Joystick

營業中

休息中

烤牛肉/雞肉bowl 有大大件牛油果，可以配椰菜花飯同櫛瓜面都唔錯，羽衣甘藍份量亦都好多。係低糖飲食既好選擇飲品包一杯羅漢果煲牛油果😂可以選凍飲或熱飲。真係從未飲過~~暫時試左烤牛肉，雞肉都幾好， 遲啲試埋其他主菜再update返comment。漢堡餐就比較貴，有興趣先再試。grove sandwiches唔知執左定裝修，仲以為無咩健康餐可以食，好彩搵到間好野❤呢個價錢有咁既質素，份量算係幾抵唯一要挑剔既就係鋪頭喺機鋪入面，堂食面積細，比較嘈，一般建議叫外賣。

之前食過幾次佢嘅健康飯盒都幾好。今日再用openrice order外賣，首先等咗好耐都冇人接，我喺同一棟building 返工就行落去睇吓啦。出面order area 冇人，企咗一陣間望下廚房入面（佢有個出餐嘅小窗口），就見到恐怖嘅一幕！入面果位廚師一路煮嘢一路喺個爐上面食煙…其實佢個位都幾開放，我唔知咁樣會唔會觸犯啲咩條例，同埋真係好嘔心。咁當然就係即刻cancel order and forever black list !!!

荔枝角D2一期多野食就係人都知，其實二期都有正野食😍 就係呢間主打burger、Poke Bowl同奶昔，仲要有埋生酮增肌menu!! 今次帶左閨蜜齊齊去呢度，餐廳原來係在室內遊樂場裡面，環境充滿玩味又色彩繽紛，氣氛好熱鬧，打卡一流❣️事不宜遲，即刻叫左：.🍔至尊牛王漢堡2.0 信我，一定要叫呢個！2.0即係有雙層牛肉，當然都有就咁一層牛肉既版本🤭 呢度burger既牛係手打牛，仲有用左和牛，所以肉味濃郁得來超有口感！當然仲有生菜同蕃茄，醬汁係精華，好惹味！.🍱芝士雞肉丸飯配甜椒蕃茄醬無諗到咁大份量😱 芝士雞肉丸有5大粒，口感好豐富，食得出係手打，質感好似我鍾意食ikea既肉丸咁🥹 加左芝士，所以好香！飯用左健康紅米來煮，粒粒分明，配埋甜椒蕃茄醬好開胃😋.🥓炸午餐肉呢個超香口，好好食！切成薯條狀咁炸，好惹味😋 旁邊既醬汁勁夾，自家調製，酸酸甜甜且微辣😍.🍓士多啤梨奶昔我稱之為世一士多啤梨奶昔！唔好講咁多，一定要點！味道就係似成杯都係半溶既Haagen Daz士多啤梨雪糕咁，超rich超濃郁，真係我飲過既最好味既士多啤梨奶昔！.🥛豆腐奶昔真係用左成件豆腐去打，超濃香既豆腐味，好香好滑！豆腐

Joystick 响 D2 二期嘅室內遊樂場入面，有好多美食供應，等大家可以玩飽就食食飽又再玩。🎮🏀第一次嚟食以為都係得啲熱狗，薯條之類嘅小食，點知都有素食嘅主食喎。呢個五色素嘅 bowl 一嚟已經見個賣相好靚，食落去更加好食。😋我本身其實少少抗拒呢種健康 bowl ，但佢個配搭真係幾好味，食落又唔單調，我覺得佢仲好食過 D2 一期專門做嘅 Pickabowl 添。而且價錢真係超抵，咁足料都係賣 $48 再送杯羅漢果茶，可選凍或熱，冇添加糖但都好清甜，又有益。😃💚而且個 bowl 有好多選項，首先可响雜菜同羽衣甘藍二選一，主糧就可揀紅米飯，蒟蒻烏冬，櫛瓜麵，椰菜花飯。椰菜花飯切得大粒唔似飯，但我反而鍾意因為有咬口。蒟蒻烏冬完全冇味，都係靠哂個醋汁一齊食，但就超滑。櫛瓜麵第一次食已經成為我嘅最愛，鍾意佢好清甜又夠飽肚。☺️👍🏼小食我就試咗日式蜜煉紫薯仔，$28 有八粒。焗出嚟超熱，小心燙口。味道就好甜好好味。🍠😛另外仲有芝士玉子焗牛油果。芝士好香濃，夠哂邪惡，不過食落覺得好似芝士還芝士，牛油果還牛油果咁，麻麻地呢個配搭。等佢整要等好耐（超過二十分鐘），而且賣 $40 又食唔飽感覺太貴了。😂

JOYSTICK位於荔枝角 D2 Place 二期室內遊樂中心入面，以俄羅斯方塊及霓虹燈元素作裝飾，🕹️玩味十足既餐廳。Menu有小食、手工酒精飲品，本來想試慢煮油封雞腿配油醋汁，原來平日先有，大家要留意啦！——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 紐約熱狗王 $35鬆軟麵包夾著熱狗腸，配上酸菜、菜醬、芥末醬、茄汁，經典美式味道。♥️ 乳酪通心粉 $22一整塊芝士鋪係通心粉，邪惡🤤。♥️ 惡魔之Z 🏎️ $52賽車主題🏁奶昔飲品，以豐富配料及奶油點綴，朱古力味濃郁，又靚又好食👍🏻♥️ 彩虹窩夫 $48軟淋淋既彩虹色窩夫，搭配忌廉，味道方面就麻麻，外表最適合「打卡」。- - - - - - - - - - - - - - - - - - - - - - - - - - - - - - - - - - - -——————————————♥———————————————

上網見到呢度開左間小餐廳，有彩虹窩夫影相好靚就即刻約朋友黎食餐廳好細間，得2張枱+一行吧枱，12個位左右，位置遊樂場入面佢門口一望就見到店內都色彩繽紛，而且佈置都好用心💯兒家萬聖節入面都有好多鬼、蜘蛛網呢啲應節裝飾店員都好好人，見我朋友未到送骷髏骨氣球陪我💀我地叫左3文魚多士，彩色雞翼，彩虹窩夫，兩杯奶昔食物影相打卡好靚，色彩鮮艷好吸睛味道就正常發揮，奶昔好好飲不過有啲膩，下次都係兩個人share飲好啲

D2 Place 二期室內遊樂中心PowerPlay Arena 內新開全新玩味餐廳，餐廳設計更融入俄羅斯方塊及霓虹燈元素，以搶眼的 Pop art設計餐廳菜單，視覺及味覺無限衝擊。紐約熱狗王 $35熱狗外皮烤到香脆，然後加上芝士、番茄、洋蔥，從顏色上來說就十分誘人。美國經典漢堡 $38麵包鬆軟，牛肉充滿肉汁。漢堡層次分明，配上白菌磨菇、蕃茄、芝士和生菜，要一口食盡所有材料不容易。賽車女郎(士多啤梨奶昔) $48頂層加了士多啤梨色一樣的碎粒，少女心爆發。士多啤梨果醬與牛奶拌勻，酸酸甜甜好清新。黃金戰衣(菠蘿奶昔) $48 賣相同樣吸引，帶點少女夢幻感。鮮奶特別香滑，散發出淡淡菠蘿味。