J.S. FOODIES (港威商場)

營業中

休息中

好耐之前因為有海港城coupon所以食過一次，太耐冇嚟海港城，又唔知食乜好，所以同朋友再次到訪呢間餐廳。海膽卡邦尼意粉 💰HKD$188好多汁，但係搞到成個意粉都好濕。冇乜味道，感覺上好似用咗好多油同埋蛋漿去溝埋一齊就算，意粉仲要係凍的，冇印象中咁好食，有啲失望～士多啤梨藍莓香蕉班戟 💰HKD$129因為呢度一向最出名都係甜品，所以都係叫咗一個班戟同朋友開心share！班戟就維持到平時一貫嘅水準，口感好梳乎，啖啖都係空氣感，食完好滿足😋

小朋友嘈住要去食 pancake，難得經過海港城唔使等位，即刻沖去試。店員服務好好，特登安排我同小朋友坐角落頭，一坐低就放低水。小朋友order咗佢最愛嘅 strawberry pancake Strawberry 好大粒好甜，似係用日本嘅士多啤梨，個疏乎厘pancake 又大又厚，對比起另一間主打pancake嘅舖頭，呢間好食得多😝😝媽媽我就叫咗個和牛burger 走包，估唔到呢間餐廳都做到走包，比一個 可惜夠和牛漢堡有筋，口感一般總括來講，性價比極高，難怪長期排隊，會再幫襯

呢間人氣pancake店無論又一城定海港城都成日排長龍。約左朋友係海港城食飯，原本諗住食上面個間片皮鴨，但超多人，咁岩見到呢間餐廳竟然唔洗排（因為個陣先6點幾），即刻沖入去🤣🤣🤣點左兩個主食經典漢堡 $119明太子醬北海道三文魚子意粉 $158漢堡塊牛肉好有肉味，仲有好多肉汁，好味😋薯條熱辣辣，真係一條接一條咁食。個明太子意粉真係世界級🤤，勁多汁勁濃郁，暫時係我食過最好食既明太子意粉Top3👍到最後重點pancake黎到，味道超好，加埋d cream一齊食好幸福☺️☺️朋友見我食得咁開心仲比左兩舊我食，我覺得自己食哂成碟都冇問題😎呢間鋪頭如果唔洗成日排隊真係想成日食，食完出到黎見到又排緊隊lu~

推薦： 🍉🍉🍉 (3/5)    味道： 🍉🍉🍉 (3/5)    價錢： 🍉🍉🍉 (3/5)    打卡： 🍉🍉🍉 (3/5)    位置： 🍉🍉🍉🍉 (4/5)    回訪： 🍉🍉 (2/5)   Black Truffle Cream Sauce Pasta $139 🍉🍉🍉🍉一開頭見到呢個賣相見到啲汁又多又稀，以為自己又中伏，點知食落又幾好食，好耐無食過呢種天使麵，非常掛汁，黑松露同蘑菇份量好多，黑松露幾香，足夠撈勻成個pasta都食到黑松露味，加埋蘑菇，雖然成碟pasta只有3款食物，但係一啲都唔單調👍French Fries $45 🍉🍉🍉薯條新鮮出爐，上枱個時非常熱，味道無乜特別，薯味唔係太出，亦都無乜鹽，勝在份量超多，最後我哋食唔哂😂Mint Mocha Frappe $45 🍉🍉🍉薄荷味超出，薄朱迷表示好滿意👍 朱古力味都好濃郁，frappe打得幾綿滑，唔會有冰粒/冰碎，飲到勁飽肚，不過無乜啡味，當佢mint choco frappe會好啲French Style Strawberry Banana Pancake $139 🍉🍉🍉🍉呢款係法式pancake，唔係日式

終於有❗️時❗️間❗️出post 啦 🫠 番黎香港後首個食評🫣 好耐以前都食過JS Foodies 又一城分店， 對佢個烤雞Pancake 好深印象， 相隔幾年可以再食番，又岩岩好唔洗排隊好開心🙆🏻‍♀️ 🥘印度烤雞班戟 HKD139 早幾年好盛行梳乎厘pancake個陣JS已經好出名， 但咸pancake就冇咩人提。 雖然咸pancake 唔係梳乎厘類型，但都幾鬆軟，厚度適中。 Tandoori 烤雞唔算超滑溜但都唔柴，可以點下酸忌廉。 咖哩汁唔係好濃，亦唔係日式甜個種，入面有三色椒同翠肉瓜。 pancake另外有個糖漿，雖然又咖哩汁又糖漿聽落好奇怪，但味道又出奇地夾🥰 沙律🥗有橙同西柚片，食完咖哩岩哂 ～🥩牛板腱太陽蛋飯配燒汁 HKD149 我冇諗過set lunch 既牛板腱都咁靚仔，好粉紅🩷 ，厚切左細細塊， 唔洗自己黎，牛肉唔肥有口感。灑左黑椒既太陽蛋配珍珠米係夢幻組合😆 友人覺得燒汁偏酸， 但我覺得都ok ～ 另外加左caramel macchiato 拉花都好靚 🌸 香港人咁貪新鮮， 有時餐廳過一排就轉哂menu去迎合。 隔左幾年，JS個menu （ at least Signa

週五下班後，約咗一班老友記Happy Hour！一班人去到海港城，間間餐廳都冇得預先訂枱，於是只能夠分別去幾間唔同餐廳排隊攞籌，邊間快啲有枱就去邊間囉！果然已經復常，度度都人山人海，特別係油尖旺區，想搵好嘢食就要付出時間啦！結果呢間最快有枱，但都等咗接近60分鐘！好快我地就點咗餐，嘢食送上嚟時熱辣辣，賣相非常吸引，值得排咗咁耐隊啦！明太子醬海膽意粉，醬汁一啲都唔漏，一人一啖就極速ＫＯ！酸忌廉黑松露薯條，炸到外脆內軟，點埋酸忌廉和黑松露醬，超級無敵好味呀！我地仲點咗經典漢堡，招牌沙律和海膽卡邦尼意粉。個意粉上面有隻生雞蛋，以往我喺其他餐廳食完有生雞蛋嘅食物後，必定會絞肚痛，呢度又慶幸冇發生咁嘅情況，可能係因為用料新鮮？最後送上兩份班㦸，從來未食過咁動Ｌ又Ｑ彈又軟綿綿嘅班㦸，真係為呢頓豐盛晚餐畫上完美嘅句號呢！

由於舖頭細，坐位不多，一般都要等一等，今日時間尚早，而且又係平日，好好彩去到仲有最後一張枱，即時可以入位。先來黑松露薯條，香噴噴，急不及待一口接一口的吃，薯條剛炸起係最最最好味，黑松露好香，加上凍冰冰的cream,好味。白汁帶子蟹肉意粉，好出色，每一口意粉都掛住蟹肉。白汁磨菇黑松露意粉，香濃磨菇味，不錯。牛排漢堡，包好脆，牛扒熟度剛好，好厚身但中間依然嫩滑不鞋口，外層用炸漿炸過，所以有外脆內嫩嘅口感，除左牛扒，入面仲有煎蛋同少少洋蔥加醬汁，整體來講都唔錯，如果多一點蔬菜會更好。原本一開始想食疏乎厘，但係個肚真係容不下了，唯有下一次再食過啦😂😂3個人都食到好飽，呢個質素呢個價錢，我覺得已經好不錯😊😊

Hokkaido Salmon Roe Pasta With Mentaiko明太子醬北海道三文魚籽意粉Signature Pasta With Bolognese Sauce蕃茄肉醬意粉French Fries原味薯條Kiseki Pancake - plain原味班戟Kiseki Pancake - Strawberry、Banana、Blueberry士多啤梨藍莓香蕉班戟明太子醬北海道三文魚籽意粉，意粉嘅醬料非常豐富，明太子醬和三文魚籽濃郁口感完美結合，令人回味無窮。蕃茄肉醬意粉都非常好味，醬料嘅味道很濃郁，但喺唔會太油膩，配上意粉嘅口感非常適合。如果你鍾意口感豐富嘅意粉，呢道菜肯定會讓你滿意。原味薯條就非常酥脆，口感很好。而且不會太油膩，就算你食一大堆都唔會覺得太油膩。今次就食咗2個班戟。原味班戟非常鬆軟，口感都非常好。而士多啤梨藍莓香蕉班戟嘅水果的酸甜味和班戟的鬆軟口感都完美結合。呢道嘅班戟做到入口食空氣咁😂😂零負擔感覺。環境方面就只有靠窗邊嘅2張枱比較有靚景，其他枱都喺普通餐廳景。值得一提嘅喺服務非常之好，會主動加水👍👍👍，仲喺加得好快同好密。呢道嘅加一服務費我俾得開心，出

🥗🥗🍨🍨餐廳位於海港城，平時周末周日行過見到都大排長龍，今日趁平日lunchtime加岩岩開門，見到唔洗排隊，即刻入去試下有大玻璃窗透光，好彩可以坐到窗口位，地方寬敞坐得舒適，享受緊陽光同時品嚐緊美食意式芝士蛋糕黑斑戟($139)👍🏻👍🏻👍🏻好多斑戟選擇，用朱古力做既黑斑戟好少見，一定要試，加埋超幼滑既tiramisu就知無得輸，仲可以按自己口味加糖漿，賣相吸引味道好龍蝦沙律($188)👍🏻👍🏻👍🏻一見到已經好開心，擺盤好靚沙律唔捨得撈，色彩繽紛好吸引，三文魚子多過餐牌張相，超有驚喜龍蝦彈牙而且份量多，粟米好甜好好咪，沙律醬隨喜好自己加，可以唔洗太heavy ，本身覺得價錢略貴，但質素原來好好，真係抵返哂

🇭🇰 J.S. FOODIES📍海港城港威商場 L2 2608 Lunch set 連一杯飲品咖喱吉列黑䐁豬扒飯 $139🎖️7/10上枱聞到好濃厚咖哩味，比鹹pancake有驚喜。炸到鬆脆嘅豬扒配薑黃飯，味道好配合，好食🤤牛油果三文魚pancake $139🎖️6.5/10揀咗全麥pancake，鬆軟又有麥香味。配搭健康嘅煙三文魚、新鮮牛油果、酸忌廉同西柚沙律🥗味道唔錯。飲品揀咗檸檬特飲，酸酸甜甜。

呢間餐廳食過好幾次，每次都要排隊🥹今日仲係新年假期，心絲絲再去一次😆我打算佢一開鋪就去唸住吾使排咁內，點知都係要排長龍。叫左個黑松露意粉，好creamy 好好食😍黑松露味道好濃，意粉口感都好好，吾會煮到太淋，而且好大碟，野菌份量都多。兩個人share食都飽左大半🤤另外當然要叫出名的pancake 😍士多啤梨藍莓香蕉pancake, pancake 好鬆手好香蛋味😍加埋cream 同水果一齊食，超滋味!加埋杯flat white配甜品，完美配搭🤤

同朋友一年無見，佢係🦪控上次試完所以今次帶我嚟食好西🤣由於佢有分主副menu，所以搵唔返名同價錢唔肯定正確名稱嘅會括住🙈.✧MAIN✧～（刺身蠔忌廉意粉）～首先一碟係有4隻蠔🥹唔會好似岀面啲cafe咁得嗰2隻縮水蠔隻蠔好好食，而且口感偏creamy無腥味無乜海水味🌊但都食到重蠔味🦪Cream都好足夠撈到個意粉唔會食食下乾咗無醬🥹～印度烤雞班戟 $139～個烤雞肉非常好食就算唔點汁都食到好濃辛香料味而且個汁一啲都唔辣🥹啱晒我呢啲唔食辣嘅廢丁😂仲配埋糖漿同酸忌廉，甜又得咸又得🥹✨✧SNACKS✧～（吉列蠔）～都好好食🤣熱度係feel到剛炸起嗰種唔會成口粉同炸得唔好嘅嗰種漿糊感底下薯蓉係有煙肉味咸咸地唔似岀面求其整個無味薯蓉連牛油都唔落嗰種🙈成個小食都配搭得恰到好處🦪🥔✧OTHER✧雖然尖沙咀分店算細，但坐位舒服翻枱速度都好快，所以排隊排得唔耐個店員喺我無講幾位嘅情況下就比咗兩位我😂超醒目而且會不時自動過嚟加水呢點非常好👍🏻✨.✧SUMUP✧後尾睇返食評先知道原來呢間係食班戟😂但本人無咁執著甜品而且唔多食梳乎厘班戟所以無留意不過意粉同小食真係非常好食初頭見到差不多二百蚊一個意粉係有啲嚇親😂但

J.S. FOODIES 📍尖沙咀廣東道3-27號海港城港威商場2樓2608-2609號舖📍九龍塘達之路80號又一城LG2樓30號舖i.t blue block唔止pancake 呢間仲主打各種西式菜餚 值得一提嘅係餐廳有加一🧐Kiseki Plain Pancake $109 +10% ▶︎ 賣相: 三個入面最靚嘅 有擺盤得嚟夠簡潔😌▶︎ 上臺時間: 嗰日尖沙咀分店午餐時間都幾多人 大概25分鐘上檯▶︎ 配料: 有輕盈嘅楓糖cream cream有淡淡雲呢拿同楓糖味 唔會好甜 冰冰涼涼幾清爽▶︎ souffle厚度大細: 厚度目測3.5cm左右 而直徑長過我嘅食指 size夠大▶︎ souffle口感: 厚得嚟好蓬鬆 而且食落濕潤 唔會乾👍🏻▶︎ souffle 蛋香: 可惜蛋香唔太重 會比幸福班戟嘅淡少少🫣▶︎ souffle甜度: 甜度最適中 因為配料都唔甜 所以食落冇太大負擔━━━━━━━━━━━━━━━━━━━━━━━━━━━━

自從得知呢間餐廳有Egg Benedict Souffle Pancake就一直好想黎試下，本身都驚星期六去會唔會好多人，好彩等左30分鐘左右就有位。我地order左3樣野：Iced Mocha一見到杯野飲好開心，估唔到會有Cream，一黎令個賣相加左分，二黎我本身好鍾意食Cream。Egg Benedict Souffle Pancake水波蛋整得好好，一切開係流心嘅，Souffle Pancake鬆軟有蛋香，鹹鹹甜甜咁幾好食，薯條新鮮炸起熱辣辣外脆內軟，而且份量都唔孤寒。Creme Brulee Pancake每一層Pancake都有焦糖脆面，Pancake好香牛油味，口感比較扎實，配上藍莓、香蕉、士多啤梨幾款生果加埋香滑嘅Cream，所有野加埋好正🤤 Cream嘅份量比得好慷慨，加上朋友唔食Cream，基本上我每一啖Pancake都可以配埋Cream一齊食🤣 呢個甜品都幾飽肚，朋友比較細食，食左一塊就停手，我一個人食兩塊有少少滯，但係佢真係好食嘅！另外，餐廳比想像中細，同埋係開放式格局，排緊隊嘅時候可以望到人地食咩。所以自己食嘅時候都唔敢食得太慢，排緊隊嘅人啲眼神會令你有少少壓力

甜品〔J.S Foodies〕今晚TST行街後，閨蜜話好想食班戟，雖然我唔太好甜品，不過閨蜜叫到話想食，咁都要奉陪到底既，哈哈！我地去左海巷城既〔J.S Foodies〕，我同閨蜜兩個叫左：原味班戟$109、意式芝士蛋糕黑班戟$139，原味班戟其實有d似梳乎厘，個面彈彈下好得意，咬入口有d空氣感，個cream打得好滑，意式芝士蛋糕黑班戟，比我想像中好食，有香濃既咖啡味，夾係中間白色個d係雪糕，唔係cream黎既，雖然班戟咬口實實地，唔係平時食開既軟淋淋，但出奇地好食！