道中302號地舖經開上環，老友推介地道新加坡菜，食材新鮮，環境舒適，果然無介紹錯。😽新加坡喇沙香濃湯底，沒有味精，香辣不油膩，可以直接飲用。面層放了炸蒜、洋蔥和香草提升層次。新鮮配料有大蝦、魚丸、魚片、豆卜、通菜和雞蛋。吃到中段，可加青檸汁和秘製辣醬，湯粉爽口彈牙，吸收了湯底的精華，大滿足！😻海南雞飯雞肉新鮮嫩滑，肉汁豐富，醃製得恰到好處，連雞皮都食埋。油飯夠香夠煙韌，吃到中段可以加薑蓉、酸辣醬和香甜醬油，效果更佳，餐湯鹹度適中，推薦！🤤串燒拼盤雞肉新鮮，口感煙韌，醃得夠入味，大蝦爽口彈牙，塗上辣醬，開胃惹味，配菜有、青瓜、車厘茄和洋蔥，好味道！😍香茅橙茶鮮香茅和鮮橙，又香又甜，茶膽香濃，飲完好舒暢。😁香茅青檸荔枝梳打新鮮薄荷葉好fresh，果味香濃，甜度適中，冰底夠凍，好爽！😚椰青鮮甜的椰青汁，即叫即開，連椰青肉都食埋。😋LeeLaksa 環境舒適，食材新鮮高質，侍應服務態度好，還會再來。😎🤘🏻

好耐無食新加坡菜今次黎到上環見到門口招牌話食喇沙就決定入去試試餐廳座位寬敞 空間感十足坐得好舒服我地叫左2個主菜同2杯野飲聽老闆講佢地既肉骨茶同喇沙都好出名李派海南雞飯拼白胡椒肉骨茶海南雞好嫩滑 入口勁易咬油飯都好香 令人一啖接一啖配埋白胡椒肉骨茶唔算太重味唔洗怕成口都係胡椒味但又有好多料 飲完都好飽新加坡喇沙碗喇沙超大碗 仲要好多餸有蝦、魚蛋、魚片、蝦乾、芽菜、豆卜、乾蔥上枱已經聞到好香椰香配埋喇沙既微微辣味成個配搭都好夾加上調味調得好好唔會過鹹 唔似其他餐廳邊食邊飲水好啱香港人既口味熱馬來拉茶拉茶好順滑好好飲而且唔會好甜貼近港式奶茶但又不失南洋風味值得再飲多杯！椰青見到餐廳既誠意 椰青蓋開得好靚仲會留番面頭既椰肉比你 味道清新可口 舖頭值得一讚係啲服務態度所有人都彬彬有禮 好客至上！值得再回訪！

：今日收工自己一個食飯，就諗住慰勞下自己食餐豐富少少既😂通常馬拉菜食嚟食去都係果間出名嘅，見到呢邊都有間馬拉菜就過嚟試吓🤣估唔到又幾有驚喜😗🍞斑蘭咖吔多士 $28去食新加坡菜一定會叫既～每塊多士夾上厚厚的牛油同咖吔真係非常之邪惡呢～呢到唔同既係多士選用了麥多士而唔係普通既白多士個人就比較愛呢款😍同埋佢個牛油好香好creamy配上咖吔絕對有畫龍點睛效果最重要一點係佢唔會好甜😆👅老街鴨絲咖喱摻摻 $82呢個咖喱混合少許喇沙質地會比較杰身，同重椰香味口感相對比較creamy ～會帶出輕微嘅辣度吧鴨肉份量都頗多啖啖肉得黎而且好香😆同埋麵類會混合了油麵同米粉口感增倍，都幾得意🤤🌕馬來拉茶 $26口感順滑，帶出本身風味我則點了走甜唔知本身甜度如何～不過有得走甜少甜就岩哂唔同甜度既朋友仔😉🐇LeeLaksa (上環)上環皇后大道中302號地舖.營業時間：11:30-22:00

裝修好有異國風情侍應好似唔係本地人，好nice～上菜速度超快！個頭落完單，隔咗5分鐘都冇就上菜！😱新加坡喇沙米線 $82初初冇留意係米線，食落唔係咁簡單，係煙韌又滑身嘅米線！喇沙湯底係香濃嘅椰汁味，面頭有蝦、魚片、魚蛋、芽菜、豆卜，份量好足，豆卜索曬喇沙湯嘅味道，好入味！🤤李派海南雞飯 $88擺盆好似定食咁，有油飯、冬瓜湯、蘸醬（薑蓉、酸辣醬、醬油）。海南雞好嫩滑，雞胸部位都唔柴，雞皮好爽唔油膩！油飯好香，帶少少鹹味。香茅青檸荔枝梳打 (跟餐)估唔到係唔甜嘅梳打，好香薄荷味，飲落好fresh！😍香茅橙茶 (跟餐)茶底係紅茶，有一塊橙，有少少似凍檸茶，加咗一支香茅，冇咗檸檬嘅酸味，味道反而更有層次。😍街頭雞串燒 $68一碟4串，一串有兩隻手指咁粗。食落似係雞髀肉，肉質唔乾，但又未稱得上juicy，好重香茅味。蘸醬唔係沙爹，似係xo醬，但又唔辣，蘸咗令個味再複雜咗。

今日去左上環食新加坡菜leelaksa✨Lunch set會包埋一杯飲品 款式種類都好多👍凍飲都唔洗加錢Lunch set會包埋一杯飲品 款式種類都好多👍凍飲都唔洗加錢第一碗叫咗 老街鴨絲咖喱摻摻$80佢嘅咖喱味當中混合咗少少喇沙味喺入邊但相對會比較辣🥵鴨肉做得唔錯 唔會好鞋 配菜方面都有蝦 豆卜 芽菜第二碗叫左檳城蝦肉摻摻$86原來係配米線麵底，但問左係可以配其他麵食佢係喇沙湯底 湯底濃郁 講真食完會有少少口渴🥲佢配菜同咖喱鴨肉麵差唔多，就係多咗魚蛋同魚片另外嗰個配咗一個青檸同埋一個味道好似沙嗲醬嘅野比你青檸汁可以令外面湯底更加鮮味，而嗰個沙嗲醬配合啲魚蛋食 就有一種港式嘅感覺🤣🤣總括嚟講，喺上環平均$100都唔使食到一個lunch，配埋一杯特飲其實都算唔錯。可能中午12點到1點嘅時候就會比較多人，兩個人食嘅話就有心理準備一定要搭枱。

爹爹媽咪回鄉旅行，呢幾日都要自己出街覓食，呢間上環嘅人氣星馬菜就變咗我嘅飯堂。餐廳裝修別緻，好多落地玻璃窗，朝早下晝採光度十足，夜晚🌃就視野廣闊，唔逼嘅平日晚上，2個人黎食都成日會安排大卡位比客人。新加坡喇沙LeeLaksa 作為鎮店招牌，對佢期望高是必然的。雖然期望高，但佢最後是真的符合了我的期望，喇沙湯底椰香濃濃，微微辣，香而不嗆，大量芽菜，爽脆且無草青味，配料亦都比得幾足，蝦肉爽蛋不實蝦味李派海南雞飯拼喇沙Hainanese Chicken Rice w/ Singapore Laksa雞油飯粒粒分明，油潤度適中。雞肉亦嫩滑，而且份量給得幾大方，吃完飯還有雞肉剩下，可以慢慢吃，另外還有一碗小喇沙，雖說是小碗，但其實也非常足料，跟大碗一樣也有半粒溏心蛋在內。大蝦青木瓜沙律Green Papaya Salad w/ Prawn非常清新的一道前菜。木瓜質感爽脆多汁，上面撒上許多花生碎🥜，令口感更香，加上多隻大蝦及酸甜醬汁，幾開胃。

首先之前去過一間食喇沙滲滲幾好食咁今日去到上環 就試下呢一間LeeLaksa一入到去 嘩大佬D店員既態度已經唔係好好一坐低就揸住枝筆企你隔離好似迫你即刻嗌野食咁我同女朋友就各叫左一個佢係 L02 檳城蝦滲滲 而我就L04 和牛蝦滲滲But OMG, 嘩 先講我果個我就食開牛肉既 如果佢間野果啲都叫和牛，我就真係唔知咩叫和牛，係仲衰過吉野家啲牛肉，然後蝦知唔知有幾多隻？就係一隻蝦開2隻比你 然後兩粒牛丸，餸份量係少，然後味道 真係非常一般，蝦係實的的咁，唔爽，無味，牛肉係有牛味，但係非常韌，牛丸就正常發揮。至於我女朋友果個 喂大佬 就算主打蝦，都係2隻蝦開成4，2個湯底基本一樣，都係偏咸，無平時食開其他既果一種濃味野飲方面，我嗌左拉茶，女朋友就咩香茅荔枝梳打，拉茶好普通 又細杯 真係茶餐廳仲好飲不過我份人好中肯，女朋友嗌果杯的確係唔錯的，幾Fresh總結，根本應該比更多Bad, 香港人真係唔識食，比咁多good 2舊水食啲咁既野Total食左204

位於上環的皇后大道中，距離地鐵站6-8分鐘，卻發現了這間性價比高、質素好的新加坡菜！叻沙是餐廳的招牌菜，濃郁嘅咖喱同埋香味嘅椰子，帶有淡淡的甜味。一碗份量足，面底係配上蛋面拼米粉，配上芽菜，朋友叫的新加坡喇沙即有魚蛋、魚片、雞蛋、豆卜、蝦、菜等配料；而我點的老街鴨絲咖哩麺有燒鴨肉、魷魚、豆卜、菜等，二碗都食到舔舔脷！推介斑蘭咖央多士（$28）！ 多士烘得香口，咖央香味，牛油嘅温度（冰凍）拿捏得好好，一口吃下去非常正～ 另外，參峇醬燒豬頸肉大大塊，一碟六塊，燒得香口又爽口，而參峇醬口感似xo醬，非常之夾～食物性價比高，會再來☺️