Ice Puff

營業中

休息中

當晚，下班後坐上了叮叮電車來到了天后，目的地就是位於電氣道的「Ice Puff」。下車後拐個彎就找到了小店。店外裝修尚算時髦，店裡只有兩個職員(老闆?)打理，由於每份格仔餅和雞蛋仔也是即叫即製，所以付款後需要等候約五到十分鐘。當晚所見，大部分客人也是外賣為主，其實店外有一張桌子可以讓客人在旁邊站著用餐，不過桌子左邊鄰近隔壁雞排店，右邊又被餐牌板子擋上了，所以其實讓人很難靠近桌子享用雞蛋仔。「Ice Puff」主打多款口味的格仔餅和雞蛋仔，雞蛋仔一份價錢也不便宜，單單是原味就需要$19，但是雞蛋仔提供了多款口味，個人覺得最吸引的分別是伯爵茶、洋蔥鹹牛肉和黑松露口味。而雞蛋仔也可以選擇配上Gelato雪糕。這次我就是衝著麥精雪糕而來的，如果想單點雪糕的話單球$39，雙球$59。如果以價格來說，叫雞蛋仔拼雪糕似乎比較划算。這次點的是伯爵茶雞蛋仔配麥精雪糕，雖然價錢來說一點也不便宜。以Gelato來說，這口感屬於偏沙冰，第一口有點在吃Sorbet的錯覺，雪糕柔軟入口即化而不是被冰的凍死(硬)，雖然說是麥精口味，但個人感覺更像是維他奶口味，因為吃起來更像豆奶。而雪糕融化速度不快，因此不用急著先把

食完晚飯行過見有一間小店門口有一大群人, 梗係八八卦卦去望吓啦 !  嘩...........原來係GELATO 配雞蛋仔 , 二話不說飽都照ORDER , 不過要有耐性等呀因為是即叫即做, 我地個ORDER都等了20分鐘架!70%黑朱古力雞蛋仔配 Vanilla GELATO, 雞蛋仔帶點黑朱古力的甘味加埋GELATO食, 味道一流, 要ENCORE !!! 原味雞蛋仔配 綠茶GELATO.  清香而帶點綠茶獨有的茶澀味的 GELATO配上甜甜雞蛋仔, 好夾 下次再試其他味道先..................... 

話時話，我已經試勻左icepuff嘅雞蛋仔(除左粟米，因為本人唔食嘅),每次食完都好想寫，但寫得多又怕大家誤會，而我其實係街坊兼fans一名😝。今次又有新推介，就係有機粟子雞蛋仔。好喜歡呢種口感，佢地唔係用粟子蓉做，而係一粒粒切碎嘅栗子連雞蛋䊢一齊整。本身雞蛋仔已經好香蛋味，再加上栗子好有層次感，又唔會甜耶耶，又唔會係空心feel，連我嘴刁嘅老媽子都讚好味。都係果句，好喜歡有heart嘅舖頭，期待好快有新口味推出😋

次次行過呢間小店我都處於想試但從來無試gei階段,個個都話好食.但我真係唔鐘意雪糕+雞蛋仔同埋朱古力類的口味,無奈佢95%都係T.T前排經過見到佢出新口味,係栗子同我最最最最最愛gei伯爵茶!!我終於都搵到機會試,立刻買伯爵茶味!由於佢即叫即整,所以就算無人都要等大約10分鐘~~終於!!我見到佢啦~~開頭我以為係用傳統紙袋袋住,原來係用面油紙D friend包住,咁都好,無咁容易林一到手我已經聞到好香伯爵茶味,每粒雞蛋仔都好脆.咬落去有更濃gei茶香,而且空心位較少,所以口感好扎實,而且佢真係用伯爵茶葉,因為我食到某一粒o個陣,D茶葉真係攝左牙XDD雖然茶香同口感都係前所未有咁好咁正,我敢話係食過最好味gei雞蛋仔,但有一點我覺得美中不足,就係雞蛋仔交到我手gei時候係微溫,唔夠5分鐘仲開始凍,唔知係咪因為等佢凍D脆D先比我gei關係,希望下次可以熱D啦~~

新年就到啦個個都會去行下花市！本身想入到花市先食小小野！點知行緊去既途中見到呢間小店！突然心思思想食件格仔餅 😂😂朋友又想食雞蛋仔！咁就叫晒兩樣啦🤣🌟佢都有幾多隻味揀架店舖主打超厚格仔餅,我就叫左款阿華田味下單後等大約10分鐘就有得食啦👍🏻佢既厚度是一般格仔餅的兩倍！本身諗諗下都應該幾硬但可能一買即食就外脆內軟再加埋超多的朱古力醬！好肥仔😙😙好好食就唔覺但唔會係差既～～另外叫左鹹牛肉洋蔥雞蛋仔配曲奇雪糕雞蛋仔其中以鹹牛肉洋蔥最吸引！鹹牛肉自家醃製但充斥著鮮牛肉既味都幾香濃再配合洋蔥真係都幾好食雞蛋仔的微甜互相配合看似奇怪的組合原來又幾мaтcн wor😜

今日行完維園，之後行去天后，見到有間食雞蛋仔，有好多味道揀，我地試食左左個阿華田脆脆加麥精雪糕🍦，雞蛋仔好脆，仲有好多味選擇，而且個雪糕好特別，係麥精雪糕，出面冇既，係呢間獨有，個雪糕唔太甜，好好食。

雖然天氣寒冷，但LL同友人去天后掃街!其中一間去既店舖係ICE PUFF，有非常多選擇，最後我地選了伯爵茶雞蛋仔+阿華田gelato兩個人一齊分享。等了8分鐘後，店員比了我地選既雞蛋仔。嘩!好大既阿華田Gelato!!!! 完全想像不到Gelato可以咁大!可能要將雞蛋仔點阿華田Gelato，所以Gelato要這麼大。而伯爵茶雞蛋仔+阿華田GELATO味道是非常夾!!!兩樣不是太淡或太濃，非常適中，而且雞蛋仔點了阿華田GELATO是畫龍點睛!下次我會試下格仔餅! 看似配料很豐富!!

雞蛋仔係香港嘅地道小食之一，周圍都食得到。至於嘴刁嘅我，小舖又試過有名氣嘅亦都試過，而Ice puff真係值得推介。雞蛋仔款式雖然唔多，但有幾隻味唔係周圍都有。之前試過洋蔥咸牛肉雞蛋仔，但揾5番幅相。如果你喜歡食蛋牛冶的話，你一定會覺得好味，不能解釋更多！呢個係榛子花生雞蛋仔，極力推介！本來我以為就咁榛子花生醬味，點知食到花生粒。又以為係粗花生粒，點知食落係細細粒嘅花生。蛋香味濃，而榛子醬唔會好甜，幼細花生粒好有口感。芝士味雞蛋仔，正！蛋同芝士味都各有千秋，好香！外脆內軟，味道好夾，但對於芝士控嘅我泥講，如果芝士再濃啲就perfect！同店主傾左兩句，發現佢好細心，成日都會諗唔同嘅材料去配搭攪攪新意思。真心喜歡呢種有heart嘅小店。

近年流行有餡的雞蛋仔，呢間是我最愛。店鋪不太接近地鐵站，行幾步啦！星期六日有時要等得較耐，平日基本上只需等即叫即製的時間，玻璃窗能看到廚師製作你的雞蛋仔，絕不偷工減料！最愛朱古力味！選用比利時黑朱古力，黑朱古力加入雞蛋仔就不會甜上加甜！最適合我這種愛吃甜品又怕會太甜的人(很矛盾..) 雞蛋仔不是空心的，每粒都很足料有蛋香，每粒也有朱古力！外脆内軟雞蛋仔還可配雪糕，這次沒有選，但之前吃過，也是朱古力味，雪糕是gelato，較低脂，適合想吃雪糕又怕胖的少女。雪糕也不會太甜，朱古力味濃郁！其實女生吃一個雞蛋仔配雪糕都夠飽了。

今日同女朋友喺東區掃街，嚟到天后當然要去試遠近馳名嘅ice puff！我哋叫咗Nutella雞蛋仔架雲呢拿焦糖雪糕。外脆內軟最能形容ice puff既雞蛋仔，雖然佢係Nutella雞蛋仔，但唔會太甜，又唔會搶晒雞蛋嘅香味，認真一流！Ice puff採用嘅雪糕係來自gelato，雪糕好滑，而且好大球，ice puff既一球雪糕等於平時出街食嘅兩球雪糕，真係好味兼抵食！

因為有左BB關係, 胃口大左好多成日都想食好多野,琴日同老公過左對面海飯突然想食雞蛋仔, 上網一搵就搵到ICE-PUFF, 睇相見到佢個阿華田脆脆雞蛋仔好似好正咁就專程去一去北角試下佢! 去到ORDER左一個阿華田脆脆雞蛋仔, 佢地係即做嫁!!係要等嫁啦不過即做一定最正, 終於等到啦~雞蛋仔唔太甜味道調教得唔錯~佢個外皮唔係一般脆口, 佢係有D 鬆化, 唔會話太脆面整損口!!質感好特別值得試下呀呢個~我比左幾粒比我老公試下，佢都話幾好食不過佢話入面好似太空，唔夠足料

自從轉了工後很久沒有到天后，這天約了朋友在天后，當然一定要重臨這家雞蛋仔店，因為試過坊間很出名的雞蛋仔店，也不夠這家小店做的出色，小店依然用上日本麵粉，我想這應該是令雞蛋仔鬆軟的秘訣吧天氣炎熱，所以今次加了 XTC 朱古力意式雪糕加70%黑朱古力雞蛋仔，雙重朱古力，好好彩，今次不用等太耐。雞蛋仔朱古力味濃，外脆內軟，水準依舊，朱古力雪糕也值得一讃，原來也是70%黑朱古力，我知道 XTC嘅朱古力雪糕係用上 Valrhona朱古力製造，吾怪得咁好味，呢個配搭簡直係絕配，啱晒我呢個朱古力狂

「鷄蛋仔」是香港的街頭小吃的代表之一。近年港九新界都有不少新小食店，創作了許多新口味鷄蛋仔或夾餅，因此鷄蛋仔已經不再只停留於比較香脆度或蛋漿味道上。雖然 ice puff 最具人氣、最多推介/好評的是比利時70%黑朱古力鷄蛋仔，但總覺得…要試就應該試一款更獨特、市面上極罕見的口味……「意大利黑松露鷄蛋仔」！落柯打、付錢後就收到號碼籌，等候食物出爐。聽到「咇咇」響聲，我期待的「黑松露鷄蛋仔」要出爐了！！！在店外近收銀的位置都聞到陣陣松露香味！！！接過鷄蛋仔後，看見鷄蛋仔邊沿位置及鷄蛋仔中間若隱若現都有黑色一點點黑松露，很足料！！！論色澤: 正！這個鷄蛋仔烘得較深色，但絕對不是焦/燶，最適中的色澤！論香味:更正！如上文未接手已經聞到香味，接手後黑松露香味更濃！論味道: 正！沒有留意它可有用吹風機把鷄蛋仔變得硬/脆，Anyway 鷄蛋仔本身是外脆內軟，不過如可以再脆口一點會更好吃。黑松露很香，但放進口裡，味道卻沒有很明顯的菌味，只有少許鹹味。整體:正！讚！

名大過實好一般朱古力雞蛋仔冇朱古力味感覺中伏之前聽話用godiva去到冇見過呢個選擇、感覺好流同旺角街頭可能差不多仲要淋淋地😳完全失望、仲特登揸車去不過總算一試

同閃電仔行開天后搵野食，見呢間新正小店賣佢至愛嘅格仔餅。叫咗•原味格仔餅• ，拎住佢個牌仔等咗約十分鐘，新鮮熱辣格仔餅到我們手了。太厚了！醬亦唔少 食落好脆！幾有蛋香仲試埋佢自家制百香果汁，幾香！下次要要下•比利時黑朱古力•雞蛋仔👅