La Rosabelle Bar & Grill

營業中

休息中

話說因為疫情關係好耐冇同男朋友出街食飯拍下拖有日見到有bloggers介紹呢間餐廳就諗住特登入馬灣拍下拖食個飯因為嗰日本身都飽飽哋所以我淨係叫咗個三文魚意粉 $158一上到嚟已經知中哂伏三文魚勁少，仲要係碎到一絲絲咁跟住意粉調味唔夠又唔彈牙食到勁灰仲要叫價158 ⋯⋯男朋友叫咗個steak with fries ($2xx）佢呢個係好味的steak調味夠，又juicysalad應該加咗黑醋又夠fresh薯條應該係新鮮炸都okay食到一半留意到廚房入面所有人都冇戴口罩又口水橫飛就冇叫其他嘢食了總括嚟講今餐麻麻

好少可會入馬灣，見到沙灘旁邊有幾間cafe好有情調，所以就入左去tea啦入到去呢間餐廳覺得好舒服…完全係希臘嘅風格~打卡嘅餐廳呀係…燒烤醬雞翼 Chicken wing with handmade BBQ sauce $78雞翼隻隻都勁大隻、脹卜卜架~燒烤醬係餐廳自家製既…濃度剛剛好食落口冇出面既咁意式千層闊條面 Beef Lasagna $128千層面既芝士勁足料，一夾起係拉絲架😛勁正💕牛肉唔會好騷味重 但係又香牛味……份量望上去唔少，但食落一定夠飽加上配菜係大大份既沙律…沙律菜好新鮮，食落口好juicy…蔬菜可以清清芝士既膩~炭燒豬肋骨 grilled baby back ribs $198上菜果陣我同朋友都好驚訝…因為真係大大條肋骨咁上!豬肋骨係勁香炭燒味，超好食~至於配菜呢就係薯條啦！薯條好脆，係啱啱炸起既…Fruit punch $45Lime Soda $35

La Rosabelle Bar & Grill放假日來了馬灣海灘消消暑選擇沙灘廣場下的其中一間特色餐廳食午餐La Rosabelle Bar & Grill店面充滿希臘風景，整間餐廳都佈滿藍與白色。我地揀左室內靠玻璃門的位置坐，對外望就係青馬大橋和沙灘，非常之漂亮。食物方面呢度主打地中海菜式意大利巴馬火腿薄餅 $158呢款意大利薄餅口感係薄脆，加埋巴馬火腿及芝士，味道鹹香，非常豐富！火腿吃上口亦好柔軟，一啲都吾乾。燒烤串配薯條帶有異國風情的串燒表面都會燒得較焦，但吃上口充滿風味，肉質亦吾會因為燒焦而乾身。最正係佢款希臘酸奶醬，攞黎點肉點薯條都好開胃！推薦！放假吾知去邊？想拍下拖推薦黎呢度，歺廳有希臘的渡假感覺外面就係沙灘， 坐得舒服又欣賞到青馬大橋。La Rosabelle Bar & Grill馬灣珀麗灣沙灘商場1樓6號舖

同男朋友去馬灣一日遊夜晚係沙灘旁邊試下呢間地中海餐廳，好似幾有feel咁，成個環境都係藍白色主題走希臘風，我地點左個烤雞肉pizza, 有好多唔同餡料，grilled chicken，mozzarella同bbq sauce好惹味，仲有拉芝效果，薄餅底薄脆香口好味道。另外推薦烤豬肋骨配bbq醬，伴碟有炸薯條同沙律，沙律醬好味，我平時完全唔中意食雜菜但mix埋沙律醬我不知不覺就食曬落肚了😂飲品就推介virgin mojito(mocktail) 同passion fruit mojito(cocktail)，2款都有好濃薄荷葉味所以好fresh，passion fruit就有返啲甜味同酒味，呢到調較到酒味都幾濃溝左冰就啱啱好👍食完之後餐廳仲主動比2杯水我地，服務態度好～

老實講我住呢頭不過真係覺得冇咩邊間餐廳好食，見沙灘旁邊開左間鬼佬餐廳，就諗住試下，點知都係中伏，食物真係普通，沖既飲品又細杯又唔得😣飲啤酒穩陣😂叫左幾款：✨BBQ Sauce 雞翼-完全唔覺BBq味，酸到爆✨煙肉芝士薯條-喊左d冇特別✨地中海pizza-呢個pizza 算ok, 足料，好多cheese ，不過會有啲漏✨ Fish and chip-平時既fish and chip 既魚通常一大塊，不過佢係一舊舊，味道正常

一列沙灘旁的餐廳之中最顯眼莫過於這間藍白色的餐廳，炎炎夏日喝杯冰凍果汁🍹暑氣全消😎Beef lasagna 很多肉汁，芝士毫不吝嗇，份量比平常多，夾在肉醬千層面之中，這個份量也太豐富了吧！還好有一大堆沙律🥗清甜爽口的蔬菜緩和了千層面的飽足感，這個沙律還有紅椒呢！夏威夷pizza 材料甚多，以酸瓜代替了菠蘿，入口酸甜，配芝士一流，不會太膩。這種味道確有地中海菜的特色，店裏店外都令人聯想起santorini, 店外景色又是一片海，好像坐在愛琴海前吃的這頓希臘午餐，十分悠閑。不過，愛琴海又怎會有青馬大橋？只好想想疫情過後去哪旅行吧😎

🌟依家仲未有得去外國旅行，前幾日就近近地去馬灣來個小旅行，relax一下☺️仲去左呢間充滿異國風情嘅地中海菜餐廳試試😝餐廳裝修以藍白希臘風為主，仲有戶外座，可望住沙灘同青馬大橋靚景呢😝❤️❤️ 🥙墨西哥牛肉夾餅 $138很久沒食過quesadilla了，酥脆的餅皮夾住滿滿的牛肉同芝士，好香口，重點一定要點埋佢個乳酪醬汁，更加滋味😋😋 🐥香草牛油烤全雞(去骨) $298呢個份量好足，烤全雞上碟時已切好件，好方便食用，香草牛油味好香，再配上沙律同新鮮炸起的薯條，要2個人share先食得哂呀😝 

馬灣沙灘廣場既餐廳氣氛一流，可以悠閑咁同朋友飲一杯，仲可以望到青馬大橋既靚景，今次就試左呢間la rosabelle bar n grill餐廳以藍白色做主調，貼埋希臘藍白建築既風景相，設計簡單但充滿悠閒感😌🔵⚪️😋水牛城雞翼一碟6隻，雞翼表面燒得微焦有煙燻味，唔會太乾，醬汁味濃😋意式茄汁海鮮意粉海鮮配料足料,青口有海水味新鮮，個人好鐘意魷魚粒既質感，爽脆有口感，意粉爽身又掛到汁，醬汁味道唔錯😋地中海薄餅芝士控都會鐘意呢個Pizza,平時食開厚餅皮既我，今次食呢個薄底但都好鐘意，最大原因係配料有滿滿既芝士貼橄欖，每一啖都會食到芝士同唔同既配料，食食下都會覺得好飽🤪呢間餐廳價錢合理，有多種食物選擇，仲可以叫杯啤酒慢慢欣賞住青馬大橋既靚景，食完仲可以漫步沙灘，係青衣城搭NR330十五分鐘唔洗就到啦😉

難得放假竟然冇落雨就決定約咗朋友去馬灣行吓啦影吓相打下卡竟然見到一間非常靚藍色外牆嘅店店位於啱啱沙灘正中間可以選擇坐出外面睇住個海景食嘢亦都可以喺室內入邊好好嘆吓由於我哋去嗰時係中午所以就決定喺室內坐下冷氣喺玻璃睇海入到去話入邊仲靚完全係希臘嘅建築好似自己一下子由香港跳咗去外國旅行人都放鬆曬之後梗係嗌嘢食啦首先嗌咗個墨西哥牛肉夾餅Pita bread一黎就心心眼微溫既脆面加埋入邊係牛肉同特色醬已經好足味仲可以加埋伴碟既醬兩重醬一起食更好食，環境加味道成個感覺就真係好似係地中海香蒜牛油白酒蜆肉意粉首先想講其實佢真係好多蜆肉加埋軟硬合適既意粉鮮甜既蜆加埋蒜牛油白酒不錯加埋啲咖啡同埋凍朱古力望住過海食好西真係舒服

疫情期間雖然無法外遊，但是本地遊都往往會帶來驚喜。難得放假，可惜天氣不算太理想但總算整個午餐都沒有下雨。我們選了坐在沙灘旁邊，藍色相枱加上白色餐椅，異國風情即時活現眼前。有好環境當然要有美食配合，選了一客招牌地中海三式燒烤串燒配粗薯條、一份特色地中海薄餅及一杯 Mojito 。地中海薄餅都可能是一款素食人士都喜愛的 Pizza。材料包括烤茄子、橄欖、洋蔥、菲達芝士、蕃茄及紅洋蔥。沒有肉的 Pizza 其實更反樸歸真。菲達芝士味道相比一般的芝士強烈，帶有鹽味及清淡的辛辣味。最特別是 Pizza 裡面有 Artichoke ，起初入口及第至眼望以為是筍。翻查才得知是洋薊，常見於地中海沿岸，早期猶太、羅馬和希臘料理中作為蔬菜食用，亦為現代義大利菜常用的食材，其美味及營養價值更在歐洲有著「蔬菜之皇」的美譽。地中海串燒拼粗薯條有烤牛肉、烤雞肉、烤免治羊肉漢堡扒，惹味之餘亦不會難咬開，當中羊漢堡扒最好吃相信會更好吃，有點後悔沒有另外再加漢堡包。令有檸檬、沙律醬及茄汁，已經很夠味都不需多用。如果天氣再好一點，望著美景品嘗一個悠閒的午餐，賞心樂事啊。

La RosabelleKay Gor 最近好多心事未能抒發,朋友提議馬灣一個好嘅餐廳一解心中之苦意式茄汁青口意粉上台都勁大碟已經大碟青口份量超級多大大隻好好味唔會有雪味，配意式醬煮得非常之好味又夾最重要係意粉煮得好有質素唔會碎超級推介嘅炭燒豬肋骨上枱超吸眼睛😄豬肋骨分量大意想不到的😱😱惹味自家製BBQ醬汁， 酸酸甜甜， 愈食愈滋味，豬肋骨燒得啱啱好，仲可以保持到肉汁嘅鮮味同唔會乾薯條新鮮炸起，熱辣辣， 香噴噴醉人海景及青馬大橋用餐再配餐廳以白色及藍色為主調 ，裝修充滿異國風情，完全離開咗繁囂嘅都市#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #i

睇怕真係要好耐先至有得去旅行吖，因此，keep住每個禮拜至少搵個地方來打卡，收獲都不少。馬灣雖然去過次數唔少，但就最近先發現咗呢間位於沙灘邊的地中海餐廳，有室外天然的環境，有青馬橋景，而室内就有希臘愛琴海聖托里尼的璧畫，你儘管呃吓自已係度嘆世界囉。墨西哥牛肉夾餅，好大一份，酥酥脆脆的餅皮里面夾著味道適中的牛肉碎，真的超級nice吖。細吃的女仔2個吃一份都够飽肚。招牌地中海三色燒烤串配薯條，有齊雞，牛，羊三串，出爐速度好快，但不影嚮佢的香氣十足，唔似東南亞地區點嘅沙嗲醬，而係沙律醬，都一樣咁好味。

趁著Day Off入馬灣呼吸下新鮮空氣，喺沙灘廣場旁邊享受下美景食物，望住青馬大橋🛥🛬，飲住Mojito🍸呢間餐廳的老板是黎巴嫩人，嚟咗香港有20幾年，一講起香港最近嘅時局，佢有好多感受，話自己好愛黎巴嫩，亦都好愛香港🇭🇰🟨，淨返落嚟嘅日子，都會繼續留喺香港。佢整嘅Middle East Food非常正宗，亦都非常出色。好多時候，我哋去食中東菜，如果揀食鷹嘴豆蓉(Hummus)，一般都只係會得最右下角嗰款，但呢間餐廳就唔同，四款口味（辣味、原味、茄子、紅椒合桃）都係佢地黎巴嫩🇱🇧貝魯特家鄉口味，配埋Pita Bread一齊食，就好似返返去中東某處那熙來攘往的清真寺🕌️街道上。 雖然說這是辣味，但其實並不會令人有非常難受的感覺，反而淡淡的，有少少香。紅椒合桃係我最鍾意嗰一個味道，因為甜甜的紅椒味，再配上合桃，再攪成豆蓉，甜中帶鹹，係幾好食。Pita Bread燒得剛剛好，淡淡的味道，配上Hummus一齊食就非常好。

在忙亂的日子中，抽出一天，款馬灣這較為安靜的地方逛逛，吃個下午茶，也實在是我期待已久的一天啊！知道馬灣有一個小小的沙灘，當天跟男朋友到處逛逛，也去了沙灘，在旁邊有幾間cafe／西餐廳，就看中了這一間漂亮的地中海菜餐廳。餐廳用了白和藍的色調，看起來很賞心悅目。也有一止客人在這裡享受時光的感覺，有人慢活喝啤酒，也有人在安靜的用電腦。我們就決定去試試，試一試少有的地中海菜。因為天氣很熱，一進去就點了兩個飲品。就簡單的一個凍蘋果汁／凍菠蘿汁。看着Menu，有很多平時不會吃到的地中海菜式，無論意粉、薄餅或者小食，也有很多很有特色的選擇😋很多都想試。我們兩個人，就點了一個地中海薄餅，小食和意粉，很期待！⭐️特別推介：香蒜牛油白酒蜆肉意粉🍝份量超大啊，蜆也很多！吃起來就是陣陣白酒的香氣，很濃郁，同時也吃到海鮮本身的味道，有清新的感覺！很喜歡啊！⭐️中東式香脆餡角（芝士）男朋友說既然遠遠的來到這裏，就想試一試多一點的特色地中海菜，就點了這一款餡角。咬開是濃濃的芝士餡！地中海菜使用的芝士跟平常吃到的有點不同，就很重奶香，而且是很濃郁的，有厚厚的口感。⭐️大大推介：地中海特色薄餅🍕是以超多羊奶芝士製作的一款pi

晏晝去咗馬灣沙灘散步，夜晚喺附近搵咗間餐廳食靠近東灣泳灘有幾間餐廳，其中呢間主打希臘菜主要係裝備有地中海異國風情，藍白色設計幾搶眼揀咗戶外座位，可以邊食邊聽海風仲可以近睇青馬大橋同汀九橋景，幾Chill餐牌上基本係西式食物同希臘菜式，個人覺得Pita bread係必食墨西哥牛肉夾餅 $138 熱辣辣嘅Pita bread夾層有牛肉碎同芝士旁邊有醬汁，唔係沙律醬，似有羊奶、蒜、蛋黃醬之類Pita bread表面輕脆，牛肉內餡以醬汁拌勻整體好香口，牛肉汁溢出，再加上溶化咗嘅芝士，好惹味Pita bread份量有4大塊，算適中好有地中海風味香蒜牛油白酒蜆肉意粉 $128 意粉伴有蒜蓉+蜆肉，醬汁由牛油+白酒製成質感creamy，意粉乾身又滑溜意粉掛汁，入口唔膩，帶微微蒜香夠吸引蜆肉份量唔少，唔會得殼，幾爽口，配蒜香夠惹味試杯Lime Soda同Fruit Punch，純粹本身口渴想飲嘢Fruit Punch有少少果蓉，攪勻後好啲幾冰涼，味道只係少甜Lime Soda就較淡，但青檸味好fresh同解渴