James Bonbon Bakery

營業中

休息中

作為一個麻糬控，難得去咗銅鑼灣，當然要去James Bonbon Bakery排隊，好彩我去嗰日冇乜人排，見到告示話有5隻味：原味、菠蘿🍍皮、伯爵茶、朱古力🍫同抺茶，同埋每人最多6個，不過唔知係每味6個定total 6個？剛見到4色喺隔離James Bonbon Cafe新鮮出爐運過嚟，所以就叫咗菠蘿🍍皮、伯爵茶、朱古力🍫同抺茶每味各兩隻，職員👩‍💼冇阻止，可能真係每味最多6隻，收錢只收現金或八達通，每個$10，總共$80。食咗新鮮出爐伯爵茶味🍵，煙煙韌韌，不過入面空心，冇乜質感，但overall係好食😋既。相比近日大熱既梅窩麻糬王，我覺得各有各好👍🏻

人氣麻糬波波，今日特意去銅鑼灣買來試嘅麻糬波波，去到竟然不用排隊，只有3個人在我前面，食完諗住出post讚吓間店先見到原來每日12：30後先有售，所有我去買嘅時候未開始排隊，而且剛好是午飯時間，D人應該係食完午飯先去買回公司下午茶吧！一共買了5隻味來試，試後果然沒有令我失望第一個食原味，一咬落去個口感已經係我鍾意嘅口感，但偏向甜了DD，第二個食菠蘿皮味正常第三個食朱古力味好味第四個食抹茶正常，最後食伯爵茶味好好味有驚喜屋企人都話好味已經推薦給同事我一定會再幫襯

店名: James Bonbon Bakery地址: 銅鑼灣邊寧頓街9-11號登龍閣地下C1號舖銅鑼灣站F1出口，行3分鐘環境: 外賣價錢:3.5/5味道: 3.5/5呢間人氣麻糬波波以前好多人排，路過見到得5,6個人排於是就買左，每人限買6個粒粒朱古力🍫 /伯爵茶☕️/抹茶🍵$15/$10/$10食落有朱古力味，入面仲有啲朱古力粒，不過賣成15蚊就略嫌有啲貴了無話好食到值$15🫢😶外面皮有淡淡伯爵茶味，食落唔會太甜🥰抹茶都一樣，表面有綠色，都係微微抹茶味，但就稍為甜過伯爵茶個款少少🙈

每次經過銅鑼灣都有人排隊，今日見到人龍唔係好多，就排隊成日買。用焗爐焗返熱先食，個皮會脆啲熱啲，真係好食好多！不過今次買覺得特別味真係唔使買，$20好貴又唔值得，買返$10菠蘿皮就算，同埋如果要排隊就唔好買啦，唔算特別值得同埋偏貴😂🍴葵瓜籽開心果 $20 (0/10)食落去個味道好怪，有就唔好怪嘅瓜子味，好似擺咗好耐咁，個皮好硬，好難食！🍴粒粒花生 $20 (6/10)花生醬正常好多，不過你都係比較偏硬，唔係好煙靭嗰種，花生醬就係普通花生醬嗰種味道，冇咩特別好形容😂🍴青森蘋果 $20 (7.5/10)蘋果味好香濃，個醬汁Creamy，食落都比較煙靭，好過上面嗰兩種。🍴朱古力 $10 (6/10)味冇乜朱古力味，表面係菠蘿脆皮，甜甜地，入邊係好煙韌，好好咬，幾好食。🍴菠蘿皮 $10 (7.5/10)表面係菠蘿脆皮，甜甜地，有啲似菠蘿包嘅煙靭版，入邊係好煙韌，好好咬，幾好食。推薦指數: 7/10好似冇以前咁好食，同埋$10一個都比較偏貴，唔使排隊先買？同埋真係唔好買特別版，又貴又唔抵。

銅鑼灣人氣麻糬熱點，是一間老式裝修的麵包店，掛住一個英文招牌。之前睇openrice評論其實不算好好，但每次去銅鑼灣，都見有人拿住袋麻糬。星期四的下午見約十人排隊，即管買來試試。當時平日供應的款式只有菠蘿、綠茶和伯爵茶味，咁我就買晒3款黎試啦。麻糬本身是好韌的，比平時食開A1和梅窩麻糬都韌，但我一家幾口都幾喜歡。菠蘿味有個菠蘿脆皮，好像平日菠蘿包咁，只是個包換了麻糬。綠茶味估唔到幾甜，整體唔錯。伯爵茶味沒有什麼茶味，普普通通。當天的特別款式是花生、開心果和玉桂蘋果，我都不喜歡這幾款味道，所以沒有試。加上平日款式是$10一個，特別款式是$15一個，又細個大約1/3，更沒有興趣試了。服務方面，排到入去有個呀姐問你要咩味幫你夾，不能說服務不好，呀姐語氣也不能說是好，就是唔憂做的狀態。

今日3點左右路經James Bonbon Bakery，見到冇咪人排隊，就喺門口裝下，見到麻糬新鮮出爐，仲有好多唔同口味，前邊只有三個人排隊就決定幫襯吓。依家麵包店一路都有好多人排隊，話晒都係有前四季酒店西餅師傅主理， 人氣keep 住都係甘高企。今日買咗抹茶味，朱古力味同埋伯爵茶味，因為佢係新鮮出爐，所以個袋都有陣蒸氣。不過如果要分開袋嘅都要注意啦，佢額外分袋個袋要收你$3。今日就冇即刻趁熱食，攞到返屋企都凍咗啦，個底變咗好似曲奇餅咁樣， 另有一番風味，外皮鬆脆，入面空氣感重。之前買完即刻食就係鬆鬆軟軟，煙煙韌韌嘅感覺。不過如果要排一個鐘先買得到呢，就真係要諗吓啦😂

每次經過都見到排晒長龍，有時佢人潮管制要去對面街排隊每次經過都覺得排隊嘅人要去驗下腦袋今日星期五下晝5點幾，居然無人排嘅？？居且買幾粒睇下有幾好食！聽聞初初開果時啲人要排成粒鐘想試佢芝士味，但未有。所以只係買左原味、伯爵茶味、朱古力味同埋菠蘿包面味，每粒$10 。買果時仲暖暖地，所以個袋都有啲水氣。麻薯波波一定要趁熱食，咁先食個原味… Erm… 咪麻薯波波要有嘅質素囉，無特別好食或難食。伯爵茶味，齋聞都聞唔到陣茶味，食落口就偏甜，甜到起痰，我有嘗試好努力dap,都dap唔到啲茶味，明明我無covid失去味覺㗎整體來說：要排隊就唔會食；唔洗排隊都唔洗好似我咁好奇去食。Cheers

平時見都好多人排隊，佢地既麻糬波波好吸引，也是不定時出爐。今日週末下午茶時間經過去碰吓運氣，雖然去到己經有人龍，但好好彩剛巧出爐，我排左唔洗5分鐘就到我🙈門口貼了麻糬波波有5種口味（@$10）但其實店內另外還有一張，是有其他特別的口味（@$15）（下圖）。我第一次試，所以點了主打的5種口味外，另加一個特別口味（粒粒芝士）😍襯著新鮮出爐，熱辣辣香噴噴的時候，我急不及待咁咬左一口粒粒芝士，濃郁的芝士味充斥着成個口腔，抹茶及朱古力都好好正👍 外皮好鬆軟，麻糬好煙韌👏🏻至於其他口味（菠蘿及原味）就比較下味道無咁出

之前試過原味同原味菠蘿皮麻糬波波，一直想再試特別口味，經過銅鑼灣見到門口無太多人排隊，大概等咗10分鐘就買到。•ᴗ• 菠蘿皮麻糬波波 $10/粒 ﹝伯爵茶味﹞茶味比較淡☕️﹝抹茶味﹞茶味算濃，但唔係苦澀回甘的抹茶，偏甜🍵﹝朱古力味﹞有可可的苦味，唔會太甜🍫整體麻薯波波唔算非常煙靭，剛買到時脹卜卜，行咗一陣已經扁了(´･_･`)有一半係空氣。建議食之前放入焗爐/氣炸鍋約5-8分鐘，焗到外面少少鬆脆，裡面熱騰騰會更加好味👀👅味道都會更加出

一直都以為呢間麵包店只有菠蘿皮麻薯波波同埋普通的麵包🥯點知原來有泡芙食仲要係有麻薯嘅！咁見到當然要買來試吓啦，菠蘿皮係朱古力而中間有cream同埋藍莓士多啤梨🍓食完覺得不過不失，價錢就偏貴。

普普通通cp值低麻糬見5太多人排隊，之前聽講要排成個鐘就走去試下依間人氣店，食完有d失望，真心好貴，5值甘既價錢。12點半開始售賣，每人限購6個。🥕粒粒芝士$15⭐️⭐️☆☆☆係是日限定，上面既芝士帶黎微微既鹹香。🥕朱古力$10⭐️⭐️⭐️☆☆朱古力不會太甜，幾香幾濃朱古力味，最好食就係佢了！🥕菠蘿皮$10⭐️⭐️☆☆☆菠蘿皮5夠酥脆，有點失望。🥕伯爵茶$10⭐️⭐️☆☆☆有幾粒芝麻，淡淡既伯爵荼香。🥕抹茶$10⭐️☆☆☆☆淡淡既抹茶味，不會澀。🥕原味$10⭐️☆☆☆☆======詳情======James Bonbon Bakery銅鑼灣邊寧頓街9-11號登龍閣地下C1號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #銅鑼灣好去處 #銅鑼灣美食 #RR銅鑼灣 #RR麻糬 #麻糬 #麻糬波波 #抹茶 #伯爵茶 #菠蘿皮 #朱古力 #芝士 #bonbon

初初見好多人排，到而家小貓3-4隻，真心食過就明點解，食完唔覺得好味，而且唔係四季餅廚出品，亂賣廣告終自招，又貴又硬又唔好食，應該好快會執笠，隔離間cafe加啲生果又賣貴幾十元，真心當香港人傻的嗎？

呢間麻糬包包店我已經久仰大名啦，但之前每一次嚟都排隊排到好誇張，基於唔鍾意排隊嘅關係，所以到而家都冇試過！😞而今日我就啱時間終於可以買到啦！人唔算多🙏入到去～～先揀咗要嘅包口味同埋數量本身以為好貴，但其實$10個都OK！我嗰日就反而未有原味，我叫咗伯爵茶、綠茶、同朱古力味。我留意到，其實佢仲有特濃朱古力呢個選擇，但因為我第一次試過就想試返普通嘅朱古力先～提提特濃朱古力味係$15嘅💰另外原來佢仲開咗間好靚樣嘅cafe 喺隔離，可以坐低嘆。仲有 bagel 選擇添。直入就係座位喇麻糬包包其實凍食都好味不過我就焗返熱嚟食，好似再滋味啲！🤍

每次經過銅鑼灣，呢間人氣麻薯王都會有一條長長人龍👬👫🏻，星期六晚六點幾經過，居然只有幾個人排隊，於是走去買幾粒嚟試吓，但由於太夜，有得揀嘅味道只得幾款🤪❣️朱古力味麻薯波波 $15❣️芝士粒粒麻薯波波 $15❣️原味麻薯波波 $10講真，麻薯波波味道其實好普通，味道唔算特別驚喜，價錢都算貴，只可以話個包裝好靚，有時喺銅鑼灣見到唔少人拎住，就會好奇究竟係邊間度買🤣，但試完一次應該唔會再買😆👅好味度：7（10分滿分）價錢略貴，三粒中芝士粒粒麻薯波波較好味，食到粒粒香濃芝士，但應該唔會再回頭🤣🤣

💕而家James Bonbon仲係同一條街開多左佢地品牌嘅cafe大熱麻糬波波 加上由前四季酒店西餅師傅加持🔥有幾次經過都超長人龍🤥🤥見呢排少左人去排隊 咁我緊係要去朝聖下啦真心 第一次覺得排隊係有價值🫰🏻係我嘅回購系列之一‼️‼️其實已經回購又再回購過好多次🙈懶得再影過相就用舊相吧買過幾次嘅你地就會認得出個包裝係佢地初頭嘅包裝袋睇住佢地一批一批新鮮出爐🤩每一批整嘅量都係唔多 所以要等完再等價錢又親民 分分鐘而家啲麵包仲貴過佢🤣*❣️菠蘿皮QQ波 $10❣️伯爵茶QQ波 $10❣️朱古力QQ波 $10*🔅菠蘿皮: 將為人熟悉嘅菠蘿包與麻糬波波二合為一保留左菠蘿包面層嘅脆皮🍍又帶有麻糬煙韌嘅口味似食緊菠蘿包 但又似食緊麻糬煙韌到呢~~💝好難得會有間麵包店可以整到咁煙韌所以話呢 整到恰當好處👏🏼👏🏼👏🏼👏🏼👏🏼唔只菠蘿QQ好正 就算其他味都好正下*🔅伯爵茶: 雖然食落唔算太重伯爵茶味 但都值得推介口味而包面有少量芝麻其實我係一個唔食芝麻嘅人 但食落又幾夾下喎💫*🔅朱古力: 唔苦又唔甜 包面仲有粒粒朱古力🍫好岩我呢啲怕朱古力苦澀嘅人*不論口感又好 個味道都好一食完真係難以忘懷🤭係大家值得排隊 值得購買