Kozy Okonomi-yaki Teppan-yaki

營業中

休息中

今晚同屋企人一行6人去食生日飯。舖頭唔係好大。餐枱可以坐到18人，Bar枱坐到10人左右。Book 左7點但係早左少少入座，全場都滿座嘅。一坐低都即刻落晒order，但係啲野食都半個鐘後先開始上菜。訂枱時話進餐時間90分鐘，但最後啲野食2個半鐘之後先至上晒。係好味嘅，但上菜真係太太太慢啦。蟶子好鮮甜。好味。大蝦好大隻好彈牙。好味。沙肝以為係肝原來係雞腎。不過都好爽口。隻蠔好肥美，外面煎香，入面軟淋淋，好味。和牛入口即溶。食完之後底下塊麵包佢會加芝士俾埋你食。奄列炒麵加左芝士之後好香，都飽肚。

已經唔係第一次黎食, 次次黎食都唔可以walk 架! 一定要訂位先!因為間餐廳較細, 如果多人黎唔想坐bar 枱就要訂定位先今次一行五人黎食晚飯~坐底好之後就叫食物~必點: 芝士蛋奄列! 呢個真係好好好味, 大量的芝士~自己一個食晒都可以!之後再叫左牛舌, 燒蝦, 燒雞, 鵝肝, 燒蠔, 豬肉大阪燒, 日式炒麵, 香蔥炒飯!味道都好好, 第一次食燒蝦很好食!

雖然不是偏執於覺得要當地人整當地菜先好味的人。不過這間由日本師傅主理的鐵板燒小店的而且確比好多香港其他的店做得更出色。芝士蛋奄列雖然店家無刻意話係招牌菜式，但係絕大部分人都會叫這道菜。提示要盡快食，蛋和芝士，很簡單的材料，比師傅以熟練技術去烹調，表面煎得帶點乾的表皮包住半熟的芝士蛋。入口的感覺是美妙無比的，幸福的感覺遍及全身，食完需要強大的意志力去抑壓encore 這道魔鬼般的菜式。牛舌牛舌切得細小，放入口唔會咬唔開，肉質鮮嫩醬料是芥辣，牛舌配上一點碟上的生菜才更均衡日式炒麵用鐵板炒麵特別惹味，麵條彈牙分明牛胸腹肉蒜香牛腹肉煮得岩岩好，點埋大陽蛋黃漿，更加滋味另外喜歡關東煮的朋友仔絕對要試試哩度既關東煮，係出奇的入味。最重要的是這裏的價錢絕對不貴，但以質素來說是頂班的小店。記得要訂bar 枱位

價錢太貴，50蚊一隻燒蝦，細細隻好唔抵食，食物選擇少，出菜真係超級慢，仲要限時兩個鐘，最後十五分鐘先黎晒，等到好眼訓，唔知想點，只可以話差差差差差！一定唔會再黎！Its a bit pricy and the food choices is really limited !The preparation time is long but the time allows is limited (from 7:30-9:30pm)! We placed the order at 8:00 pm ~4 dishes , 1st came at 8:30 pm , 2nd came at 9:00pm , 3rd came at 9:15pm n still we r waiitng for the 4th ,when i m typing now !Fairly speaking, the food is tasty ,but the serivce n waiting tme totally defeated my appetite

進場8:00 點了五道菜 痷列蛋過咸 ，食物無誠意 ，上第一道菜時間就花了20分鐘以上，鵝肝什麼味道也沒有只有超咸的醬汁味，全場只有兩個服務員，經常躲在一角，想詢問訂單狀況也要等5分鐘偶遇他會經過，到這一個步驟已經花了1小時，最不想遇到的情況還是出現了！溜單！再多等半小時食物終於來了，牛肉用麵包墊著，用餐後會加工成為芝士吐司，他馬的無間地獄又來了，又是一個漫長的等待！再等了半小時！我放棄了！打算結帳時還提醒我吐司還沒做好！我說謝謝不用了我用餐時間已經超過兩小時不想再等了！最後花了七百多港元吃了五道菜與一肚子氣！最後順帶一提！我的可樂也是他馬的沒氣！總結本來聽說這裏是日本人開的餐廳所以慕名而來，因為在我心目中日本人都是品質的保證！味道過鹹，食物品質，服務態度沒有一樣是可取的！在這樣的服務上怎麼還敢收取＋1服務費？這是我第一次寫食評，送給作為服務性行業卻不尊重客人的你們！最後我看到廚師工作可以做到一半出去跟客人飲酒，我就知道我這兩小時的等待是多麼值得了 ☺️

平時去開啲鐵板燒都頗貴，今次朋友帶我來 Kozy 真係又 cozy 又好味又抵食！原來呢度好受歡迎，要坐吧枱就要兩星期前 book 定，限時 2 小時，都食得好舒服。我哋食咗：蝦 ($98 2 隻）- 好大隻，好彈牙，好味蠔 - 調味剛剛好，唔太熟，甜！牛舌 - 應該係我食過最好味嘅!!!!!!!!蔥大阪燒 - 以為會好悶，點知又鬆又香口雜錦炒麵 - 麵彈牙，調味剛剛好，有八爪魚煙肉菜關東煮 - 好味，但其他嘢太突出比了下去 😝仲食咗wasabi 山藥、kimchi、炒牙菜... 全部都好味。雖然前台得 3 個人但係服務都 ok。埋單 $6xx 真係喜出望外！😍

店舖唔算好大 有分bar枱同 table 前一日打去book 位 職員同我講 係坐table 問o唔ok？因為bar 枱full左 要等到21:30先有位 所以我都係揀坐table 食既時間有2個鐘 去到時覺得自己去左日本咁我地叫左 燒帶子、野菜燒、芝士蛋奄列、豬肉大板燒第一樣黎既係 芝士蛋奄列 平平無奇既外表 但係一夾起上黎 d芝士好長 拉極都唔斷呀 食落去 滿口芝士 作為一個芝士控 覺得好正呀！值得推介之後上既係燒帶子 加上鹽一齊食 如果唔加鹽 就比較淡口 大大隻既燒帶子 好正！個野菜燒 有洋蔥 冬菇 茄子......燒得岩岩好 👍🏻隔左陣大板燒就黎啦！加埋紫菜 一齊食！正我地見到隔離枱叫左A4 和牛 個賣相好吸引我地係last order 時 都叫左個A4和牛柳 同燒甜薯雪糕個A4和牛 燒到5成熟 口感非常軟嫩 再飲埋啤酒 真係好有幸福既感覺！食完和牛 下面既多士會再加芝士上面 真係不得了！個燒甜薯雪糕 有d冰火既感覺 因為個蕃薯係熱既 再連埋雲尼拿味雪糕一齊食 邚特別！

呢間鐵板燒餐廳好多日本人去食，廚師也是日本人，氣氛一流！溫馨提示一下，大家記得坐鐵板燒枱，一路食一路見到廚師表演，好正！男朋友推介食魚腸，估唔到咁好食另外牛胸肉同鵝肝都好正

朋友誠意推介呢間位於銅鑼灣嘅居酒屋。今晚同男朋友收工就去呢度試食一下，環境唔大，一般大概坐30人左右。但呢間居酒屋嘅嘢食都好有特色，感覺好似去左日本一樣。我同男朋友都急不及待即刻叫咗好多款食。。坐左成晚，基本上冇一度菜我係唔鍾意食，全部都係非常有水準之作。唯一有啲美中不足就係個奄列好普通，有d餸菜覺得等嘅時間有啲長，好似一個大阪燒炒麵。。就等左一個鐘所有嘅燒海鮮火候啱啱好，仲要非常juicy，好食💕撇除海鮮，我自己亦有心水推介。。豬肉大阪燒加麵+ 雞腎必吃

Highball癮起，便去吃日式的鐵板燒鐵板熱度加冰凍Highball，最高享受晚上約十時才來，一到就可以直接入座可以直接看着日本師傅在面前煮自己點的菜欣賞日本料理的手藝整個氣氛也很醉人食物：關東煮，太餓了，吃完才記得拍照冬季遊日最梳乎莫過於在便利店門口吹着颯颯寒風，吃清新入味的關東煮而且一定要把湯喝光！這兒的關東煮不像便利店那些煮得爛透，湯也偏淡一點，但還是很清甜只是餸的選擇不多鹿兒島黑豬腩扒肉自然恰到好處，但比較驚喜的是底下的薯蓉磨得很綿，而且甜甜的很好吃鐵板炒的飯！一聽已經覺得好吸引結果真的很正！只是蒜蓉味並沒有很突出但日本葱真的很好吃，連平日吃米線要走青的我都不會抗拒 (雖然還是先把大部份夾給朋友了 haha而且師傅很貼心，上菜時已幫我們分好兩碗下次來一定要試炒麵！飲品：ハイボール Highball 最高！小記：享受近距離看師傅的手藝師傅都是日本人，但每次上菜都會用笑着用中文說菜名最近在看深夜食堂，覺得接近深夜來，避開人潮更加能享受

第一次去呢度食係上年12 月 經朋友介紹 博一博 walk in 因該一般都要預約 好在平日甘岩有位 遲少少都冇喇 入面地方吾大 成個環境都好日式 係大煙左少少 客人有一半都係日本人 所有野食都好好味 即叫即燒 份量吾大 但係就岩岩好 同朋友傾計飲野一流 絕對會再去

一向都不知銅鑼灣有這麼一家專吃大阪燒和鐵板燒的店，直到朋友發照片，才上openrice搜一搜，飲品menu有我喜愛喝的日式Lemon sour，就拍板了吃這家了。直到晚飯當天才想起來要訂位，心中不妙，趁店家6時一營業便立刻致電，幸好還有吧枱座位。吧枱約有10個座位，日本師傅在面前炒炒煮煮，也是一種娛樂，只是衣服會沾有油煙味，怕麻煩的也可選旁邊的卡位。Lemon Sour 、芝士蛋奄列前菜有些醃黃瓜、枝豆什麼的，甚有居酒屋感覺，點一杯Lemon Sour開場滿足自己，竟用上原隻檸檬，比在日本喝到的要酸。芝士蛋奄列當然能「邪惡拉絲」，入口溫暖，內裏的蛋既香又滑嫩。燒野菜朋友每次晚餐都必定點些菜蔬來吃，這裏的燒野菜可以點1.5份，就算3人來吃也不怕分不匀。師傅會在鐵板煎香各種蔬菜，再蓋上鐵蓋焗一焗，讓蔬菜更軟熟。每人能分到洋蔥、薯仔塊、露筍、香菇和茄子，各樣都頗鮮甜，點來中和一下肉類太多的問題。豚肉炒麵燒大阪燒加上炒麵的合體，師傅兩三下子就弄好，份量也頗大的，足夠2-3人分享。這裏的大阪燒粉漿和材料的比例挺平衡的，醬汁和內容滿滿。鹿兒島黑豬腩扒額外追加了一份豬腩扒，吃下去十分香口，不用點藻鹽

呢間d師傅係日本人，我坐係吧枱對住師傅整野食，介意油煙就唔好坐吧位啦..我叫左帶子，蠔，聖子，A4和牛，大阪燒，兩杯有酒精飲品。眼見都好多日本人去..嗰度地方唔大所以一定要book位！如果想坐吧枱book位嘅時候要講明..對住師傅就冇咁悶囉，可以睇住師傅整。我覺得等嘢食就攞咗少少，不過佢得兩個師傅整，望住佢地都明白點解咁耐！我覺得呢度啲嘢食都幾好食， 特別推介A4和牛，真係好正， 食完啲和牛底嗰塊麵包，佢會拎返加啲芝士落去好似做到Pizza咁，都好好味！反而成餐飯最普通係個帶子。埋單total七百幾蚊連加一。我都會再去食👍🏻👍🏻

朋友一直高度推介既居酒屋有幾次都想walk in食但都full booking終於揾日平日訂左枱黎七點呢啲時間都坐三分之一左右可能因為D枱留哂比訂左枱既客人差唔多到八點就坐滿見食評話啲人特登book坐bar枱睇師傅整不過睇落都幾大油煙 所以無坐到首先揀左枝豆呢個冷盤枝豆份量都唔少既 不過就普普通通另外仲叫左芥末山藥平時都幾中意食淮山 但有得叫既地方唔多!山藥切成幼條 有天然既黏液依附住最關鍵既一定係個芥末醬囉少少已經食出果陣刺辣味而且仲有芥末籽係入面 所以同平時食既芥未唔同關東煮平身唔太特別 不過去居酒屋都要點黎試下蘿蔔好淋身 食到有渣 清清甜甜咁仲有蒟蒻 蛋 牛筋串同埋豆腐最好食係串牛 勁彈牙 仲有牛肉好爽口好想ENCORE多串!不過湯其實好淡 ...燒物就叫左雞腎切左粒後既雞腎幾方便分享好具口感 咬落sok sok聲!墊底有堆芽菜雜菜不過都幾油所以無食...

星期六晚，放鬆少少食貴啲。嚟到銅鑼灣，由於同行友人需要修眉，所以book呢間日本大阪燒七點鐘啱啱好。地方細細，裝修精美，坐到大概2-30人到，比我想像中少。星期六日放鬆心情，食飯飲番支清酒係必須的。我同同行友人習慣凍飲，而今次叫左支月山，入口清純，味道唔算好重，男女皆宜。芥辣八爪魚芥辣夠味，八爪魚亦都爽口算係好新鮮。芝士蛋奄列，同行友人唔食芝士嘅都覺得OK ,因為芝士味唔太濃。不過整體來講就咸咗啲，味道清啲會更好、突出返啲芝士味。牛舌爽口，不過略嫌鹹咗少少同埋熟咗少少，可以生少少就perfect! 不過，點牛舌嘅芥辣先係亮點！關東煮出奇地好食, 得到同行友人歡心。叫左蘿蔔、豆腐、牛筋，蘿蔔豆腐煮得入味好食唔難，但竟然牛筋都做到肉嫰筋爽，值得一讚！個蝦燒得啱啱好，唔會太熟乾晒，留有肉汁。重點係佢連個蝦頭都燒得非常好，唔需要自己剝殼都可以食到個蝦頭嘅膏。豬肉大阪燒加左年糕，同行友人好鍾意年糕，但我就麻麻，因為「漿」住個口。我覺得加左年糕好唔夾，但係同行友人就非常歡喜。雖然整體嚟講都好食，但係豬肉份量唔多，要好細心先搵到。同行有人叫呢個燒甜薯雪糕不得了，牛奶雪糕味道香滑，燒薯竟然同雪糕出奇地