Karui Bento

營業中

休息中

今日我中環OL想同大家分享下我lunch time外賣既選擇之一，事關近期有新人黎就係問我附近有咩好食。其實好多時我都係趁放飯時間走去做瑜珈，番到去lunch hour 都差不多完，所以外賣最緊要快靚正！Karui Bento離我office 十分鐘，一向都見有好多本地同外國人黎買，特別係做gym/做瑜珈/想食得健康啲既中環人都會黎幫襯。如果我夜晚要上堂果日，就會買定多個食埋先上堂。今日我買左挪威三文魚配野菜便當 同 杭椒牛肉配野菜便當。個三文魚煎得幾靚，反轉睇到調味黑椒係後面；而牛肉多到幾乎滿哂個飯盒，打開聞落好香。佢啲飯盒營養比較均衡，有好多菜，啲野菜另外調味炒過好好味。飯量都多，完全唔怕食唔飽。

近年越來越多餐廳標榜健康飲食，最近同事向我介紹呢間位於萬年大廈嘅Karui Bento，主打營養豐富嘅日式外賣便當，今日趁住遲放工，唔想煮飯，一於買兩個飯盒返屋企兩口子食算數。餐牌上選擇都算多，有照燒雞扒，燒汁豚肉，鹽燒鯖魚，杭椒牛柳，味噌比目魚，挪威三文魚，泰式咖哩雞，同埋麻婆豆腐，配紅米飯，溏心蛋同埋菜，價錢由＄68至＄108不等，可以以優惠價＄2加配飲品，＄12加溏心蛋或味噌湯，及＄12由飯轉做全野菜便當。餐廳標榜食物營養均衡，無味精之餘仲少油低卡，如果將個飯盒分成4 等份嘅話，1 份係緩釋碳水化合物，1份係優質蛋白及 2份係新鮮蔬菜，配埋紅米，真係相當健康。挪威三文魚配野菜便當：三文魚大大塊，煎過後一打開飯盒就早到陣陣香味，魚皮非常香脆，魚肉鮮味濃郁，食落好嫩滑，非常高質。照燒雞扒配野菜便當：雞扒份量都幾多，餐廳亦選用優質雞腿肉，肉質嫩滑，煎過後表皮呈金黃，配埋香甜嘅照燒汁食，非常惹味。紅米比例比想像中少，不過可能係因為唔係個個都食紅米，呢個比例會比較大眾化，不過對於喜歡食紅米嘅我黎講，如果比例高啲，咁就更加好啦。蔬菜方面有西蘭花、椰菜花、紅蘿蔔同菇，非常新鮮，配埋半隻溏心蛋，

餐廳提供數款外賣輕食便當,每款以優質蛋白同新鮮蔬菜為主,low GI carb只佔1/4,健康又有營養,減肥一族仲可以以$12轉全野菜便當,配合作no carb diet!!另外,佢地仲提供手機預購自取,買lunch食唔使排隊等,好方便~照燒雞扒配野菜便當 $78餐廳選用優質雞腿肉,再以無油方法烹煮,煎到表皮金黃香口,而能鎖住肉汁,口感很結實同更加軟嫩!挪威三文魚配野菜便當 $108三文魚經煎烤後,魚皮香脆,三文魚少刺而口感佳,配上五種新鮮蔬菜同溏心蛋,營養滿分!

主打健康便當🍱, 每一份都係即時製作, 著重均衡飲食, 餐牌上寫明：25%碳水化合物➕25%蛋白➕50%蔬菜, 仲標榜無味精、少油低卡, 好適合喺中環返工兼追求健康飲食嘅人士做午餐呢！🍱 挪威三文魚配野菜便當✔️含豐富omega-3脂肪酸三文魚煎至金黃色, 魚皮有少少脆, 有魚油香, 少油但又唔會乾身, 簡單調味突出到三文魚嘅鮮味, 同時保持到香嫩口感~ 飯同蔬菜嘅份量都幾多, 有西蘭花🥦、椰菜花、紅蘿蔔🥕、椰菜, 仲有半隻溏心蛋🥚, 營養價值高！🍱 照燒雞扒配野菜便當✔️含豐富蛋白質雞扒配搭香甜嘅照燒汁, 好入味, 雞肉煮得嫩滑帶肉汁, 上面撒上炒香嘅白芝麻, 令味道層次更豐富, 幾惹味的！採用咗紅米飯🍚, 比起白飯更有咬口、更有營養, 再配上香菇及蔬菜🥬, 營養均衡⸝⸝

味噌比目魚配野菜便當$98杭椒牛柳配野菜便當$78好味指數：😋😋😋😋😋抵食指數：💲💲💲💲環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：在中環工作的我，放工有事做，沒空煮飯。想買外賣🥡，又想吃得健康點，不想太heavy，就去了位於萬年大廈的外賣店買健康低脂日式輕怡便當。試了2款便當🍱。2款便當的飯都由紅米和珍珠米溝勻煮成，高纖健康，有咬口，而且紅米指數比白米升糖指數低。便當有差不多半盒蔬菜🥬，包括西蘭花🥦、椰菜花、紅蘿蔔🥕。菜的份量比一般便當多。至於那半隻蛋，就有濃郁鰹魚味。2款無油烹製的主食都不油膩但又不會覺得乾身。比目魚有淡淡的味噌味。杭椒牛柳的牛柳超級腍又入味，好味得多吃一份也覺得不夠呀！杭椒有點辣，可刺激一下味蕾。2款便當都低脂低卡，夠輕盈，又富有蛋白質，吃完滿足又沒有罪惡感。是減肥人士恩物呀！

公司黎緊搞event所以都選緊餐廳delivery做lunch option見到呢間便當好似幾健康幾吸引咁我咪打電話去問下delivery詳情囉聽電話既職員態度極之惡劣我生平未見過有人可以態度咁差仲要我只係單純問問題完全冇撩交嗌聽完個電話完全唔想試佢地既野食

己經食過幾次，都健康同份量岩岩好。試過有一次飯都未熟，今次仲要成條菜蟲係飯盒。質素相當一般 ，唔會再幫襯。每一次都要等20分鐘以上。唔需要特別去試了，衛生情況有待改善

係openrice 碌碌下，搵到呢間健康外賣便當🍱又有肉，又有菜，仲係紅米飯，就算有啲距離，都照去😆去到發現都多人等，但見啲人好快就攞到外賣，所以就照order😆😆😆▪️燒汁豚肉配野菜便當 $78一打開，豚肉嘅賣相唔似烤，似炸，而menu/收據上又真係寫住roast 喎😆😆😆但欣賞佢份量好多，味道甜甜地，口感軟嫩。隔離嘅菜同菇好驚係就咁烚熟冇味兼有草青味，但正正相反，冇草青味之餘，仲可以保留到菜同菇本身嘅口感👍🏻👍🏻最底係紅米飯，但略嫌紅米比例唔夠多🫣🫣🫣

疫情嚴重都要返公司做嘢當然要食好啲 本身諗住食壽司郎喺上環行無極限商場見到呢間咁精緻嘅便當外賣自取店決定試吓佢 門面裝修好似日本風格大概有8款嘅便當可以選擇我就揀咗個烤雞便當試吓烤雞味都幾重 雞扒嘅份量都唔少配雜菜同糖心蛋 價錢大概$80-120算係正常 都幾正有幾種菜另外可以用QR code落單你方便返工放lunch嘅人外賣包裝都幾精緻下次可以嘗試下其他便當+$2 有飲品 有三種選擇整體份量好夠仲有啲太多添 女仔食嘅話

今日OT食飯要叫外賣, 同事介紹我食而間便當, 話好健康好好味, 所以我就試下~餐牌選擇唔多, 得幾款便當可以揀,我求其揀左個鹽燒鯖魚便當($80), 唔包野飲, 一包紙包飲品要$12....加埋成舊水, 都真係有D貴..不過同事介紹到, 就即管試下啦~鯖魚中規中矩啦, 正常既味道~菜都ok, 估唔到係有味既菜!不過個飯就真係好硬好乾....唯一好食既係粒糖心蛋!! 真係好食!!雖然中環食飯係貴, 但個人認為而間便當性價比唔高, $100可以食到其他更有質素既飯, 所以可以不試~

今日諗住快食，隨便叫一個外賣，見到朋友話用WhatsApp落單叫外賣便當！所以我就搭單一齊叫咗一份🤣🤣朋友話呢度好多人排隊所以預先訂咗嘅話會方便啲！我叫咗一份味增比目魚野菜便當🍱一打開呢個便當嘅時候已經好有驚喜，成個便當嘅感覺好新鮮，而且呢分比目魚大大份，望落去就已經非常有食慾！再加上呢個比目魚食落去嘅時候啲魚肉好嫩滑😆再加上呢度非常健康，有好多好多菜！而且呢度嘅菜係好食嘅菜，啲菜都仲係好甜好新鮮！絕對唔係一般出面嘅飯俠咁求其！！整體來講非常有驚喜，真係估唔到咁好食！！下次都要再試吓唔同嘅便當先得！

仲記得之前行過見到呢一間外賣日式便當，有好多人排隊，所以今日見有時間，所以都過咗嚟呢度排隊試吓！聽啲同事講佢哋都有食過，係絕對值得排隊嘅一間餐廳！！而且呢度嘅便當全部都係即叫即整，保證新鮮熱辣，如果想食新鮮嘢嘅話，等待都係值得嘅！！杭椒牛柳野菜 ~ 呢個牛柳便當好豐富，而且加埋晒好多唔同嘅配料一齊食好正！而且仲有半隻留心蛋！成個便當望落去已經好豐富好有食慾！而且呢度嘅牛柳亦都好Juice好多汁！咬落去係好有滿足感！而且再加埋呢度係用紅米飯，我都未見過有出面嘅餐廳嘅外賣飯盒係用紅米飯做，所以真係非常健康嘅一間餐廳！

之前有係呢間餐廳係過好好食😋今日又突然之間好掛住呢度見到嘅味道，所以就忍唔住再過咗嚟呢度食嘢啦！一如以往又係有好多人排隊，不過好彩有上次嘅經驗已經拎咗卡片，所以就提早WhatsApp落單，所以今次唔使等好耐就可以拎到新鮮熱辣嘅便當👏🏻👏🏻😋今日食呢個鹽燒鯖魚野菜便當😋就咁睇賣相已經非常吸引！係大大條嘅鯖魚！而且再加埋鹽燒嘅味道好香口！同埋呢個鯖魚都係得一條大骨，所以食落都非常方便！！而且呢度嘅便當最令我會再一次幫襯嘅原因係非常健康！依家香港地好少會食到以健康為主打嘅便當！好多都係貪求好食所以落好多味精，不過呢間餐廳絕對唔會！所以如果想食到新鮮健康嘅嘢食，又唔想自己煮完帶飯盒嘅話，呢間KARUI BENTO絕對係推介之選！👏🏻😋

平時呢個日式便當餐廳都係我自己嘅心水之一！喺中環食嘢周圍都好貴，所以有時候都想簡單啲叫一份便當就拎返公司食👍🏻簡單得來都追求味道質素！所以呢一間Karui Bento就啱晒心水！今次試新野，叫咗呢個挪威三文魚便當！呢個挪威三文魚非常非常好食！好友大師級嘅水準！應該係食材非常新鮮，而且係好高質素嘅三文魚！對於鍾意食三文魚嘅愛好者來講，一定係推介！魚肉好有鮮味！而且好滑！仲要煎得好香口好好食！仲有一個好出色嘅糖心蛋🤩呢個糖心蛋亦都好好食！入面嘅西蘭花亦都係我鍾意嘅菜之一！用心經營嘅小店，希望香港會有多啲呢一類嘅餐廳！

一直都好想搵到一間健康嘅外賣飯盒店，今日朋友介紹之後終於都比我搵到啦！！呢間外賣便當好似好出名，有好多人排隊好多人都係慕名而來！👏🏻👍🏻今日我都忍唔住排隊試吓！一試之後就知道就算排隊都係非常值得！！叫咗一份鹽燒鯖魚便當，呢個便當絕對符合健康標準，有好多嘅蔬菜同埋完全唔用油烹調！👏🏻但係味道亦都非常好！呢個鯖魚好香好滑，而且加咗少少海鹽一齊燒，口感好好，有少少香口嘅表面，再加上嫩滑嘅魚肉！清清地但係亦都好好食！至於呢個紅米飯亦都好香，配合埋呢度新鮮嘅蔬菜一齊食好正好夾！而且食咗咁多菜落肚，食便當已經完全唔係淨係快，都可以好好食同埋好健康！