LAB10 (已結業)

韓式燒肉周街都係，基本上間間都差唔多，只係睇邊間醃得好食D今日係朗豪坊10樓試左呢間無煙韓式烤肉，連加一任食300蚊一個人落樓，價錢算正常。坐低後職員會教你睇餐牌報number落單，然後雞牛豬各上唔同款比你試，你食完再口頭落單就得，咁樣都環保唔晒紙，可能你會覺得款式唔多，但最緊要精！牛黎講以牛五花同牛肋條最好食，驚喜既係佢唔似出面D韓燒靠醃料入咪，佢地基本上無咩醃料，唔會話醃到變晒色，但食落牛味濃沃，雖然未去到入口即溶境界，但自然新鮮的味道足夠取勝。豬方面同樣以豬肋條和豬五花最突出，豬五花唔會太油膩，見到雪花但燒完後將油迫晒出黎，入口鬆軟而不膩。豬肋條口感同樣鬆軟唔硬，唔會有雪藏味，其他豬的款式都ok, 起碼唔會係街邊貨。海鮮樣樣都試左D，雖然廣島蠔唔算大隻，但食落新鮮同juicy，燒虎蝦一樣唔太大隻，但口感新鮮彈牙。其他小食飲品黎講以蝦多士最為突出，一啖咬落酥脆外皮度，入面係軟綿綿的蝦多士，口感同味道都滿分。牛油什菇同雞脾菇都唔錯，中意食牛油既朋友可以黎個牛油蔬菜大雜燴，令蔬菜烤得黎唔會太乾，保持新鮮水份。飲品同甜品方面可以忽略，只可以話唔係主打強項，如果唔中意飲可樂，建議點菠蘿梳打

-朗豪坊出名多嘢食😋今日等我帶大家嚟到位於朗豪坊嘅Lab10試吓佢哋嘅午市無煙燒肉放題啦💁🏻‍♀️佢哋嘅價錢好抵食😍$138就可以享用呢個75分鐘嘅午市放題🍜一共包括24款美食仲送埋安格斯牛肉拼盤添🐮咁我想講食完呢一個套餐之後真係包保你捧住個肚走🤰🏻佢哋連啲配菜都唔會馬虎求其💪🏻佢哋個蔬菜拼盤我簡直幫佢清埋碟！🌽大家唔好以為呢個價錢佢哋就會你點一分就上勁少俾你🙅🏻‍♀️份量絕對充足😌亦都唔需要分開多次去點菜✍🏻同埋佢哋空間感亦都比較大🏡唔會同隔籬枱好近距離 聽到晒隔離講啲乜嘢👍🏻*溫馨提示：大家唔好諗住係放題就瘋狂狂叫然後食唔晒浪費食物呀！⛔️

餐廳位於朗豪坊嘅10樓裝修係比較簡約既韓風主打無煙烤肉 食完唔會成陣味佢哋嘅燒烤爐兩邊有抽氣扇牛肉主要就係安格斯牛 選擇都幾多牛板腱質地最好食 牛肉麵館味較重牛肋肉就脂肪多啲 口感幾好 仲有好特別既牛肝連 出面都食唔到梨汁牛五花都好食 燒一燒就食得熱食就主要係炸野仲有紫菜醬油飯 配肉食就最岩韓式豆腐湯就比較辣 飲品器皿都好靚 係實驗室入面既三角樽梳打都唔會太甜 唯一美中不足就係個爐細左小小😆每次都唔係放到太多野落去燒

網上見咁多好評、又係朗豪坊以為好好食，中午去咗食138蚊嘅燒肉放題，啲肉質差冇味又難食，豬牛雞三樣都唔得！炸薯條咁簡單，都係唔脆而且好似氣炸鍋薯條漏掃油咁，無味軟身炸薯條….主打韓式燒肉餐廳但泡菜居然咁難食….. 最嚴重係網中間部分本身黑一片，以為佢火太大燒成咁，後來換網發現換之前已經黑晒，結果當然燒肉痴晒底又燶，每一塊都食炭咁…..朋友想呢間，好努力希望搵到可以讚地方，但真係讚唔出口….. 朋友亦話被網上好評厄左，結論係超級中伏！！

𝗮𝗹𝗹-𝘆𝗼𝘂-𝗰𝗮𝗻-𝗲𝗮𝘁 𝗸 𝗯𝗯𝗾 𝗮𝗹𝗲𝗿𝘁🚨𝘁𝗵𝗲 𝗽𝗲𝗮𝗿 𝘀𝗮𝘂𝗰𝗲 𝗯𝗲𝗲𝗳 𝘀𝗹𝗶𝗰𝗲𝘀 𝘄𝗲𝗿𝗲 𝗽𝗮𝗿𝘁𝗶𝗰𝘂𝗹𝗮𝗿𝗹𝘆 𝗻𝗶𝗰𝗲, 𝘁𝗵𝗲 𝘀𝗮𝘂𝗰𝗲 𝗺𝗮𝗱𝗲 𝗶𝘁 𝗳𝗿𝗲𝘀𝗵 𝗮𝗻𝗱 𝗷𝘂𝗶𝗰𝘆. 𝘄𝗲 𝘁𝗿𝗶𝗲𝗱 𝗮 𝗳𝗲𝘄 𝗱𝗶𝗳𝗳𝗲𝗿𝗲𝗻𝘁 𝘀𝗲𝗹𝗲𝗰𝘁𝗶𝗼𝗻𝘀 𝗼𝗳 𝗳𝗿𝗶𝗲𝗱 𝗳𝗼𝗼𝗱 𝗮𝗻𝗱 𝘁𝗵𝗲 𝗰𝗵𝗶𝗰𝗸𝗲𝗻 𝘄𝗮𝘀 𝘀𝘁𝗶𝗹𝗹 𝗽𝗶𝗽𝗶𝗻𝗴 𝗵𝗼𝘁 𝗮𝗻𝗱 𝗰𝗿𝗶𝘀𝗽𝘆 𝘄𝗵𝗲𝗻 𝗶𝘁 𝗰𝗮𝗺𝗲! 𝗴𝗼𝘁 𝘁𝗼 𝗺𝗮𝗸𝗲 𝘀'𝗺𝗼𝗿𝗲𝘀 𝘁𝗼𝗼 𝘄𝗶𝘁𝗵 𝗺𝗮𝗿𝘀𝗵𝗺𝗮𝗹𝗹𝗼𝘄 𝗮𝗻𝗱 𝗯𝗿𝗼𝘄𝗻𝗶𝗲𝘀, 𝗰𝗿𝗶𝘀𝗽𝘆 𝗼𝗻 𝘁𝗵𝗲 𝗼𝘂𝘁𝘀𝗶𝗱𝗲, 𝗴𝗼𝗼𝗲𝘆 𝗼𝗻 𝘁𝗵𝗲 𝗶𝗻𝘀𝗶𝗱𝗲🤪 𝗱𝗲𝗳𝗶𝗻𝗶𝘁𝗲𝗹𝘆 𝘁𝗵𝗲 𝗽𝗲𝗿𝗳𝗲𝗰𝘁 𝗱𝗲𝘀𝘀𝗲𝗿𝘁 𝘁𝗼 𝗮 𝗺𝗲𝗮𝗹 𝗼𝗳 𝗯𝗮𝗿𝗯𝗲𝗰𝘂𝗲𝗱 𝗺𝗲𝗮𝘁!.話說成日經過 @lab10 但都無機會食，今次終於試到佢地嘅無煙燒肉！除咗牛豬雞同海鮮仲有好多炸物揀，蝦多士同香酥雞熱辣辣勁脆所以叫咗兩轉😛 肉類普遍都高質，梨汁牛五花同雞賢都正，另外店員強烈推介鮮果梳打配上燒肉真係幾夾，最出色係

“任食無煙燒肉90分鐘”($278/位)好耐以前已經嚟過朗豪坊Lab 10食燒肉🔥幾鍾意呢間店嘅原因係呢道係無煙燒肉食完都唔會成身臭哂😆原來宜家呢道已經變咗主打食放題🤤每位只需要$278就可以任食90分鐘😚食物款式選擇夠哂多有牛/豬/雞/海鮮/蔬菜/熟食/甜品/飲品一入座後先會各類食物都上啲比你2個人食完呢啲之後其實都已經夠飽🤣各款肉類品質都非常唔錯😋當中幾鍾意安格斯牛板腱食落牛肉味香濃又有咬口🐮蜜汁豬肋骨味道甜甜地,肉質又腍滑🐷海鮮方面有虎蝦,廣島蠔,魷魚,蜆廣島蠔同蜆都大大隻又鮮甜🦪小食嘅話推介蝦多士🦐十分香口🥰飲品就有多款梳打選擇用上實驗室嘅flask裝住打卡一流😝

自從疫情好轉左一排都未食過放題！今次終於要解放食爆！呢間係朗豪坊既韓式燒肉店都係朗豪坊屹立左一段日子！今日特登約左朋友一收工就即刻黎食！無煙燒肉放題肉類好多款選擇得黎牛肉既部位都好齊全！厚身牛舌完全滿足到牛舌愛好者既口味,厚得黎又夠爽口彈牙.海鮮類都幾齊！有齊蜆,虎蝦,廣島蠔同魷魚.蜆肉新鮮,即燒即開入口好鮮甜！虎蝦亦同樣新鮮亦充滿蝦香.牛油雜菇必試！2者既配搭真係perfect match!雜菇既菌香再配上牛油香,味道濃郁.熟食當中都有唔同炸物！當中蝦多士同天婦羅魷魚好有驚喜！仲encore左幾次.蝦多士食落唔會好油膩,蝦肉爽口彈牙得黎底下多士酥脆整個口感好豐富.天婦羅魷魚一樣炸得唔油膩,外脆內彈牙.紫菜醬油飯珍珠米上打上一隻生雞蛋,再配搭韓式紫菜拌均後充滿蛋黃香之餘亦令珍珠米更香滑.紫菜鹹香,為醬油飯添上鮮味,一啖飯再配搭一口肉,完美既配搭！飲品亦都好多選擇,飲品同樣貫徹實驗室既感覺以實驗樽裝上飲品,梳打系清爽解膩.

☀︎ 𝗦𝘂𝗺𝗺𝗮𝗿𝘆：位於朗豪坊10樓嘅「Lab 10」以韓式燒烤作為主打店面模擬實驗室佈置再配上銀色為主調務求令食客有置身於實驗室中既感覺另外，以無煙燒烤為Gimmick 無論男女老少食完都唔使擔心全身都係油煙味.◈ Bᴀsɪᴄ ɪɴғᴏʀᴍᴀᴛɪᴏɴ❶ $²⁷⁸/位 (⁹⁰分鐘任食）❷ 星期五六日，公眾假期及前夕 +$²⁰.✦ 牛 11款最推薦韓式梨汁牛五花牛五花以梨汁醃入味，Bᴀʟᴀɴᴄᴇ到油膩感牛香滿滿，又帶少少清新次選係安格斯牛板鍵，安格斯牛肩肉牛味最重，同時口感鮮嫩Eɴᴄᴏʀᴇ ʀᴀᴛᴇ ■■■■■■■■■□ .✦ 豬 7款最推薦韓式醬燒豬柳啖啖肉腍甜香，肉質鬆軟而不帶豬臊味Eɴᴄᴏʀᴇ ʀᴀᴛᴇ ■■■■■■■□□□ .◈ 雞。海鮮 7款有青檸燒雞扒，虎蝦，廣島蠔，蜆等雞扒肉嫩多汁，仲係厚切添海鮮方面，我最愛虎蝦同蜆可以配合韓式豆腐湯煮，味道香辣又鮮美Eɴᴄᴏʀᴇ ʀᴀᴛᴇ ■■■■■■■■□□ .◈ 熟食 12款未燒烤之前，可以叫定炸物頂住肚先推薦天婦羅魷魚，香酥雞肉棒，蝦多士而燒肉則可配埋紫菜醬油飯食，好ᴍᴀᴛᴄʜ再ᴏʀᴅᴇʀ ᴅ 泡菜，醃蘿蔔解膩感Eɴᴄᴏʀᴇ ʀᴀᴛ

💛 #旺角 #Lab10 @lab10hk星期六同家姐行街，去咗朗豪坊食埋個飯，我哋揀咗十樓呢間無煙燒肉Lab 10🥰 呢度位置寬闊，乾淨企理，真係冇乜油煙味👍🏻 除咗燒肉之外，呢度都有啲唔係燒嘅午餐選擇㗎，不過我哋就揀咗燒肉放題🤤🥩 午餐時段放題 （$138/1人）呢個午餐燒肉放題除咗包括26款食物、另包飲品之外，仲送每人一個安格斯牛肉拼盤🤤 拼盤有牛板鍵、牛小排、牛肩肉，呢個拼盤好正，牛肉好香好juicy，唔怕燒完會乾身㗎💓 另外我超級鍾意青檸燒雞扒！青檸散發淡淡香味但唔會好濃，雞扒好滑好juicy，仲超大塊添😍 熟食方面都有多款炸物、豆腐湯、肉醬意粉等等選擇，啲炸小食全部都好酥脆，推介炸雞棒💛

又係燒肉系列：今次🤰🏻試咗呢間韓式無煙燒肉，環境真係幾韓式下，同之前去韓國燒烤啲格局幾似，一入去仲有架夾公仔機比你玩😂🌝90分鐘任食無煙燒肉 $278同平時任食韓燒選擇差唔多，都係有牛、豬、雞、海鮮，蔬菜，同埋一啲韓式小食，另外仲有外型幾得意好似lab flask嘅特飲任飲👍🏻🌝牛牛肉啲花紋都幾靚，而且都幾多選擇，平時食開日式燒烤，今次專登試下韓式梨汁牛五花，基本上薄切幾易燒，一次過夾晒落爐都炒熟佢就食得，另外用梨汁醃過甜甜地幾好味👍🏻其實都有啲似平時食開牛丼飯啲牛咁😝🌝豬韓燒必食嘅五花肉，脂肪肥美，一路燒一路勁惹火😂點少少鹽一齊食真係十分邪惡🌝海鮮食海鮮冇咁易膩，所以🤰🏻都主攻海鮮：蝦同蜆，蝦嘅肉質幾好唔會霉，另外蜆冇沙燒完都幾香口👍🏻推介🌝蔬菜推介牛油雜菇，用錫紙盒上，又係一野擺落去等佢熟就得，上面pat牛油蒜蓉勁大pat,熟左之後所有菇都吸晒味好juicy🌖小食蝦多士同天婦羅魷魚唔錯，炸得酥脆香口，炸粉唔厚📍Lab 10 (旺角)旺角亞皆老街8號朗豪坊10樓26號舖

今日同朋友去左朗豪坊食燒肉。哩間燒肉店既燒肉放題性價比好高，星期一至五午市時段，任食燒肉放題只係$99，食埋牛肉就$138，真係好抵食～而且餐廳係無煙燒肉，燒完都唔會成身燒肉味。因為今次我係食晚餐時段，所以係食佢既晚市任食放題。🔥晚市任食90分鐘 $278🥕前菜：沙律、泡菜、醃青瓜和醃蘿蔔💬大家要留意個前菜係餐牌既熟食入面，特別推介醃蘿蔔，爽脆開胃，我同朋友添左三次～🥩肉類：肉類選擇多樣，分左牛、豬、雞三個類別，有安格斯牛板腱、牛肩肉、牛脊肉、梨汁牛五花、厚切牛舌、韓式豬五花、柚子豬頸肉等等。💬特別推介安格斯牛板腱、牛肩肉、牛脊肉、厚切牛舌，油脂算豐富，牛味都幾濃，全部食完之後都有再添🤣而梨汁牛五花真係勁推介，薄薄一片好易燒，入口充滿油香，因為加上梨汁，所以唔會膩，好食推介👍🏻🦐海鮮：虎蝦、魷魚、蠔、硯💬推介魷魚，新鮮爽彈。🌽蔬菜：粟米、茄子、冬菇、雞脾菇、牛油雜菇等。💬粟米幾甜，但因為掛住食肉，所以無咩食其他蔬菜😝🍟熟食：炸薯條、香酥雞肉棒、天婦羅魷魚、蝦多士等。💬炸物炸皮唔厚，蝦多士都唔錯。🍫甜品：布朗尼、棉花糖💬推介布朗尼，朱古力味幾濃，幾好食。🍹飲品：汽水及各式梳打套餐包一杯梳

食完真係唔會成身燒肉味既無煙燒肉任食，肉類選擇仲夠晒多～❤️肉類 超多款式既肉類，一入座就會源源不絕咁defult 提供，梨汁牛五花個醃醬好香，薄薄一片片好易熟，係咁多款肉之中最中意食果款🤤其他牛肉方面有安格斯牛板腱 牛肩肉 牛脊肉等唔同選擇，牛仔骨好juicy，一口牛肉質結實～仲有好多種豬肉 雞肉 海鮮等選擇～🧡炸物拼盤 一大碟炸物mix 包括天婦羅魷魚+雞肉棒+蝦多士+薯條，同樣係入座後就會送上～💛紫菜醬油飯 真係要特別推介，蛋黃+醬油拌飯，再用紫菜包黎食，超好味既韓式家常菜，簡單好味!!💚青檸梳打 可以自選甜度，青檸味好香好refresh，解油解膩一流!!

朗豪坊就腳好味放題今日天氣有啲落雨，唔想揼濕身，就揀朗豪坊商場來吃個晚餐吧！我們選了在10樓的lab 10吃放題，其實早前朋友介紹我嚟Lab 10，今天終於有機會來一試喇！店舖用簡約的裝修，走年輕人路線，樓底十分高，通風很好，沒有半點油煙味。我們選擇了$278任食90分鐘，首先來的是沙律，及熱食。這個沙律有生菜片，紅椰菜絲，沙律菜及粟米粒，配以油醋汁，酸酸甜甜十分開胃。熱食方便我最喜歡蝦多士及天婦羅魷魚。蝦多士，蝦餃彈牙，天婦羅粉漿，開得很脆，可口。各款燒烤食物，有牛，豬，海鮮類。牛方面，最好吃的是和牛牛肋肉，牛肋肉，有滿滿的牛香，又滑又好牛味。梨汁牛五花亦是我的致愛，好好味又好口感。海鮮方面，虎蝦，廣島蠔及蜆都十分新鮮。虎蝦肉脆鮮甜，蠔肉Juice，很很滑。豬肉方面，韓式豬五花，樣子十分美麗，若果有生菜包着來食，就最好不過啦！服務生殷勤招待，不時查詢我們要否添加食物，他們態度親切，我們有豐富美味的食物，渡過愉快的一個晚上。

地址－Lab 10旺角亞皆老街8號朗豪坊10樓26號舖有日係朗豪坊出完血後，經過呢間野就好想試下，見價錢都唔太貴，好，就入去食下先，入到去，坐低無耐，侍應就好快手上左一D食物，當中仲有D炸物，令我地唔使等好耐至有野食，呢個做法幾貼心。💋炸物，佢D炸物好多選擇，當中講下某D我地食過的，又幾好食的食物先，炸魷魚，呢個食落幾彈牙，魷魚味幾香，蝦多士幾厚身，又幾足料，食落脆得黎又幾彈牙，唔錯，香酥雞肉棒食落酥酥脆脆咁，好正，最後薯條雖然我地擺耐左，但都未至於去到太淋，仲保持到少少脆身。💋牛類，食完炸物後D食物都陸續燒好了，咁我地就食左牛先，首先講下韓式牛仔骨，呢個真係好好食，幾厚身，食落牛味香濃，肉質都唔錯，呢個我地之後都有追加幾次，可想而知幾好食，厚切牛舌，呢個就連我朋友平時麻麻地食牛舌的都讚好，食落幾彈牙，唔錯，梨汁牛五花，呢個就因為有用梨汁浸住，所以味道帶一點梨汁的清甜味，首爾牛肋條，呢個咬落幾彈牙，肉味香濃，D肉類配埋佢個紫菜醬油飯食，令人不知不覺咁食左好多飯，正。💋豬類，食完牛類後就試下豬類，首先講下秘製豬肋骨，呢個佢用左秘製醃料去醃製，所以味道好濃，但又唔會蓋過本身的肉味，韓式豬五

任食燒肉$278$278包咗牛，豬、雞肉類仲有好多唔同嘅熟食、飲品揀，都幾抵食肉類方面推介生蠔、青檸雞扒同豬肋骨，雖然青檸汁唔算好重，雞扒幾嫩好厚肉豬肋骨甜甜地幾好食，葉得幾均勻生蠔🦪細細粒，個肚夠肥，有淡淡海水味小食方面推介炸薯條同蝦多士，兩者都系熱辣辣炸上炸薯條厚身多薯仔肉蝦多士四四方方細細舊好脆口，中間夾左厚厚蝦膠蔬菜方面有平時燒烤必食嘅牛油雜菇，配牛油燒香噴噴，必食飲品種類比出面放題多元化，有自家製梳打，味道唔會太甜