James Bonbon Bakery

營業中

休息中

這間店一直放在口袋名單，但之前太火熱的關係，人潮湧湧，至少要輪候半小時以上。今天巧合有時間可以來到，預計要輪侯半小時的我，好開心見到只有5-6個人在排隊，所以不到十分鐘就買好了。其實店舖外觀跟一般小店麵包店無異，地點靠近銅鑼灣地鐵站，要找也很容易。本人一直偏愛麻糬波波，對於這店的產品滿有期待，因之前朋友買了給我試，放了一夜再嚐味道仍然叫人念念不忘。本來想買菠蘿皮麻糬波波，但到我時剛好售罄🥲，只好選其他口味了，所以大家排隊時都選定後備口味了，因每人限買6個。剛拿上手的麻糬波波熱辣辣漲卜卜，所以店員給的袋子都不會封口，看噴噴的味道走在街上也吸引了不少人留意🤣其實這是我第一次見它漲卜卜的樣子，新鮮出爐一定比較好吃，但如果要買就不要買原味，因為原味沒有菠蘿皮🙈，其他味道都有，而且菠蘿皮比較好吃，最令我念念不忘的是好少會有齒頰留香的感覺，而且放了一兩天的味道仍沒有失色，不過提一提這個不用翻熱的。這個推介大家可以試一下，因為作為新界人的我都計劃著要出城再買😆

是前一陣子超人氣的麵包店！那陣子天天都大排長龍，而且排了還不一定買得到呢。到訪時熱潮叫做稍稍減去，大概等待了20分鐘就買到，不過排隊時對於出爐時間﹑口味之類的都無從得知，是有點迷惘～幸好排到我時各款口味都有供應，每人限買6粒的情況下，購買過程都算是順暢的。❝麻糬波波❞ | $10一口氣試了三種口味，看它們在透明膠袋內排排坐是很療癒～拿回家中已經全部扁塌下去了，不過用氣炸鍋輕輕翻熱之後，又變回好像出爐時會看見的波波形狀了。〔伯爵茶味〕是有淡淡的茶香但不太突出；〔朱古力味〕有朱古力粒粒，比較上有多重口感；〔抹茶味〕是出奇地受我喜愛～是淡茶口味﹑微甜的。菠蘿皮香脆，又有那種一咬就散落四周的質感，加上內裡的麻糬即使在翻熱以後亦保持到煙韌口感，如果不用排隊又剛好經過，買一兩個當茶點絕對是開心事呀～𓂃𓈒 𓂂𓏸 James Bonbon Bakery 𓏸𓂂 𓈒𓂃 @james_bonbon_bakery 銅鑼灣邊寧頓街9-11號登龍閣地下C1號舖銅鑼灣F1出口／3mins每日07:00 - 22:30（麻糬波波是12:30才開售）#17銅鑼灣#17甜品尋找更多高質感食事提案⋯@17feelgood

週末下午大概花了二十分鐘排隊等待出爐!今次買到了原味、芝士和抹茶味🥰放在膠袋裏拿回家後都塌掉呢。。。各種口味的味道都不算濃。原味和芝士味是一般的麻糬波波 ，口感煙韌。只有抹茶口味有菠蘿皮。有菠蘿皮的麻糬波波比較扁身，因為比較扁身所以麻糬波波煙韌的特色不明顯。如果不用排隊可以再回購。但個人覺得不算特別驚艷 個別街坊小店的麻糬波波更吸引。The mochi balls are so-so in general, would worth a try if no queues...

Try咗呢間銅鑼灣麻糬波波長龍店啱啱開業嘅時候 佢直程要排隊1 hour 🆙總共有5個味道：原味、菠蘿包、朱古力、伯爵茶、抹茶今年一月嘅時候價錢係$15/2個而家已經微調到$10/1個琴日剛好經過 排10分鐘就買到了要企喺門口排隊 等佢嗌先可以入店買到佢即喺焗爐盤上夾起嚟入袋 摸上手是熱辣辣的買完之後 行咗一輪 終於坐低試食入口脆口煙靭 有麻糬波波嗰種空氣感味道其實同「普通麻糬波波」沒太大分別味道不過不失 經過可以一試但如果要排一粒鐘 真係不要浪費時間…整體性價比：🦖🦖James Bonbon Bakery 地址：銅鑼灣邊寧頓街9-11號登龍閣地下C1號舖

放工經過見到條隊唔算長就諗住試下佢啦，排左15分鐘，最後買左一個菠蘿皮、朱古力、同當日限定花生味QQ球。菠蘿皮QQ球 $10其實就係放大版既麻薯波波😂完全唔明有咩咁特別，唯一值得讚既地方係新鮮出爐，拎上手仲熱辣辣，唔算太甜，不過不失👍朱古力味QQ球 $10好失望，面頭得個一粒朱古力豆，朱古力味一啲都唔出，求其搵間街邊既麻薯波都抵食過佢😂限定粒粒花生QQ球 $20個店員話花生味係今日限定，裏面仲有餡，我本身都覺得幾得意，以為係花生味cream，所以先買，點知一打開先發現只係中間夾左啲花生醬加烘過既花生粒🤡🤡🤡咁樣就收我$20，極之搵笨，以後都唔會再黎食！其實菠蘿皮麻薯波波四喜都有出，價錢仲平好多，如果撞正新鮮出爐，A1、yamazaki個啲都好好食，無必要特登黎排隊買….

呢間買麻糬波波🥨🥨🥨無論咩時段都起碼排10幾人今日做完facial9點幾無人梗係一個箭步衝入去買啦🤣🏃‍♂️🏃‍♂️🏃‍♂️🏃‍♂️🏃‍♂️總共有5款口味原味、菠蘿皮、抹茶、伯爵茶同朱古力🍵🍫好可惜朱古力味未出爐＄10／粒價錢都叫合理我唔係一出爐就食🔥🔥🔥係攞到返屋企先食甚至乎第二朝返工都帶咗2個食但都keep到水準wo✅首推伯爵茶味面頭有啲黑芝麻粒茶味十足🌞面頭脆度、內裏甜度全部都好足但我自己覺得作為麻糬波🌈煙韌性如果再強啲就perfect啦

the BEST is 有俾菠蘿包個面的唔un,下午買晚上食都唔un要排隊先續個入店買如果無乜人 都可以一試呀！見隊短人少就出爐 咪買黎食下囉！原味（無🍍包皮面)其實 同 普通麻糬 差唔多 唔算太濟 合理價錢size🍍包皮的值得一試的就是 菠蘿包 個包變左做麻糬 幾得意 😎好食既綠茶🍵 （🍍包皮面)我幾鐘意 唔太濃綠茶 但係好味既期間限定味：雙重脆脆朱古力🍫值得試面有好多粒粒朱古力夾左栗米片個種粟米波 雖然林左 但同朱古力麻糬好夾

呢間麻薯波波之前排晒長龍，大家都知我最憎就係排隊🫢所以我當然唔會去排🙈🙌🏻 今次難得有好友攻略排完買畀我，真係要特別credit返🥰麻糬波波($10/個)有五個口味，分別係原味、原味菠蘿皮、伯爵茶、朱古力同抹茶，由於拎到返屋企經過咗成個鐘，所有麻糬波波都已經全軍覆沒扁晒🫠不過用焗爐翻熱5分鐘自己覺得都還原到出爐嘅口感🤪外層菠蘿皮脆脆地咁，入面嘅麻糬以我本人食過嘅麻糬波波來講算係幾多👌🏻咁多隻味入面，伯爵茶嘅佛手柑味道比較突出，朱古力味仲有啲朱古力粒粒喺入邊，焗完之後會有熱熔嘅效果🍫但自己就覺得菠蘿皮有啲畫蛇添足，而且好多時一咬落去就碎晒，唔係好感受到個口感，所以最鍾意其實係原味🫣整體黎講都幾好食嘅，不過覺得唔係驚豔到要排成個鐘買，最推介都係啱啱新鮮出爐嘅時候買，然後直接食，成個購物體驗應該係最完美😛

因為約咗舊同事食飯落咗銅鑼灣! 經過@james_bonbon_bakery, 發現得十個人排隊仲要新鮮出爐, 一路排隊一路已經聞到陣香味❤️❤️❤️所以一路等一路好想食！然後我揀咗菠蘿皮味,抹茶味,同伯爵茶味！菠蘿皮/抹茶/伯爵茶味-$10熱辣辣新鮮出爐, 好煙韌軟糯！個菠蘿皮亦幾脆身！不過伯爵味同抹茶聞落好香，但食落就唔係好重茶味，加上皮偏甜，岩怕茶澀味嘅朋友😁我排名：伯爵>抹茶>菠蘿我到屋企再食，已經唔經熱辣辣果回事,係咪要叮返熱/焗熱先可以再食？🥹

見到有人排隊，所以試下但係入到去服務態度極差，個態度俾人嘅感覺就係 你食就食唔食就走，有得食你執到咁…好似佢施捨俾你咁食左其實佢個味道真係唔差，不過又唔係特別同好食到要再去買，所以整體泥講中中等等

前幾日下就經過見到好多人，入去舖頭望吓聽到啲店員會同顧客介紹下仲有啲咩口味，daily special 又係咩口味，服務好似幾好但咁樣真係有排等，所以都冇買到～今晚放工再經過，見到冇乜人，仲有就係個店員話仲有幾分鐘就會出爐，所以今日決定買來試吓買左2個伯爵茶同1個綠茶，熱辣辣，新鮮出爐，承為$30 夜晚都會有人排隊買（但少人同快啲），同埋咁夜都仲會新鮮出爐，真係覺得如果夜晚仲係銅鑼灣嘅，晏晝唔使花咁多時間排隊買…..好快就食咗個伯爵茶，叫佢分開用袋裝，係軟林林，有咬口，味道整體都唔差，但值唔值$10一個就見仁見智食完未有好吸引我…..我應該試過一次就算啦⋯⋯

✨原味波波 麻糬波波 空心 口感少少煙韌 ✨抹茶麻糬波波菠蘿皮微脆 質感帶少少粉麻糬波波 好空氣 少少煙韌抹茶味 有少少假 略甜✨伯爵茶麻糬波波伯爵茶 有淡淡伯爵茶清香 略甜✨流心朱古力麻糬波波流心朱古力醬偏稀 朱古力味尚可 味道好一般 個人覺得不值一試幾款菠蘿麻糬波波空心 得個甜字當日買完即刻去附近商場到食無論熱食同凍食一樣唔好食小店環境細 出爐時間慢當日前面只有五個人都排咗接近40分鐘有種感覺似係拖時間製造人龍服務正常 價錢普通 好食就唔算貴 但我地完全唔識欣賞

之前去開銅鑼灣都好想試下傳說中嘅James Bon Bon 嘅麻糬波波，雖然嗰次無乜人排但要熱屎辣辣企喺街等波波出爐就打消左呢個念頭後尾發現門口張告示，先知原來平時排隊係會排到對面馬路今次去銅鑼灣，又裝下有無人排隊先，諗住每隻味都買返個試下今次都係幾個人排隊，但仲有波波買就排下隊啦點知到我時得返最後四隻，店員就叫我要晒四隻啦，如果唔係就要等下一輪出爐我唔想做排隊L，要埋最後嗰四隻就算可惜四隻有兩隻係重覆左味道，試唔到多個味添到手味道有抹茶，伯爵茶，朱古力開頭個波波都好大隻，後尾見住佢隨住時間嘅消逝越黎越扁，縮埋一注三隻味都ok相對出面嘅麻糬波波，呢度軟熟好多，但佢軟得黎又唔會無左煙韌口感雖然味道都唔錯，但係如果要排隊等出爐我又唔會排

呢間小店名物- 「麻薯波波」早已久仰大名😎聽聞閒閒地排隊冇－個鍾都九個字今日5:xx經過，見到得3個人排隊眼見餅房已經焗起左整裝待發準備出來果然…等左5mins買到了佢限購每人買6個眼見前面果啲人購物既節奏都係6個款唔同味我第一次試食只係買左個芝士味 $15其實佢扁得好快見到有啲係個焗爐盤入面未賣既都已經扁左少少芝士味好香拎上手熱辣辣口感煙韌係幾好食既不過大部分面包新鮮出爐都實好食嫁啦（笑）要排over 15mins 都真心不了幸運地買完才見到條人龍 (笑）

熱潮減退已經唔洗好似之前咁等咁耐～唔洗排隊都可以值得一試💛🍍菠蘿皮麻糬波波 外層香脆菠蘿皮 咬開係軟糯嘅麻糬 口感煙韌 層次豐富 價錢重好親民有機會一定試埋佢嘅抹茶味🍵同朱古力味🍫❤️好似仲有期間限定口味添😍