L.D.K. by Ufufu Café (新城市廣場) (已結業)

已不知是第幾次幫襯了，它已成為本人的食堂～來自九州的日式西餐廳。我最愛牛肉飯，既便宜，又美味：越光米粒粒飽滿，牛肉份量極足、軟硬適中、油香可口，才70多元一大碗，細食之人會食唔晒。而芭菲，則是我的最愛，愛它色香味俱全。今次食比利時朱古力栗子芭菲，又香又甜又滑的栗子茸覆蓋著自家製黑朱古力雪糕、雲呢拿雪糕，再其下是一些脆脆和香蕉，好味極了，味蕾要懷孕了，哈哈！

閨蜜的牛一，當然要食餐好的賀一賀佢，位置選了在沙田的新城市，食飯前後又可以行下街，位置方便大家返屋企，不過新城市好多餐廳都冇得BOOK位，要排隊等，週末時段真係都幾難搞好彩這次我早，所以在附近幾間餐廳全部拎左飛先~~~還好 這間ufufu好快便有位不過就有限時食，好似係入座計90分鐘，還好我入座時，閨蜜下站便到沙田，那我先坐低睇住餐牌先望望張餐牌其實好多款都好想食，不過兩個女生真係唔食得多，加上我自己又聲稱話要減肥只選了一個蛋包飯加一個小食類，而又擔心此餐沒有蔬菜，所以又揀多左個沙律~~話咁快就送晒上枱，略嫌張枱有點細.....放了3碟已經冇位剩下來漢堡蛋包飯蛋包飯蛋汁豐腴，從外觀已估得到的滑溜口感，漢堡鬆厚，甘口的日式咖喱，最適合配襯蛋包飯ufufu南蠻炸雞記得看過一個日本美食節目講述如何製作南蠻炸雞，是先醃好雞肉，然後炸至香口，再蘸上糖醋汁及淋上他他醬，所以今次特登點來試下!!果然不負所望，實在很開胃，雞肉雖然是炸過，但在 酸甜的糖醋及他他醬加持下，不會覺得很油膩呢~~~煙三文魚沙律簡簡單單的沙律，沙律汁比預想中要多了一些，稍稍有點漏其實跟閨蜜見下面，食下好味嘢簡簡單單就已經好開心

咁岩係星期六，勁多人排隊。我諗我排左半個鍾。聽朋友講話呢度甜品ok, 所以行開就過黎試下。呢個咖哩吉列豬扒飯， 賣相幾唔錯，但個豬扒食落好似有d騷味， 同埋好難咬， 但個蛋係滑Ge, 咖哩就有少少偏咸。$148呢個牛肉烏冬就還好。符合預期的鼓油味烏冬湯底。$98綠茶brownie 係我order中最好食的了，但又唔係話好出眾個d. $48——兩個人食以上食物，埋單$323。整體黎講， 食物質素一般，所以對我黎講性價比低。

同阿仔去沙田食午餐經過呢間舖頭被佢嘅餐牌吸引住，但都等左一陣因為中午都有好多人食晏，午市有優惠套餐，我哋叫咗個鹿兒島和牛漢堡扒， 個漢堡扒好juicy，照燒雞肉柚子沙律好新鮮，個汁酸甜可口， 吉列豚肉咖哩飯，豚肉又鬆脆好味道！本人覺得貴左d, 不過值得一試

《來自九州的日本料理》今天放假約朋友食lunch, 係沙田經過LDK被佢餐牌同餐廳環境吸引😍💕，所以就食LDK。呢間日式咖啡店內有兩本Menu，🍱橙色果本係各式主要食品，🍧綠色果本係甜品Menu，主打多款抹茶甜品，非常多選擇咁吸引緊係要試下。我們2個女仔就小食，主食和甜品各叫一樣。九州風炸雞翼$48有5隻雞翼，配上沙律菜，令炸物不會感到太油膩！炸得非常非常脆 好吃👍🏻而且最中意個醃粉，好有日本風味，又唔會太咸❤️厚切煙肉卡邦尼意粉$88好濃郁嘅卡邦尼醬，令到每條意粉都有好濃郁嘅着醬，不過煙肉好像有點太肥，不過佢本身都寫明厚切。😂焦糖燒香蕉朱古力芭菲$78果然係甜品出色嘅餐廳！❤️❤️❤️非常吸引賣相，味道也沒有令人失望！香蕉上面有焦糖，上層微取的焦糖片，令到香蕉有個脆嘅口感，而且配上濃郁的朱古力醬，超級好味，好想再食多一杯！👍🏻LDK無論是主菜或是甜品賣相都是非常吸引！食物質素也是超出期望，上餐時間快。難怪餐廳門外排滿人，值得推介！！

和親戚在沙田找吃的一search之下見這家店的評價都ok而且是人人合宜的和洋料理便決定挑選這店來試試～～結果沒令人失望！我們4個人share一款小食﹑三款主食及三款甜品小食是南蠻炸雞主食分別是牛肉壽喜燒烏冬﹑和風蜆肉意粉及鹿兒島和牛漢堡扒佐咖哩蛋包飯甜品有法式吐司﹑芒果及椰果乳酪芭菲及抹茶芒果忌廉芝士蛋糕南蠻炸雞，熱騰騰的送上外皮炸得酥脆可口肉質不會粗糙配上他他醬及沙律菜來吃，能中和炸物的油膩感牛肉壽喜燒烏冬，壽喜燒湯底夠濃夠甜牛肉肉質軟嫩，略有牛味烏冬滑身，但不夠爽口，稔了些～雞蛋過熟了一點，沒有一戳便流蛋黃的效果和風蜆肉意粉，蜆的份量足夠蜆肉size適中配上本菇增添口感意粉夠爽滑醬汁香滑而味道夠清，不會帶來膩滯感鹿兒島和牛漢堡扒佐咖哩蛋包飯蛋夠嫩滑～～～和牛漢堡扒的牛味濃郁，牛味比牛肉壽喜燒濃好多肉質實在，不會太過鬆散咖喱味夠香，但不會掩蓋牛味及蛋味好味法式吐司，是整頓晚飯中最好吃的！！吐司的外皮酥脆，而內裡軟綿﹑綿密超香的蛋味又有點微微的蜜糖甜配上冰冷的雪糕及忌廉來吃，冷暖交融超好味的一份吐司正！！！味道一點都不會膩～～～嗜甜者可在格外加上糖漿來吃～～抹茶芒果忌廉芝士蛋糕，抹茶味

和友人到沙田食飯，得知這邊新開幾間餐廳，所以想一試，行到地下個層，有德國餐澳門餐、日本野都有兩間，一間係LDK，另一間係屋酒居，睇睇餐版，最少3、4百，仲要無乜人入去，最終簡了多人排隊的LDK。其實這裡也不是便宜，但看餐牌賣相係幾吸引的，我點了<吉列豚肉咖哩蛋包飯>外脆內軟的，但無乜肉汁，咖哩係幾好味的，容易入口，一點都不辣，蛋滑同口感幾順的，不錯幾滿足友人則點了<鹿兒島和牛漢堡扒咖哩蛋包飯>試食左一舊仔和牛漢堡，肉味濃烈，好吃，但肯定不是日本食到的那種，可能不同品種吧，另加一個小食，<黑松露醬可樂餅>個醬值得一讚，令可樂餅惹味程度錦上添花！服務員態度係有禮的，環境也算舒適，現時LDK只有兩間分店，期望生意之後能更上一層樓

今日假日又係要搵食既日子啦新地市廣場咁多食肆, 要食齊都唔係容易, 今次就試下這間先 !等既人流勁多, 應該唔會差掛. .. 我叫左:和牛漢堡扒佐法國鵝肝 ($168) 鵝肝都大件，味道很濃厚, 和牛漢堡扒, 剁得幼細，牛肉味重!牛肉壽喜燒烏冬 ($98)湯底較甜，有雞蛋, 烏冬夠彈牙，啱晒烏冬控既我加多38蚊, 仲有沙律同酥皮粟米湯 。沙律個汁好開胃, 酥皮勁香, 粟米湯好creamy

咁啱同朋友行過沙田搵食，見到來自日本九州嘅ufufu cafe，睇到menu都已經覺得好正🤣.白芝士咖喱炸雞讚岐烏冬 $88上來嘅時候都幾大兜，面頭個層係溶嘅白芝士，好smooth同creamy，食落冇想像中咁膩喎😍而底層嘅日本咖哩香噴噴，成件事都好夾🌞不過對於正在減肥嘅我有少許邪惡😈個讚岐烏冬浸落d汁度食超正😋啖啖都有芝士同咖哩汁。食到一半先記得個炸雞😂佢個外皮擺咗一陣都仲係脆，雞肉就不算嫩。朋友就叫咗蜆肉意粉同蛋包飯，佢地對食物嘅評價都係不錯👍🏻😜.味道👅：7.5/10價錢💰：6.5/10推介💡：7/10

星期六晚，未夠六點間間餐廳都巳經有人等位。我地一家人巳經五點半黎到，都等左五分鐘先入得。四個人，叫左🦌鹿兒島和牛漢堡扒（$98），日式肉汁蛋包飯（$78），肉汁燴牛肉蛋包飯（$128）同兩份白飯沙律酥皮粟米湯（跟餐加$48）。個沙律🥗新鮮，個汁酸酸甜甜，好食😋。個湯細細個，普通的忌廉湯，不過唔係度度有酥皮就真嘅😌。個鐵板有個細焗薯，大大舊漢堡扒，加埋個燒汁送珍珠米飯，正😎。至於肉汁燴牛肉蛋包飯，d牛肉煮得軟身又入味。個飯唔係普通白飯，係炒飯黎，配埋個滑蛋一齊食，成件事好match😎。日式肉汁蛋包飯就只不過少左燴牛肉，就唔多講。總括而言，一間唔錯的餐廳🍴，今次食得太飽，食唔到甜品🍮，下次再黎試過☺️。

今日下午去了這間日式Cafe店食午飯都有很多不同種類的選擇，食物的賣相真的十分吸引午餐時段叫了主菜可加$20配上沙律，餐湯或白飯，咖啡或茶，再加$20可換成特飲午餐時段需要等一會位，人都坐滿了最後決定一試這個三色丼，因為3款都是我很喜愛的食物先來了餐湯，白湯味道普通，柚子雞沙律的蔬菜很新鮮，柚子醬汁很開胃主菜上桌，從淡口味開始吃起，吞拿魚腩配上新瀉米很美味，帶子刺身配上柚子醋汁飯很醒胃，最後來碗熱呼呼的牛肉飯，滿滿的肉加上甜美的醬汁，很完美最後加配了白玉紅豆綠茶飲品，熱飲都用碗上桌的，不要落糖配上紅豆蓉甜味剛好，紅豆蓉也不會過甜，配的杏仁餅也很對味埋單$184感覺很抵吃

今個週末執屋執到攰，趁機同班fd食好西補充返d能量先😆今次呢間來自日本九州新登陸既日式西餐Cafe😍L.D.K. 原來解作 Living, Dining & Kitchen 既意思，體現家既感覺，聽落好似幾適合我個性喎，等我黎試下先😃.<大蝦水菜羅勒忌廉汁意粉> 😍.一打開個menu見到呢款意粉就心心眼啦，原來呢款仲係招牌菜之一。日本文化最重視包裝，一上菜已經被精緻既碗碟吸引住，色彩繽紛，未食已經加分👍羅勒既幽香點綴著忌廉汁意粉，入口creamy，意粉彈牙配埋爽甜既大蝦的確唔錯😋.<博多明太子烏賊忌廉汁意粉> 😍.至於呢款意粉，明太子既味道特出，配合忌廉汁，有意外既驚喜，食完一啖又會忍唔住食多一啖咁啦😆.<汁燒牛肉丼> 😋.的確比一般牛肉飯出衆，牛肉鮮嫩唔會太肥，白飯採用新潟米，香軟彈牙，食到日本既味道💕.整體上好味有驚喜，80%食材由日本引進，如果想食日本西餐，都係唔錯既選擇

見到Ufufu 已經開左門，時間嘗早，未見有太多人同需要排隊買完飛就入座雞扒：雖然只有半份，但以早餐黎講係足夠的，雞扒都幾厚身，唔太*鞋*，味道唔錯，鹽好似落重左少少😌Pancakes:較乾身,沒有太大驚喜滑蛋：唔錯其他？蕃茄有蕃茄味，菜有菜味😂😂雖然我唔係環保份子但一見到成份餐具都覺得呢間餐廳實在太唔環保了把膠刀連雞扒都切唔開😫😫最後都係原塊食

6點鐘就黎食 見網上講到好似好吸引 咁咪黎試吓 估唔到黎食飯都可以有bad feeling 叫左2次加水 冇人黎加叫起甜品 過8分鐘未黎 同服務員講 佢話吾記得 叫左個芒果菠蘿芭菲 上面既水果係預先切好 放入雪櫃 需要用就拎出嚟 所以啲水果係硬 食緊冰菠蘿 冰芒果 水果唔新鮮意粉未熟 佢話係咁 但內外都係硬身質地 同我講到吾想幫我叫廚房再煮熟啲地方狹窄 坐卡位ok 但你安排坐椅就容易撞到其他人地下污糟 晚市剛開始都冇人嚟清潔價錢貴 唔值呢個價 絕對吾會再黎幫襯

唔講咁多，睇圖先罰食賣相一流，個湯好得意，外面包左酥皮，撈埋啲粟米湯好飲，好配合其條野食都係合格以上分數，晚飯時間好多人，等左大半個鐘先有位侍應好好服務，主動幫手安排bb坐位，又主動幫我地斟水10分適合一家大細