James Bonbon Bakery

營業中

休息中

話說今日去咗銅鑼灣，因為好大雨嘅關係，同埋時間尚早，未見有太多人龍嘅情況之下，成功入去買咗三個菠蘿皮麻薯包，因為之前～各大foodie同埋雜誌都吹噓到好瘋狂，作為一個碳水狂嘅我，又點可以唔試吓呢🤣！.於是乎我入到去，直接問店員有咩味道，然後就包左三個現成有嘅味道喺度！.我嗌咗嘅口味包括：1. 抹茶2. 焙茶3. 原味.首先講一講個大細先，佢係比平時菠蘿包細啲嘅，加上啱啱出爐，個感覺都幾香。我返到屋企就急不及待咁食咗一個原味，佢嘅表皮同普通菠蘿包差唔多，但係比菠蘿包嘅表皮薄少少。.重點可能佢熱辣辣出爐，我返到屋企先開始食，所以佢已經壓扁咗，我再食落去嘅口感，麻薯唔係太突出，份量亦都唔算太多，佢只能夠講係一個菠蘿包入邊zip咗dd麻薯嘅變種菠蘿包。.其他味道我未食，原味嘅感覺就好普通，暫時未有感覺要特登去排隊買呢個麻薯菠蘿包。如果鍾意麻薯嘅，經開又可以買一兩個嚟食下囉。

為食貓前幾日去左銅鑼灣食拉麵，跟著離遠見到呢間麵包舖超多人排隊結果，為食貓都唔執輸，一於排下隊試吓佢d巨型麻薯波波係咪真係咁好食麻薯波波（後黎上op先知）James bonbon最出名係麻薯波波，而且佢係20分鐘出爐一次，非常新鮮熱辣當日為食貓排左幾個字，最後買左朱古力、菠蘿皮、伯爵茶味（抹茶賣哂）♥️而為食貓覺得菠蘿皮最好食好似食緊菠蘿包咁，而入面就非常煙靭🤩大大粒真係過癮過細粒既另外，朱古力都好重味，好濃😎但伯爵茶味就比較普通，不吃也罷不過……呢d即整既巨型波波最好真係即刻食，因為攞左返屋企已經開始林，即使焗返都已經唔係個種質感（呢個位要扣下分，因為疫情關係真係好難係條街食）

企鵝妹係名符其實嘅一個麵包控🍞，早排長期見到呢間店嘅菠蘿皮麻糬波波將ig 洗版，一直都好想試但每次經過都有海量人在排隊。有次落雨天，企鵝妹見人龍唔算太長，所以就排隊一試呢個名物 (最後都排左40分鐘😂)⭐️抹茶QQ 伯爵茶QQ 朱古力QQ $10/個 (5.5/10)當日只有呢3款供應，所以企鵝妹一次過買晒。佢係新鮮出爐即刻放入袋嘅，仲會打開個袋口防止水蒸氣整濕個包。買完後搵左個位，大概10分鐘後食，一拎出嚟就有d失望了😢因為個包扁塌左，完全唔係脹卜卜，所以第一下咬落感受唔到空氣感，有d似食緊壓扁咗嘅麻糬餅🙈菠蘿皮偏硬，唔太鬆脆，感覺好多菠蘿包嘅菠蘿皮做得比呢款好。味道方面，伯爵茶QQ個茶味近乎冇，反而食落有d似芝麻味合桃酥?! 抹茶茶味同樣欠缺🍵，而朱古力味比較有誠意，有d朱古力碎🍫，但亦都唔濃。唯一要讚嘅地方係麻糬甜甜地都真係幾煙韌嘅~🐧企鵝妹食後感:可能對佢有幾高期望，嗰日食到之後都幾失望，唔知係嗰日嘅品質問題定企鵝妹唔啱口味🙈佢唔係難食嘅，如果之後冇人排隊都可能再一試有冇改善到，但如果再要排隊就不了🫠🐧企鵝妹評價: 5.5/10

星期五晚6點半黎到，已經得返原味、芝士同菠蘿🥺原味同其他味分2條隊排，其他味條隊超長，最後排左45min買到原味同芝士🥰🫓 原味QQ ($8@1; $15@2)口感比普遍既麻糬波波軟身，煙韌得黎又唔會太韌，都幾唔錯，但未致於好驚艷 🧀 芝士QQ ($10@1)口感同原味差唔多，多左芝士香味麻糬波波黎講口感幾好，但未致於會為左佢排咁耐。可惜試唔到最出名既菠蘿QQ，可能好食啲🥲有機會再試注意🚨唔建議翻叮! 試過第二朝叮左20秒，食落超韌，似膠😂味道：3/5 回頭率：3/5 

真心認為，不值得為了如此普通的麻糬波波，等上一個小時⋯5分鐘都嫌多！覺得自己好好彩，看到沒人排隊，所以轉了一圈，「只」買了4個帶回家😆只能說，非常非常失望呀！

哇終於比我買到你啦～菠蘿包加埋麻薯嘅夢幻組合啊平時行過已經見到好多人排隊想買根本就冇希望！但係今晚（平日）我食完晚飯八點55分經過見到冇乜人排，竟然比我經過聽到佢話5分鐘之後出爐立即衝過去排隊！晚上9:00佢就出爐啦～仲要所有味道都有㗎！每人限買最多6個，我見前面排隊嘅朋友仔最多每人唔會買到咁多個～我自己就揀咗菠蘿包、朱古力、綠茶味同埋Earl Grey 味～ 佢一拎出嚟仲要熱辣辣㗎我急不及待企喺條街度食啊，溫馨提示小心俾人捉除口罩罰錢呀～真係好好食呀不過個麻薯好扁～但係都煙靭嘅價錢方面都OK四粒只係$38

「𝗝𝗮𝗺𝗲𝘀 𝗕𝗼𝗻𝗕𝗼𝗻 𝗕𝗮𝗸𝗲𝗿𝘆 • 𝗖𝘄𝗯」今日男朋友去咗排黎買比我食 佢排到一半我去咗搵佢 今日條龍算唔係好長 排隊而家要排到過對面馬路 同埋職員會排一人一個籌 一次限買六個 呢間係係銅鑼灣新開嘅麵包店 係因為出名麻糬波波而出名 個師傅係曾任四季酒店嘅主理 今日有五個味道 𝗛𝗞$𝟴 (𝟭𝗽𝗰) 𝗛𝗞$𝟭𝟱 (𝟮𝗽𝗰𝘀) 我地簡咗四款味道: • 朱古力流心麻糬QQ店員話係特別口感 朱古力流心所以我地要埋佢 好流心 唔會太甜 • 菠蘿皮麻糬QQ菠蘿皮好鬆脆 好鍾意佢個菠蘿皮 加埋煙煙韌韌嘅麻糬都唔錯• 朱古力麻糬QQ呢款係我最鍾意嘅一款 面頭仲要有朱古力碎好正🥰• 伯爵茶麻糬QQ呢個表面上係有少量黑芝麻加淡淡茶香• 抹茶麻糬QQ 個人唔鍾意抹茶味 所以無簡呢款排到我地嘅時候我就去有兩隻味 之後再要等下其他味出爐 熱騰騰 但係拎到翻屋企之後就已經扁哂 唯獨軟心朱古力味單獨放先無壓扁到🤣 記得要把袋口打開喔！ 食入口就feel到入面煙煙韌韌好有口感嘅 不過如果要排一兩個鐘就唔值得啦😩

長期keep住要排隊嘅菠蘿皮麻薯波波 嗰日見得閒 就去咗排隊買 每個人限買六個 咁岩比我買齊晒啲味😍不過個人嚟講最鍾意都係食原味菠蘿皮😌佢係完美咁將菠蘿包同麻薯波波結合 菠蘿皮真係好脆 麻薯波波又好煙韌 兩者夾埋一齊真係好好食😋

呢間餅店打住前四季酒店餅師👨🏼‍🍳主理麵包店旗號，最出名係招牌菠蘿皮麻糬波波，人人買嚟打卡相機📷食先價錢係好親民嘅，十蚊八蚊有交易💰，門口仲日日排長龍，熱潮持續不下⬇️好奇心🤔驅使下排隊買幾個嚟試，口感的確係好煙韌嘅，菠蘿🍍綠茶🍵味道正常，不過，呢啲麻薯波出面其他麵包店都一直有得賣呢，而且較細粒易食啲冇咁易洩氣撻埋一pat，仲有佢好似冇嘅士多啤梨🍓味添，可能係因為坊間吹得太行期望過高，感覺真係有啲過譽喇，絕對唔難食，但唔覺得會再排隊買嚟食，一次就夠！

見到呢間麵包舖出面排晒隊咁，知道啲人係為咗買麻薯波波而排隊由於條人龍太恐怖，我就轉為買麵包同埋西餅，但係個價錢絕對對唔住質素，同一般屋村麵包舖嗰啲西餅冇乜分別。買咗日式雙層芝士蛋糕同埋巴斯克芝士蛋糕，佢嗰啲忌廉芝士係十分廉價果一種，都幾難食，但係標價要$45.1件，簡直就係呃人，一般商場嗰啲高級餅舖人哋都係賣緊$40.1件，起碼用啲材料真係上盛。葡撻正常，但係炸雞店葡撻好食過佢。綠茶伯爵味菠蘿包，啲麵粉一定係平嘅，因為入面個密度係非常之粗疏，好難食，好鞋，仲要$9.1個迷你菠蘿包，簡直就係呃錢。希望大家唔好再比呢間嘢嘅排長龍呃咗，咁樣做生意熱度過左，仲有咩人會幫襯？

甘岩經過附近，見之前有好多人推薦呢間麵包舖既菠蘿皮麻薯波波包。每日12:30出爐，所以平日中午12:30去排隊試下，要拎籌等，一去到都要排第十個人，都等左一個鐘。員工態度又麻麻，好似吾休做甘。如果未食過可以去試下，但可一不可再。出面麵包舖一個菠蘿包大概$7一個，呢度比出面啲麵包細，又貴少少，有麻薯都算有特別，但吾值得排甘耐。朱古力/抹茶/伯爵茶 @1 $10個包好細，伯爵茶味吾係好出，似普通菠蘿包入面有麻薯多啲。

晚上7點25分到店，見到得幾個人排隊，所以就諗住試下，門口有張紙寫住叫後面嘅人排去對面，清晰與否見人見智，對面排完攞張籌又叫你行番去門口排，龍頭定龍尾個職員都搞唔清，亂咁點D客排...去到門口望住前面只有三個客，但由揀至俾錢足足用左12分鐘，好明顯係刻意慢慢做，跟住就出嚟話正常嘅味道賣哂，淨番特別口味，個職員講野好難明，佢話淨番原味斑斕，斑斕椰絲，椰絲斑斕，你完全唔知原味點解又會有斑斕，個個客都聽唔明問左幾次，唔要斑斕就等多20 分鐘終於到我買了，出左一盤咁大把，一早睇好哂買咩味，諗住快手快腳，個女人夾夾下包，有個師傅就無啦啦卡喺女人同包中間，又開雪櫃又續舊續舊面包擺上架，個女人停哂手，完全睇唔明點解佢要喺中途阻住哂，跟住佢竟然大大聲講"等下啦"...咁樣係咩意思？人龍店？係慢動作造成，質際並唔係真係咁多人買，平均一個客買包連收錢要用5分鐘，未計等出爐嘅時間，同埋個句"等下啦"，好趕客😡😡😡幾好食都唔會再試，貼紙買難受

昨天下午路過邊寧頓街/渣甸坊交界，看見這間叫「James BonBon Bakery」的餅店外有一條小人龍，好奇看看，店外玻璃上貼上一張A3紙，白底紅字上面寫著：請到對面馬路排隊取籌。因為我是要前往電車站，所以必定要過馬路，對面馬路果然還有十幾人在排隊，心想呢間餅店莫非好好食或價格超平？於是即上OpenRice 查查。此店原來由四季酒店前餅廚主理，主要售賣比一般麻糬波大既脆皮加大版麻糬波波。哦...原來主要賣名氣，客人都是因為這名氣而來！心想麻糬波波好多麵包舖都有啦， 唔通名氣真係咁好食？🤔 就咁….就返咗屋企啦。😂哈哈，唔知係咪真係咁偶然，我今天下午前往蘭芳道途中又經過呢間餅店，既然咁有緣又唔係太趕時間就用咗大約20分鐘排隊買呢一個麻糬波波試一試。排隊期間我前邊一位太太和我搭訕，問我是否有試過那一個味道好吃？我回答她説我是第一次買的，我不知道那一個味道好吃。她回答我說：「我已問過好幾個排隊的人都說是第一次買，原來是沒有人會買第二次啊。只有我自己就食過，今次試第d味。」噢！😯原來那位太太才是熟客，笑左！😂餅店Menu命名為麻糬QQ， 現時每日12:30pm出爐 （ 注意可能隨時更改），

咁啱經過先買 因為之前見其他foodie話伏😗 宜家都仲要排隊 等咗差唔多半個鐘 但係其實係佢出爐慢而非好多人排 所以係製造假象如果唔係買麻薯波波可以直入基本資料: 麻薯波波有多款口味 今日有~6隻味我買咗兩個菠蘿皮 兩個伯爵茶☕️一個抹茶🍵一個朱古力🍫啱啱出爐即買所以仲熱🔥放起透明袋入面會起霧 ⚠️建議大家唔好即刻整實個袋 否則麻薯波波會濕然後淋晒❗️雖然佢唔多唔少會縮水味道方面: 個人覺得質感係做得好好嘅👍🏻因為size比一般麻薯波波大 入面又唔空心 所以咬落勁煙韌有嚼口 係暫時食過最煙韌同軟身嘅麻薯波波不過佢味道唔出🤔我食原味菠蘿皮同伯爵茶好似都冇乜分別 兩個都係少少甜甜地咁 然後配上牛油同一般菠蘿包嘅味另外就係菠蘿皮唔夠香脆 比較易散 基本上未食已經跌咗一半碎😅💲價錢CP: 除咗原味同正常菠蘿皮係$8/個 $15/2個之外 其他口味$10/個所以呢度六個$55論價錢又未至於貴得離譜 因為佢一個係人哋兩個麻薯波波嘅size 但係我會話未必最值 見坊間有啲傳統小型嘅麪包店開始有賣差唔多嘅嘢 但係平好多！整體:質感的確起麻薯波波界數一數二 但係口味上可以再調得濃味啲 麵包舖環境都唔係好好

人氣爆燈💡足足排咗1個鐘先買到😰期間老闆都識做，派出迷你版麻糬波給苦苦等候的眾生💪🏻🍞抹茶麻糬波波麻糬質感的確非常煙韌，外層鋪上滿滿脆皮，陣陣抹茶香溢出。🍞原味麻糬波波原味的菠蘿皮就似煙韌版的脆皮菠蘿包😂記得一定要烤烘翻熱💪🏻雖然味道不錯，但排一個鐘就不了😂