影片
更多
2021-06-03
504 瀏覽
夏日炎炎點都要出去享受下陽光與海灘，不過怕曬如我當然唔會行出去爆曬，梗係搵間響海灘旁邊的餐廳，舒舒服服嘆住美食望海啦！我成日以為馬灣好難去，原來只要在葵芳或者青衣站轉巴士，快捷方便又唔難搵，平日個海灘又有樹蔭又唔會好逼人，好適合放假去 Chill 一 Chill 啊！搭巴士去到臨海廣場/海灘廣場落車，即係過左橋第一個站，然後入商場落沙灘就會搵到餐廳，路唔算複雜難搵。La Rosabelle 裝飾走希臘風情，藍白配色好適合影度假風打卡相！餐廳就在海灘旁邊，食完飯行出門口就可以玩沙，天氣好亦可以坐沙灘上面的座位啊。餐廳主打地中海菜式，即係用天然食材陽光調味的清新飲食，所以我地都揀左幾款必吃的地中海名菜。主食有薄餅、意粉和各種肉類可以揀。飲品都以酒精類為主，當然也有汽水果汁啦。Hoegarden HK$60 / Corona HK$45不過對住陽光海灘係會好想飲啤酒既！Draught Beer 原來咁大杯，真係飲啤酒都飽喎！特色地中海四式泥蓉配彼得包 HK$168地中海菜最出名一定係HUMMUS，最經典係鷹咀豆，另外有茄子、紅椒合桃和辣味鷹嘴豆，四款味道都唔錯，不過紅色果兩個都幾辣，點青瓜都
夏日炎炎點都要出去享受下陽光與海灘，不過怕曬如我當然唔會行出去爆曬，梗係搵間響海灘旁邊的餐廳，舒舒服服嘆住美食望海啦！
我成日以為馬灣好難去，原來只要在葵芳或者青衣站轉巴士，快捷方便又唔難搵，平日個海灘又有樹蔭又唔會好逼人，好適合放假去 Chill 一 Chill 啊！搭巴士去到臨海廣場/海灘廣場落車，即係過左橋第一個站，然後入商場落沙灘就會搵到餐廳，路唔算複雜難搵。
La Rosabelle 裝飾走希臘風情，藍白配色好適合影度假風打卡相！
餐廳就在海灘旁邊，食完飯行出門口就可以玩沙，天氣好亦可以坐沙灘上面的座位啊。
餐廳主打地中海菜式，即係用天然食材陽光調味的清新飲食，所以我地都揀左幾款必吃的地中海名菜。
主食有薄餅、意粉和各種肉類可以揀。
飲品都以酒精類為主，當然也有汽水果汁啦。
Hoegarden HK$60 / Corona HK$45
不過對住陽光海灘係會好想飲啤酒既！Draught Beer 原來咁大杯，真係飲啤酒都飽喎！
特色地中海四式泥蓉配彼得包 HK$168
地中海菜最出名一定係HUMMUS，最經典係鷹咀豆，另外有茄子、紅椒合桃和辣味鷹嘴豆，四款味道都唔錯，不過紅色果兩個都幾辣，點青瓜都食唔掂，建議唔食得辣都係揀返鷹嘴豆或者茄子。茄子泥充滿碳焦香，我非常鍾意！
特色地中海薄餅 HK$128
這裡的薄餅用類似彼得包的麵皮做底，地中海口味有茄子、青椒、橄欖、洋蔥、雅枝竹、番茄和紅洋蔥超級豐富！不過最正都係有勁多 Mozzarella 和 Feta Cheese，啖啖都以芝士味為主，完全食唔到我唔鍾意的青椒和橄欖，呃細路食蔬菜之選！
薄薄的麵包餅皮，批邊咬起來脆口，配厚厚的餡料又幾爽。
香草牛油烤全雞(去骨) HK$298
朋友吃這個烤全雞，已經起好晒骨真係方便，用碳火烤過火喉十足。伴碟的薯條都幾脆幾好食，沙律用油醋汁清爽返。
舒舒服服享受陽光與海灘，又有啤酒和美食，我非常滿意自己這個安排。
張貼
