Lady M

營業中

休息中

話說LADY M開咗咁耐我一次都無食過。今日路經沙田朋友搵我攝時間，咁就擇日不如撞日。屈佢請我食LADY M啦星期日嘅下晝排隊嘅人唔算多。我地等咗大概十分鐘就可以坐低，係入座之前要叫定想食啲咩。花多眼亂嘅情況下。我地分別叫咗朱古力棋盤蛋糕同玫瑰千層蛋糕。飲品方面叫咗杯latte同mocha。蛋糕好快就上，先講玫瑰千層蛋糕。淡淡嘅花香味，而且好清新嘅感覺。我自己就好鍾意。另外棋盤蛋糕。外形非常特別。雖然佢有一層朱古力鋪喺面。但係甜而不膩。都幾好食。兩杯飲品就冇乜特別。但係價錢嚟講就貴咗少少。間唔中食都可以。另外一提就係喺食店係正商場嘅中間。感覺太過開揚。