Lady M

營業中

休息中

如果沒有試過這間蛋糕店，不妨貴貴地試一次，佢每一種蛋糕都有自己風格的味道，每一件甜得來得膩，食完你唔會覺得同出邊的蛋糕店味道相同，必試一定係佢嘅千層蛋糕，皮超薄，忌廉甜到剛剛好，本身本人不喜歡吃忌廉的，但都非常之欣賞它的千層蛋糕

去Lady M同朋友食下午茶叫咗玫瑰千層蛋糕$75每層都好幼滑，味道剛好千層蛋糕好難整得薄Ladym係整得好食的但環境就開揚左d,行街的人都會經過評分：4/5（5分滿分）

Everyone knows lady m is famous of its crepe cake. I especially like their earl grey crepe cake, it’s not too sweet and had a nice after taste of ear grey! But this time I decided to try to rose crepe cake! It doesn’t taste very rosey, but it definitely looks really pretty! However I waited so long to dine in don’t think it’s worth it! I recommend takeaway, the quality is the same and u don’t hv to waste your precious time just to wait in the queue!

話說LADY M開咗咁耐我一次都無食過。今日路經沙田朋友搵我攝時間，咁就擇日不如撞日。屈佢請我食LADY M啦星期日嘅下晝排隊嘅人唔算多。我地等咗大概十分鐘就可以坐低，係入座之前要叫定想食啲咩。花多眼亂嘅情況下。我地分別叫咗朱古力棋盤蛋糕同玫瑰千層蛋糕。飲品方面叫咗杯latte同mocha。蛋糕好快就上，先講玫瑰千層蛋糕。淡淡嘅花香味，而且好清新嘅感覺。我自己就好鍾意。另外棋盤蛋糕。外形非常特別。雖然佢有一層朱古力鋪喺面。但係甜而不膩。都幾好食。兩杯飲品就冇乜特別。但係價錢嚟講就貴咗少少。間唔中食都可以。另外一提就係喺食店係正商場嘅中間。感覺太過開揚。

疫情稍緩，摯友急不及待相約甜品館，以一點甜作2021 的好開始。她由於在沙田返工，兼未曾惠顧這區的Lady M，便揀選了新城廣場的Lady M。原來它已搬到三樓，位於商舖中間，全開放式，設計仍是一貫的白色，但我較為喜歡又一城的店，因可選擇在店內或商場內。蛋糕方面，我們選了伯爵茶千層蛋糕（$75）及法式士多啤梨千層酥（$75），飲品選了熱卡布奇諾（Cappuccino ）及拿鐵（Latte)，咖啡$48 一杯。在商場中間的好處是可在外觀望並挑選心儀的蛋糕。伯爵茶千層外觀十分吸引，淡啡色的面層加一圈幼線，美。而蛋糕咬落幼滑軟綿，一層層帶有茶味的cream，打得幼滑，並有很香奶味。它的味道比原味千層更勝一籌，好好味。👍🏻👍🏻👍🏻法式士多啤梨千層酥是另一種口感及味道。其酥皮很鬆脆香口，夾層有軟綿綿的蛋糕及香滑奶油，加上新鮮士多啤梨，口感層次豐富，同樣好味。士多啤梨的鮮甜，正好平衡奶油的膩，正！😋😋😋其咖啡是一貫水準，啡味濃。😃😃😃

有口福地食哂4款蛋糕 好幸福伯爵茶千層蛋糕玫瑰千層蛋糕🌹士多啤梨海綿蛋糕仲有一款唔記得左個名😜LADY M 既千層蛋糕出左名係好多層好薄忌廉打得細滑，呢方面絕對唔需要質疑。手工反應在價錢。價錢確實有點偏貴。偶爾一次都可以😋至於邊款味，就示乎個人喜好我就好鐘意伯爵茶同玫瑰，如果一定要排名，🤔，我會選玫瑰味 （好難選喔）佢地既玫瑰味做得好特出，感覺好清新，又唔會好甜，所以好岩女仔食。

早前看到Lady M有新口味蛋糕推出，不過見沒有很多相關評價，所以不敢貿然試，以防中伏。但近日開始看見相關評價，感覺還算不錯，所以今日特意駕車到沙田吃午餐，順道買兩件蛋糕做甜品。今次使用商場App的外賣自取服務，滿90元可以減30元，很划算，原價136元，現在只需106元呢！法式芝士蛋糕（忘了拍照）這個是Lady M的恆常蛋糕款式，芝士蛋糕味道甜甜酸酸，芝士味淡淡的，不是走濃重口味路線，所以吃掉一整件都不會飽膩，不錯！餅底水準同樣不俗，不會太散或太硬，亦沒有過濃的牛油味或麵粉味，不會蓋過芝士餡的味道，如果餅底可以稍微（真的稍微就好）厚身一點會更有口感。整體來說，推薦！威士忌黑朱古力慕絲蛋糕這個是新品。慕絲質地軟滑，吃第一口覺得朱古力味很濃郁，酒味相對較淡，很易接受，但第二口開始酒味愈來愈濃，甚至比朱古力的味道還要突出，吃著覺得有點頭暈，大概是接受不了太濃的酒味吧！（但之前聞說酒味不會太濃，所以吸引了不喝酒的我買來試）另外個人亦不太喜歡橙皮啫喱的味道，整體麻麻。整體來說，法式芝士蛋糕頗有驚喜，至於威士忌朱古力蛋糕，如果完全不喝酒的人，建議不要試較好，因為這個酒味未必人人能接受。

伯爵茶千層蛋糕，一直係我最鍾意嘅款式，lady m嘅千層蛋糕雖然比其他店舖貴，但係佢做到每一層都連密緊緻，唔會太乾唔會太濕，又有伯爵茶嘅茶香，同埋香滑嘅忌廉，所以我成日都幫襯

最好吃的千層蛋糕Lady M 的千層蛋糕是我覺得最好吃的千層蛋糕！Cream 軟滑，不甜。每一個味道基本上都很出色，很真材實料。七點前來已經差不多賣完，只有Earl grey Mille crepes ，Taro Mille crepes 跟chocolate Mille crepes 。我們最後要了earl grey 跟taro 。Earl grey 我最喜歡。earl grey 茶味淡淡優雅的融入蛋糕裏面，不太甜，真材實料。Taro 芋頭我以為會很甜，但是不太甜！而且有芋頭的香，推薦。

沙田lady m的位置好像是隨便在商場找了個空置的地方，服務生的態度亦不太友善，所以與其堂食不如直接買回家泡壺茶慢慢品嚐。今次一共買了4款分別是伯爵茶千層蛋糕、玫瑰千層蛋糕、抹茶千層蛋糕和士多啤梨棋盤蛋糕。看似最簡單的士多啤梨棋盤蛋糕反而最有驚喜！粉紅色的雲呢拿海綿蛋糕清甜得像h牌雪糕的士多啤梨味，外層的士多啤梨朱古力醬非常滑溜而且甜度適中。三款千層蛋糕都很有水準，幼滑的忌廉夾在每層班戟內十分有口感。最喜歡的是玫塊味，陣陣清香不會太濃，面層的啫喱配上食用玫瑰花賣相一流，如果心情不好會選這款cheer up下自己！在某些地方食過更純更濃郁的抹茶味和伯爵茶味甜品，可能lady m更擅長製作清新口味的配搭吧，下次要試試桂花味！

以千層蛋糕成名，幾年前喺香港開業至今一直都好受歡迎，而我亦都幫襯過好幾次！➡️ 原味千層蛋糕 ($68)⭐️⭐️⭐️好濃嘅蛋香味，整體味道一般，不過不失。➡️ 抹茶千層蛋糕 ($75)⭐️⭐️⭐️⭐️名不虛傳，每層都超薄，夾雜住抹茶味同忌廉味，而且入口即溶，唔會好膩，一件蛋糕絕對唔夠喉！➡️ 皇家奶茶慕絲蛋糕 9吋($620)⭐️⭐️⭐️💫好幼滑嘅慕絲同忌廉整成嘅蛋糕，加上朱古力海綿蛋糕，食落好有層次，面頭加上Lady M朱古力，感覺高貴！Lady M地址📍: 沙田沙田正街18號新城市廣場一期3樓309A號舖.............................. 味道😋: ⭐️⭐️⭐️⭐️抵食💰: ⭐️⭐️⭐️

我諗大部份鍾意食甜品嘅人都會食過依間蛋糕店🍰自從冇咗自由行之後，其實就唔需要排咁耐隊了終於可以俾返香港人感受下慢活生活。同朋友去咗沙田新城市行街，順手就可以入嚟休息吓件蛋糕其實一望就覺得好吸睛，最欣賞佢哋嘅千層蛋糕每一層都好平均，而且個皮仲要好薄又要有蛋香味Tim。我揀咗抹茶味嘅千層蛋糕，我鍾意佢唔係太甜而且帶有茶香嘅苦澀味，食落忌廉同埋蛋皮嘅比例真係啱啱好，啲cream仲要非常之溜添食完一件其實都會覺得有啲膩，始終成個蛋糕都係由cream整成。

一講起千層蛋糕，一定會諗起到Lady M👀係貴婦hightea 必吃我最鍾意都係食原味同伯爵茶口味Lady M 餅皮薄，忌廉夠晒滑同香，食得出一層cream 一層皮。原味食落有蛋香同奶油味，簡單就係好味伯爵茶味甜度岩岩好，淡淡茶香，食完想再食價錢略貴但以手工千層蛋糕而言呢個價錢你肯比就食得返有呢個質素🤓🤓

以前去親New York做野既時間都會去Lady M度朝聖 佢一係香港開我真係非常開心 因為之前次次經過都要排隊 所以一直都冇機會試 前幾個星期仲係work from home就決定去Lady M搏下喇 閒日下晏去唔洗等好耐就可以入座喇差唔多次次去都係點佢個原味千層蛋糕（試過其他蛋糕 最後都返返原味千層蛋糕既懷抱） 今次都一如以往係食原味千層蛋糕既 食物賣相方面 一如以往咁靚 適合呃like!好喇 講左咁多廢話 到講味道喇！香港店完全做到New York個水準 薄薄既千層皮充滿蛋香 裡面d cream好滑 同埋食得出佢d cream係好新鮮既 蛋糕口感非常細膩 令人食唔停口一路打食評 心裡面已經一路plan緊下一次去食喇😍

今日黎到沙田行街，經過呢度既Lady M ，呢間野 我聽就聽得多喇，試就未試過，難得行到過黎有d肚餓，就入左去叫左set 黎試試。佢有好多款可以揀，我諗住揀款清清地既，就叫左個桂花千層蛋糕 同埋 一杯玫瑰花tea latte。桂花千層蛋糕黎到，好靚，有賣相，就咁都見到呢個cake 係逐層放上去，一下用叉切落去已經感覺到一層層，食落去好有桂花味，口感有層次，甜而不膩，好食👍👍食完會想再食多件。玫瑰花tea latte ， 飲落去有玫瑰清香，飲得出冇落糖精，好fresh 。值得推介