影片
以上資料只供參考, 請與餐廳確認詳情
相關文章
今日2015年8月11日星期一下午路經此店，以前買過牛角飽、葡撻、巴士克，都覺得幾好。但係今日買左蘋果肉桂飽同奶香花生雞尾飽，質地嘛嘛，餡料份量比其他地方嘅較少，麵包部分食起嚟質地有啲太實、太硬，但我本人最唔鐘意嘅係好黐牙。希望可以關注吓、改善吓啦！
繼續閱讀
呢間野真係好無禮貌！7月28號我媽咪代我去James Bonbon買蛋糕比兩位朋友我媽咪去到後唔知應該揀咩口味，於是打電話問我(媽媽電話無上網)，但係我嗰陣開緊會，我就叫我媽咪問店員可唔可以WhatsApp影啲蛋糕款俾我。店員好冇禮貌咁話「唉 又要影比佢 衣加好在無人啫 忙既話我真係睬你都傻」如是者我就係whatsapp同店員溝通，我已經三番四次同店員講聽唔到錄音，因為開緊會，問佢可唔可以打字，但係佢都堅持錄音，最後揀咗個細size芒果蛋糕，同埋寫生日牌之後我媽咪接咗我仔仔放學之後就去返James bonbon度比錢同埋拎走個蛋糕。而個蛋糕本身係我仔仔出錢買俾兩個姐姐，個店員就話「買咁細個蛋糕 失唔失禮人呀」哇！大佬，小朋友同我媽咪當下真係好尷尬唔識俾反應講真，我地買個蛋糕只不過係走個儀式感，唔係拎嚟食飽個肚，而且係一個小朋友既小小心意，你講呢句野係幾傷一個幼稚園小朋友既自尊心？之後仲要嫌我地搞得耐，話我哋搞咁耐但買個細蛋糕。大佬，你舖頭出得呢個size嘅蛋糕就預咗人買㗎啦。咁都要俾個店員歧視？而且我一早同你講咗我開緊會聽唔到錄音，係個店員自己不斷喺度錄音，唔肯打字，先搞咁耐。我媽媽夜晚同我講番呢件事，我真係好嬲，我媽媽話當時店舖入邊係冇客人。我哋就上網搵James bonbon電話，電話入面嗰個人話佢自己係老細，我同佢講晒件事，要求個店員打電話嚟道歉， 我唔知係老細包庇定係店員唔肯，總之店員到最後都係冇打過嚟道歉。個老細仲要話「小姐，我諗你未做過飲食業」我真係O晒嘴，禮貌係個人情操，唔係飲食業/其他行對獨有囉佢嗰晚都唔肯道歉，我嬲嬲地，而且個老細好似乜都做唔到，又包庇咁。我就WhatsApp番嗰個電話鬧返個店員。而到最後件事都係冇處理，亦都冇道歉。之後我上Instagram啲post見到口中所謂嘅店員 好多時都出現喺IG post嘅相入面唔知個店員其實係咪就係老闆娘呢？
繼續閱讀
又貴又唔好食。 已經係第二次食佢。都係唔好食。第一次經過嗰時見到好多人排隊，所以跟風一齊行入去買佢嘅招牌麻糬波波。食完已經覺得好普通。今次經過見到都係多人買，屋企人話想試吓麻糬波波要成$20/1個 $60/4個⋯ 買5送2 所以俾多次機會佢，入去今次買埋個花生醬雞尾包（貼係出面話你感謝價$30/3）點知佢係連個包都好普通，你唔可以話佢難食但係麵包囉⋯ 唯一一個優點係佢個包食完之後唔係食空氣囉。相信絕對唔會再幫襯第三次。
繼續閱讀
好多口味都試過，最鐘意都係無餡最平果幾款茶味同朱古力同菠蘿皮朱古力有款貴啲，如果對濃唔濃無咩要求揀平果款就得鐘意買埋其他舊式麵包，啲麵包都幾實淨唔係而家空心果D舊式蛋糕都都幾足料同有蛋香，係懷念既味道，食完會飽肚
繼續閱讀
呢間嘢出晒名做麻糬波波，不過最近出咗一系列嘅烘焙產品，今次試吓呢個開心果曲奇餅超鬆化超脆 ，有四件會見到都幾大塊 ，另外呢個麻糬蛋撻睇美食廣告介紹，果然名不虛傳 值得推介 佢個皮好脆 咬落去中間有黑糖麻糬煙煙韌韌同個蛋好夾👍👍👍仲有新出咗啲其他款，下次再試 前面行過兩間舖有間Cafe 再試埋佢哋嗰班拿蛋糕同埋買咗一個生日蛋糕送俾朋友 朋友都好滿意呢個生日蛋糕入邊係中間係麻糬 作為麻糬嘅超級粉絲 都都係值得推介 。
繼續閱讀