ITALIAN TOMATO (新都會廣場)

營業中

休息中

過時過節都會黎買蛋糕，今次係我妹妹生日，佢本身唔係好鍾意食甜野，但佢都幾鐘意食呢間既蛋糕覺得佢聖誕節包裝特別靚，個蛋糕盒又可以一齊影下相，而且佢地既生日牌係彩色字

今日朋友生日，往年買一個蛋糕次次都食唔曬，真係好浪費。為左今年唔好再出現呢個情況，同朋友夾好左，買細細件，又可以試唔同味好似唔錯！第一次試呢間嘅蛋糕，款式好多，簡左幾款嚟試！有栗子、芒果、朱古力同意大利芝士蛋糕！個人覺得，如果一個人食曬一個會好濟，所以建議最好同朋友一齊share 食，每款試少少，又唔會濟，又可以滿足幾種口味，咁就完美啦！整體好味道，推介意大利芝士蛋糕！食完要做運動！唔係就肥死彈彈了！哈哈😆

十月除了是萬聖節，亦是非常重要的天秤座生日月，所以我已經決定開始食生日蛋糕和生日大餐。今年第一個蛋糕吃 ITALIAN TOMATO 的「秋の味覚蛋糕系列」，喜歡果仁也喜歡咖啡所以選了合桃露咖啡蛋糕，和風賣相高貴又精緻，中間有一層厚厚的法國 Valrhona Tanariva 牛奶朱古力忌廉，配搭咖啡蛋糕香濃又美味，我最鍾意係中間有好多朱古力脆珠咬咬，口感唔會太悶。Italian Tomato 每個季節都會推出新蛋糕，而且用日本食材為主，配搭亦非常吸引。合桃露咖啡蛋糕 HK$380/21cm外層係鮮忌廉、朱古力碎和烘烤合桃，中間有兩層咖啡海綿蛋糕，再夾一層好厚的法國 Valrhona Tanariva 牛奶朱古力忌廉。

▪️蜂蜜檸檬雪芳蛋糕 🎂 ($258)𝙄𝙏’𝙎 𝙎𝙐𝙈𝙈𝙀𝙍 𝙏𝙄𝙈𝙀!! 快啲一齊黎食返個蛋糕慶祝夏日既來臨啦!! ✨ 而家夏日‧日和系列既蛋糕款款個樣都夠哂清新，我試既呢款面頭仲有幾片檸檬🍋、青檸同小蜜蜂朱古力🐝做裝飾，夠哂QQ同fresh，即刻令人感覺冇咁悶熱！蛋糕選用左時令既優質營養水果同食材，夠哂清新爽甜！🍯 蜂蜜檸檬雪芳蛋糕食落酸酸甜甜咁，有助舒緩疲勞。入面雪芳蛋糕既層次分明，而且好鬆軟，仲會有青檸蜂蜜慕斯同幼滑蜂蜜鮮忌廉，味道好清新，食完唔會覺得太過膩~🥰𝑨𝑫𝑫𝑹𝑬𝑺𝑺:📍葵芳興芳路223號新都會廣場1樓178號舖Shop 178, 1/F, Metroplaza, 223 Hing Fong Road, Kwai Fong

夏日炎炎除了食雪糕，不如試下這款清新有解暑的蜂蜜檸檬雪芳蛋糕！忌廉加入檸檬之後口感清爽，吃起來一點不覺得滯，仲非常醒神添！Italian Tomato 在香港各區都有分店，葵芳新都會廣場這間就只賣蛋糕沒有餐廳。日本設計的蛋糕就是有種高雅的感覺，看到都覺得心情好，好似去左東京車站/SOGO樓下的甜品店。今個夏天就推出了幾款以水果作主角的夢幻蛋糕，顏色清新之餘口味也很創新。夏。清新 HK$258 (15cm)酸酸甜甜的蜂蜜檸檬雪芳蛋糕，原來有助舒緩疲勞。我覺得最特別係檸檬忌廉和青檸蜂蜜慕斯，味道超級清新，配埋蜂蜜檸檬雪芳蛋糕非常好食！可以吃到檸檬和青檬的清爽感又唔會太酸或太甜，吃完真係咩壓力都無晒~不過係好難切得靚囉！

又到賞櫻季節，ITALIAN TOMATO特別推出9款夢幻桜花甜點，每啖充滿細緻花香氣息粉色系賣相精緻吸引，款款各有特色桜花士多啤梨芝士忌廉雪芳蛋糕蛋糕面層有桜花煉乳忌廉、鹽漬桜花再用上金平糖作裝飾，好特別賣相營造到好似桜花散落既感覺切開係鬆軟綿密既桜花雪芳蛋糕外層有白雪雪既桜花麻糬味忌廉中間仲注入左由三種芝士製成既忌廉同埋鮮甜士多啤梨果醬忌廉相當幼滑香軟桜花雪芳蛋糕輕盈濕潤入口有淡淡櫻花香氣甜度剛好，相當清新唔會膩

平時都係買開切餅今次朋友生日就訂咗個蛋糕咁啱佢哋推出櫻花祭【春桜綻放】ITALIAN TOMATO 夢幻桜花甜點祭配合返每年春季嘅櫻花限定口味每款蛋糕都粉紅色少女味十足我就揀咗櫻莓之盛放拎蛋糕嘅時候店員好細心的服務態度都好好俾我檢查蛋糕蛋榚上有士多啤梨及香濃鮮忌廉仲有櫻花花瓣佢哋嘅忌廉出名好食又滑中間仲夾層仲有好多士多啤梨片加埋櫻花麻糬味忌廉淡淡嘅花香味同士多啤梨甜味感覺好春日重點係佢哋嘅海綿蛋糕真係好軟熟好好味壽星女都好滿意

對櫻花總是有種情意結，看過漫天櫻花落下嘅情景，真是美到難忘！所以見到櫻花的甜品都忍不住要試試！最近推出了一系列以櫻花為主題的特色蛋糕，於是便選擇了這款外型超美的 #桜の舞台 。這是一款🌸櫻花雜苺慕絲蛋糕🌸用櫻花朱古力片堆成櫻花瓣般的舞台，以士多啤梨和櫻花🌸作為點綴，中間是櫻花海綿蛋糕🍰、艾草海綿蛋糕並夾住了一層櫻花雜苺慕絲，口感輕柔軟滑，軟綿綿的海綿蛋糕亦令人留下深刻的印象！頂層的櫻花忌廉亦是賣點之一，口感軟滑又不會太甜，忌廉在嘴裏慢慢溶化，感覺就好像落櫻飄到面上一樣輕柔。

我地去睇蛋糕款時心大心細唔知選邊款時店員同我地講呢款係用米粉整唔係用面粉整我地大家覺得幾特別加上蛋糕面上有日本白桃肉同寒天粒粒買相都好靚同好吸引所以決定預定呢款蛋糕今日朋友仔去拎蛋糕店員同佢講個蛋糕係運送途中跌～～～䃹左呀😳現在運緊另一個過黎話要遲少少先俾到我地今個月的生日蛋糕🎂發生乜事😵最後朋友仔順利拎到蛋糕番黎la蛋糕樣無問題生日牌無少到生日牌d字好靚睇得出有心機寫個海綿底聞到好香應該有香桃粒入面食落幾好味朋友仔話無咁多cream但蛋糕面上白桃肉食落似係罐頭桃個種糖水甜太甜了要扣分呀⋯⋯

朋友生日我地提前預訂生日蛋糕由於朋友把口話要減肥我地選了呢款🎂日向夏柚子檸檬慕斯蛋糕🎂感覺無咁邪惡同埋貪佢細細個一人小小就食晒訂蛋糕時店舖都同我地講明未必可以準時俾到我地因為運輸問題可能要遲小小我地都ok同明白最後佢地都算係指定時間俾到我地蛋糕個樣本身已經好靚夠晒夏日feel食落好清新感覺甜度唔算甜而且酸酸地大家都讚不絕口因為期間限定口味現在轉左白桃口味身為蛋糕控的我都想買黎試下

🌸如櫻花 盛開到落下 像尾音短促你有感覺嗎🌸 櫻花來去匆匆，開花到花謝只有短短七至十日。今年因疫情無緣去日本欣賞，非常可惜留意到Italian Tomato最近推岀甜蜜桜香系列全部粉紅色極具少女心立即吸引到我！決定買一個回家感受一下櫻花季▪️桜花麻糬艾草抹茶蛋糕因為個人最愛吃抹茶，難得有一款集合了抹茶、麻糬及櫻花當然第一時間要嚐試！假如你和我一樣，愛甜品又怕太甜，就不可以錯過這款蛋糕偏清香，味道豐富，配有艾草抹茶忌廉及櫻花忌廉，茶味及花香味並融🌸最特別是面層有鹽漬櫻花及櫻花粉，帶點咸味，令整體味道更突出。蛋糕中間有一層口層類似蒟蒻的求肥粉，煙煙韌韌，令口感更特別甜蜜桜香系列還有多款蛋糕，全部都粉紅色極具少女心

士多啤梨🍓係冬天當造嘅水果，所以最近Italian Tomato都出左多款士多啤梨蛋糕，每款都好靚啊😍😍其中見到呢個士多啤梨開心果綿心雪芳好特別，小編都忍唔住要買返個黎同屋企人齊齊share🤓-佢個size係15cm，夠曬5-6個人食有餘，面頭嘅士多啤梨好靚好飽滿，係日本直送架🇯🇵蛋糕表面有開心果焦糖脆片點綴，好脆，而且日本煉乳士多啤梨忌廉好香士多啤梨味，唔會過甜，好清新🤩食左好多都唔會膩❤️切開蛋糕綠色係開心果雪芳蛋糕，好鬆軟，開心果味道較淡，唔會搶左主角士多啤梨嘅味😉中心係士多啤梨芝士忌廉➕士多啤梨粒，比你雙重士多啤梨味道，中間🍓粒酸酸甜甜好解膩，食完唔會有罪惡感😈我食左兩件都唔覺膩！🥰

前排經過Italian tomato見到新出了秋の味覚系列的新蛋糕成個系列都幾吸引又好似比單件的蛋糕抵食就買一個和屋企人一齊食～.🍰 赤肉蜜瓜北海道煉乳雪芳蛋糕 $280赤肉蜜瓜超級香～一打開盒就有很清香的蜜瓜香味～蛋糕的size都幾適中在最上面有一個半圓的乳酪慕斯然後有兩圈的赤肉蜜瓜片上面仲有好多細細粒的銀色波波糖～在蛋糕中間仲有一圈忌廉同蜜瓜粒！.📍Italian tomato

話說個仔生日～一早問左佢想食咩生日蛋糕～佢指定要好多好多好多好多藍梅⋯於是我就去左Italian tomato訂個藍梅芝士撻。開開心心諗住同個仔慶祝，拎完蛋糕返屋企，個仔係咁話俾佢睇下，一打開⋯⋯⋯⋯⋯⋯⋯⋯⋯⋯⋯⋯⋯竟然見到有粒發哂毛⋯好彩係向住我個面，個仔見唔到，跟住我即時打返電話去問可以點啦～CS竟然同我講，不如我賠返個新既聽日比你啊。下？我今日陪個仔慶祝，賠返個聽日比我係咩玩法？幾經交涉之後叫去去返間分店換第2個。只係就無仔仔想要既好多好多藍梅蛋糕啦⋯蛋糕係好食⋯⋯太可惜⋯我諗我再無信心再係佢到訂蛋糕啦