Ice Puff

營業中

休息中

第一次食呢間喺旺角中心既Ice Puff🍦，呢度嘅種類好多，有咸又有甜，一間幾十尺嘅鋪位竟然做到起碼超過10款唔同口味既雞蛋🥚仔同格仔餅🤩今日試左呢個👇🏻👇🏻🥢朱古力雞蛋仔➕麥精Gelato🤩$49每粒雞蛋🥚仔入面都有朱古力🍫粒粒，雞蛋仔好重蛋味，熱辣辣既朱古力雞蛋加埋麥精Gelato真喺冇得輸🤤🤤

雞蛋仔作為本地代表既街頭美食近年有好多家小店創作出自家新意食法呢間ICE PUFF 早2年到今都人氣高企好多年青食客幫襯配上雪糕食法更加係夏天人氣之選原味$19,車打芝士,黑芝麻,比利時黑朱古力,咸牛肉,黑松露,口味你諗到既都會有配搭出來又幾好食原味雞蛋仔都幾飽滿,味道不太甜,食起來有蛋香另外我好LIKE佢特厚格仔餅,似台式食法仲要多醬,正呀食一份好滿足先排隊下單,再等叫號碼每一份都係即時製作,大約等15分鐘左右另外仲有咸味芝士版,應該幾夾,可以經營至今,質素係好重要

見佢新開就去咗試老闆好好人因為我又想食芝士又想食鹹蛋王佢就整咗個雙拼俾我😍😍😍😍好彩嗰陣時冇乜人如果唔係我都唔好意思麻煩佢🥺見佢有好多味 下次會想試吓黑松露芝士雖然價錢唔算好平 但係至少質素同價錢成正比🤙🏻食落去真係外脆內軟料都好多！ 粒粒都有鹹蛋王 又唔會太少又唔會太多🍳🍳啱啱好！ 芝士都係粒粒有芝士🧀🧀🧀不過可能芝士嘅味道比蛋香搶左食落去芝士味唔算話好濃整體來講都算好滿意😁😁因為大家都知旺中有兩間雞蛋仔🙈呢一間可能位置比較隱蔽但係質素真係好好多👍🏻價錢差唔多呢間甚至可能貴少少但我覺得真係粒粒都好好食😻😁😁😁

對上一次食雞蛋仔嘅經歷係好差，估唔到雞蛋仔都可以整得咁難食。行開旺角見到呢間雞蛋仔店，見到咁多人讚，心諗：會唔會好似之前果間咁嫁？諗諗下無理由未試過就抹殺左試新嘅雞蛋仔小店，於是都係買左，睇下能唔能夠令我重拾對雞蛋仔嘅信心。雞蛋仔款式好多，仲有格仔餅。叫左個黑朱古力味雞蛋仔。order完發現原來有伯爵茶味！好特別，下次真係要試下。首先想講，counter嘅女士好有笑容，親切和藹，令我對間店嘅impression好好。係等候期間，有啲路人會上前睇下menu，姐姐都會好nice咁介紹，又會同啲客吹下水，果一刻係到諗，就算個雞蛋仔唔好味都值得讚賞佢嘅態度～（當然，個雞蛋仔係冇令我失望。）聽到個計時器響，隨即就聞到好香嘅朱古力味。拎上手熱辣辣，好香真係忍唔住即刻食。對於雞蛋仔我都有份要求，有時啲店會偷工減料，就算聞落好香，咬入去都係空心，只有甜味缺乏蛋香口感。有時就會太新鮮，就算好脆口但成件都會好硬，一路食會覺得好熱氣。有啲更差嘅就好淋， 甚至會分開兩層。但今次呢個雞蛋仔真係出色～做到外脆內軟絕對係另一層次！一路食一路覺得好滿足。朱古力充滿每粒雞蛋仔，加上新鮮熱騰騰，黑朱古力溶溶地好似流心咁，

我每次去接女朋友放工。我會去買雞蛋仔食。咁就喺天后食咗一年半既雞蛋仔。自從佢地由天后搬左去旺角，我只好食其他店既雞蛋仔，不過都係唔係我鍾意嘅口味，無蛋香味，朱古力同雞蛋仔又吾夾。平時我真係好小去旺角，依兩日竟然經過旺角。我就特登去一去食翻個朱古力既雞蛋仔。佢地既朱古力味雞蛋仔，黑朱古力同雞蛋仔真係好香。佢哋嘅朱古力味雞蛋仔同埋芝士味嘅雞蛋仔真係好出色。所以我決定開Post, 支持下佢哋。食完之後，我應該忍唔住會去多啲旺角，因為真係好好味。特登搭車去到抵。希望大家多多支持，吾好埋沒左d 感好食既雞蛋仔。

以前行旺中係睇衫，依家行旺中係為咗食嘢🙈🙈新開左一間食雪糕雞蛋仔嘅地方，見到有麥精味雪糕，梗係要去試左先啦🤤 icepuff 係我食過最好食既雪糕雞蛋仔 ($40) 雞蛋仔揀咗阿華田脆脆，係前所未有咁香咁脆😻 阿華田味雖然唔係好重，但都食得岀，感覺好特別~ 而個雪糕係XTC gelato 獨家既麥精味，個雪糕真係好creamy 好滑，個口感係好綿滑，岀面都好難揾到呢個質素既雪糕🤤係一定會再去試埋其他味道！

勁耐無行旺中🙈原來佢同top商場係連埋呢間雞蛋仔鋪係天后開左黎旺角黑洞係從未食過既🤣但d圖實在好吸引🤤叫左份阿華田脆脆💕加多球獨家既麥精雪糕雞蛋仔即叫即整 需時等一等👌🏻但熱辣辣得黎口感比食開既脆好多😯無食緊一團粉既感覺💯咬到中間會食到小小阿華田脆脆醬至於雪糕個味根本就係維他麥精個味😆麥精變雪糕係幾特別👅下次經開會想試埋伯爵茶/咸蛋黃味😬P.s. 黑洞見到有學生優惠 第二杯半價‼️P.p.s.除左雞蛋仔 呢到仲有格仔餅買一樣有阿華田脆脆揀👀

突然好想食雞蛋仔 睇下附近有邊到有得食啦 旺角基本都有3，4間 其實間間都差唔多 就算特色野都係類似💁🏻‍♀️ 只有這間 比佢個「黑松露芝士雞蛋仔」搶曬鏡🤤突圍而出😍令到我行去旺中試試你雖然價錢絕對係貴！係我人生最貴既一底雞蛋仔 $42 但又唔係成日食 所以都捨得試下既佢雖然店面細細 但都安排左張桌椅比人客坐 一邊等 一邊已經嗅到好香黑松露味 等左10分鐘內 香噴噴既雞蛋仔就面世啦！（用app影更突出到d芝士脆脆）真心 好好食！出面從未食過 同埋最欣賞既 係佢個芝士 唔同出面 係放係內面軟心既效果 ❌佢係做到好似芝士簿脆咁 卜卜脆好好食同埋自己食完一底都唔會太膩 當然絕對有黑松露味 ⭕️😍😍成個雞蛋仔我比8分 8分味道 2分係如果平少少會更加好啦🤪🤪🤪

窮遊香港-旺角掃街去邊好？.呢間雞蛋仔 早前係港島區搬左去旺中路過旺中既我 即刻同大家去試下～外脆內軟 就基本咖啦（但其實好難 係門高深學問）.⭐️比利時70%黑朱古力雞蛋仔$26呢個鐘意食朱古力一定鐘意👍🏻佢唔會太甜 有小小苦苦地👍🏻朱古力味好濃 而且朱古力量都幾多👍🏻岩岩出爐 仲有dd溶溶地既感覺 好邪惡‼️所以一定要趁熱食（🤦🏻‍♀️我竟然趁熱食....冇影咬開既朱古力）.⭐️伯爵茶雞蛋仔$25ikea伯爵茶雪糕食得喜茶茶王雪糕食得多茶味雞蛋仔又食過未？呢個主要味道係👍🏻伯爵茶淡淡既茶香呢個冇朱古力咁重味所以蛋香方面比較會濃d既.路過買番底 同朋友分享下啦.地址：旺角彌敦道688號旺角中心一樓F51號舖.⭐️評分：味道：4.5/5環境：-/5服務：-/5衛生：-/5抵食：3.5/5

話說同阿肥食咗餐唔飽嘅晚飯,咁就唯有行吓街周圍再兜吓啦,由T.O.P.嗰邊行入嚟旺角中心睇衫,諗住穿過去新之城繼續逛嘅,沿途見到呢間開咗冇幾耐嘅Ice Puff,見佢雞蛋仔都有好幾款口味,大家都未飽...不如就一人叫一樣啦~無論雞蛋仔同埋格仔餅都係即叫即製,客人都真係需時等候呢~Nutella榛子花生味雞蛋仔x獨有阿華田意式雪糕($54蚊)：我都精挑細選咁揀咗一陣,最後都係要咗我未試過嘅Nutella榛子花生味,呢款口味好似好甜咁,不過講真出嚟嘅效果真係好好食喎,雞蛋仔本身嘅外皮口感夠脆,令人一粒一粒食起非常開心。淡淡嘅朱古力醬唔算太甜,相信如果原味嘅雞蛋仔亦同樣出色!雞蛋仔心並唔係空蕩蕩,有內餡仲粒粒鬆軟,確實不錯。至於加呢球意式雪糕,原因都係莫過於一見到Gelato呢個字我就知道係好東西啦!呢種雪糕係全天然低脂牛奶製造,食咗都唔洗驚肥,每次見到我都慾罷不能,無法抗拒。今次呢度仲有獨家嘅阿華田口味,味道濃郁質地滑溜,絕對真材實料［b]阿華田脆脆超厚格仔餅x獨有阿華田意式雪糕($58蚊)：阿肥睇嚟都俾阿華田味迷住無論裡裡外外都叫哂同一款味。超厚格仔餅果然足料,不過論香脆度好似雞蛋仔較勝

雞蛋仔是香港非常地道的小吃，小時候母親接放學，回家途中，偶爾會買上一個原味雞蛋仔，然後我倆邊走邊吃。雞蛋仔於我來說，代表了童年回憶。差不多接近十年沒再吃過，這一天下班後忽然想吃雞蛋仔，友人於是帶我到這家，我想要點原味的，不過友人堅持要其他味道，說原味無趣，拗不過他，於是買了伯爵雞蛋仔。味道不過不失，伯爵茶的味道不突出，盛惠二十五塊。我就在想，所有東西還原基本看似簡單，其實最簡單的東西是最難做的好，花多只會眼亂，新派還是不及平實。

經過天后站，聞到陣陣雞蛋仔香，隨住香味黎到Ice Puff老闆好好人又好有禮貌，耐心講解每款雞蛋仔有咩唔同，邊隻最多人買，邊隻期間限定，最後倖存者揀咗唔常見嘅earl grey 味Earl Grey 雞蛋仔 $25出爐陣陣earl grey 香味，粒粒鬆軟，不得了！

上次我來到香港島「天后區」的時候，本來一早已經發現到有「Ice Puff」這一間，主打配雪糕享用雞蛋仔的小食店。可惜當時的「Ice Puff」店主忽然落下鐵閘跟貼上紙條，自此一去不復返。直到今日，我再次回到天后「電氣道」，試食的目標比上次清晰得多。我今衣的試食目標，就是「Ice Puff」的「雪糕雞蛋仔」跟「雪糕窩夫餅」。你的而且確是沒有聽錯，我在「Ice Puff」購買享用的小食，是配上雪糕球享用的「雪糕窩夫餅」，而不是我以前都曾經試食過的「雪糕格仔餅」。至於我購買的「Ice Puff」「雪糕雞蛋仔」，「雪糕雞蛋仔」造型就跟我以前享用過的「雪糕雞蛋仔」幾乎一模一樣，今次「Ice Puff」「雪糕雞蛋仔」夾着的雪糕球比以脹大了不少。而且「雞蛋仔」的口味，就跟我以前吃過的「雞蛋仔」很不一樣，因為我今次選擇了一種，比較接近英式口味的「車打芝士雞蛋仔」。跟著我再在「車打芝士雞蛋仔」的表面上，選擇了一個意大利雪糕球，雪糕球的味道屬於「抹茶味」。我之所以選擇「車打芝士雞蛋仔配抹茶雪糕」，皆因我之後還購買了「金莎朱古力窩夫餅」。我為了找一些有安神睡眠的食材，去抵消「金莎朱古力窩夫餅」朱古力醬的提神

之前想試呢間雞蛋仔雪糕好耐今日打完波十一點幾勁過竟然仲開緊就即刻買左個黎試下雞蛋仔佢有好多口味揀一靠近間舖就會聞到好大陣黑松露味但我想像唔到黑松露既雞蛋仔會係咩味都係揀番d正常d既味算啦佢雪糕分兩款一款係普通雪糕 有Cookies n Cream同埋石板街另外仲有XTC gelato 都幾多味選擇我叫左Nutella榛子花生加Cookies N Cream雪糕我係食北角雞蛋仔長大既覺得好少出面有冇脆既雞蛋仔但呢度既雞蛋仔完全唔會輸比北角雞蛋仔佢係食到最後都仲係好脆連雪糕隔離d雞蛋仔都係好脆Nutella味道適中 唔會落好多搞到過甜最正係d花生粒 花生味好香 而且食落脆卜卜雪糕就係正常cookies n cream味但同個雞蛋仔超夾我試左個friend既石板街一啖超重朱古力味可以配d淡味d既雞蛋仔食下次黎再試埋其他味先😋不過都要$44其實都唔平

一向都唔係好鍾意食甜野、朋友話呢度嘅雞蛋仔好好食、見佢買咗一底原味、咁我有跟佢買一底不過就買鹹牛肉洋蔥雞蛋仔 又幾好食喎！如果你鍾意食雞仔餅嘅話、佢就類似呢種感覺不過就好似西式版囉⋯⋯佢仲可以加雪糕添佢嘅特色就可以加一球意大利雪糕、減緊肥嘅我今日又唔係我嘅cheat day , 所以我冇加到下次試吓先!