INN - I’m Not Nothing

營業中

休息中

蘑菇湯食得出佢係用蘑菇打成蓉嚟做呢個湯嘅，但係我就嫌佢個base唔夠creamy，應該淨係加咗雞湯，冇落到cream去煮呢一個湯。澳洲草飼肉眼扒8安士配燒汁 叫左5成，出到黎一半5成一半7成左右啦，好食唔會過熟，啱啱好，牛肉都幾大塊，有質素唔會韌，有薯蓉同翠玉瓜伴碟。香煎帆立貝意式茄醬意大利飯帆立貝得兩粒，蕃茄意大利飯一般，但份量都幾多。法式班戟配班尼迪蛋菠菜巴馬火腿顧名思義，入面有Egg Benedict 同 菠菜，另外佢有加咗少少火箭菜做點綴，令到成份班戟多啲層次，睇落得少少但都幾飽。今次用 openrice book 有9折，入面環境唔錯。整體食物質素係高質嘅，對得住個價錢， 唯一小缺點係嗰日我坐嗰張櫈係趷下趷下嘅。

之前已經試過九龍灣分店，感覺唔錯，之後發現荔枝角開咗間，即刻約朋友再去食過！坐位唔多，不過都幾有格調，坐得都幾舒服。青芥末牛油果三文魚籽蟹肉多士：多士好香脆，牛油果醬唔會太少，蟹肉好多，三件覺得唔夠喉！好想再encore～水牛城雞翼：呢個CP值好高，$69有成五隻，大大隻又夠晒脆，呢個時候有埋啤酒就真係一百分啦奶油大蝦嫩菠菜煙肉忌廉意粉：意粉掛汁，唔會太稀，蝦都有四至五隻，整體唔會太膩，高質意粉。澳洲肉眼扒8安士配薯菜：唔會overcook，食落好有肉味，好會好鞋。薯菜方面有驚喜，以為會係幾舊薯仔嗰啲，原來一啲都唔hea！呢個價錢嚟講，性價比係超高！派對白桃烏龍茶：最尾緊係要飲番杯茶嘆吓～個茶壺同隻杯都好靚，打卡一流！啖啖嘅茶香味，好舒服，完成一日工作，同朋友食餐飯，飲番杯茶，夜晚都好訓啲。

INN係一間行法國宮廷風嘅cafe🇫🇷最近佢一連係多個地方開分店包括觀塘 荔枝角 九龍灣同元朗📍今次我就去咗荔枝角分店餐廳以白色為主調 枱係充滿質感嘅雲石枱配埋高貴嘅吊燈同充滿歐陸風情嘅滕椅環境的確舒服又岩晒打卡📷-🍍烤菠蘿焗加拿大豬肉眼配燒汁 $118份量十足嘅豬肉眼表層烤到金黃 皮脆香口🤤伴碟嘅菠蘿仲好清甜添🍍-🍅香煎帆立貝意式茄醬意大利飯 $108廚師喺煎帆立貝時落咗紅椒粉 帶出佢嘅鮮甜而risotto係正宗意式煮法 比較有咬口🇮🇹成道飯嘅蕃茄味都好濃郁好開胃😆-Lunch set仲有得加配食物 我地加咗意粉原本我地對加$15就有嘅意粉無乜期望純粹為咗飽肚😂 無期望嘅時候往往最有驚喜佢竟然好有心機咁用香蒜洋蔥胡椒黎炒個意粉!意粉係al dente嘅口感 好味😻-🍨榛子朱古力班戟加雪糕 $78勁吸睛嘅甜品😳 內層同面都舖滿香蕉🍌如果蛋香味再重啲就perfect了😎不過其實依個價錢依個質素已經好唔錯了!

用openrice訂座送炸魚薯條或法式班戟，兩個人叫左一份牛扒，一份smoothie bowl，一杯飲品及附送既法式班戟，份量岩岩好，一開始落單，店員表示有最低人均消費。一開始上菜先上左smoothie bowl，再上牛扒，先發現店員漏左落杯朱古力，最後杯朱古力同法式班戟一齊上。整體服務態度吾錯，或者係經理會經常留意客人既舉動，係我地張望吧枱有無杯朱古力代上既時候，已主動過黎問有無野幫忙，知道漏單後即刻吩咐廚房製作，十分有禮，雖然杯朱古力一般般，無乜朱古力味，唧面既忌廉亦無味，但主菜以及甜品尚算不錯。(忘記影杯朱古力)

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻👍🏻 /5曾幾何時光顧過它的前身，如今改了名，更喜歡名字帶來的那份自信 😎 𝕀’𝕞 ℕ𝕠𝕥 ℕ𝕠𝕥𝕙𝕚𝕟𝕘餐廳走簡約歐式風格，椅子更讓人感覺置身法式戶外餐廳中；午餐食品包括沙律碗、扒類、各式意大利飯和意粉，食品有水準之餘，價錢又實惠，不錯不錯～💋 法式班㦸配班尼廸蛋菠菜巴馬火腿($88) 配餐湯及飲品份量不少的法式班㦸，質感厚實，再灑上火箭菜、日本小蘿蔔和菠菜，還有甘香味濃的巴馬火腿，利用水波班尼廸蛋的蛋液和荷蘭醬做整個班㦸的靈魂，味道非常濃郁，而且口感很豐富～ 🥞

呢度嘅餐牌超靚 係由腔叔設計嫁超級過癮 唔知邊個係腔叔可以google下💁🏻‍♀️今次黎到係想試下set lunch一次過可以試曬湯、主菜同飲品🍲🍲先講講個餐湯 係黑松露湯其實味道唔錯 不過質地略嫌太稀如果打番creamy少少就會好好多了🤪🤪至於主菜今次就叫左帆立貝意式茄醬意大利飯同埋加拿大豬肉眼配烤菠蘿 先講講意大利飯 賣相唔錯 兩粒帆立貝都幾大粒 即使係裙邊部份都有鮮味 唔錯 🤤🤤至於意式茄醬味就係平時食嘅茄味 驚喜不大至於加拿大豬肉眼 最驚喜係烤菠蘿夠甜 而且同肉做配搭可以去膩 食菠蘿食到lamlam俐 至於塊肉眼肉質唔算腍 勝在夠大塊 再配埋薯蓉非常夠飽 薯蓉調味偏清淡 冇咩牛油味 比較健康餐飲方面叫左一個派對白桃烏龍茶 成壺上非常elegant 大約可以倒6-8杯黎飲 除左白桃味亦有蘋果等等其他果味 果然係派對🤣🤣另外仲叫左凍嘅matcha latte試埋佢嘅凍飲 賣相吸引 超大舊忌廉喺面🤤🤤但佢嘅忌廉並唔係普通忌廉味 我自己就較鍾意普通忌廉😂😂matcha latte味道正常 但比較人造 並非天然抹茶味 所以會比較甜😛

今日同朋友仔黎左呢間工廈餐廳晚飯，餐廳環境好舒服，有好多植物點綴~ 野食方面點左鮮蜆全蛋闊麵同紐西蘭羊鞍。鮮蜆全蛋闊麵好有驚喜，有好多隻蜆，而且粒粒都好大隻鮮甜，好味。而蛋麵亦好有口感，不過呢個麵就無咩汁比較乾身。而紐西蘭羊鞍亦幾出色，有三大件，5成熟肉質粉嫩。而配菜都唔馬虎，薯蓉之外仲有粒粒芒草醬～甜品既熱情果芒草crepe亦十分推薦，比較少見真係用熱情果果肉做既甜品，酸酸甜甜，中和翻忌廉既膩。crepe亦即叫即做，熱辣辣唔會唔好食🤣最後飲左藍莓milkshake就普普通通，好邪惡既一杯XDXD

三間分店的餐廳呢，品牌風格走女生最喜歡的花系高貴路線，黑白藤編座椅配白色雲石檯帶點歐洲感，食物非常好吃，跟姊妹去吃個快樂小飯。法式焗波士頓龍蝦配龍蝦汁意大利飯波士頓龍蝦肥膏，肉量夠~咬下煙韌，配搭波士頓龍蝦，啖啖鹹香，顯鮮味。口感軟滑似奶油，重要是店以波希米亞風為主，台面以雲石花面同又以藤椅為凳仔，感覺休閒～歐陸式的風格於工廈裡面突出，棒，吃飯時感到輕鬆。燒比目魚法式香檳忌廉汁比目魚創作香檳的菜式，香檳味酸，用香檳製成香檳做忌廉汁可中和忌廉的甜膩，感受美酒與佳餚之間的靈魂。比目魚足二人分享，生活在寒帶洋底的比目魚富含珍貴的不飽和脂肪酸，很特別，非常好吃。薯菜不是普通烚之食物，特別在於其是由煙肉和椰菜弄，很好！環境很舒服！食物質素棒!

昨天又與好友喺荔枝角搵食，見到餐廳名同真正意思好特別 (INN - I’m not nothing),於是訂位一試。門面，餐廳內的裝修華麗脫俗，擺設有型格，融洽溫馨的情調。店員親切有禮，很快便安排位置，並送上餐牌。今次我們選擇午市套餐加特飲，主菜係烤菠蘿家局豬肉眼扒，同埋 Fish and chips。首先講餐湯，黑松露野菌湯，味道濃郁，好好飲，加上廚師用心用忌廉在湯面寫上N 字樣，有趣！至於豬肉眼扒，厚厚的，配上烤菠蘿，薯蓉，翠玉瓜，合在一起，非常美味。而Fish and chips 的薯條份量及質地剛剛好，而魚炸得非常好外脆，內軟滑，並且大大份，差點兒食唔晒。至於特飲，我們叫了熱情果特飲及西柚梳打特飲，味道一般，卻很有誠意。與一般西餐廳比較，這裏的價錢與食物質素，都屬性價比高的一族。

約左朋友收工食飯，荔枝角工廈真係好多好野食，今次黎左呢間INN叫咗個烤羊鞍配薄荷芒果醬，上台已經聞到好香，睇落都好靚有三件，底仲有薯蓉同少少烤蔬菜落單時有問要幾成熟，我地叫左五成切開左好粉嫩好好食, 杯草莓藍莓smoothie 好邪惡，但幾好味又大杯仲叫左個main，香辣鮮蜆配意式欖油全蛋闊麵，個麵有驚喜好爽口同香，鮮蜆的確食到個鮮味，蜆都有好多隻, 但麵份量偏細最後叫左個甜點，芒果熱情果忌廉pancake加雪糕，好好食，暖笠笠pancake加雪糕冇得輸，再有d熱情果酸酸地好味😋

之前喺荔枝角返工都會間唔中去工廈食正嘢，價錢唔貴，又多選擇。咁啱去開荔枝角行街，就決定又去返工廈食嘢。揀咗呢間Cafe，環境好闊落，坐得夠舒服，園境般嘅裝修設計令你覺得自己唔係置身係工廈入面。我哋兩個人嗌左四樣嘢都只係四百幾蚊，而且質素不錯，性價比屬於高。頭盤嗌咗個炸魚薯條，炸魚柳有驚喜，炸粉同魚嘅比例啱啱好，切開嚟仲好多煙飛出嚟，好新鮮，魚肉好滑亦都唔會散晒，絕對做到外脆內軟。薯條正常發揮，冇乜特別。食完個炸魚薯條，黎番個主菜，奶油大蝦菠菜忌廉煙肉意粉，個意粉有別其他西餐廳，唔會太過多汁，而係恰到好處，所以食落去唔會覺得肥膩，而且好足料，有好多煙肉同埋四隻大蝦，每隻蝦都十分之爽口，味道亦都好重奶油味，唯一美中不足就係好似少左菠菜，不過整體味道都十分之好味。每次食西餐廳，都係叫牛排，咁啱又見到佢係用日式味增焗既豬鞍架，所以今次搞搞新意思試試佢，一上碟，嘩，好多木魚絲係塊豬鞍架上邊跳下跳下，好似叫我快啲食左佢咁，塊豬鞍扒永常之厚切，兩個人食可能會多得滯，因為佢有薯蓉伴碟，三個人食完全夠哂。值得一提，佢啲薯蓉絕不馬虎，食落去好軟綿綿同creamy，塊豬扒亦都好入味，見到佢好似無咩汁咁，但食

和同事去食午餐，綠色植物讓觀感挺舒適。價格以午餐來說屬中高價位，當天最便宜的套餐大概$98、最貴大約$138，包餐湯及飲品。朋友叫的牛扒及意大利飯很不錯，牛扒生熟程度控制恰當。我叫了最簡單的香辣蜆肉意大利粉，賣相良好，份量偏少，男生應該吃不飽。最大的問題是蜆肉不新鮮，有6個連殻蜆肉，我吃到一個極奇腥臭，有了疑心後吃前都先聞一下，再挑了兩個聞起來臭的擺在一旁，那個氣味像夏天的碼頭，有食物敗壞的味道。能吃下的也有腥味。意粉方面，調味太淡但偏偏辣味偏重，咸味不足讓意粉出現微甜，醬汁很少沒有掛麵，只有辣的味道。吃完後有向店員反映蜆肉臭了，我指出奇臭的一粒讓他告訴廚師，店員沒有表示關注也沒有後續解釋，看來餐廳不在意食物不新鮮。有點失望，大概$100的午餐沒想到會吃到不新鮮的食物。下次可能還會再去因為同事們選的東西都好吃，但至少我一定不會叫海鮮。

bookmarked 左好耐，平日嘅tea time 黎真係包埋場😚同朋友靜靜地嘆下午茶，仲有夕陽灑在白牆上嘅樹影🌿今次啲相超仙氣👼🏻餐廳打咭位好齊，有INN signature 希臘白柱、藤椅、玻璃屏風同水晶燈🔮但特別喜歡荔枝角分店窗邊嘅一排仿真花樹🌲捕捉到啱嘅陽光，窗邊角落呢個打卡位真係不得了📸𝙁𝙤𝙤𝙙🍔煙肉芝士和牛漢堡配薯條 $108見到大過塊面，和牛好厚料得黎唔會煎過龍～咬開係粉紅色，牛味重得嚟肉質彈牙，跟埋座薯條山好食🐖香燒焗豬肉眼配肉桂蘋果醬 $108當你以為漢堡已經成舊石咁大，呢塊pork ribeye 簡直係成座山🤭肉大塊都算，連薯菜都完全冇慳🤗仲要個擺盤都非常用心，食慾大增🤤特別讚下個醬配肉汁好match，酸酸甜甜好清新～𝘿𝙧𝙞𝙣𝙠𝙨🍋西柚檸檬梳打 $46唔太甜，雖然係西柚同檸檬，但成杯呈粉紅色，好有少女味🍓士多啤梨藍莓奶昔 $48奶昔同樣大大杯，粉紫色夠夢幻，莓味好出，係邪惡但Jenny鍾意！跟餐嘅湯係非常香滑嘅松露蘑菇湯🥣可以用闊佬嚟形容間野🤣超大碟， $100比埋湯😚又係糧尾之選因為幾人氣嘅關係，又要避開正餐時間或者book定位啦😇@hungry_meanjen

最近疫情冇地方去，於是同朋友係香港地搵好嘢食，我上網見到依間餐廳，好多好評，於是拉埋朋友過嚟一齊試吓👍🏻真心推介，無論係裝修定係環境定係嘢食，都做到好高嘅水平，特別係嘢食，真係幾高水準😛就算一入到黎，呢度嘅環境都裝修好靚，用咗好多花花草草做主題，啱晒各位過嚟打卡👅而嘢食方便都好正！我最推介嘅係依度主菜同埋甜品🍮主菜：香煎北海道帶子配香蒜羅勒意粉我絕對係一個意粉，每次食西餐都要嗌意粉，依間餐廳嘅意粉絕對符合我嘅要求，首先意粉軟硬適中，上邊仲有好多配料，我最鍾意係北海道帶子，味道好鮮甜，同成個意粉嘅味道好夾💕另外仲叫咗一個甜品： 提拉米蘇好香嘅朱古力同埋咖啡味，入口嘅感覺好鬆軟，絕對高質👍🏻🤩

今日黎到呢間餐廳第一時間就俾佢既裝修吸引住！成個環境都小清新同舒服😙坐低望下餐牌有咩簡先～呢個餐牌個畫風也太有趣了吧😎是日lunch set既餐湯係蘑菇湯，不果略嫌覺得個湯有啲稀，同埋如果有多啲蘑菇就可以口感豐富啲～朋友叫左杯long black~~我點左杯matcha latte 味道好好，唔會覺得死甜焗豬肉眼配肉桂蘋果醬個扒十分夠份量！😎法式班戟配eggs benedict, 菠菜, Parma ham呢個pancake重點係個餅底，因為其他配料反而每間餐廳唔會太大分別，但呢間個餅底相當香口，好有奶香味！