Lady M

營業中

休息中

有名媛甜點之稱既人氣美國蛋糕店一直都好受香港喜愛💃🏼 曾經係美國雜誌BON APPETIT選為 - 美國十大蛋糕🍰 最出名就係由二十層超薄班戟整成千層蛋糕 其實食左好多次 但我都係會話抹茶同伯爵茶一定係必試之選🎖 -earl grey millie crêpe hkd$75最近有傳伯爵茶黎緊會無得賣 原來係去到今個月底😢 咁伯爵茶味道本身淡淡地 小小甜而又唔膩 所以會先食哩個 後者食抹茶口味🍵 -green tea millie crêpe hkd$75本身我唔係抹茶控 抹茶比伯爵茶出黎既後果更為突出 入口香濃幼滑 一試傾心🤗

不過不失，香滑。這間沒什麼人排隊，很多人多數是外賣。我選擇堂吃，當然有人招呼你坐下，點蛋糕。趕時間的就沒辦法乖乖等了，蛋糕上來，三下五下吃光。無美人陪，好在還有美食

朋友從港島探訪新界居民，買左令全港女仕為之瘋狂而花師奶都仲未食過既Lady M！由上而下分別係：法式香蕉千層蛋糕原味千層蛋糕 伯爵茶千層蛋糕粟子蛋糕我覺得4款入面最正係原味！原味試到佢既真實力！好薄好薄既皮加上蛋香味同好滑好滑既cream，仲要食完係唔膩！堅正！伯爵茶既茶味好香好出，香蕉同粟子都好足料，蛋糕好軟熟，甜度剛剛好！老實講，$70買件蛋糕真係好很貴！但一分錢 一分貨，Lady M又真係貨真價實，佢既「千層」又真係有「千層」！每一層都好薄，啲cream又好滑！佩服佢每日大量制作都保持到水準！我要試埋其他味！

係商場排隊排左半個鐘有多先到我地⋯望過去得10多張台仲要係有2-3張係4人台台與台之間空間不足 隔離台講咩都好清楚如果想同朋友chitchat下唔建議你去呢到坐寧願買走上ifc roof 食仲舒服～第一次嗌佢signature cake同rose latte蛋糕好soft 好creamy 但份量稍微不足好快食完反而杯ice rose latte唔錯賣相好令分3個layer同埋有花瓣toppings味道都好滑同甜味適中好ok雖然價錢稍高 （$62）一件cake 一杯drink每人$150 大概唔算性價比高純粹試一試過 ～～～～～～

曾經有個好朋友同我講過，如果我唔出聲唔行路坐響度微笑，都可以叫做一個lady . 但係當我一開聲，再行路，lady 呢個詞語就會離我而去。。。。因為我把聲其實都幾男仔，有啲似張柏芝嗰啲聲沙沙，至於行路就粗魯到不得了。所以好多時出席酒會活動都會叫我企響度冇講嘢。一出聲。。。無眼睇。之但係雖然我唔係一個lady ，又唔鍾意食嗰啲三層法式下午茶，不過，我都有權利去食lady M. 開第一間舖講到而家三間終於有機會食了。首先我想讚下中環嘅服務係真係幾有禮貌，朋友未到未能入座，佢哋嘅店員都好有禮貌咁樣同我講唔好意思搞到我都好唔好意思。本身話要想挑戰每人兩件蛋糕。。。算啦唔係好食甜嘅我其實一件已經夠。永遠都覺得原味嘅嘢最好味，所以都點左個完美另外呢就係叫咗朋友推薦嘅奶茶味。飲品方面我就點左個Mocha，事實上呢度嘅咖啡真係幾好飲，幾smooth 而且香，配上混合得意嘅朱古力香味，正！一件70幾蚊嘅價錢呢我有啲唔捨得架！原味嘅蛋糕好好食，一層層嘅厚度基本上係接近一樣，配上博得來帶點蛋香嘅皮，裏邊嘅忌廉好滑。滋潤度亦都好高，食落去口感好豐盈實在。至於奶茶味同樣出色淡淡的紅茶奶茶香，配上蛋皮，簡單，入口

自問極愛 Crepes 的我每每見到 Crepes cake 都必然一試，請的不只是甜品，而是功夫與心機。來自美國的LadyM來到香港又掀起了一輪排隊潮。中午飯後時間來到IFC的LadyM旁邊已排了7-8個堂食顧客，此店設於商場通道中，座位只有十數個，我們等了接近20分鐘才有位。自問抹茶控的我必然先試試 Green Tea Mille Crepes，而朋友亦點了香港限定的 Rose Mille Crepes。Green Tea Mille Crepes 上面鋪上一層厚厚的綠茶粉，內裡每層餅皮以綠茶忌廉作夾層。綠茶味道不算很濃亦不過甜，綠茶味道豐富卻少一份茶香，可能是抹茶與綠茶之分別吧。而 Rose Mille Crepes 卻令人眼前一亮，先是那層淡粉紅色的玫瑰啫喱面層加上玫瑰花瓣賣相十分治癒。整件蛋糕散發著陣陣花香，玫瑰忌廉的香味沒有被甜度蓋過，玫瑰味十分凸出。最後要一讚 LadyM 的 Crepes cake 每層做得精細均勻，餅皮的厚薄得宜，忌廉餡亦沒有過份的甜。

是日經過IFC見唔太多人排隊就買左兩件take away一件係大熱士多啤梨味，另一件就玫瑰味士多啤梨海綿蛋糕勁鬆軟，仲有粒粒果肉，味道唔太甜玫瑰味千層蛋糕一食落去勁清新啖啖都有陣花香味，而且甜而不膩

估唔到中午午餐時間來到不用排隊也有位。不過我還是決定買回家吃。買了玫瑰千層旦糕及草莓拿破倫旦糕。玫瑰千層買相吸引,啖啖清香,忌廉香滑,千層薄餅亦十分薄及有彈性,食起上來不會肥膩。simply life都有類似旦糕,不過一食完便會分得出高下。拿破崙旦糕縱使是放了6小時最高個層既餅面仍是脆的。草莓及吉士的甜度及分量也是配得剛好,咬下去可擁有餅脆 草莓香 旦糕軟 吉士滑幾個唔同感覺。我相信堂食會更正。雖然價錢唔平但真係好值得一試。另外要提一提環保問題,明明一個盒可放2件旦糕我亦同店員說了雪櫃細可否一起放佢地仍堅持分2盒裝。仲叫我回到公司才合體,完全換不著頭腦。所以我就拍照給大家看下盒內真係可放2件餅。希望店舖可以改善一下。

今次已是第n次吃Lady M，由第一次吃過後，便「愛不釋口」！而男友知我愛吃，為了稿獎我星期六上班，每次都會買給我吃。今次還和我來IFC店坐下吃。外賣吃得多，堂食還是第一次。男友還笑說，終於有鐵匙羹用（吃過外賣的自然會明）！第n次吃，還是覺得超好味！餅皮好食，cream也好食！入口即溶！無得頂！

同朋友諗住食個下午茶，於是決定試下呢間幾出名嘅cake shop。一去到望到得幾張枱，條隊都幾長下，所以就要等一段時間先入到去坐底。坐低左我地3個人嗌左3款cake share。 分別嗌左玫瑰千層蛋糕，綠茶千層蛋糕同埋百爵茶千層蛋糕。三種味黎講比較鐘意玫瑰味，幾特別同清新。千層蛋糕係幾有口感，食嘅時候會感覺到一層層皮。雖然價錢唔算太平，但蛋糕真係好有口感，所以真係可以話係物超所值推薦大家如果想同朋友食tea，呢度會係個唔錯選擇。

上次經過尖沙咀的店，實在太多人了。難得外地的朋友來香港。朋友唯一想試的就是Lady M的蛋糕，所以我地就去左中環的分店。可能係星期日而且是五點幾的時間，所以排隊的人還不多。我地order去最basic的千層蛋糕同香港限定玫瑰花口味。整體來說蛋糕不太甜，味道是不錯。玫瑰花的蛋糕賣相很吸引，淺嘗有點玫瑰花香，而且不太甜。咖啡味道就正常，不是特別好但也不差。蛋糕的價錢個人覺得有點偏貴，但覺得正體還是可以一試的。

同事知道我喜歡食蛋糕 我又是今個月生日 為了補祝而食蛋糕 好感動喔Lady M一向是女生潮聖的蛋糕店鋪 由其主打的20層薄薄的千層蛋糕 不會太濃味 也不會過甜 食多幾件都好健康咁伯爵千層蛋糕淡淡的伯爵茶味 清新的感覺 玫瑰千層蛋糕最頂層有玫瑰花葉和一層薄薄的玫瑰啫喱整體玫瑰味比較淡士多啤梨拿破倫蛋糕千層酥皮脆脆的 加上奶油忌廉 配上一層的新鮮士多啤梨粒粒 還有一層的蛋糕 配搭得非常好香蕉批忌廉有微微的香蕉味 比較creamy味道賣相

高級散水餅之玫瑰千層蛋糕，面層有好香既玫瑰味，蛋糕好軟熟cream好細滑，最敗筆係甜度非常高，啫甜既同事都頂唔順，甜度完全將蛋糕蛋香同cream既奶油香完全蓋過，no good呀 !

玫瑰花優雅形態，獨特香味令人感到幸福，可以忘記生活壓力。特別玫瑰花加上千層蛋糕，大概可以令大多數女仕垂涎三尺。如果男仕們平日花點心思，送上件玫瑰千層蛋糕代替花，女朋友應該笑得同甜品一樣甜！玫瑰千層蛋糕 $75 （香港限定）千層蛋糕係Lady M must eat item! 玫瑰千層蛋糕係香港限定，港女們不能錯過！25層透薄如紙班戟之間搽上幽香玫瑰忌廉，連面層啫喱都充滿玫瑰香味，加上一片片玫瑰花瓣做裝飾。試一口，玫瑰味天然，沒有過份添加玫瑰精油，玫瑰香幽幽從忌廉滲出，令人慢慢感覺到甜蜜幸福．Menu

友人超好，佢咁啱係中環做完嘢，買左lady m嘅蛋糕開心share！朋友叫左5件，抺茶千層，伯爵茶千層，法式士多啤梨千層酥，朱古力棋盤，吉士海綿。首先真係要由淡味嘅蛋糕開始食，好易被蓋過，中間飲一飲水再試真啲。我個人最鍾意伯爵茶，陣味好特別，內裡好實，唔會太甜。其次係抹茶，佢唔係太濃嘅抹茶，有啲cream，令到件cake豐富啲。其他都ok，唔會話特別好味，正常，吉士海綿就再普通啲。睇嚟如果一定要幫襯lady m，請揀一啲特別嘅味。