影片
更多
2022-05-23
446 瀏覽
地址－Lab 10旺角亞皆老街8號朗豪坊10樓26號舖有日係朗豪坊出完血後，經過呢間野就好想試下，見價錢都唔太貴，好，就入去食下先，入到去，坐低無耐，侍應就好快手上左一D食物，當中仲有D炸物，令我地唔使等好耐至有野食，呢個做法幾貼心。💋炸物，佢D炸物好多選擇，當中講下某D我地食過的，又幾好食的食物先，炸魷魚，呢個食落幾彈牙，魷魚味幾香，蝦多士幾厚身，又幾足料，食落脆得黎又幾彈牙，唔錯，香酥雞肉棒食落酥酥脆脆咁，好正，最後薯條雖然我地擺耐左，但都未至於去到太淋，仲保持到少少脆身。💋牛類，食完炸物後D食物都陸續燒好了，咁我地就食左牛先，首先講下韓式牛仔骨，呢個真係好好食，幾厚身，食落牛味香濃，肉質都唔錯，呢個我地之後都有追加幾次，可想而知幾好食，厚切牛舌，呢個就連我朋友平時麻麻地食牛舌的都讚好，食落幾彈牙，唔錯，梨汁牛五花，呢個就因為有用梨汁浸住，所以味道帶一點梨汁的清甜味，首爾牛肋條，呢個咬落幾彈牙，肉味香濃，D肉類配埋佢個紫菜醬油飯食，令人不知不覺咁食左好多飯，正。💋豬類，食完牛類後就試下豬類，首先講下秘製豬肋骨，呢個佢用左秘製醃料去醃製，所以味道好濃，但又唔會蓋過本身的肉味，韓式豬五
旺角亞皆老街8號朗豪坊10樓26號舖
有日係朗豪坊出完血後，經過呢間野就好想試下，見價錢都唔太貴，好，就入去食下先，入到去，坐低無耐，侍應就好快手上左一D食物，當中仲有D炸物，令我地唔使等好耐至有野食，呢個做法幾貼心。
💋炸物，佢D炸物好多選擇，當中講下某D我地食過的，又幾好食的食物先，炸魷魚，呢個食落幾彈牙，魷魚味幾香，蝦多士幾厚身，又幾足料，食落脆得黎又幾彈牙，唔錯，香酥雞肉棒食落酥酥脆脆咁，好正，最後薯條雖然我地擺耐左，但都未至於去到太淋，仲保持到少少脆身。
💋牛類，食完炸物後D食物都陸續燒好了，咁我地就食左牛先，首先講下韓式牛仔骨，呢個真係好好食，幾厚身，食落牛味香濃，肉質都唔錯，呢個我地之後都有追加幾次，可想而知幾好食，厚切牛舌，呢個就連我朋友平時麻麻地食牛舌的都讚好，食落幾彈牙，唔錯，梨汁牛五花，呢個就因為有用梨汁浸住，所以味道帶一點梨汁的清甜味，首爾牛肋條，呢個咬落幾彈牙，肉味香濃，D肉類配埋佢個紫菜醬油飯食，令人不知不覺咁食左好多飯，正。
💋豬類，食完牛類後就試下豬類，首先講下秘製豬肋骨，呢個佢用左秘製醃料去醃製，所以味道好濃，但又唔會蓋過本身的肉味，韓式豬五花，呢個切得唔太薄，都有一點厚度，肥瘦均勻，咬落油脂豐富，唔錯，柚子豬頸肉，呢個就食落有淡淡的柚子味，令到豬頸肉本身的油膩感沖淡唔少，正！
💋海鮮，佢D海鮮選擇都唔少，有虎蝦，蜆，魷魚同埋廣島蠔等，蝦方面幾大隻，燒完後仲保持彈牙的口感，蜆方面見住佢開蓋一刻就被治癒了，食落海水味豐富，又冇砂，正，魷魚就咬落幾彈牙，唔會太乾身，最後蠔就因為佢有個錫紙兜裝住煮，所以唔會太乾，蠔味香濃，又幾大隻，唔錯。
💋蔬菜，食左咁多肉類後都要燒下蔬菜黎中和一下的說，佢D蔬菜選擇唔少，南瓜燒到好脆身，脆到有刻以為食緊薯片咁，哈，而最想講的反而係佢個沙律，佢個沙律食落幾清新，沙律汁味道帶一點酸，食落幾開胃。
💋柚子及青檸梳打，佢D梳打好多選擇，但我地試過呢2款後真係最愛，所以冇揀過其他味道了，嘻，呢2款味道帶一點微甜，而且又有果肉係裡面，幾真材實料下，唔錯。
💋布朗尼及棉花糖，食完一大堆食物後都好飽了，但人家都會預留少少的位置裝甜品的，咁我地就試晒全部XD，布朗尼咬落唔會過實，朱古力味都幾濃，而棉花榶就我地見好多人都插住隻筷子去燒，果然呢個做法好唔錯，好有去BBQ時的感覺，食落外脆內軟，令人不停想食。
張貼
