LAB EAT Restaurant & Bar (T.O.P This is Our Place)

營業中

休息中

母親節飯！帶埋爺爺嫲嫲食好嘢chill 一 chill！一年一度母親節，同埋老婆屋企人嗰邊慶祝一下，想OpenRice搵吓旺角區有啲乜嘢西餐好食，無意中發現呢間西餐評分都幾高，而且入面裝修靚，睇埋啲嘢食相發現有生蠔食即刻流晒口水😋LAB EAT Restaurant and Bar位於旺角彌敦道700號 T.O.P 5樓 502號舖，喺正旺角MTR上蓋，真係橫風橫雨唔濕身都去得到！私心推薦😋😋「美國極佳級牛肉眼扒」食過好多間牛扒，你叫七成熟有幾可真係七成上碟？呢間真係做得到，兩面煎到好均勻，顏色又靚仲保留到大部份肉汁，唔需要特別點任何醬汁就咁食正到爆，真心覺得係高質素！「果木煙燻法國鵪鶉腿」鵪鶉腿配上酸酸甜甜嘅醬汁作為開胃小食真係一流，腿肉彈牙。因為肉小嘅關係令人想食完又再食已經忘記咗佢只係starter 🤣「西班牙黑毛豬鞍」落單之後店員馬上解釋豬鞍係七成熟，（放心無血水流出😄，只係肉有少少紅）呢個好好味！上網search 過西班牙的伊比利黑毛豬係豬界嘅和牛級數👍🏻肉質軟嫩彈牙又juicy , 脂肪比例適中！一試難忘😋其他仲叫咗：「新鮮生蠔拼盤 Oysters Platter」生蠔to

今日母親節想搵好嘢食，行到嚟旺角TOP樓上食呢一間Lab Eat! 可惜今日天氣麻麻哋，如果唔係嘅話可以去坐呢間餐廳嘅室外位置都幾舒服～我就叫咗佢嘅lunch Menu都幾抵食，包曬前菜主食甜品～叫咗一個肉眼扒同豬鞍，幾有驚喜幾好食喎！特別係肉眼扒佢肉質好滑，而且好有牛肉香味，配菜上佢仲有薯條，薯條都炸得好香脆！而豬鞍呢佢就用蘋果醬，調味得多好唔錯，我覺得好好食☺️特別都想講一講佢嘅配菜都好好食，勁鍾意食佢嘅炸甜著，甜薯質地好好，而且雜菇都炒得好香😆最尾仲有甜品雪糕tiramisu,特別喜歡鍾意食佢嘅雪糕，係Gelato 😍加上佢有好多脆脆，撈埋啲雪糕好正！整體嚟講呢間餐廳環境唔舒服，嘢食質素有保證，好啱同屋企人或者朋友嚟食，因為呢度嘅環境都幾適合傾偈～

今晚同朋友girl night 慶祝生日旺角越來越多新餐廳Top 都係新起嘅商場，入面嘅餐廳我都冇乜點試過，見到食評都好似好多盛讚，啱晒我同朋友慶祝生日一入到嚟，佢會俾個welcome drink海膽多士，我想試好耐，我諗呢度食海膽應該唔會有問題果然真係好好味仲有送上的餐包，點起來好鬆軟我地叫左法式田螺，好入味同擺盤精緻主菜我地揀左Rib eye steak, medium rare ❤️🫶肉味鮮嫩，唔會太生太熟，岩岩好， 點鹽or 芥末醬都好食另外，我地都點左mushroom risotto 佢呢個risotto 唔會太濕，creamy, 食落好舒服！最後甜品我地揀左French crape with pistachio!薄餅皮脆脆地，但同時都好soft, 入面有cream 同埋有濃厚pistachio 味，旁邊襯埋d 蛋白脆都好襯總括嚟講，我地total $1729, 慶祝生日都差不多呢個price, 呢間餐廳都值得一試，尤其如果要慶祝生日我朋友都好enjoy 同食得好開心🫶

睇網上食評睇落好好，又有啲環境又有啲feel咁，就book左同男朋友食慶生飯。點知去到就知中晒伏。🫠入門侍應態度都唔係好，環境好x嘈！🤯坐低之後點餐點左個佢推薦既set。然後斟野飲，上生蠔。生蠔一啲都唔新鮮，冇味！仲有問題尼喇！！我真係咁大個都未食過生蠔裡面會有蟲，dllm即刻隔夜飯都想嘔埋出尼！！事關我係一個極度極度極度對昆蟲有嚴重恐懼症既人，所以個下我個腦係完全空白左。唔好問我點解唔即時同侍應講，我係呆左唔應比反應，因為真係從來冇遇過咁既情況。更加唔想張揚，因為呢餐係慶生飯，我唔想令男朋友都覺得點解我揀間咁樣既餐廳同佢食飯😓所以Lab Eat你可以放心呀，我冇你罪證呀，不過我務必要提醒其他人囉🙂🙂🙂然後既沙律，湯，扒，意粉，特飲，甜品都係［全］［冇］［特］［別］🤷🏿‍♀️唯一好少少🤏🏻係個紅蝦意粉🤪成餐飯我都要好強顏歡笑咁扮覺得幾好幾ok咁，希望唔好進一步破壞氣氛🙂🙂🙂。隔尼枱對情侶又係食生日飯，又係明顯氣氛唔好。我係打從心底真係十分超級非常後悔揀左呢間咁垃圾既餐廳，仲要係食日生日飯lol埋單$1500幾，食左餐好噁心既飯，真係so9sad，亦好對唔住我男朋友🤢🤢麻煩檢討下。

【旺角鬧市中的浪漫西餐廳🍷】星期五收工之後，約咗喺旺角返工嘅朋友，想靜靜地食飯傾吓計🗣️，最終決定試下呢間位於旺角地鐵站樓上商場T.0.P嘅高質西餐廳😆。餐廳裝修華麗舒適，配合柔和音樂，整體環境令人很放鬆☺️。而且餐廳有浪漫嘅空中花園平台🏡，一邊觀看鬧市中嘅夜色🌃，一邊品嘗美食，好chill😍。新鮮生蠔🦪 因為怕腥，所以我一直唔鍾意食生蠔，但朋友中意食就叫咗2隻🤣。佢哋嘅生蠔係嚟自法國gillardeau~ 食落去海水鮮味足🌊，用檸檬🍋鎖住生蠔鮮甜，蠔肉肥美結實，一啲都唔腥，再配上兩款醬汁，味道好夾☺️。海膽多士 🍞 身為海膽迷嘅我，一定會叫呢個海膽多士🥰，滿到瀉嘅馬糞海膽，加上香脆嘅小吐司，雙重口感，海膽份量非常多😚，而且鮮味十足，入口即溶，好好食。美國極佳級牛肉眼扒 🥩 一睇就知份量十足，我哋叫咗5成熟，師傅火候控制得非常好🔥，牛扒煎得好香口，內𥚃既肉非常juicy，鮮嫩透紅，有淡淡嘅炭燒味，肉脂肪嘅比例亦好好。而且伴菜薯皮🥔脆卜卜，香口又好食👍🏻。特色卡邦尼扁意粉 🍝 呢個卡邦尼醬汁係特製，用咗蛋黃同火腿煮成。香濃嘅蛋汁撈埋啲意粉非常creamy！☺️入面仲放咗大量煙肉！每一啖都可

Lab Eat Restaurant & Bar真是一家非常出色的餐廳!!!最初店員送上了welcoming drink，味道很清新。我們點了signature cocktail, Lab Eat Fresh Fizz，這杯果香比較出；另外一定杯是Heartbeat，相對比較Creamy 同時酒味也較濃。接著他們送上麵包配搭醋和橄欖油，這款麵包口感非常好，而醋和橄欖油的搭配也非常合適，想再多吃哈哈。我們點了Japanese Black Maitake Mushroom Soup 和Tuscany Seafood Bowl，兩款各有特色，也是非常濃郁的，配搭麵或燴飯相信也是不錯的！朋友是牛油果控，特地點了Tian of Lobster & avocado, 果然能夠滿足到牛油果控的胃，朋友最喜歡這個；Free Range Spanish Lamb Chop則是我的最愛，5成熟的羊扒非常出色，配上薏米和鷹嘴豆，感覺很健康；來到如此別致的地方一定要來一份Mussel with white wine，湯十分鮮甜，忍不住喝了很多。最後一定要提及的是店家在沒有事前告之的情況下，突然驚喜送上了蛋糕替

三人行一齊晚餐晚上7:15入座，大約10:45離座落單叫左1. 龍蝦海鮮拼盤(half) 2. 三文魚沙律3. 黑松露燉飯4. 肉眼牛扒5. 甜品5. 飲品（Passion fruit juice, 一杯酒精飲品Meet，2支Sparking water) 價錢8折後要HKD2,100左右，設每人最低消費HKD350，但一定會超過，因為食物單價定價過高。食物價錢屬於中高級餐廳的價錢，但服務水平一般，食物質素一般，當買個體驗，應該不會再嘗試。

近日來了位於旺角TOP的Lab Eat Restaurant & Bar，食物品質同服務都令我印象好深刻。全晚的用餐體驗都好舒服。首先坐低一陣就有welcoming drink，飲落去好清新，入面仲有好多花瓣，好靚。之後就到麵包配搭醋和橄欖油。頭盤揀左新鮮龍蝦及牛油果他他，呢個簡直係全晚MVP之一，個樣勁靚，最底層係芝士，中間係龍蝦肉，上面係牛油果，最上面仲有芽菜果乾，一定要幾層一齊食，完全唔會膩，勁好食！之後再叫左兩個湯：黑舞茸菇湯松露泡沫、托斯卡尼海鮮湯，兩款都好正，個人中意松露多d，因為出面好少飲到咁濃味！主菜叫左白酒煮澳洲鮮活藍青口同炭燒自然放牧西班牙羊扒。師傅真係做到岩岩熟，保留到鮮味，羊扒都做到5成。餐廳環境好靜好舒服，超適合情侶撐枱腳，我地叫左兩杯cocktail，一杯creamyd，杯fruity d。如果聚會人多佢都仲有戶外位，唔怕嘈到其他人。原本都已經食到好飽，諗住埋單走人，點知勁驚喜，店員送上左生日甜品，當晚係朱古力蛋糕！蛋糕仲上寫上了“Happy Birthday”的字句。我同朋友都覺得非常感動，冇諗到餐廳會記得我地book位係慶祝生日!! 非常貼心。

成日都覺得TOP係玩味重既商場，之前見到呢間餐廳有空中花園，一直好想試，趁假期又慶祝埋生日😚😚無諗過有間咁有氣氛既餐廳，餐廳環境勁正，我哋坐左係空中花園既位置，由於我哋入座時比較早，所以仲可以享受到陽光既美😉😉加上音樂，成件事勁chill😌😌望既街景係䌓華既街道，能夠如此居高臨下咁享受生活，一個字，正👍🏻餐廳先黎有welcome drink，好fresh好好飲，配合餐包，餐包應該搽左好香既醬汁再焗，好香脆好好食。生蠔配以檸檬汁，自行調配既生蠔醬汁，好香濃既海水味呢😍😍😍完全心心眼呀！前菜我哋點左温泉蛋帶子刺身，温泉蛋刺穿流落帶子刺身，涼涼既口感勁正呀！加上温泉蛋，三文魚籽，好鮮甜😍然後黎左肉眼牛扒，我哋點左5成熟，牛扒配以芥末醬，勁好食呀！而且唔會過熟，好正！肉眼牛扒好有肉汁！另外仲有松露意大利飯，意大利飯勁香松露味，而且舖滿唔同既菇，意大利飯好好食！煮得好夠味好淋，無生米既感覺👍🏻而且汁都充夠包住每粒意大利飯，勁creamy 好食！而且飯入面有忌廉，超級好食😍不得不提意大利飯係用石窩裝住，可以保住温度，令我哋可以吹住水都可以keep warm🥰飲品方面，呢度有唔少嘅Cocktail/

首先，環境外觀係靚，好舒服唔會擁擠。但係我覺得呢間啲嘢食華而不實，原本想試鵝肝，但佢話賣哂了,所以就叫左個飯同肉。但我未食過係咁難食嘅嘢，個飯我唔知咩味，食唔出咩嚟，份量又細。侍應話佢係睇落細，但個中間係凹位，所以其實係好多，但我發覺佢都唔係好凹下，而且份量小又難食。我同朋友清哂佢係因為呢個飯要成$318。而且個lamb chop 都叫做還可以，但佢啲配搭教好難食下，唔知點解值$400。對於呢一間我係比較失望，可能我叫果啲都係普通或甚少人選擇嘅，但我覺得呢種價錢可以食得更好。

位於旺角LAB EAT Restaurant & Baroutdoor露台位置好舒服，當晚仲有busking，氣氛一流，三五知己一路食吓嘢飲住酒聽歌真係好chill好relax~真係一個好令人難忘嘅晚上😍😘餐廳會送上welcome drink 🍹 荔枝味vodka清新易入口，即刻放鬆晒心情～♣️生蠔 synonyms N2入口肥美，微微海水味♣️熱溶法國流心芝士相當有驚喜，職員將流心芝士慢慢刮落沙律菜、火腿，辣肉腸上一齊食。♣️西西里島海鮮意粉一道意國風情嘅菜式，新鮮嘅海鮮配上濃郁嘅蕃茄，香氣撲鼻又別富風味，意粉都好彈牙。♣️西班牙黑毛豬鞍肉汁豐富，咬落去嫰滑又香口，配上新鮮蘋果醬，好清新。♣️抹茶慕絲蛋糕💚食落散發淡淡的抹茶味和濃濃奶香，一啲都唔漏，好好味😋

同朋友好耐無見 所以選了一間餐廳靜靜地 舒舒服服傾下計。 法國生蠔 - 鮮甜，配上醬汁 酸酸甜甜 十分開胃海膽多士 - 海膽份量十足 入口軟滑 乘托的多士香脆 並有蒜香Carbonara - 口感creamy 芝味濃郁肉眼扒 - 5成熟 帶有焦香 肉味十足 保留到肉汁 不會乾硬 拌碟的薯皮更有驚喜 焦香味更濃 片薄脆口 好似食薯片一樣 表面蓋上芝士 少少拉絲 食唔停口 真想食多幾塊可麗餅 - 填滿了焦糖醬 每一口都大滿足，旁邊的脆脆都甜甜脆脆 最後點了Cocktail - Meet , 同朋友摸下酒杯底，混合了咖啡及vodka 感覺特別 提神之中有點朦朧。提一下 Welcome drink - Fate 有血橙酸酸甜甜很開胃值得一讚是服務細心 每一道菜都有介紹到特點

今日同好耐冇見嘅朋友去咗食飯，先發現原來旺角都有咁好環境嘅西餐廳。見裡面都幾有情調，裝修比較簡單，仲有露天嘅地方。但因為大風，都係坐翻裡面舒服啲。首先點咗個沙律，有菜同ham。我本身比較怕食好鹹嘅嘢，但係啲ham唔算鹹，但又有啲調味，加埋菜同番茄仔，算係幾清新嘅配搭。可能遲啲係屋企都會自己試下整嚟食，簡單又健康。而塊牛扒確實係讓我眼前一亮。5成熟嘅口感啱啱好，而且調味都啱，唔會過鹹又或者冇味。我朋友比較食重味啲，佢話配搭另外嘅鹽同埋醬料都一樣好食。咁大塊扒，兩個人食都真係幾滿足。最後我哋叫咗個開心果味可麗餅做甜品。啲cream唔算漏，係可接受嘅程度。個人幾喜歡個餅皮，包住啲開心果醬成件事冇咁厚重，都算好味。下次會推薦其他朋友嚟食！

今日同朋友去咗旺角食飯 去咗呢間位於t.o.p.商場頂樓嘅Lab Eat Restaurant & Bar食西餐坐低無耐店員就會送上餐包同埋Welcome Drink 餐包超柔軟點買橄欖油同醋食出奇地嘅好味 Welcome Drink放左食用花同調色 係飲落甜甜地既Cocktail海膽多士 海膽超新鮮鮮甜 入口好滿足 多士烤熱左而且香脆 跟埋凍嘅海膽好夾 Chilean Seafood Fillet 海鮮湯香濃 如果可以配埋法包點汁就更好啦 青口超級鮮嫩同鮮甜 唔會overcooked Fish Fillet店員話控制用52度烹調 魚皮煎到帶點香脆 肉質紮實 蝦球亦大大隻爽口彈牙 整體嚟講呢度菜味道真係唔錯 推介呢度除咗室內有卡位坐得幾舒服之外 戶外有時仲有live band表演 有時同朋友三五知己嚟飲下酒食下嘢聽下歌都唔錯

有時忙碌過後，想搵過地方聽下音樂🎵🎶，飲杯酒🥂，同朋友談心。❤️位於旺角LAB EAT Restaurant & Bar，位置非常方便👍港鐵直達。坐戶外位置非常chill，先飲杯welcome drink 💕荔枝vodka ，為晚餐揭開序幕。🦪生蠔 synonyms N2 新鮮即開，非常鮮甜。🧀 熱溶法國流心芝士店員會在客人面前切下熱溶芝士, 覆蓋整碟前菜, 一定要趁熱食。芝士柔軟順滑，帶2鹹香， 配新鮮沙律菜、蘆筍、火腿、辣肉腸, 豐富得嚟又唔覺滯！🍅 西西里島海鮮意粉海鮮非常新鮮，有嫩滑青口、彈牙蝦肉等，令人胃口大開。💗西班牙黑毛豬鞍豬鞍400g，足有2塊厚切，配蘋果蓉非常清新。🍰抹茶慕絲蛋糕食完main course已經有飽滿感，驚食吾落甜品，點知甜品勁好食，1d都吾漏。食落去口感輕盈，抹茶味濃郁，食得出用左上乘食材。🕰️7點開始仲有busking🎵🎶 ，聽住音樂飲住酒，非常陶醉😍今晚試了2款白酒，1杯較甜有果香，適合女生，另1杯則口味清爽，配海鮮不錯。