Le Cafe (寶其利街)

營業中

休息中

今日嚟咗紅磡試呢間意粉專門店😛 之前聽人講話外賣質素非常好👍🏻 今日就嚟咗堂食 店員服務態度好好 係一間好有人情味嘅小店 相信我會再嚟幫襯㗎😺焗肉醬意大利麵以前好怕食意粉 鍾意食飯多啲 因為驚會唔飽 但係呢間餐廳嘅意大利麵份量好多🍝 雖然芝士唔係好多 但係肉醬味道已經好濃烈 一上碟已經有好大陣香草味🌱 肉醬意粉蕃茄味好香🥫焗芝士吞拿魚意大利麵呢碟嘅醬汁比較杰身 味道似吞拿魚沙律嘅味 意粉嘅白汁係沙律醬味 配落意粉度食都好夾🐟 面頭嘅芝士焗到好香🧀 熱奶茶見到呢杯熱奶茶有少少嚇親☕️ 因為係一杯西式嘅奶茶 有個Lipton嘅茶包 再配一杯奶水🤔熱檸茶呢杯就正正常常茶味香 又唔係好澀😮呢間餐廳午市都好多人幫襯㗎 所以如果大家想食就要早少少嚟啦🫢

呢幾日都落大雨，濕答答真係唔係咁舒服，但都要食飯架，今日去紅磡呢間LE cafe，我食過一次，今日帶個未食過嘅朋友黎食黃埔站落車，B出口行一陣就到，沿途大雨，去到門口都幾狼狽，總算坐低。睇睇餐牌，我叫左香辣蕃茄蜆肉意粉，加粟米湯，朋友叫左白汁素意粉，加蘑菇湯，飲品就凍檸茶我地飲左湯先，粟米湯非常濃，真係用粟米打成蓉嘅湯，所以真材實料朋友個蘑菇湯都好味，都係好濃，我飲左啖意粉黎到，個賣相都好靚仔，一睇就想食啦，標煙呀我個蜆肉意粉個汁少少辣，好惹味，愈食愈好食朋友個素意粉睇落都好食，雖然我冇食六十幾蚊炒到咁嘅水準，物有所值啦，兩個湯先加嗰好似$18，唔係唔飲掛杯凍檸茶就一般，個茶膽唔多靚，可以好啲

紅磡區仲有一間係寶其利街既LE cafe小店應該係家庭式經營門口長期有位伯伯企係度接客呢間主要都係賣港式意粉意粉普通就唔係有咬口既類型不過醬汁出色而且價錢夠平港女次次都叫既波菜雜菌意粉雖然係綠色野但香味都唔比其他意粉差另外一個係焗吞拿魚意粉即焗熱辣辣有拉絲雖然漏左少少但劣食真係一流午餐送熱飲凍飲加三蚊無加一平均都係六十蚊左右價錢好地道都算係我係紅磡食得最多既餐廳款式算多單點仲有長通粉或者千層麵記得仲有食過雲吞不過餐廳環境只係算一般都真係有d迫服務如果唔忙果時都幾親切既

究竟係咩吸引我地兩個星期第二度到訪呢? 係誠意呀！上星期到訪比佢個勁creamy又食到粒粒蘑菇粒嘅自家製忌廉蘑菇湯同勁彈牙加醬汁出色嘅白酒意粉深深吸引住，今次再訪決定試下其他款式嘅湯同意粉~小店佔地唔多但好有家嘅感覺，樓面有一位好親切嘅叔叔take order同reservation。今次揀左嘅香辣蕃茄蜆肉意大利麵完全冇令我失望，酸辣嘅醬勁好味，而且每條意粉都掛到個醬又al dante，無可挑剔！食左一半再加埋tabasco又有另一番味道。上次試左自家製蘑菇湯，今次當然唔少得+$18試埋自家製粟米湯啦！奶味重兼散發住香甜嘅粟米味，係日式粟米濃湯嘅feel，如果另外加多一羹粟米粒係面增加口感就Perfect～不得了！不得了！連個跟餐熱咖啡都勁有誠意，另上嘅奶係熱㗎，仲打左奶泡，連咁細微嘅位都咁用心，真係有一絲感動！同事仲叮囑我要讚下佢杯熱朱古力(+$6)！香濃朱古力上面打左一層厚厚嘅奶泡，口感更幼滑，幸福感提升！

好味抵食意粉呢個叫芝士吞拿魚焗意粉啦盛惠48蚊定唔知56蚊😂😂😂總之喺佢個餐牌算係相對平啲嘅入口有驚喜👍🏻👍🏻👍🏻食落口啖啖芝士同白汁味之餘呢個意粉又保持到個彈牙喎跟住個吞拿魚都幾香口不過睇怕都係罐頭野但係成個組合抵得嚟又好食行過路過唔好錯過🤓🤓🤓其實之前都有幫襯開佢個咖啡都非常之唔錯多多支持👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

🌟 呢餐係：「唔靠外表，只靠內涵」嘅一餐唔知大家有冇試過見到啲野食勁靚，環境超級好嘅cafe，但係去試開始又發現佢竟然難食過屎呢？💩 我就有好多！！🤮 今日介紹呢間位於紅磡嘅cafe，正正就係相反！撲素又唔起眼，門口睇覺得伏伏地咁😂🧋凍檸茶/凍鮮奶咖啡 （餐配有）嘢飲就中規中矩。以前飲過佢啲特飲，個人覺得冇乜特別，所以可以嗌啲廢嘢飲就算🤣🍚德國鹹豬手配忌廉黑松露意大利飯 $88黎遠都已經聞到好香黑松露味啦😍 Risotto個飯煮得啱啱好，有咬口又煙韌。鹹豬手就有少少失色，鹹咗啲同埋少少韌。呢個好似係成個menu唯一一個飯，鍾意黑松露嘅話可以識下架👍🏻 🍝焗芝士肉醬千層麵 $88黎到仲滾緊，聞到好香肉醬同埋芝士味🤩 芝士份量超·級·多！🧀 一啲都唔孤寒、可惜我唔擅長影拉絲相😅 面頭芝士焗到啱啱好，邊邊位微脆，肉醬夠曬惹味又香！🤤其實都好大份下，自己一個食應該會超級濟，建議可以嗌黎兩份share～😋環境質素：🌕🌕🌖🌑🌑食物質素：🌕🌕🌕🌗🌑CP值：🌕🌕🌕🌕🌑回頭指數：🌕🌕🌕🌗🌑今次係夜晚去食。晏晝有lunch menu同埋hightea就仲抵添！份量都好足，男仔嗌個飯都已經夠飽。我地嗰日兩個

來到黃埔都已經習慣了排隊食飯，而且仲要係商場行來行去，但今次呢間就係青出於藍的食店。一行到門口，有位好精神的伯伯開門，好有禮貌而親切招呼，呢種感覺係連鎖餐廳係搵唔到。其實都到晚飯時間，一於入去支持小店。望落個價錢好似有啲貴大約一份意粉係八十蚊左右湯就加十八蚊，但真心值，磨菇湯絕對係要叫一份，因為真係手工湯，唔係平時啲罐頭。一食就知，非常吸引。特飲，西班牙咖啡，個雪糕係夾既。長通粉個汁堅正最後呢個煙熏三文魚黑松露意粉完全證明到用心製作。

今日約左老友喺紅磡呢間LE cafe食晏。話說我知道呢間野係因為我同事，佢住紅磡，我問佢紅磡有咩好食，佢諗左一陣，推介左呢間俾我老友喺紅磡返工，我早啲到，坐低叫左野先。間野唔算好大，地方較窄。我叫左蒜蓉白酒汁蜆肉意大利麵，加個粟米湯，飲凍檸茶。老友之後黎到，叫左白酒雞柳意大利麵，凍檸茶。想講下粟米湯，唔好諗住有粟米，冇架，因為啲粟米溶哂喺個湯度，粟米味香到不得了，必試好，講下意粉，好老實，唔係好食到有白酒味，好香白汁味，但幾漏，好快有飽肚感，個意粉軟硬適中少少蝦碌，杯凍檸茶飲落冇甜味，原來枱面有糖漿，要自己加，我飲左兩啖先知，仲要係朋友講先知

同朋友好random咁喺紅磡搵食見呢間cafe小店都多選擇就入去去試下叫左個焗芝士海鮮意大利麵 & 炒德國咸豬手意大利麵配香草醬焗意粉芝士好香 海鮮都足~有我最鍾意食嘅青口 咸豬手分量都多 醃得入味 重點介紹佢個蘑菇湯超濃郁! 啖啖都好足料! 值得專登加黎飲!整體都好好味 性價比高只係坐得入個啲位 比較窄同埋油煙味少少重~~

今日到紅磡找朋友，佢就作地道主，介紹一間小店係食意大利餐嘅。原來大廚以前是在酒店內做廚師。依間小店正在紅磡嘅橫街裏面，店舖面積不是很大， 但都可以坐到7-8張枱。我們三人都點了黑松露雞柳意粉，及客雞翼及一客蒜蓉包。 意粉可以配湯同埋飲品那我就點了蘑菇湯同埋菠蘿沙冰。全部食物都係即叫即做，非常之新鮮和救獲氣。黑松露雞柳意粉， 意粉很煙牙， 意粉鋪滿濃濃的黑松露，雞柳是用火煎到帶有金黃色，再與意粉一同炒， 配以濃濃的黑松露菌，味道一流，簡直係絕配。而且份量非常之大。 雞翼非常之熱，同埋有帶有少許迷香和甜味的咖喱醬汁，雞肉鬆軟同埋味道甘香。蒜蓉包就很鬆脆，但我略嫌蒜蓉不夠多。想不到菠蘿沙冰是但有新鮮菠蘿果肉在內，而不是傳統嘅沙冰，他的沙冰較像果汁冰。

之前我已經成日幫襯，唔會好似其他西餐廳咁用唔同菜式吸引人，Le Cafe 招牌就係佢唔同類型嘅意粉，就算白汁意粉都分咗好多味道！聽講店主係台灣人，睇得出佢好有心機鑽研唔同嘅食譜~ 白酒雞柳意大利粉 —— $58 十級推薦！超級好食！食落酒味唔會好重，但係有酒香~ 雞柳係額外再煎，超香超好食！ 而且性價比高到不得了！ 黑松露三文魚意大利粉 —— $78 食落口滿滿嘅黑松露香味，老闆完全冇諗住同你省(*ﾟ▽ﾟ*) 三文魚仲要係三文魚扒！ 因為意粉偏鹹，三文魚加上意粉就剛剛好！ 就算去高級餐廳食都未必咁有黑松露味！ 西班牙咖啡有啲小意外嘅咖啡！ 上面嘅雲呢拿雪糕係好食嘅雪糕嚟㗎😆 雪糕就好似替代左奶同糖，令到口感更加creamy, 咖啡本身仲有果香味，同我個杯跟餐餸嘅即磨咖啡好大分別㗎！ 總括而言，突然間好想食意粉嘅一定一定要來！

終於試了屋企附近 「Le Cafe」， 好想試佢哋黑松露意粉， 網上評價很不錯。三文魚黑松露意粉， 黑松露足料入味， 三文魚份量算多，尚算嫩滑，味道不錯。另外叫左芝士焗西蘭花，份量算多， 西蘭花新鮮， 用芝士焗，我最喜歡吃。

好想試晒這間小店的菜色今日午餐加下午茶蘑菇湯出色，今次試粟米蓉，也出色，夠甜，粟米味濃。下午茶包三件蒜蓉包，夠脆，蒜蓉味足雞翼唔錯試pizza, 估唔到是法包加芝士菠蘿

11點15分食lunch因太肚餓，本身9點食早餐細佬話要試咖哩卡邦尼意粉。我覺得正常卡邦尼好味啲本身叫香草三文魚意粉。點知廚師煮了黑松露。黑松露味太少上次食焗蠔唔錯，今次再食試田螺，薯蓉太乾蘑菇湯仍好味可能老細見我們狂影相，叫咁多嘢食，下次叫我們多啲幫襯，又叫我們試咖哩下次我會帶阿媽試呢間

食過好多次lunch, 黑松露既意粉同咖哩卡邦尼意粉都勁好食，好香😋😋😋雞翼都好正。好值得黎再試埋其他食品。同埋咖啡都好ok。老闆好nice，仲會講解下啲咖啡應該配咩食👍