Le Viet

營業中

休息中

在尖沙咀theone睇完戲，去到食越南野醫肚！大蝦菠蘿炒飯🍍根據傳統地用半個新鮮菠蘿載住炒飯！有新鮮蝦三隻,仲要幫手剝埋學,蝦仔細細炸香後卻鮮味十足,爽口彈牙仲有蝦膏，滋味無窮！有新鮮菠蘿肉，十分香甜！越式生牛肉湯河🥩越式河粉，生牛肉放在熱湯慢慢浸熟，牛肉不會過老！食到新鮮牛肉香甜味！本身都飽飽地，但見到甜品就有第二個胃🤡芒果糯米飯🥭糯米暖笠笠,加上香滑的椰漿!芒果肉鮮甜！是我最愛的甜品沒有之一！焦糖燉蛋🥚焦糖燒到脆卜卜，充滿雲呢拿籽！做得不比專業甜品店差呢！飲杯咸檸梳打！爽爆！尖沙咀有質數的越式餐廳，睇完戲去食幾好！

【尖沙嘴The One 難忘的越式晚餐🥢🫢 】*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #尖沙嘴 - Le Viet位於The One 樓上的越式菜，十萬個為什麼，點解商場都有蚊…本身仲有個芒果糯米飯做甜品，但突然個肚「gulu gulu」蠕動，都無叫起甜品就果斷放棄 haha【𝗥𝗲𝘃𝗶𝗲𝘄 食評 💬】◐ 精選拼盤 原價$138 / 優惠價：$118一共有4 款小食：扎肉蒸粉包/春卷/蝦餅/香茅燒豬頸肉。所有小食都偏油，尤其係札肉蒸粉包，鹽好似唔洗錢咁🧂 要單點，就嗌春捲/蝦餅🦐◐ 香茅豬排湯粉 $76正常湯河粉，分開配上香茅豬排🥩 湯河好清淡， 加上小食都頗鹹，食返啖粉清爽吓都ok◐ 椰汁綠豆冰 $32All time fav 嘅飲品 🥥 鍾意食綠豆*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*𝗟𝗲 𝗩𝗶𝗲𝘁 🚶 尖沙咀站B1出口 📍尖沙咀彌敦道100號The ONE 4樓L402號舖🏷️地區：#laymao_尖沙嘴分類：#laymao_越式*･･*:.｡..｡.:*･*:.｡. .｡.:* ･*

今日收工攰到爆同女朋友去咗the one 一間好岀名嘅越南餐廳食飯😘“Le Viet”🤩試咗佢哋嘅菠蘿海鮮炒飯、豬頸肉米紙卷同軟殼蟹咖喱煲，非常之好😍🥰🥰等我嚟同大家分享下我嘅評價同感受。🍍🍍先講下菠蘿海鮮炒飯。炒飯入口有著香氣飄散，飯粒鬆散唔粘，有菠蘿嘅甜味同海鮮嘅鮮美。仲有啲蔬菜同海鮮令味道更加豐富。呢碗菠蘿海鮮炒飯真係好好食，好有越南風味。🤪🐷🐷再嚟講下豬頸肉米紙卷。米紙卷裡面包住咗豬頸肉同新鮮蔬菜，配埋甜辣醬汁一齊食，口感鮮脆，味道鮮美。豬頸肉嫩滑多汁，同埋蔬菜一齊食真係好開胃。食過幾個都唔夠，真係好好味。😘🦀🦀再嚟講下軟殼蟹咖喱煲。蟹肉鮮甜，蟹蓋好脆，咖喱湯底濃郁香辣。湯底裡面仲有啲蔬菜同番茄，味道更加豐富。整個煲菜都好有層次感，真係好滋味。如果你鍾意蟹同咖喱，呢道菜一定唔可以錯過。🤫最後講下餐廳環境。呢間餐廳真係好優美，氣氛舒適。有舒服嘅燈光同裝潢，令人感覺好放鬆。服務都好好，食物上齊上碟快，令我嘅用餐體驗更加愉快。😋😋🤩總括嚟講，呢間越南餐廳嘅菠蘿海鮮炒飯、豬頸肉米紙卷同軟殼蟹咖喱煲都好出色。味道鮮美，口感豐富。而且餐廳環境優美，氣氛舒適。😎如果你想嚐越南風味，我推薦你黎

店名: Le Viet地址: 尖沙咀彌敦道100號The ONE 4樓L402號舖尖沙咀站B1出口，行2分鐘環境: 4/5價錢: 4/5味道: 4.5/5之前食過The One 4樓嘅Cambo，覺得質素高又有泰國風味🇹🇭今次就試下隔離嘅Le Viet越南菜，呢間越南菜，Le Viet法文意思係越南仔，食物同樣高質🥳大推❗️大蝦菠蘿飯配飲品❤️❤️❤️❤️❤️$96有滿滿嘅配料，包括大蝦🦐、火腿、菠蘿、肉鬆等，大蝦面頭有燒過，香脆彈牙，加上香甜嘅菠蘿🍍令炒飯惹味又好食‼️三色冰❤️❤️❤️❤️+$8三色馬蹄夠哂爽口，飲落唔太甜，好清新😌香茅燒豬頸肉撈檬❤️❤️❤️❤️$76豬頸肉份量夠多，燒至帶有焦香，肥瘦適中，肉質夠軟腍，撈檬加入秘制嘅酸汁，十分清新開胃，好推薦👍🏻精選甜品拼盤❤️❤️❤️❤️$118有齊哂3款甜品，芒果🥭有2舊，同朋友share就啱啱好，糯米飯有白糯米同紫糯米，口感軟熟，芒果超juicy😍燉蛋食落有超香蛋味，面頭仲脆焦糖，越南綠豆拉椰糕，食落煙靭軟糯😋

以尖沙嘴食肆的價錢和食物素質算十分滿意，週日的午市套餐算多選擇。生牛肉湯檬賣相OK，味道不錯，有四，五塊大片牛肉，湯都飲了多啖。越式滴滴咖啡及煉奶份量初看似好少，但飲落濃度同甜度都合適。環境座位舒服，好滿意的週日午餐!下次會再光顧!

今日要同大家分享一間食物質素水準穩定嘅越南菜餐廳，就係尖沙咀嘅Le Viet。佢哋嘅菜式真係好正，每次嚟都好滿足！我要推薦嘅係佢哋嘅越式拼盤。裡面有炸蝦餅、春卷、粉包同豬頸肉。炸蝦餅外脆內軟，鮮甜多汁，真係好好味！春卷裡面包住鮮脆嘅蔬菜，再點埋特製醬汁，味道更加豐富。粉包係個傳統越南點心，皮薄餡多，好開胃！豬頸肉燒得香口，肉質嫩滑，味道鮮美。春卷扎肉撈檬，配上扎肉同酸檬汁，味道酸甜開胃。另外，佢哋嘅生牛河都係一個好正嘅選擇。牛肉切得薄薄嫩嫩，配上滑溜嘅河粉。

上次行the one，見到呢間Le Viet 好eye catchy. 半開放式, 可以睇到人哋食咩🤭 今次去開梗係要整返碗《招牌生牛河$72》喺越南食過幾次都覺得到喉唔到肺，口味偏淡，原來係因為香港嘅餐廳比較迎合香港人口味。呢碗就啱曬我！食落夠酸，湯底夠濃，牛肉剛好，食到聲！😚😚 《蒜蓉牛油雞翼$78》 巨型雞翼呀！雖然上咗炸粉，但炸粉下的雞翼本身都肥C大隻！炸粉酥脆,超香生乾蒜味，連埋牛油香味極邪惡！ 滴兩滴青檸中和返又可以食第二隻～ 《燒白鱔$68》 乜又係你呀燒白鱔。呢度比較重口味啲，同埋都幾多骨，一路食要一路lur。除咗本身香茅味之外，仲有泰式青醬可以點。 《甜品拼盤$118》 呢個甜品拼盤，就啱曬唔係小朋友嘅我，我全都要！ 燉蛋有新鮮雲呢拿籽，好香滑。 椰汁係傳統鹹椰汁， 連埋糯米飯食冇咁甜。嘆埋杯滴滴咖啡，一流。

星期三沒有飯帶，和老公一起到尖沙咀The ONE的Le Viet吃午餐。午市客人源源不絕，我們叫了兩個午市套餐和兩個小吃。越式札肉炒飯札肉切成粒一起炒，炒飯乾身，不會黏答答的。生牛肉湯粉湯底不錯，喝不到味精，生牛肉不會柴，河粉滑溜溜的。牛油雞翼份量十足，大隻之餘又很好吃，外皮炸到脆卜卜，而且啖啖肉。鮮蝦米紙卷卷紙薄薄地，包著菜和粉絲，還有一隻蝦，是清清地的選擇。飲品叫了三色冰 (+$8)和凍咖啡 (+$5)。

試過很多泰式及越菜，食完後覺得尖沙咀 The ONE 的味道及質素不錯。餐廳座位舒適。越南生牛肉湯粉$79，牛肉還呈現粉紅色，生熟度因應各人愛好，喜歡生一點的就不用浸到湯底下面，因為新鮮，頗香牛味，面上放有芫茜及蔥、洋蔥……，湯底很清甜，很有越南風味的特色味道！越式扎肉炒飯$88，炒飯伴著蛋碎及少少番茄，扎肉切得比較碎，如果份量多一些，味道會更好，整個炒飯食落有口感又香口。牛柳沙律$88，牛柳軟腍不韌，味道少少酸酸甜甜有很好的牛味，底下有很多爽脆的木瓜，及有少少洋蔥，整個沙律很清新惹味！牛油雞翼$78，雞翼很大隻，面上很多炸蒜粒，雞翼帶有蒜香，少少牛油香，味道調得很入味，而且肉質嫩滑，講起還覺回味。

先講下菠蘿海鮮炒飯。炒飯入口有著香氣飄散，飯粒鬆散唔粘，有菠蘿嘅甜味同海鮮嘅鮮美。仲有啲肉鬆同海鮮令味道更加豐富。呢碗菠蘿海鮮炒飯真係好好食，好有越南風味。豬頸肉米紙卷。米紙卷裡面包住咗豬頸肉同新鮮蔬菜，配埋甜辣醬汁一齊食，口感鮮脆，味道鮮美。同埋蔬菜一齊食真係好開胃。食過幾個都唔夠，真係好好味。軟殼蟹咖喱煲。蟹肉鮮甜，蟹蓋好脆，咖喱正，配薄餅一流

📍地點：尖沙咀🍽️種類：泰菜今天我吃的一家位於尖沙咀的泰菜餐廳Le Viet，以其美味出色和驚人的性價比而聞名。招牌菜之一是海南雞飯，雞肉肥美嫩滑，搭配香氣四溢的飯和鮮美的湯，每一口都是絕對的享受。雞肉入口即化，湯汁鮮美，飯粒飽滿香濃。這道海南雞飯不僅味道出眾，而且份量十足，讓你吃得盡興又滿足，絕對是性價比高的選擇！除了海南雞飯，咖哩牛腩煲配法包也是絕對的經典。咖哩牛腩煲燉煮得剛剛好，肉質鮮嫩多汁，搭配濃郁的咖哩湯汁，味道濃郁香辣。配上鬆軟的法包，每一口都是絕對的滋味。這道咖哩牛腩煲不僅口感豐富，而且份量十足，讓你大快朵頤。

係尖沙咀食黎食去，都係鍾意去the one既越南餐廳，叫Le Viet，一係the one有冷氣可以行街，唔洗大熱天時係出面熱，二黎餐廳食物質素好高。今日lunch去食，幾乎滿座，咁岩仲有一張枱比我地坐。我地每人叫左一碗粉，再叫左份春卷，set lunch 包一杯餐飲，我地食完再叫佢好吸引既甜品，個芒果糯米飯有紫糯米同白糯米，啲飯好暖立立，淋上椰汁加芒果，味道一流。另外個燉蛋原來裡面係凍，個表面就焦糖，都好好味。

朋友對燒豬頸肉撈夢念念不忘，已經吹咗幾次話要encore. 甘地方方便，坐得舒服又企理.值得一個月食兩次嘅.朋友有繼續食豬頸肉撈夢.今次我都忍唔住偷食咗舊.又真係外脆內軟，啱啱燒起冇得頂.招牌飯. 豬扒雞翼全部燒到熱辣辣. 佢個豉油真係一絕，不過要問佢攞. 夠味又唔會太鹹.今次叫多咗個菠蘿炒飯個菠蘿原個咁上，啲菠蘿食落去唔似係罐頭菠蘿咬落去軟身帶微酸味大都甜. 啲蝦仲撩埋腸好細心青檸梳打原來有得揀梳打水， 仲要想知上加冰底，應該可能下星期又要再encore

食泰國/越南嘢唔一定要去九龍城,響The One嘅Le viet 一直係我心水資訊，呢度食物質素高而價錢相當合理，佢喺呢度開業好多年，但係依然響繁忙時間係有好多人排隊，所以我同朋友通常食一定會預先book位佢平日午時都有午市lunch set，我揀咗生牛肉湯河lunch set，加$8已經可以揀特飲，我就梗係叫最愛嘅越南滴漏咖啡啦❤️個生牛肉湯河好正宗個湯頭又好濃郁，牛肉煮得啱啱，滴漏咖啡好香濃，非常之醒神👍🏻食泰國或越南菜一定唔少得食串燒，所以我揀咗佢嘅招牌串燒set,有齊牛豬雞，另外亦嗌咗自己喜愛嘅串燒墨魚丸，串燒燒得非常有風味，唔會太燶而又保持到肉汁，配合埋佢秘製嘅沙嗲汁，熱辣辣，如果有叫啤酒就更啱口味👍🏻甜品叫咗芒果糯米飯，有齊白糯米同紫糯米，芒果唔會好酸，上面啲椰汁咸咸甜甜，好味！

講真，喺香港食越南嘢真係好少有好正宗又特別，除非個廚師係來自越南😂😂呢兩碗其實冇咩特別，就係淡淡嘅湯底配上薄身嘅河粉，河粉好掛湯嘅淡香味。札肉就還好吧，生牛肉都幾軟！